劉興記生煎包專門店

营业中

休息中

香港少見嘅生煎包專門店😍即叫即煎，熱辣辣隻隻都係爆汁😻肉餡都好足，咬落好juicy，價錢仲要好抵食添！午市套餐只係5x港紙，有多款配搭，貼地價錢就品嘗到唔同款式嘅上海特色～酸辣湯配料豐富，小編最鐘意入面嘅竹筍，脆卜卜好有口感，酸酸辣辣好開胃😽麻醬手撕雞絲涼麵可以揀多麻醬（識揀啦🤪），花生香味超級濃郁🥜醬汁偏傑身，可以完美包裹住每一根麵🍜手撕雞幾嫩滑，撈埋一齊食就冇咁漏啦～不得不提係佢地嘅自家製豆漿🫢係小編飲過最最最濃豆味嘅豆漿，仲飲到少少豆渣，絕對真材實料👍🏻人均消費過60仲可以任飲，飲多兩杯已經回本🤣

劉興記的店面雖然不大，但裝潢簡潔舒適，好有親切感。店內的座位安排合理，即使在繁忙時段也不會顯得擁擠。姐姐熱情有愛心。招牌生煎包外脆多汁，肉餡鮮嫩多汁，咬開後湯汁四溢😆（姐姐細心提醒食既時候要小心，尤其係坐對面既朋友仔😆）。內餡的調味也非常到位，既有肉的鮮香，又不會過於油膩。另外，豆漿免費任飲😍 豆漿非常濃郁！明顯飲到豆渣，真材實料！！非常抵讚！！！劉興記性價比非常高。生煎包的份量也很足夠，適合與朋友分享。

平日晏晝去唔使點排隊，但都有唔少遊客幫襯～每個王牌套餐都有一個生煎包，啱晒心大心細咩都想食嘅我！王牌3號餐：麻醬手撕雞絲粉皮＋生煎包1隻麻醬手撕雞絲粉皮手撕雞份量好多，配合埋麻醬同滑嘟嘟嘅粉皮，好夾生煎包的確冇得輸，熱辣辣，外脆內軟，皮薄餡靚，兼且爆曬汁，必定要叫！雞絲酸辣湯同雞絲粉皮嘅雞絲一樣，份量亦都係好多，而且好足料，木耳絲、冬菇絲都好多，仲要好大碗添，一個人都食唔晒！不過對於我個人嚟講辣咗少少，小朋友未必食到值得一提係店員好好人，豆漿亦都係新鮮即磨，唔會好甜，亦都唔會好水，用料十足👍🏻

好友約我去位於旺角通菜街1M-1T號華發大廈地下D號舖的《劉興記生煎包專門店》食午餐，聽聞餐廳好墟冚，經常要排長龍，我地一早就到達，在門口待了一會兒，餐廳正式營業，就入去就座，跟著其他食客陸續到達，也就坐滿了九成。我點左個 招牌上海排骨湯麵，配生煎包壹隻及凍豆漿 $64，好友點左個 高湯上海麵 $18，招牌生煎包（2隻）$20，蟹皇生煎包（2隻）$38，蟹粉小籠包（4隻）$80。上海排骨煎得外脆內嫩，好有咬口又好味；生煎包的包底煎得香脆，包面鬆軟，饀料豐富又有汁，咬起來真是要好小心，避免燙傷；小籠包皮薄多汁，更加要小心；蟹皇生煎包的蟹味香濃，更加好味；蟹粉小籠包亦都充滿蟹香。店員好細心，溫馨提示我地要小心爆汁呀！

呢間生煎包店之前食過一次，都有一排冇食生煎包，就嚟試吓旺角呢間分店～-今日兩個人嚟，咩都想試吓，就叫咗一籠小籠包，上海排骨湯麵，生炸雞扒同埋手工豆沙窩餅，因為太多嘢食，生煎包淨係叫咗兩個～-生煎包keep到水準，上枱時熱辣辣，入面有好多湯汁，包底煎到好脆👍🏻小籠包同樣都好多汁而且皮好薄😋-排骨同雞扒嘅炸粉都好薄，而且唔會炸到乾晒，不過建議兩款揀一個就好啦，因為太熱氣🤣-另外手工豆沙窩餅超正，窩餅炸到脆卜卜，入面嘅豆沙餡唔會太甜🤤-建議大家可以叫套餐，叫滿$60套餐就可以任飲豆漿，呢度嘅豆漿超好飲，好香濃嘅豆味，而且有少少杰身，飲得出係自家製，好有誠意，我自己一個都差唔多飲晒成揸豆漿🤭

