凱施餅店 (已結業)

見蛋撻剛出爐冇耐，忍唔住買番個，點知食一啖 ，酥皮完全冇層次，痴埋一舊，仲帶點少少酸味，真係難食到冇食哂、完全唔想食落去🤦🏼‍♀️甘大個女食過甘多蛋撻，呢間真係最最最難食，好過份，甘都賣得比人🤬真係唔好去買唔好去試，食完可以令到心情急速下降，肯定會全日都唔開心😫唔好比剛出爐吸引左、史無前例、香港最差最差既蛋撻，個師傅要炒左佢，冇可能整到甘，冇人監管個食物質量，太過分、難食到要寫差評比佢，好唔開心！

間唔中都會入去凱施買下麵包食~今次見自己唔太餓, 都諗住買d麵包食少少當晚餐就算~ 於是就買左呢隻低脂白汁碎蛋包 $13~ 呢隻包拎上手都幾"墜"手, 大大個超足料丫! 仲要幾好味~ 個麵包係熱狗包黎既~ 質地幾軟熟~ 中間就放滿份量超足既餡料, 白汁味道香又creamy~ 咬落去除左有超多碎蛋同埋蕃茄片之外, 原來仲有唔少生菜絲~ 令到creamy之中又有d fresh+爽脆~ 整體口感味道都幾豐富~ 食完都已經夠晒飽了~ 去其他地方用$13買麵包分分鐘買到空氣麵包咋, 食落一陣風咁......所以呢個真係堅抵食丫!

在美林村搞完啲野就去凱施買個包去搭車走人, 買咗蒜蓉包($5.5)再加$12要樽奶茶, 塊蒜蓉包雖然唔係剛剛出爐, 唔係熱辣辣既, 但仍然係外脆內軟, 個包邊脆卜卜, 咬到入面的麵包部份就軟熟的, 蒜蓉味好夠香, 好味道! $5.5都幾大塊, 幾抵食吖.至於樽奶茶, 同平時便利店買到既唔同, 因為呢樽話自己冇加防腐劑既, 仲係每日新鮮製造, 聽落幾好咁! 用上LIPTON錫蘭紅茶, 茶味香, 奶味亦濃厚, 口感滑滑地, 幾好飲!!正~ 買咗野就可以加$12換一支, 但如果單買一支奶茶就要$15了~