冠荃 (已結業)

嚟到荃灣，好自然諗起以往經常同舊同事夾單嗌外賣，一提到嗌外賣，就會諗起冠荃最出名嘅冬陰公湯粉。所以呢日我特登嚟幫襯，嗌咗一碗「冬陰公豬頸肉湯河檬粉」。.🍜冬陰公湯好正宗，香料十足，小辣嗆口，好開胃；檬粉有彈性，吸收晒冬陰公湯，同湯底好夾；燒豬頸肉有手掌咁大份，燒得恰到好處，薄切肉質爽口彈牙，浸落冬陰公湯度食一流😭😋。.👨🏻‍🍳餐廳伙記多，落單快、出菜快；食物高質，價格合理，值得再次嚟幫襯👍🏻。

今日去完南豐紗廠，費事喺入邊食貴野，就出咗嚟附近呢間茶記食嘢，冇錯我係食足全日....滑幾多浪都補唔番...叫咗個下午茶餐肥牛米粉，啲肥牛幾新鮮，米粉個湯亦都充滿雞湯味，奶茶亦都係舊式好飲嘅風味可以再黎值得試其他嘢

公司附近的茶餐廳，這間已經叫過一次下午茶，感覺唔錯，所以再叫也是選擇呢間。選擇也好多，有奶油脆豬包，沙嗲牛肉包，豬扒包，熱狗，三文治，沙律薯條等等……第一次叫奶油豬是用紙包放的，原隻豬仔包，今次係膠盒上，分開兩半，感覺方便食d，味道是脆身外層，入面夠香，奶同油份量也足夠，包也大件的。咖哩角配沙律好好味，咖哩角脆口，好香咖哩味道，不會好油身，沙律顏色豐富，沙律醬剛剛好，有粟米，紅蘿蔔，青瓜，薯仔，用料夠足，味道亦十分配，好fresh，還有蕃茄同生菜絲。好有心思飲品會預先落糖，所以要走甜，很欣賞那張貼紙，很特別西多士跟煉奶的，但太多了，建議少奶。外賣還要有九折！！

小時候我跟車公公已經常拍拖去食早餐！這天藉着屋企全幢大廈檢查電力供應停電便晨早返外家跟車公公去撐枱腳！選擇的是劉總成日話奶茶好好飲的冠荃 。 呢一間位於荃灣工廠區內的飯堂，竟然得到劉總的青睞想必有它過人之處。 近年胃部經常投訴我飲奶茶咖啡！所以只能夠偷偷喝一口車公公的涑奶茶，果然入口充滿茶香奶同茶瓜比例亦都調校得恰到好處，相信熱奶茶會更見加精彩，而我還是乖乖飲凍檸茶算了吧！不過這杯凍檸茶都幾有誠意有誠意，檸檬夠香茶亦都清澈整體表現都好唔錯啊！ 而我跟車公公都點了自選麵餐，不約而同選上鮮茄濃湯底，大家看看色澤就知道我哋絕對冇揀了吧！揀好底湯底選埋配料就可以，車公公就選了牛肉和XO醬榨菜麵見佢食得好開心就知道味道應該好唔錯！ 我就點選了XO醬榨菜配豬扒番茄通粉，湯底充滿蕃茄鮮香而且還有很多薯仔粒，蕃茄味道好出色就是略嫌多油了少許如果唔係就Perfect了！ 通心粉是我喜歡冇坑紋的種類，而豬扒身型都幾大塊呢！入口肉質都幾軟淋而且都醃得好入味，好耐都冇食過咁豐富又好味嘅早餐了！講緊都是30多元的早餐質素真係已經好唔錯了，而且份量好足可惜這間餐廳星期日唔開！車爸爸暫時無緣一試希望搵次可以平日返去

又到下午茶3點3， 叫下午茶是常識吧，慘在公司方圓百里都唔知食乜🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️在冇得㨂既情況之下，又係我既專一菜式😭😭😭就係雞脾，薯條，可樂😴😴😴😴😴

