創榮餐廳

营业中

休息中

由於呢日起附近做嘢，於是望都唔望個餐牌，走入呢間從未幫襯過嘅屋邨商場茶餐廳幫襯，心諗屋邨商場茶餐廳有幾貴呀？入到去坐低，早餐只得一塊卡板，前後兩邊，由於我對豬膶情有獨鍾，所以揀咗個貴啲嘅餐：鮮茄豬膶，配上茶記少見嘅螺絲粉，麵包亦揀咗少見嘅纖麥多士，餐肉及炒蛋，熱奶茶。點評如下：奶茶瓦杯上，但凡呢種杯上，品質都唔會差得去邊，呢次都唔例外；纖麥多士，即係麥方包，搽上糖漿，味道唔錯；半塊圓罐正常厚度嘅火腿午餐肉，呢間茶記話係用天龍牌（見餐牌），呢個牌子嘅火腿午餐肉，質素信得過，唔會過鹹；炒蛋，碎濕濕，從餐牌另外嘅餐顯示係用北海道牛乳去炒，但我食唔到牛乳嘅味道，同大家樂或者一粥麵嚟比，完全無得比，兩家嘅炒蛋完整一塊，不單只滑，而且有牛油嘅香味；豬膶同牛肉一樣，切忌過熟，一定要軟身先至好食，而呢間嘅豬膶雖然厚度夠，但過熟，完全唔好食，加上無薑絲醃過去腥，味道就更差；蕃茄同薯仔一樣，可以切細啲，會更易入口；呢個湯唔係純蕃茄湯，而係蕃茄雜菜湯，裡面有其他菜蔬，味道未見突出，但還可以。一個咁嘅早餐要$47，我相信莫講話同區，即使同一商場內，同一價錢，應該有更好選擇。

去了下午茶，點了凍檸水和凍華田，超好喝。現在手搖店林立，大家都不記得茶餐廳的優點，就是親民，便利，方便，地點好，座位又舒適，我很喜歡，不會有用餐時間限制，可以悠閒聊天渡過一個愉快下午。價錢很超值，比手搖便宜，但環境好，可以座得很舒服，然而質素一點也不差，遠比想像中好，點了少冰和正常甜，雖然貌似少冰，但是有它的理由在，因為這樣喝起來才夠冰涼，而且味道足，甜度剛剛好，味道很濃郁，大愛，神奇的是喝到最後一口仍然夠味。

今日和老婆收工後一齊，順便吃個晚飯先歸家, 試下商場街市內茶餐廳,入坐後不停催你落單, 叫咗乾炒豬扒意粉, 只得4條切條豬扒而且得個鹹字, 十分難食待應態度也不友善, 很伏,不會再光顧第二次

今日叫咗外賣椒鹽鮮魷 俾咗110拎返屋企 睇一睇 得14舊 仲要唔係大舊 以前收80幾90蚊都話有廿幾舊 而家收成110得14舊 食水會唔會太深 就連擺底嗰啲椰菜都唔見埋 唔會再叫

已經好少見禁認真整三文治的茶餐廳了！為咗份三文治我決定寫食評讚下佢哋我已叫了很多次網上外賣平台他們的吞拿魚蛋及鹹牛蛋麥包三文治,咁簡單的野佢地都好有心機做，麥包是厚切好鬆軟，蛋吞拿魚鹹牛送到來仲暖的而且都好足料一D都唔孤寒小家！好好味😋花生醬西多士又整得剛好唔會油淋淋茶餐的沙爹牛面牛肉鬆軟沙爹汁味濃惹味是你吃個後以番唔到轉頭吃其他連鎖快餐店！希望佢地可以繼續努力👍，如果可以搬落啟田或滙景就更方便啦！而佢地D燒味都做得幾好，但叉燒就太肥希望佢地可以用多D瘦的，價錢少貴平番DD仲好🥰

叫左外賣，佢既多士有麥纖多士選，超好味，唔會冧又唔會硬，軟硬適中，加上麥既香味，超好！除常餐有麥纖多士，也可以單叫麥纖多士，味道超好！如下次叫外賣一定會再食麥纖多士。

概覽：前身係「創榮餐廳小廚」，同徳田商場一齊閉關大翻新後，命名為「創榮餐廳」重開。街坊實認得餐廳伙記、老闆都冇變！餐牌同食物質素都冇咩變化。比較變化大，就係通漲底下，由幾年前一個早餐 HKD$33，漲價到翻新前 HKD$36，到翻新後 HKD$42！雖然加咗價，創榮餐廳仲係德田邨提供好味茶記食物嘅必到餐廳！食物質素拍得住區外茶餐廳！早餐：蕃茄豬膶米線 + 多油纖麥多士 + 炒蛋 + 凍奶茶少甜少冰（炒蛋全份示意圖，多士共有2塊）蕃茄豬膶米線有薯仔食，豬膶味道唔鮮，一般，但可接受。是日奶茶 okay，呢間餐廳奶茶質素有時不穩定，但整體可接受。多油纖麥多士：嗌多油，真係多油，讚！炒蛋：今次食落見到蛋黃，味道好。

今日去開藍田附近，記得佢個商場翻新完無耐，應該都好多好野食，入去行下之後見到呢間，最緊要係多位方便，唔洗逼。叫咗個濃湯番茄牛肉通，講真個湯真係好濃下，不過唔知點解牛就比較普通，不過都明嘅，個奄列就真係唔錯，建議大家可以試下。

今日放假，去左落下新開嘅街市入面睇下見到由以前已經係到嘅茶餐廳即刻入去試下 裝修好咗好多 都幾大叫左一個扒餐要左牛扒 煎蛋 腸仔多士牛扒有小小硬 但係味道都算吾錯煎蛋半生熟 多士都好厚而且份量都算多 一個人食啱啱好！