再玩一會 (已結業)

好食是餐廳最大的賣點😋店員安排入座時有說明點樣點餐，食物選擇都足夠，四人叫咗套餐再另加扇貝等等小食，都好夠飽日本米任裝，啤酒抵飲，肉類串燒好有肉汁，水準的確唔錯。而且餐具特別係裝日本米嘅碗只係紙盒一個，略嫌廉價，原本睇到都唔開胃不過好彩食物好食，店員上菜都快，服務唔錯～下次去會想打機，當日兩間房分隔開，播唔同嘅電影，好似去變咗室內大排檔咁，又有啲似韓國燒肉餐廳場面，裝修就有點悶無咩特色，唔會想令人影相。

//#賤精黃店地圖💛間野叫：再玩一會 𝐑𝐞𝐠𝐚𝐦𝐞 𝐂𝐥𝐮𝐛邊度黎：太子西洋菜南街𝟏𝟖𝟎號捷利大廈𝟏樓𝐁室▪自選兩小碟料理午餐 $𝟔𝟖-𝟕𝟖 (拉到尾二圖片看詳細價錢)𝟖.𝟓分呢間旺角良心高汁串燒小店 新推出「兩小碟料理午餐」 新到𝐦𝐞𝐧𝐮都未出 𝐒𝐞𝐜𝐫𝐞𝐭 𝐌𝐞𝐧𝐮咁等店員發辦 有挪威三文魚腩 美國𝐏𝐫𝐢𝐦𝐞牛小排 西班牙豬等套餐 全部$𝟔𝟖-𝟕𝟖 包七星米+玄米茶/汽水(啤酒需要額外加錢) ••••••••••••••••••••••••••••••松葉蟹甲羅燒𝟕.𝟓分雖然驚喜不大 但該有的都有 鮮味合格 都好睇季節 撈飯必嗌之品 ••••••••••••••••••••••••••••••唐揚墨魚咀 𝟖.𝟓分估佢唔到咁出色 炸粉唔刮口 墨魚咀超嫩 輕輕灑上少少微粉 係幾過癮 送啤酒一流(順帶一提 日本啤酒好得 記得問店員)••••••••••••••••••••••••••••••蜜糖炸雞中翼 𝟖.𝟓分炸雞翼你以為碎料咩 點知佢黎反高潮 有微微炭香 蜜糖絕對不是垃圾𝐛𝐛𝐪蜜糖 好𝐥𝐢𝐠𝐡𝐭嘅 而且肉質好飽滿 有驚喜喎••••••••••••••••••••••••••••••

餐廳：再玩一會 (太子)地址：太子西洋菜南街180號捷利大廈1樓B室再玩一會喺一間樓上黃店💛，近住旺角天橋，主打日式串燒🍢，食材高質有心思。佢地之前只做晚市，最近開始試做埋午市套餐，例如日式燒美國Prime牛小排🥩，同燒挪威三文魚腩午餐等，價錢仲好相宜餐廳仲有部大電視比食客一邊食一邊睇戲🎬，就算一個人食飯都唔怕悶😆，比大家多一個吃喝玩樂嘅地方同朋友聚聚👬燒西班牙純橡果豬午餐 $78呢個午餐除咗有橡果豬之外🐷，仲可以揀一款蔬菜，今次揀咗蒜燒茄子🍆，另外有飯同飲品。西班牙純橡果豬嘅特別之處係因為佢地食橡果，令豬肉帶有獨特香味，大理石紋嘅油花清晰可見，油香滲透豬肉每一個部份，入口juicy香濃🤤；蒜燒茄子有兩大舊，茄子𠝹開一格格，確保每一個部份都煮得軟腍入味兩小碟料理午餐 $68呢個自選兩小碟料理午餐，可以係廿幾三十款小食入面任揀兩款，仲包一碗飯🍚同一枝野飲🥤，我揀咗蒜燒大扇貝同埋唐揚墨魚咀🦑。扇貝落咗唔少蒜蓉同木魚絲，蒜香味濃🧄；墨魚咀炸得金黃香脆，仲加咗啲七味粉，可口惹味😋

同FD去左叫4人套餐諗住夠飽，點知D小食太好食決定坐多陣就叫第2轉點解墨魚丸同茄子可以咁好食，墨魚丸甜甜地、茄子又甜又有蒜香串燒D肉質又好食，燒得岩岩好。最緊要係氣氛好好、老闆同staff 都好好人！！！！

