冬蔭公公 (已結業)

轉了工後放工時間都比較晚。今晚如是，所以放工後和大頭仔在沙田吃個晚飯。可能工作壓力太大了，2人越點越多......豬肉生菜包豬肉碎都廷辣，怕辣的朋友仔切忌慎選。香料亦廷惹味，配生菜來吃整體也不錯。冬陰公湯有2隻大蝦在湯內，還有其他菇類在內。整體味道都偏濃味，而且酸酸甜甜的味道絕對是開胃菜之一。二人小食併盤(連2杯飲品)有炸蝦餅、春卷、豬頸肉、燒雞串、燒蝦串，和泰式鳳爪。豬頸肉和串燒都燒得不錯，夠火喉又名乾身，恰到好處。泰式鳳爪味道十分夠，而且酸酸甜甜的夠清新開胃。香蕉薄餅薄餅內裏配上香蕉味道一定好，但美中不足是薄餅質地較厚。吃一至兩塊已開始十分飽肚。還有兩杯餐飲！味道不錯呢！沙田又多了個好去處了。

今日去開沙田連城廣場旅行廊報名，索性喺樓下搵埋嘢食。見到呢間食東南亞嘢冬陰公公唔使排隊，就揀佢lu好開心有卡位坐，可以慢慢食同朋友傾下計，唔使趕住走。睇張點餐紙都有幾多嘢食！有東南亞特色嘅冬陰功，海南雞，仲有黃、青咖哩等等…… 見到隔離枱嘅海南雞賣相好吸引，所以我哋都叫咗半隻一上枱，隻雞果然好靚呀！外皮金黃色，望落去好新鮮！食落口都冇失望，隻雞好嫩滑，一啲骨都冇！好方便食！仲有好香雞味點埋三隻醬調味，完全係perfect！超好食本來淨係諗住叫油鬆餅，點知原來可以$12加埋咖哩汁個喎，咁梗係加埋啦！唔洗淨係食餅咁dry咖哩汁配鬆餅無得頂！！油鬆餅一攞到嚟熱辣辣好鬆脆！！咖哩汁好香，唔算辣，我呢啲唔食辣嘅都可以食到，兩者真係好夾好正拼盤套餐包兩杯飲品拼盤超大碟呀！有六種食物分別係2串燒蝦、2串串燒雞、燒豬頸肉、炸蝦餅、炸春捲同埋泰式鳳爪呢個拼盤超抵食，$148有好多種類嘅食物都可以食到同埋最重要係包埋兩杯特飲唔洗加錢豬頸肉燒得個面好脆，內脆外軟！炸蝦餅既蝦肉好彈牙，而且冇乜油，食落一啲都唔會覺得油膩。燒蝦外皮燒到脆卜卜，蝦肉亦都好新鮮彈牙！沙爹雞串加埋沙嗲醬一齊食好好味呀！！炸春卷亦都好脆

周日1:53入座，我们叫了一个正餐，下午茶是2:00开始，2:00的时候想叫下午茶，叫了几次都無人理，说等等，之後說2:00前入座無得叫下午茶，带位的無說過無得叫下午茶，激气！

今日同朋友去沙田行街順便去買d 嬰兒送俾人，見到間泰國餐廳，價錢又晤係太貴，人流幾多！ 我地叫左個泰式什錦拼盆$148仲有兩杯餐飲送，個拼盆好多款，有串燒雞,🦐，豬頸肉，蝦卷，酸辣鳳爪等，另外仲有一碟醬汁，炸春捲炸到一點也不油，🦐卷仲見到好多蝦肉，個去骨鳳瓜酸辣又惹味，食晤停口海南雞$74，雞肉嫩滑配三款酸辣咸醬汁，主菜旁邊d配菜也不錯牛腩咖哩配油鬆餅$72，個牛腩鬆軟，配塔咖哩汁一點也不覺得辣，而且個油鬆餅好香軟有咬囗兩個人食到飽飽！總括來講呢個幾抵食，服務不錯

