冰室小菜館 (北帝街)

营业中

休息中

冰室鐵板～冰室懷舊雜扒😎$38比我想像嘅豐富😛夠大份，鐵板仲要咋咋聲，唔係裝飾☺️表面已經見有煎蛋、火腿、腸仔同雞翼😌底下仲有一大塊豬扒同雞扒😍味道真係唔錯，的確好抵食👌個餐可以配洋蔥汁或者黑椒汁😀仲跟飯或者薯菜😆加$6仲有特飲👍供應時間18:00-22:00，售完即止🤣冰室小菜館 (土瓜灣)土瓜灣北帝街12-16號地舖

我好感謝個個呀妹,雖然全場最細係佢,唔好以為佢冇笑容就服務態度唔好其實唔係分分鐘好過其他人,啊妹問我幾多位啊,搭去兩位佢叫我坐卡位,仲要攞埋兩杯水俾我,我問佢有咩特價嘅嘢食,佢就話乳鴿仲要問我會唔會食埋鮑魚同埋白灼蝦,跟住我話會但係我諗唔到食咩其他嘢,跟住佢就話轉頭返嚟幫我再落過,佢就行開咗兩碗湯俾我,佢忙緊途中我只係見到阿妹幫21號枱攞咗三個扒餐,點解要屈呀妹話係佢落,嗰個阿姐搞到阿妹大聲發脾氣話我根本上冇落過唔想去睇閉路電視我心諗我可以出嚟做證人,到我諗走啦阿妹同我講多謝拜拜齊嘢仲講中秋節快樂,我個心甜到漏,所以我想係依度表揚下佢

咁啱經過土瓜灣，發現油麻地食過果間冰室小菜館喺油麻地有開分店，因為新開所以感覺光鮮，而家空間感大。去到仲係下午茶時間，更抵食。鑊氣乾炒牛河：雖然係下午茶餐，但係份量都唔少。最緊要係唔多油，而且夠鑊氣。上菜速度好快添。乾炒牛河係其中茶餐廳一款難煮嘅食物，炒得唔錯，對呢間店印象加分。下午茶餐西多士+北海道紅豆冰 ：西多士即叫即做，外脆內軟。紅豆冰係用椰汁，頂上面個cream，又唔係好甜。$32係超價。果皮蒸鮑魚仔：當然最估佢唔到嘅係鮑魚啦！我覺得有啲韌，不過$48食到鮑魚你想點呀😅

早兩晚兩個人點了38元鐵板餐我跟飯或薯條,加6元,可以有其他飲品我們點了椰汁紅豆冰非常之大杯超過16安士,兩個人喝一杯都非常有餘,跟住點了38元半斤蝦,我們叫了外賣,,但一拿起蓋非常之熱有煙出看他非常新鮮,回到家也是熱辣辣的,十分超值,極之推介這餐廳

去食個早餐，見到侍應幫一個婆婆寫餐，個婆婆叫咗個主食撿配菜果時望多咗兩眼，個侍應就走左去收錢，仲係度講：“睇埋哋餐先叫啦。” 好了，收我錢個陣，我問有冇八達通，話冇，我就問幾時可以有(因油麻地分店都有光顧過，果邊有所以多口問問)，佢未答我，我問咗三次，跟住好唔耐煩咁串返我：“唔知幾時有窩，先生！”我就諗快點找埋錢走算數就叫佢快少少找錢，佢又串我話：“係你要問野嘛！”我話你快少少答我啦，佢就話：“你快點問咯！”我諗我問你三次都唔答我仲叫我快點問。 茶餐廳串嘴侍應周圍都有，專做熟客，橫定投訴都冇用鐵飯碗來嘅，但係令到我寫埋負評呢個都係第一個，係唔係見我唔係熟客欺生？ 名就唔爆了，帶個工牌都唔係寫名，係寫生果名，隨時換得，點知你今日芒果聽日係唔係橙。 諗住去試下早餐嘅朋友記得睇清楚餐牌搭配先叫喇，費事俾哋侍應串！

經過見到新開，下午茶menu , 28 元居然有咖哩薯仔炸脾飯，以為行貨，點知一黎到，竟然仲有配菜，仲好大碟，而且又幾好食喎。凍奶茶都唔錯，服務態度都好好。下次可以試吓其他野。

新開張餐廳有優惠， $25有蒸鮮魚（黃立倉、盲鰽，黃花，黃鱸）、飯同埋嘢飲（外賣盒加兩蚊，凍飲加$3。有得揀清蒸定係豉汁蒸。食左兩次，都係揀豉汁，好味！非常適合配飯平靚正之選