呢間小店我一共食過兩次。不論係環境同食物質素我都非常滿意。如果約幾個朋友一齊上去食野吹水感覺係非常唔錯。價錢亦比同等質素嘅串燒鋪低。食物方面質素及高，個人推介澳洲M5牛柳串燒，非常入味而且好嫩。第二個推介係甲羅燒，撈飯食真係冇得輸。環境方面地方唔算好大，亦算幾多人，我建議食之前一定要book台。另外隔離個VIP房有得唱K。有一次以為朋友甩底意外Cancel左個booking，後來朋友又話要黎，就打電話睇下救唔救翻個booking，後來舖頭員工安排VIP房比我地，個晚我地成班朋友食得好開心。總結：高度推介，非常高質

好好食😭😭😭牛的厚度剛好！平時果d太薄會乾哂，太大舊會咬唔開，佢1cm厚，入口滿腔肉汁，超好味！黑毛豬唔肥，豬油馥郁，好正！甲羅燒就預想中的味道，冇驚喜不過係好食的，撈飯一流！炸雞軟骨好熱，係啱啱炸好，一流。炸墨魚嘴我激讚，佢比起我出面食的更大粒同厚肉，又係勁熱勁脆，真係好好食！要改善的是飲品，佢得枝裝飲品同生啤（但6半我見隔離枱已冇生啤供應），佢要賣多d唔同的啤酒！建議可賣cocktail！總評：絕對可以常去！

叫左個$338二人套餐👥M5和牛串燒（原味）味道麻麻💀我個人不太喜歡牛肉有陣酸味，但辣味的M5和牛就沒有這個問題。不過牛肉既溫度偏暖，沒有熱辣辣的感覺：（口感夠滑，不過我自己唔太鍾意食。牛小排串燒👻👻超推薦！！溫度偏熱，而且口感唔會太韌，味道十分有牛味，加上肉汁豐厚，一咬落去就勁多肉汁。好正蟹肉薯餅🧇（推推💕💕）十分鬆軟，外皮夠脆，而且係即叫即整熱辣辣～蒜香茄子💥💕太好食la蒜頭好似李錦記既蒜醬，而個茄子就爽口多汁，配合一齊好好味😋芝士翠玉瓜（🙊💀💀NONO芝士係D普通既芝士片味道，翠玉瓜就爽口但冇咩味道，e個配搭～十分之奇怪🙊💀😰雞軟骨🐸💕推～好香口食到停唔到口😋☃️，即叫即炸，唔會好似街邊果D預先炸定放左好耐好油膩。不過整體而言，食物有高有低，價格偏高，有D真係唔值。環境方面，位置偏避個大廈要密碼先可以入，但餐廳沒有任何安排方便客人進入。「0佈置」，餐廳設計以黑色為主，十分簡樸（想黎打卡就唔太建議，真係冇靚地方好影）餐廳內有一個大電視📺放電影比客人睇👻服務方面，上菜速度尚可，不過整個餐廳只有一位服務員💁🏻，有時忙起上黎可能唔可以照顧咁多位客人。但係服務員既服務質素好好，十分有禮💕

一鋪兩食😋咩意思？原來早市同晚市係食唔同菜架😯晚市係食串燒為主～留意番晚市營業時間：18:30-2:30高質串燒🍢🍢🍢 有套餐/散叫，選擇唔多，不過食材認真！！以下大概係套餐A+B+C+D項有嘅選擇⬇️⬇️⬇️🐮🐷M5和牛、美國牛小排、西班牙黑毛豚肉質腍身又juicy!🐔🦑唐揚炸雞軟骨/墨魚咀、印度烤餅、雞翼非常香口惹味！🍢🥗牛油甜粟米、燒翠肉瓜、燒茄子茄子係日式燒法，唔似平時食開好腍好腍咁散叫串燒有🦐🦪虎蝦、生蠔、忌廉餅、扇貝等等...店員非常友善👍🏻👍🏻 食完有問我地意見睇下點改善，用心經營，要多多支持！！

尋晚落旺角同朋友食飯，因為不是太肚餓的原故，所以就搵串燒店食晚餐...搵搵下搵到間叫再玩一會。以前都唔知旺角有呢間野，是一間樓上鋪...同老細吹左幾句先知原來係做電競+串燒，平時仲可以包場邊打機邊食野...係幾正坐低嗌野食，佢有分$3xx同$4xx 串燒set，有和牛、雞翼、黑毛豬等等（抱歉又忘了影menu)，之後仲可以追加d小食...我地揀左個$3xx 既set，佢有送埋日本飯...個賣相都好正今次唔用太多文字評味道，只可以話「好正」我地仲追加左呢個：勁多蟹肉、味道非常入味...不論送飯/直接食都是好正！總括而言，呢間串燒店係暫時食過最好食既一間...埋單$512，性價比非常高（ps:最好book位先，今次冇book位等到9點先有得食）