今日收工我去左沙田行街，咁啱家姐要去沙田做野，於是就一齊食dinner。諗唔到食咩，所以我地上左連城廣場好多餐廳嗰層睇下。結果我家姐突然衝左去冬蔭公公，因為佢比陣冬蔭功香味吸引左XD我叫嘅係金菇菜魚皮餃冬蔭功檬粉（中辣 $61）家姐叫嘅係雞絲蘿蔔冬蔭功薯粉（BB辣 $57）就係呢碗冬蔭功吸引左我家姐入黎食，果然冇令佢失望，食落好惹味，我地飲曬個湯！小食我地叫左豬頸肉沙律（半份 $52）豬頸肉夠香口，加埋d醬汁好開胃！牛肉雞肉串燒（各三串$72）燒得啱啱好入曬味！飲品我地都係叫乳酸（各$14），不過我叫嘅係芒果，家姐叫嘅係巨峰提子，味道酸酸甜甜，唔錯！食完先知原來我家姐未食過冬蔭公公，佢話估唔到質素咁好，下次要再黎食XD

沙田收工，又要搵地方食飯，聽同事介紹，去港鐵站上蓋連城廣場冬蔭公公開餐。地點近港鐵站，非常方便，不過唔算好易搵，如果唔係經常出入沙田市中心的話，可能都要問一問人先搵到餐廳位置。大概夜晚七點鐘到達，唔使等位；但到八點左右離開，已經要等位喇。餐廳提供唔同主食、小食，亦有套餐揀，組合都幾多。本來想叫泰式軟殼蟹撈檬粉，可惜當晚軟殼蟹賣曬，所以改為豬頸肉撈檬粉。上餐速度都幾快，唔使點樣等。記得要用餐枱上面嘅撈檬汁，先至夠惹味。豬頸肉燒得比較香脆，但個人略嫌過咗少少，令到豬肉口感偏韌；不過勝在配料幾多，花生、蘿蔔絲等等，成個撈檬粉口感幾豐富。 小食叫咗個燒龍蝦丸，一串有四粒，外面香脆，內裏彈牙，加啲泰式辣汁，更加惹味可口。飲品係鹹青檸梳打，叫咗少冰，希望響美味同健康中間攞個平衡。 飲品鹹鹹酸酸，味道好醒神，炎炎夏日特別透心涼。

今日去開沙田有事，仲有少少時間可以食個快飯，見店入面都幾多人，就黎左連城上面呢間冬蔭公公一試。呢度係主打湯麵撈檬個d，選擇都唔少，而且侍應反應快、上菜速度高，好岩食個快飯。我地首先叫左個冬蔭公湯薯粉，好似車仔麵咁樣一個一個餸叫，又可以揀辣度同唔同粉麵。呢個冬蔭公湯底好特別，同一般既唔同，好甜同唔會太酸，食落好順口，唔刺激，岩曬我呢d喜歡口味清淡既人；而且配料都好豐富，有大量花生粟米同莞茜，同埋薯粉絕對係地盤佬份量，認真抵食。朋友叫左個撈檬，都係好大份，配料都係多；不過我最欣賞既係佢既蔥油，就好似燒味飯個d咁，完全無諗過出現係呢度，不過又意外地好夾，搞到好飽都仲想食。之後又心思思想叫下小食，先黎個青木瓜沙律，酸酸甜甜好醒胃，而且仔細睇仲有唔少蝦皮係入面，為佢既味道增添左唔少層次同鮮味。牛串燒都唔錯，牛肉大件而且唔會嚡，夾埋個沙爹醬，甜既亦唔會辣，實在太好味，一啖點一下，轉下眼就食曬，係今晚亮點。最後黎既係蝦餅，新鮮熱辣炸起，好香好彈牙，望落蝦都唔少，抵食！認住佢個logo啦