夜晚無乜外賣好叫又叫左冠荃，同區茶記黎講呢間野真係算貴，飯盒閑閑地都50蚊起。叫左個小炒韭黃叉燒炒蛋，份量都幾多，蛋嫩多韭黃，叉燒半肥瘦，食落甜甜地有咬口，味道都幾好係水多左啲。收貴幾蚊用錫紙兜上都幾有誠意，熱辣辣放發泡膠兜真係驚瀜。好大盒白飯，但無飯香。已預先加糖的熱檸茶，甜到一個點……第二日叫左炸魚薯條，超大pat千島醬，炸魚仲熱，好香口，薯條淋左，都ok，未學懂教訓，依然叫熱檸茶又唔叫走甜，所以繼續甜到一個點。

做得夜又叫下外賣，夜晚無咩餐廳仲開，無乜野揀就叫左呢間啦，外賣呢個揚州炒飯要46蚊，仲要無野飲包，工廈區黎講都真係有啲貴，無其他餐廳揀無計。呢個揚州炒飯都幾大碟，成個飯盒滿哂，塞到實一實，有生菜，蝦，叉燒，蛋花同炒，好香口，炒都粒粒飯，軟硬適中，間中食到幾粒粗鹽，又唔會好咸，感覺唔算好油，食炒飯都預左多油，但至少呢度個飯盒食到底都無一灘油。呢間餐廳好搞笑，已經叫過幾次外賣，每次都有留電話，但就係唔寫係張單到，搞到個外賣仔企係門口叫，公司咁大鬼聽到咩，後尾餐廳打黎話再唔出去拎就走啦，哈，走咪走囉，都未比錢😎

黃昏時段要過黎呢邊整D野，見周圍都冇咩食店，入商場都一定貴啦，呢間咁多人應該冇中伏既！呢間茶餐廳侍應都幾多，你一坐低就擺低水，但又唔會催你落單。你一落單，另一位侍應又即刻放低餐具！十分敏捷！餐廳入面好多座位，又有好多部大電視，真係岩晒係附近返工放工既人呀！套餐有差不多五十款，大約四十幾五十蚊，係我諗緊食咩之際，發現牆邊有個牌寫住"金牌鹽焗雞＄38"雖然冇湯冇飲品，但呢個價格好OK丫～況且我都未揀到食咩！就佢啦！落單時侍應再重覆：個餐冇湯架喎。。。落左單兩分鐘，燒味部切好就送到。鹽焗雞，咸度送飯剛好。雞肉嫩滑唔錯！我叫左少飯，未知有冇真係少到～

下午茶飯餐收37，碟飯細到得家用飯碗咁。味道無味。 收錢俾咗57，手上得一張50，一張20，一張10紙幣。我俾完錢得番20同10元各一張係手，7元用硬幣俾，就係唔想佢找散紙，櫃檯掃咗落櫃又唔找錢，只係話收咗37。咁唔老實，以後都唔會再去。

幫公司送完野已經中午時間, 四圍都好多人食飯, 所以都係買外賣返公司食.就響街口有呢間茶記, 是但買左燒雞脾飯$35, 仲送例湯.燒雞脾一大隻, 肥大肉厚啖啖肉, 個皮燒得幾香口, 不過肉質有D硬, 可能交貨黎過左一段時間, 唔夠嫩. 另外汁唔夠, 有D乾.

午膳時間，公司供應的免費膳食不合口胃，倒不如到街上走走看有甚麼合意。天下著大雨，來到街角的「美食中心」，試試又何妨？午市非常繁忙，偌大的地方都差不多坐滿人，聲大大效率高的侍應阿姐穿梭於其中，落單、上餐、收碟，分秒必爭，提供快靚正的服務。午餐有四款，但有兩款已沽清，點了椒鹽骨飯及奶茶，而西湯也沽清，轉了中湯。西洋菜豬骨湯，味道竟然不差，也有一箸西洋菜，真材實料。椒鹽骨飯，很快便送來，擺放得混亂凌亂，完全是我的印象，椒鹽骨醃得好，不辣，很惹味，肉質不韌，送飯也不錯，飯夠熱，在這寒冷下雨天，吃得愜意。熱奶茶，奶和茶的比例尚差些少，不夠滑。

