影片
以上资料只供参考，请与餐厅确认详情
好似香港每一個山旮旯地方，都有一個神秘婆婆喺度買豆腐花，長洲都唔例外，今次介紹嘅呢間係長洲嘅隱世豆腐花，除咗位置隱世之外，呢間豆腐花連招牌都冇，連長洲人都未必知道佢個名，平時會叫消防局對面食，因為佢喺長洲消防局附近，因為呢度附近有老人院，平時會有好多公公婆婆揸住拐杖過嚟食。雖然佢咁隱世，但依間豆腐花已經開業20幾年，係長洲嘅老字號，但成間鋪都係得一個姐姐，由製作食物、招呼客人、落單、收錢，乜都係得佢一腳踢。20年前幫補家計，所以開始買豆腐花，豆腐花由$5買到依家$13，品質如一，生意好時假期可以買到每日二、三百碗，有啲客人甚至係美國、加拿大特登返嚟食，識嘅唔止係豆腐花，而係回憶嘅味道。雖然仔女都長大成人，但老闆娘堅持開舖，覺得客人好似一家人咁，唔捨得班熱情嘅客人。店舖除咗位置偏僻之外，都冇任何華麗嘅裝飾同舒服嘅座位，第一次去嗰時因為未開店，仲唔小心行過左，因為未開店嗰時係完全睇唔到任何座位，上面嘅蓬都未打開，所有嘢都收埋喺工廠入邊，我係喺網上對過間鋪嘅位置同相先肯定位置。可以喺車仔上面見到餐牌，除咗豆腐花之外，仲有好多中式甜品好似大菜糕、紅豆沙、芝麻糊、涼粉、西米露，價錢非常平民，每碗都唔超過$20。-1️⃣ 豆腐花 💰14(凍) /13(熱)（👅: 8/10）呢度最出名就係豆腐花，新鮮即製無任何添加劑，店舖堅持一桶豆腐花最多買兩三個鐘，因為擺耐左就唔好食。豆腐花叫咗一碗凍一碗熱，個人覺得中式糖水食熱會特別好食，凍嘅豆腐花都係擺咗落雪櫃攞出嚟，熱嘅豆腐花感覺係新鮮製。豆腐花食落好滑，好似從未食過咁滑嘅豆腐花，入口即溶，而且豆香味濃，豆腐花咁好食，秘訣在於店舖係用木桶，而唔係用不鏽鋼內膽既木桶，呢個木桶聽講都用咗20年，撞出嚟嘅味道20年如一。而凍嘅豆腐花都夠凍，夏天食透心涼好消暑。枱上面會有提供黃糖自己添加，另外如果想要薑汁都可以問姐姐，薑汁都係自己撞，加咗薑汁都唔會遮蓋豆腐花嘅豆味。-⭐ 價錢雖然平過阿玉豆腐花，味道絕對值得大家山長水遠一試，由碼頭行過去大概要10分鐘，不過餐廳有開店時間，但就冇關店時間，因為賣晒豆腐花就會收鋪。豆腐花都有其他組合，好似涼粉、紅豆等等。喺露天橫巷呢個咁傳統、咁好食嘅豆腐花，格外有風味，邊食邊同老闆娘傾偈，食到其他長洲店舖冇嘅人情味。-👅味道: 8/10🍴環境: 8/10💰消費: $27 (服務費: NA)
继续阅读
每次去長洲必食嘅豆腐花今次我食涼粉豆腐花朋友食凍紅白豆腐花10幾蚊一碗價錢唔算好平但豆腐花真係又香又滑係我食過最好食既豆腐花涼粉同豆腐花係perfect match朋友既紅豆豆腐花紅豆煮得夠腍味道又唔會偏甜熱辣辣嘅天氣食一碗真係透心涼要讚一讚老闆娘真係好好人一腳踢睇舖要顧四張檯見到你揹住背囊都會主動拎張凳俾你放袋真係好貼心下次一定會再黎
继续阅读
黎長洲一日遊梗係做足準備功夫啦.上網見到呢間隱世老字號嘅冰廠豆腐花，已經有20幾年歷史，黎左咁多次長洲都唔知有呢間豆花店！原因係唔突登去搵呢間店係唔會經過的。.豆花店唔近碼頭，亦都有d遠離大街，行15分鐘左右，係消防局附近，又唔算好遠既。唔怪得話佢隱世啦.豆腐花口感幼滑，又熱又曬又渴個陣歎返碗冰凍豆花，簡直係perfect match~~!! .店舖係好簡樸，只係喺户外放左幾張枱同凳，但反而有種好地道嘅感覺同味道! 風味十足！
继续阅读
山長水遠嚟到長洲，就當然要試吓依家傳說中嘅豆腐花啦，呢間野唔係太近碼頭，落咗船之後轉左要行大概10至15分鐘先會見到，雖然要行咁遠，但係都係絕對值得嘅，因為呢間豆腐花真係好平靚正！
继续阅读
窮遊長洲-全港最滑豆腐花？首先多謝朋友報料話呢間豆腐花好正 即刻去左試試你可能話豆腐花有咩咁特別姐😂但呢間口感的確真係好特別豆腐花 明明係固體 🙈但呢個食入口係滑到唔太感覺到佢既存在我只能講 豆腐花 呢個口感 真係第一次試😂但價錢就$13一碗 凍既$14唔算平但值得一試.冰廠豆腐花 (長洲)地址：長洲冰廠路6號地舖.⭐️評分：味道：5/5環境：-/5服務：-/5 抵食：4/5.
继续阅读