同家人準備暑假去旅行，專程去到沙田連城廣場旅行社找資料，好快已經到7点幾又是食飯時間，路經「冬蔭公公亅 揀左食泰菜， 餐廳位於沙田火車站樓上交通十分方便。餐牌有多款美食及套餐， 有泰式燒烤、特色粉麵 、小食等價錢都OK。公公什錦拼盤套餐$148，有多種泰式 食品，例如串燒蝦、雞、豬頸肉、炸蝦餅等都燒得好入味，泰式鳳爪醃製到酸酸甜甜 ，味道好夠。隨餐附送冬瓜消暑湯，仲有三種醬汁點。超級的海南雞脾飯$84，份量夠大，雞脾的肉質嫩滑又不韌。叫咗個bb辣(小)的冬陰功湯$4O 湯底很濃味，不是太辣可接受。餐飲叫咗杯泰式棷珍多冰，甜度剛好。呢杯係鹹檸檬加七喜， 夠曬冰凍。

最近沙田新開咗好多食肆，但想食冬蔭公工嘅熱情依然冇減退，仍然心癢癢想日日食！泰國冬蔭海鮮米線（中辣）$76冬陰公米線係我嘅頭號大愛，湯底調得剛剛好，酸酸辣辣，非常惹味！配料仲非常豐富，包括青口、龍蝦丸、蟹柳、鮑魚片、魷魚鬚、草菇等等，一碗已經超滿足！泰式馳名海南雞飯 $68（包老火例湯）雖然個飯望落顏色偏白，但其實食落富雞油香，好好食。雞肉嫩滑，份量足夠，正！公公拼盆套餐 $148泰式什錦拼盆拼盆有：蝦餅、泰式春卷、豬頸肉、酸辣鳳爪、沙嗲串燒蝦2支、沙嗲串燒雞2支，至正就係春卷同鳳爪，必吃！仲包任選飲品兩杯，真係好抵食！凍奶茶荔枝冰冬蔭公公每次都唔會令人失望，簡直係我長期飯堂！

又到練歌日，這幾個星期響火炭無乜嘢食，試過幾間茶記都好唔掂，咪約朋友響連城食完晚飯先坐小巴去火炭。 有啲悶熱想食啲泰嘢解吓暑，就去左冬蔭公公。去到冬蔭公公點可以唔點冬蔭公呢，叫左米線，依個米線幾肥大下，軟軟地，但同冬蔭都幾襯， 生菜同枝竹都幾吸湯， 湯底算好飲，唔重椰汁但又唔會淡，我飲左好多湯，只因啱口味！ ($54) 珍多椰汁冰+咸青檸梳打 馬沙拉咖哩原隻羊膝配油酥餅 ($98)個醬汁有啲士巴東牛肉, 幾傑身下, 油酥餅啱啱製成香噴噴, 有少少脆之餘, 裏面有一絲絲有啲酥軟, 最surprise嘅係唔油膩, 佢同個醬汁都好夾, 但係羊膝肉在有啲硬身, 要花點牙力才吃到. 泰式雜錦拼盤 ($148)本來我想食泰式酸辣鳳爪朋友想食蝦餅同埋串燒, 點知畀我哋發現到有一個泰式雜錦拼盤, 當中有蝦餅, 泰式春卷, 豬頸肉, 酸辣鳳爪 同埋沙爹串燒蝦串燒雞, 仲可以選兩杯特飲, 相當抵食! 酸辣鳳爪唔會好辣, 食唔到辣嘅朋友都食到兩三隻. 炭燒豬頸肉燒得很香外脆內軟, 泰式春卷炸得十分脆口, 裏面有很多餸, 除咗一啲肉之外仲有一絲絲嘅粉絲, 蝦餅好夠彈牙, 雖然只係得