原來，荃灣很多工廠區的食肆，我是沒有吃過，要慢慢發掘些有質素的才行。其中一間較好的，要數到這裡。是日隨意在午餐牌之中選了一款，跟餐有湯，有揀中或西，要西，即忌廉湯，勝在夠熱，亦沒有太稀。上海粗炒，看上去是油了一點，或者應該說是醬汁太厚身，但味道仍算合格，而且溫度是很充足。還跟一小碟辣醬，混了少許，又是另一番滋味。喝的熱奶茶，茶味幾重，但仍不失幼滑，同埋又係夠熱，不俗的。據說其燒味亦有一定水準，下次來要品嚐了。

荃灣曾經是工業區，但自從香港轉型後，工廠區都開發成商住用途。以前荃灣的中國染廠是有名的工廠地標，但現已改建成中染新城。它的附近依舊是工業區，而當中有一間茶餐廳，就被食友唔食兄，認為是荃灣最好喝的奶茶之一。和唔食兄都在荃灣區工作，卻一直未有機會一起吃個午飯，直至我快要離開荃灣了，才的起心肝相約一起吃飯。二人的話題當然離不開吃吃喝喝，唔食兄提到冠荃的奶茶是他喝過荃灣區最好的奶茶之一，既然如此，縱使已經在香車街吃過一碟燒味飯，但還是馬不停蹄的趕第二場，到冠荃一試咖啡奶茶逹人所推介的奶茶。雖飽，但齋飲太寡，和唔食兄還是要了一份鮮油多。我是奶醬多粉絲，鮮油多已經很久沒點，卻原來現在鮮油已經有如配給，真懷念那些年大口吃牛油的日子。正主兒奶茶來了，我雖是茶走粉絲，但既然第一次來到，還是先試正常奶茶吧。這杯奶茶茶味很重，奶味相對較低，味道不錯，但不是我杯茶，因為我是奶味派，所以我才愛喝茶走。雖然這裡對我來說有點遠，但我仍有衝動再來一次。達人愛苦我愛甜，下一次，來試試茶走，應該會別有一番感覺吧？

又要陪媽上倉,家中的牛粒牛排都吃光,鯖魚也快吃完,又來到相熟的店入貨早餐也還未吃,媽提議到凍肉店就近的茶餐廳吃午飯,吃完有氣有力才抬貨吧! 冠荃早就吃過,是間吃得過的茶記,我當然沒有異議見到雙脾飯只賣$37,加飲品$5都是$42,反正媽想吃燒味…就點了一份再加個茶走($2),跟埋湯媽想吃燒肉,點了燒肉飯但賣光了…退而求其次,點了鹹蛋肉餅飯($33,加飲品$2)待應說要等,媽也等,因為吃不到燒肉,就吃鹹蛋肉餅好了!再加一杯奶茶雙脾飯來的好快,白切雞脾加上鴨脾(不對,一見到就知道不是真脾,是上面那隻假脾)…不要緊,好吃的話…管他的!飯粒尚算分明,醬油不算下得重手,不過吃下去飯香不足….要讚是雞鴨沾汁用上碟子另上….白切雞沒有什麼骨,肉質十分滑,也略吃到雞味….不錯!不過鴨就一般了,第一,上桌時已很冷,肉不多,皮也不脆,相比起來較遜色!湯都不錯,沒有點下師傳,不錯的! 茶走倒做得不錯,飲下有茶香,同時煉乳落得剛好沒有過甜,是我喜歡的味道!接近吃完我的份(老媽當然也有幫手吃), 鹹蛋肉餅飯才上桌,見到其賣相…(嘩,好醜樣)….不過媽吃了一口著我試一些,想不到味道倒是不俗,吃到有肉味,下的醬油和

冠荃係返工日子必食之選,每個禮拜起碼都去返一兩次入面d伙計做野勁快,行路好似溜冰咁最鍾意食佢個椒鹽豬扒飯,36蚊大大碟,d豬扒多到好似出面兩三碟既份量咁,又惹味喎,正!!!!!小菜都好抵食,不過要點半先有,唔多夾lunch,睇黎都唔係佢主力啦仲有d燒味都要讚下尤其係燒肉,好脆好好味不過想食就要早d去,好快賣晒佢西湯都唔錯,好足料,有餐廳水準,不過中湯就多數會略鹹唯一既缺點係太多人去喇,好嘈,無計啦,d野又抵食又好食同埋唔知點解,叫外賣可以加五蚊要多個菜但堂食就無呢個優惠,要$12先有,有時都想食得健康d多條菜咁架嘛!!!!!