創榮餐廳

营业中

休息中

概览：前身系「创荣餐厅小厨」，同徳田商场一齐闭关大翻新后，命名为「创荣餐厅」重开。街坊实认得餐厅伙记、老板都冇变！餐牌同食物质素都冇咩变化。比较变化大，就系通涨底下，由几年前一个早餐 HKD$33，涨价到翻新前 HKD$36，到翻新后 HKD$42！虽然加咗价，创荣餐厅仲系德田邨提供好味茶记食物嘅必到餐厅！食物质素拍得住区外茶餐厅！早餐：蕃茄猪膶米线 + 多油纤麦多士 + 炒蛋 + 冻奶茶少甜少冰（炒蛋全份示意图，多士共有2块）蕃茄猪膶米线有薯仔食，猪膶味道唔鲜，一般，但可接受。是日奶茶 okay，呢间餐厅奶茶质素有时不稳定，但整体可接受。多油纤麦多士：嗌多油，真系多油，赞！炒蛋：今次食落见到蛋黄，味道好。