✨雞絲酸辣湯＋生煎包（2隻） $54天氣開始轉涼，好適合一碗熱辣辣酸辣湯！好開胃🤤生煎包皮酥湯濃，咬既時候要好小心，以防裡面既濃湯燙到✨蔥油雞扒菜飯 $42雖然係蔥油雞扒菜飯，但一點都唔油膩，菜飯都好乾身健康👍🏻雞扒肉質好嫩滑🤤✨原味上海小籠包（4隻） $40皮薄餡多既小籠包，又係必食之一，二人份量剛好，一人兩隻，正👍🏻✨百步香蔥油餅（件） $28同平時食既蔥油餅有啲唔同，呢個係個皮脆卜卜的☺️✨香濃豆漿最讚係香濃豆漿任飲，味道比起外面的豆漿濃郁好多，豆味好香濃，而且是任飲的🤤

～餐廳環境靚😍食物質素高🥳店員服務態度好👍～招牌上海排骨菜飯😍上海排骨全部無骨😍炸得勁香🤪肉質鮮嫩🥳外脆內軟👍配上菜飯食味道真係一流☺️🤤～招牌生煎包😍好耐冇食過咁正嘅生煎包🥳外皮非常脆口😛入面爆曬汁之餘粒肉仲要勁正😘～上海小籠包😘小籠包外皮屬於薄嗰種😘內裏勁多肉汁😛非常Juicy🥳豬肉粒仲要非常大嚿同嫩滑🥳～麻醬手撕雞絲粉皮😍非常高質嘅一道美食☺️手撕雞雞肉鮮嫩😘粉皮質感非常好🤪爽口彈牙😘各種配料同埋調味亦都做得非常之好😎

招牌擔擔麵 $40麵條有筋道，吸附了濃郁的花生醬，味道香濃而不膩。湯底有少少麻嘅感覺，幾特別，唔會好辣。湯底亦都有濃郁嘅花生醬，搭配蝦米同埋碎花生，正常發揮😆招牌生煎包（兩隻） $20遊行食到新鮮出爐嘅生煎包，店員好貼心，提醒要小心湯汁會好熱。而生煎包真係外皮金黃酥脆，咬落去嘅時候，內餡嘅肉汁就會爆出嚟，啜極都有好多汁又清甜🤤肉餡鮮嫩多汁，真係幾唔錯😍蟹黃生煎包（一隻） $20仲有一款蟹黃生煎包，我都試咗一隻，一樣多汁，不過多咗蟹肉嘅香味👍🏻蟹黃餡料一樣豐富，值得一試的😝結論🫰快靚正🫰店員好殷勤，有笑容有禮貌👏好味度：8/10CP值：8/10🎡餐廳資料餐廳名稱：劉興記生煎包專門店餐廳地址：旺角通菜街1M-1T號華發大廈地下D號舖營業時間：星期一至日12:15-21:15

同朋友約咗嚟旺角食上海菜，呢間之前都幫襯過，味道唔錯，所以再同朋友嚟encore☺️✨蔥油雞扒湯麵➕生煎包 （$64）面上仲加咗蛋絲，令賣相吸引。生煎包熱辣辣，一啖爆汁，食嘅時候要小心😆✨糖醋炸排骨菜飯（$45）推薦糖醋炸排骨，酸甜可口，炸得酥脆令人食唔停口🤤✨排骨蔥油拌麵（$42）排骨份量頗多，面有好香嘅蔥油味，令人食指大動💕✨豆漿豆味香濃，香甜可口，仲可以任添😳 總體嚟講呢間餐廳價錢好抵，份量又大，推薦大家可以嚟試吓👍🏻

平時鍾意食上海菜，尤其係生煎包，係我成日去開嘅生煎包專門店，今日同朋友去旺角行街經過，決定幫襯！味道一如既往咁好味！生煎包佢哋嘅生煎包係招牌，每一次食都覺得回味無窮！佢哋個皮好薄，個底熱辣辣脆卜卜！最重要係佢裏便真係好多汁！咬落去啲汁爆出嚟！而且裏面嘅肉都好大嚿！好滿足！雞絲粉皮雞絲粉皮都係另一個好鍾意食嘅小食，佢哋啲粉皮好薄，食落有少少彈牙，個手撕雞同啲汁又協調得好好，所以食落去好惹味！糖醋炸排骨湯麵個糖醋排骨炸到金黃鬆脆，咬落索索聲！上面嘅糖醋汁就酸酸甜甜，夾埋一齊食唔會好滯！搭配埋軟綿綿嘅湯麵一齊食，好味！手工豆沙窩餅仲有呢個好特別嘅豆沙窩餅，外邊係煎到好脆身，但係裏便就包裹住軟綿綿嘅紅豆沙，我同朋友都食到停唔到口！總括嚟講呢間生煎包專門店水準依舊，不愧係我嘅飯堂之一！最重要係佢好多分店，大家想食嘅話都好容易可以去任何一間分店食到～一定會繼續支持！