如果唔係聽過有朋友泥食過話唔錯，都唔知原來呢度有得食串燒係入面望岀去先發現岀面就係旺角東行去旺角個條天橋，平時係岀面行都發現唔到呢度😂疫情關係一入到去就探熱加店內提供酒精搓手液枱之間都搵塊板隔住店舖位置就唔算太大，我哋去時都只係得一枱客所以都揀咗最入泥坐，不過後尾發現d板有少少阻住咗d光，睇嘢變到勁暗食物款式唔多但勝在岀色依家有個338套餐，都幾抵食店員會介紹一下點餐紙而且都好nice牛魔王就緊係要試哂2款牛M5和牛柳同牛小排和牛柳好柔，好淋，好有牛香，好juicy牛小排相對上d肉就實d，但都好有牛味part B揀咗2款雞翼蜜糖炸雞中翼，有拉絲嘅效果，甜甜哋，炸雞翼好滑韓式甜辣炸雞中翼，食頭1,2啖都係覺得甜甜哋，諗住佢一d都唔辣，點知食食下就開始辣，都幾惹味part C揀咗辣味蒜燒茄子如果可以再辣d就好🤣🤣但依家都係好食嘅之後再嗌咗個三重芝士薯條芝士都好足料，初時驚佢凍咗會唔好食，點知又ok喎，不過呢個如果食哂就有d滯，所以最後係食哂咗幾條嘅，如果加d肉醬/肉碎口味唔知有無得諗呢？焦糖玉子燒個焦糖做得好好，好厚好脆，玉子燒都做得好但2樣夾埋就好似有d古怪因為一咸一甜好似有d衝擊，唔係

日頭就做㗎仔飯 夜晚就做串燒串燒質素唔錯老闆非常之有心 親力親為 又係咁介紹唔同食物嘅特色又對食物質素有要求 係咁問客人食物意見！食物質素幾好！會再黎食！套餐包肉蔬菜小食同野飲牛小排 油脂味好香！推介！！！！辣粉幾香 食得辣可以試下！！肉同小食都唔錯！！！老闆好nice重俾我試佢準備推出嘅新野～不過唔係地鋪 應該冇乜人知🤔夜晚去都唔算多人～支持！價位少少高 但同質素成正比值得懲罰！支持黃店 支持手足💛告急黃店！

第一次來到這餐廳覺得很特別，因為有半個場地都是賽車場 （顧著看忘了拍照），而且有個很大的電視播電影，氣氛不錯。食物主要賣日式串燒，種類雖然不是很多，但味道卻很好串燒和啤酒的組合是無敵的！聽說這裡的印度烤餅很好吃，果然名不虛傳！很喜歡炸蜜糖雞翼（有點韓式的味道，吃的時候有拉絲），本來想試炸雞翼尖，可是已經太飽了。我比較喜歡軟茄子，所以覺得蒜燒茄子有點硬，如果燒久一點就很完美了。趁著餐廳新開張可以多來幾次！！

晚餐 • 2人元宵節嘅晚上由於今日食左個下午茶，所以食晚飯嘅時間夜左，見到呢間餐廳係深宵營業，咁就試下啦！去到都就嚟10點都仲有幾多人丫～間餐廳幾好feel，因為有個大電視一直播電影，大家都睇得好緊張我哋叫咗個2人套餐 ($288)，試晒牛、豬、雞、蔬菜，包埋野飲，真心覺得好味又抵食汁燒澳洲M5純種和牛柳鹽燒美國Prime頂級牛小排兩款牛嘅味道都唔錯，不過我比較鍾情牛小排，因為我偏好肥少少嘅肉，所以牛小排就好perfect 喇~鹽燒西班牙Bellota純橡果黑毛豚豬嘅味道幾濃，不過可能係落咗岩鹽嘅關係，略嫌個味咸左少少。印度烤餅印度烤餅係呢度嘅招牌菜，熱辣辣又脆卜卜，好正宗同埋真係好好食！十分推薦！如果有多幾塊就更好了。麻辣炸雞中翼（3隻)一食就知呢度啲野即叫即炸，雞翼炸得好脆，麻辣嘅味道亦岩岩好唔會喧賓奪主。牛油香蒜北海道甜粟米唔係普通嘅粟米，所以比一般嘅香甜，食完煎炸野食番個甜粟米very good。芝士燒翠玉瓜第一次見翠玉瓜咁樣燒，大大件食落好juicy，鍾意食翠玉瓜嘅人一定唔會失望套餐加$68可以加隻虎蝦王，鍾意食蝦嘅我梗係加埋啦~好大隻蝦丫好耐無飲過樽裝汽水，感覺別有一番風