 沙田市中心幾個大型商場連埋一齊，名店多，餐廳都好多。如果向新城市廣場食飯，會比較貴少少；如果行返近小小火車站，搭電梯上連城廣場，就有唔少比較親民啲嘅選擇。今晚就去咗冬蔭公公開餐。向來都鍾意食撈檬粉，所以今日都唔例外，繼續點撈檬。配菜揀咗豬扒，因為豬扒撈檬粉係公公推介。豬扒鬆軟，冇話炸到好乾，肉質彈牙，份量亦都足夠，配撈檬汁享用，更加醒神開胃。燒魷魚鬚燒得幾香，竟然有啲鹵水汁嘅感覺，當然最正宗嘅梗係配返跟埋嘅泰式汁 ，先至享用到真正泰式滋味。肉質比較實淨，整體感覺不過不失。飲品揀咗芒果乳酸，芒果肉已經打咗入飲品之中，所以食唔到芒果肉，但會品嚐到芒果香甜同埋乳酸清新。

沙田呢個地方永遠都係塞滿人，好彩餐廳夠多，而且唔少行緊快來快去既快餐模式，所以想食個quick meal都唔難！今晚想平平地食餐泰國野，於是揀左冬蔭公公。餐牌好多選擇，我地揀左一陣先決定到食咩😂先黎小食拼盤，份量極大，而且$148包埋兩杯飲品（汽水、特飲全部唔洗加錢！），好抵！春卷同蝦餅炸得幾脆又唔係好油，兩串串燒亦夠惹味，味道整體唔錯。之後我地各自叫既飯都到左。我加$8要左海南雞脾飯，同樣份量極大。海南雞好滑，去埋骨方便食。我friend叫既馬沙拉咖哩牛腩飯都係大大份，但佢話再辣啲會更過癮！兩杯特飲夠冰夠香濃，飲落好正，仲要唔洗加錢抵到爛！我地兩個人叫左3人份量既野，埋單每人$150有找，真心大件夾抵食啊👍🏻

沙田連城廣場店鋪轉換的速度很快，而且餐廳愈轉愈高級。作為平民百姓，想以能負擔的價錢享用一頓午餐，就只剩下冬陰公公這個選擇了。清湯加雞絲和朦粉，少油又低卡路里，很健康的一餐。面頭加了花生、炸蒜、和蔥，令賣相不再單調。不知道湯中的是什麼⋯⋯，可能這化表店子的食物非常美味，很香、很吸引吧。不知道這是什麼，看起來也像炸焦了的蒜，可能是這個原因，所以店員未能發現吧。可幸的是店員也願意換過一碗真的給我，這樣的服務態度值得加許！

冬陰公湯底好味！！！魷魚都夠多！但係最嬲係一開始因為第一次去，唔知要揀辣度，侍應一見到未揀，態度甚差問：「咩辣？」我地有禮貌咁話：「要BB辣，唔該。」侍應黑住面用手指指張紙，一句聲都無出。正常食客填漏左野，提一提應該唔難吧。野食到齊，味道還不錯，雖不是正宗味道，但亦覺抵食。正係到食食下，放袋既椅子突然間被侍應係後方左搖右擺咁用力猛搖晃當時食客唔多，椅子亦無阻到通道，完全諗唔到點解侍應要咁樣推！！！個袋如果跌左係唔係侍應負責？！當侍應推完椅子後仲要黑口黑面唉⋯⋯希望下次會好少少態度

上咗沙田連城廣場七樓報旅行團後，順便在連城廣場「冬蔭公公」吃晚飯。每次我們都必吃油鬆餅作餐前小吃，貪佢香口又熱騰騰，我們吃得清淡，沒有落單要咖喱汁。海南雞脾飯跟餐有碗冬瓜清湯，雞脾好食無得輸，伴碟雞脾飯有甜甜酸酸爽口蘿蔔絲、青瓜，三款醬料最愛是薑蓉，幸好，尚算有薑味。燒海中蝦，我的至愛來了！中蝦外殼脆脆、蝦肉彈牙，佐以泰式甜酸醬，滿意！滿足！今次的燒豬頸肉，我略嫌乾身少許。我喜歡的黑珍珠椰汁冰，將黑珍珠慢慢咀嚼，感覺像吃零食，挺有趣。家人的凍馬來拉茶和我的黑珍珠椰汁冰，都是跟餐加$13一杯，抵飲又好飲。