扺食生煎包之《劉興記生煎包專門店》再一次嚟到呢間出名抵食生煎包餐店，不過今次係人流更多、鋪面更大嘅旺角分店，但唯一冇變嘅係味道依然非常美味😋，招牌生煎包(4隻)：生煎包豬肉非常新鮮，真係會爆汁，食嘅時候要小心啲🙈，口感方面包面非常脆，入面嘅豬肉則好軟熟，招牌菜式，果然名不虛傳👍🏻。原味上海小籠包(4隻)：小籠包熱辣辣、香噴噴，肉汁鮮甜同可口。而小籠包皮方面，非常軟淋淋及香滑，正😋。百步香蔥油餅(1件)：第一次食呢個size嘅蔥油餅，朋友平時話小食蔥，但係呢一個蔥油餅令到佢對蔥嘅定義有少少新體會。香艷嘅蔥花，外脆內軟嘅餅皮為呢度菜增添左唔同嘅口感🤤。上海排骨菜飯：飯粒分明、入口即溶，菜味濃郁，值得一讚係排骨 炸得非常鬆脆，餐廳炸排骨拿捏嘅時間相當適中，食落一啲粉嘅口感都冇👍🏻。總結：旺角餐廳同其他分店都係一樣，需要早少少去排隊架🙈我同朋友六點撘八去到，大約七點鐘有得入座。另外，店員非常有禮貌，服務周到，經常會問客人有冇需要幫忙，好值得加許👍🏻👍🏻👍🏻。

旺角哩間鋪頭常年都要排長龍，基本都係附近街坊幫襯。豆漿，係自家製作，比便利店豆漿要濃郁好多，同埋落咗少少糖，飲落唔會好甜。蟹皇生煎包，生煎包即叫即制，送上來全部都熱笠笠。哩間鋪頭生煎包整得好出色，皮薄又脆，唔會覺得好油。內裡肉鮮蟹皇多，汁水都流曬出來，真係超好味。秘制上海炸排骨，估唔到分量都幾大。排骨預先醃制過，再落油炸，唔洗點醬已經好夠味。同韓式炸雞唔同，排骨唔會特別酥脆，面衣相對會厚身同埋緊實，好正嘅上海做法。雞絲酸辣湯，配料好豐富，有雞絲，豆腐，筍絲等，酸辣湯濃郁，每一啖配料都掛滿湯汁，相當惹味。百步香蔥油餅，落咗大量小蔥同豬油製作，餅皮起酥做得好好，食落好酥脆，內裡餡料豐富，超好味。

旺角覓食熱鬧非凡，街頭小吃琳瑯滿目，香氣四溢，每一口都充滿驚喜，讓人流連忘返，感受地道美味😋🦀蟹黃生煎包外皮酥脆，內餡鮮香濃郁，蟹黃醬汁四溢，口感絕佳，令人回味無窮。🍜排骨蔥油拌麵香氣撲鼻，麵條Q彈，排骨鮮嫩，蔥油醬香濃，令人一試成主顧。🥯手功豆沙窩餅外酥內軟，豆沙香甜適中，口感細膩，每一口都令人陶醉。🐔鮮雞湯小雲吞湯頭清鮮，雲吞滑潤，餡料鮮美，令人暖心，完美的舒心美味🙂#Hannahbaby2021 #Haileybaby2022 #親子 #親子好去處 #親子活動 #好物分享 #香港bb #育兒日記 #育兒生活 #劉興記 #旺角

蔥油雞扒拌麵🐔+生煎包(1隻) 配 可樂 $72佢哋嘅套餐真係好抵，大大塊雞扒配拌麵、生煎包加埋飲品，都只係$70左右就有交易，抵到好似10年前嘅物價咁！一上枱就聞到蔥油拌麵嘅蔥油勁香，雞扒亦都炸得好酥脆！上海排骨菜飯🐷$42排骨菜飯大大碟，菜飯入面嘅菜比例都好多，只係$42一碟好抵食！鮮雞湯小雲吞(12粒) 🥟$35呢個雞湯小雲吞每一粒都細細粒，一啖一粒啱啱好！幾鍾意佢哋放咗大量炸蒜，增添唔少風味！蟹黃生煎包（兩隻）🦀$38冬天絕對係食蟹嘅季節，一定唔可以錯過佢哋嘅蟹黃生煎包，入面真係有蟹黃蟹肉，超正！招牌生煎包（兩隻）$20佢哋嘅生煎包價錢好平，平均每隻只係$10，外皮煎得香脆，咬開勁多肉汁，而家凍冰冰，食返兩粒就暖笠笠！

同家姐準備去睇醫生，家姐話未食早餐有啲肚餓，就不如走去食過brunch先，一開門12:00已經一堆人入咗去，梗係有好推介啦，入咗去去過好多次嘅劉興記，叫咗招牌上海排骨菜飯＋生煎包1隻 $54蔥油雞扒面＋生煎包1隻 $64生煎包六隻$50員工非常之有禮貌，一嚟到已經每人斟一杯豆漿，隔咗一輪去到覺得佢嘅自家製豆漿更加香濃夠滑，職員話而家只要叫一個午餐已經可以任飲豆漿，大家就唔使怕唔夠飲☺️☺️☺️呢個價錢，再加埋咁樣嘅質素真係冇得彈，極力推薦，我覺得都好適合遊客嚟試吓😊😊