影片
营业时间
今日营业
12:00 - 22:00
星期一至日
12:00 - 22:00
*(21:00截单）
以上资料只供参考，请与餐厅确认详情
🍛 黑糖柚子酱油豚肉蒸饭（$56）佢有分两个size,有正常同增量装，今次我叫左正常；唔好睇个蒸笼好似好大，但其实里面好浅，豚肉有3-4块，不过不失，唔系特别嫩滑亦唔系特别嚡口，饭嘅份量比较多，酱油食到柚子嘅酸但唔系好食到黑糖味，同普通柚子酱油差唔多🥟 蜜糖芥末鸡软骨饺子饺子有4只，都算几大只，饺子皮比较厚，包嘅馅料份量都足嘅，不过唔太食到有鸡软骨🍋 冻黑糖柠檬茶（+$6）柠檬茶系饮到用黑糖冲嘅，味道同平时嘅柠檬茶有唔同🦁 冲绳狮莎酥冬用雪糕（+$9）狮莎酥酥脆，加上洒有紫薯粉嘅云呢拿雪糕同烟靭嘅波提冬甩，冰火交融，唔错，唯一要挑剔系等上菜嘅时间比较耐💰 同埋提提大家埋单嘅时候要对单，因为餐厅将另一枱客嘅单同我个张捞乱左，同埋用左少少时间先对得到，差啲收多左我一倍钱🙃
继续阅读
成日都会为咗冬甩🍩嚟食。食一个完全唔够喉😍😍。🍽️2人前3品定食 $239🔸黑糖柚子酱油蒸饭 南蛮炸鸡柚子酱油（ゆずぽん）嘅味道好清爽，再加埋饭素其实好味道到可以食晒成个饭。南蛮炸鸡系嫩嫩嘅鸡腿肉，鸡皮仲好脆💕。🔸牛肉寿喜烧肉味噌汤乌冬香甜寿喜烧+类似卤肉嘅肉味噌，出奇地好食㖞。肉味噌简直系惹味嘅秘诀。乌冬滑滑地又冇酸味。🔸芝麻手羽先🔸芝麻鸡软骨Comfort food级数嘅香脆炸物💕。🔸冲绳海盐焦糖布甸冬甩雪糕 +$9冬甩烟烟韧韧，原味口味唔太甜，配上海盐焦糖汁甜度啱啱好。布甸系乳酪味，酸酸地好清新。🔸冲绳狮莎酥配雪糕狮莎酥系类似硬身蝴蝶酥嘅口感，可爱造型加晒分。🔸抹茶牛奶🔸无糖乌龙茶
继续阅读
比冲绳料理几只字吸引到，见到环境开阳几舒服就试下啦～佢系套餐形式，可以自己拣主食、菜式、餐饮，仲包donut雪糕!!!今次拣左清清地嘅竹笼豚肉蒸饭 配柚子炸鸡。白饭底 面头有两大块豚肉，再洒上味素，好新奇嘅配搭😀😂柚子炸鸡有4旧，分量偏细，但柚子酱几多，上台仲热辣辣😗甜品donut雪糕系波提donut，好chewy好有咬口♪( ´▽｀)放上云尼拿雪糕同海盐焦糖酱，有冰火交融嘅感觉🤎食完非常满足。
继续阅读
呢间冬甩我就帮衬过好多年，因为呢个口感质素香港好难买到特别系个焦糖酱，加埋Yogurt一齐食，简直画龙点睛！呢间黑色衫既高大男经理好helpful，好钟意小朋友，成家落黎食又会照顾到小朋友需要，又好细心咁解释menu比老人家好少写食评真系要赞一赞今时今日既服务态度买少见少👏🏻👏🏻呢间既米唔知点解特别还是，好有去到日本既感觉，味增肉燥饭好食😋！荷里活广场太多日本野食，食晒1round我就觉得呢间最掂啦
继续阅读
$60下午茶の奥义——「正餐」缩水成「下午茶size」，完美演绎「食两啖就饱」的职场哲学。毕竟附近上班族嘅人生目标就系：快啲食完，快啲瞓觉。餐厅深明大义，直接将正餐压缩成掌心大小，等你可以5分钟KO，争取宝贵的45分钟「闭目养神」时间。 (尤其是以上个牛肉饭，原装正版未郁过就系咁样)加$20换甜品？当然要加！横掂都食唔饱，不如用糖分麻醉自己，等个脑以为「我已经被满足咗」。至于味道？其实唔差嘅，波堤冬甩加埋雪糕，焦糖酱，正！ (整个摆盘，有三滴送既)服务？半自助式就系「你自己动手，丰衣足食」嘅代名词。要水？举手 1分钟；要纸巾？不如自己带。反正$60蚊嘅交易，包你个肚唔包你个脑，合理过合理。 结论：适合「追求效率」嘅打工仔——食完唔会记得味道，但会记得「我终于有得坐低」。性价比？当系比钱租个位抖气啰！ (幽默版)
继续阅读