影片
电话号码
36197655
营业时间
今日营业
11:00 - 07:00
星期一至六
11:00 - 07:00
星期日
24小时营业
以上资料只供参考，请与餐厅确认详情
屯門虹橋最多好嘢食🤩今次就過嚟嘆一盅兩件🫖🥢呢間凝香居鋪面唔算大 不過都坐得幾舒服菜苗餃呢個係我飲茶必點之選 原隻鮮蝦夠爽口🤩菜苗脆炸鮮奶 $26呢個係我第一次食炸鮮奶😂食落口好香脆仲有淡淡的鮮奶味🥰黑金流沙包 $32一搣開即刻流沙流出嚟🥰🥚勁香蛋黃味 必點！🥢山竹牛肉球 $28大大粒山竹牛肉食落佢唔會好粉 喼汁必落🤩重點係佢哋即叫即蒸夠晒熱辣辣🥰桂圓蜜瓜花膠燉雞湯 $58最鍾意就係飲湯🥰 呢個燉湯好足料 真材實料，夠火候
继续阅读
點心拼盤 細 $52人少去飲茶嘅缺點就係一個人隨時要食兩舊，變相就食少左好多款！呢個點心拼盤就比較簡單，最適合兩個人去一人一舊！蝦餃同埋菜餃個皮都好薄但係都有煙韌口感外表晶瑩剔透，由出邊睇就已經見到好多餡！！咖喱魷魚 $38佢嘅咖喱魷魚唔算辣，老人家都食到主要係食個咖喱香味，魷魚口感幾爽，不過最鍾意食辣嘅小編黎講就唔夠喉！蔥花炸兩腸 $28對小編嚟講食炸兩就係一間酒樓好唔好食嘅評分準則，因為好多地方嘅炸兩都容易會淋左，唔係每個地方都會有新鮮整起嘅炸兩！呢間餐廳完全滿足到我嘅要求！腸粉皮夠薄炸兩又好脆！簡直係100分，超級推薦嚟到都一定要試豐料糯米雞 $30淨係睇外型都知糯米雞非常大隻，入邊有肥豬肉、豬肉碎、臘腸、雞翼！糯米雞應該要有嘅嘢，基本上佢都有晒仲要幾好食！性價比幾高香煎蘿白糕 $26香煎蘿蔔糕係小編成餐入邊最鍾意食嘅！食到一絲絲嘅蘿蔔，夾起黎唔會散！完全將最簡單嘅事，做得最好！真係唔係度度都有花雕雞尖 $32花雕味到都幾適中 唔會太濃都唔會太淡，而且份量都幾多，雞翼尖嘅皮都幾爽脆胡椒鹹菜豬肚 ＄48超多鹹菜，胡椒味都啱啱好，唔會太攻鼻，豬肚都爽口
继续阅读
第一次食，感覺裝修都幾好，門面都唔錯，但係冷氣太凍，再睇其他食評， 我都幾贊成其他人所講，姐姐可能真係唔知道自己講嘢會一句＜得＞埋嚟， 其實，我只係叫姐姐可唔可以教細啲個冷氣啲風速，佢就同我講：我淨係識刪冷氣，唔識較細，但最後佢又真係可以較細風速喎！！！當然其他人都會同佢有講有笑， 但係問多一兩句就••••！食物質素我只可以用普通同埋特別來形容， 最正常係棉花雞，芥蘭好有心機切開兩半，但係實在太多渣，基本上要𡁻好耐，點心拼盤燒賣味道好特別，同一向食開嘅好唔同，唔識形容，唔同一 向食開燒賣的味道，而且不是手剁豬肉，沒有口感， 蝦餃還可以但較細粒， 可能佢因為要用個細小的蒸籠放下所以要細粒d，豆苗餃叫最正常。
继续阅读
春卷 🫔熱辣辣，脆卜卜，有鮮蝦鮮味，一定要點惹味喼汁！藥膳雞腳 🐔一定要order, 一上枱已聞倒陣陣藥膳香味， 雞腳有5隻，隻隻炆得夠晒腍，入晒藥膳味，我連湯都飲埋香荽牛肉腸 🐮晶凝腸粉配清香香荽，再搭滑流牛肉，一啖一享受菜苗餃 🥬一層澄麵皮包菜苗，配以蝦肉為主餡，正正正！蝦餃 🦐鮮蝦肉質結實，濃濃鮮蝦滋味蜂巢糕 🍯口感質地在白糖糕和馬拉糕之間，美味甜點鮮蝦燒賣皇 🦐鮮豬肉配鮮蝦，肉味十足搭鮮蝦鮮味，無得頂黑金流沙包 流出啖啖蛋皇香，必吃猴頭菇螺頭燉烏雞湯 🥣真材實料，夠火候，滋陰養顏，健脾補腎總結，現時大部分食市收22:00， 竟有港人最愛嘅點心通宵營業，一大班朋友啱晒，外賣啱晒，又多一個心水選擇，最重要係點心真好味，款式多，屯門友發達lu🤩🤩
继续阅读
放假同屋企人去飲茶，宜家比較鐘意去點心小店多過酒樓，因為一般只收茶錢，吾洗加一，而且有卡位坐！黑金流沙包 $32貌相不錯既流心奶黃包，一咬開奶黃就流出嚟，奶黃味都夠濃，建議細啖地咬開，等奶黃凍少少先食，以免熱到個嘴。蒜蓉蝦春卷 $30春卷炸得乾身香脆，吾多油，蒜蓉味幾突出。點心拼盤 $52拼盤有齊哂我最鍾意食既3款點心：蝦餃、燒賣、菜苗餃。每款2件，用個細小既籠仔裝住，基本上我自己一個都食得哂！醬皇金錢肚 $38金錢肚幾腍，而且醬汁夠濃味，幾入味，下面有豆卜墊住。蝦腸 $30每件腸粉都一隻蝦，不過蝦就比較細隻，另外建議趁熱食，凍左腸粉皮會變硬。椰盅燕窩雙皮奶 $56原個細椰青裝住，表面放左幾多燕窩，不過應該系平價燕窩，質感有啲似雪燕，雙皮奶都滑但味道偏甜。茶錢 $6一位
继续阅读