初芋 (已結業)

來到旺角看到有台式芋圓甜品店，忍唔住入去食返碗試下。呢間餐廳有寫到限45分鐘堂食，揀選好甜品就會係收銀處落單，同朋友各自點咗一碗食，就揀咗碗紅豆芋圓燒仙草。✨芋圓紅豆配仙草淡奶很有賣相嘅甜品，而且份量十足。淡奶是自己加配，份量可以自己控制！芋圓有咬口，紅豆份量也很多，不過味道太甜了，甜得發膩了。甜品是一般的，當我哋一食完碗糖水(其實進食時間沒有二十分鐘)，店員就走過嚟同我哋講出面好多人等緊位，所以我同朋友都理解唔到佢哋寫嘅限45分鐘堂食。

喺旺角食完飯，諗住搵間糖水舖食下甜品，點知原來甜品舖有好多已經喺疫情執咗笠。初芋成日經過，但係每次都排長龍。今次我哋食完飯大概10點嚟到，竟然唔使排隊直入👍🏻。食飯食得太飽，所以揀咗個初芋ABC（台式芋圓x港式糖水）兩個人share。 我哋叫咗個三色經典芋圓+椰汁西米露+荔枝果凍/仙草/桃膠/椰果組合。份量都幾足料，芋圓好煙韌，其他配料都好食，不過個椰汁西米露就稀咗啲。下次冇咁飽，想試吓佢哋嘅趣心系列，3.6綿綿星球。嗰晚見到每台都至少嗌左一個。份量好大，應該兩個人share一個都夠。

經過呢間店，見到佢有熱椰汁西米露芋圓，於是我諗住買外賣番去食入去畀錢，個收銀個肥妹態度真係好hea,好似唔願做生意咁樣，全程望住個mon。我畀左錢就叫我地出鋪頭等（果日都幾凍…其實，不過唔緊要，外賣都無理由要係鋪頭入面等既）收到外賣，見到個外賣碗咁大，滿心歡喜，等都值得既番到屋企打開，真係x左出黎，容量細都算啦，大佬係椰汁西米水黎，稀到飛起，都算，一粒芋圓都無！係一粒芋圓都無！係一粒芋圓都無！呢間野永遠無下次！！！！大佬，天氣又凍，要我等咁耐，最後畀碗咁既野黎，超嬲

開係旺角既舖竟然咁難食！個番薯糖水咁簡單既野食都整到咁難食，d番薯係無一舊係完整架！仲要賣38蚊？？？大家千奇唔好比佢既賣相同外表呃左去食！！！個人覺得一碗番薯糖水整得難食真係好難，但呢間舖做到。。。想試伏既可以去試。。。

叫左一碗白雪桃膠（$58），一杯芋圓珍珠蜂蜜雪梨（$38）。需要用「垃圾」黎形容（人生中第一次用垃圾形容食物）。首先白雪桃膠碗野只有超極過甜的糖水味，完全冇鮮奶味，成碗野味道怪到不能形容。而芋圓珍珠蜂蜜雪梨亦一樣，只有糖水味，完全飲唔出有任何蜂蜜或雪梨味。而杯底的芋圓珍珠冇任何芋香，咬落亦沒有芋圓珍珠應有的煙韌口感，只係一粒口感死實的麵粉球。因對食物質素極不滿，曾向店員反映。店員回應方法極惡劣，只表示甜品不是自己製作便走開，沒任何關注意見的意欲。

睇openrice見呢間糖水店好似唔錯，但係食落完全係另一回事。所有嘢都好淡，似係溝稀咗嘅糖水。芒果楊枝甘露得個色同好假嘅芒果味，食落仲有浸怪味。西米煮到一舊舊，芒果雪糕個texture好怪，個味係啲假芒果味。連啲西柚都係苦嘅。朋友叫其他嘅甜品都係一樣咁差，食落都係冇乜味，食咗幾已經食唔落。除左食物唔掂之外，啲餐具都好污糟。甜品上錯咗同個staff講佢好似唔知發生乜事咁。之後再同個staff反映完啲食物之後佢叫我地自己去返counter問🤷‍♀️ 以後唔會再幫襯。

食品無乜大問題，就正常芋員。但收錢個個姐仔好x寸。我點餐。問我幾多號。我以為餐牌上食品幾多號，就找一下，然然小我坐幾多號。我點一個食品$48. 然後就話每人最底消費$40. 我個Friend 都未開口點餐！

經過門口見到有台式三色芋圓同刨冰🍧已經被佢吸引左入去。購買方式係要到收銀處點餐付款。三種芋圓係用唔同食材新鮮做出黎，芋圓，地瓜及紫薯傳統口味我就點左青山抹茶（一人用）$78霸氣巨峰提子寒天梳打 $30 杯梳打一攞出嚟係超巨大杯🤣真係打卡勁吸晴另外就係個抹茶刨冰都好有驚喜，上面頂係燒溶左既麻糬，食完啲冰冰下層原來隱藏左布甸🍮，啫喱，同抹茶餅乾碎。 兩人食好在選一人用 因為都好大份量，多人食可以2人用。

同朋友食完川菜之後，最想就係食啲甜品消滯解辣！咁啱見到呢排都幾Hit嘅初芋就走左入去試下(´･ω･`)紅莓谷($118)牛乳冰係用日本3.6牛乳整，所以係幾香牛奶味就咁食係幾好嘅，但係因為士多啤梨失色不少啲粉真係好多，但係唔係甜嘅會覺得似係比倉鼠食嘅士多啤梨粉。。睇番個menu先發覺無左手工自家製現炙蛋白😂勁無奈。。-重量級冰芋圓鍋（$128）（三色經典芋圓+椰汁西米露+10款滋味配料）上枱嘅時候係覺得佢幾靚有啲煙飄出黎，勁有feel但係好嬲嘅係芋泥醙左(;´༎ຶД༎ຶ`)我哋全部之後就食得勁少 驚會肚痛可能西米露係自己落 覺得啲配料係唔太甜桃膠都有啲實的的ε-(´∀｀; )-呢間我就唔評分啦～中曬伏！

重量級冰極芋圓鍋（單點$128），足夠二至四人食用，有13種配料；桃膠份量多；香芋芋圓、蕃薯芋圓、紫薯芋圓口感煙韌；白桃果凍、荔枝果凍、椰果、蘆薈、寒天珠味道清爽；芋泥口感綿密，味道清甜；紅豆口感起沙；椰子布丁味道濃厚；仙草份量多，口感滑溜；椰汁初芋露口感濃稠，椰汁味道香甜，內有西米露、芋頭蓉、芋頭粒，雙重香芋滋味。特選台式滷水拼盤分享大拼盤（單點$128），由於豬耳、豆腐卜售罄，可以自選其他兩款代替；鴨腎食落有咬口；鴨血口感滑溜；花枝丸內有花枝粒，食落有鮮味；無骨鳳爪口感爽脆；雞蛋、枝竹食落好入味；蓮藕口感薄脆。二人份量3.6趣心系列綿綿星球紅莓谷（單點$118），手工自家製現炙蛋白口感獨特，草莓味道酸甜，表面鋪有草莓粉，3.6牛乳綿綿冰食落入口即化，奶味醇厚，內有草莓雪糕、布丁、草莓乾脆脆、草莓寒天珠。抹茶牛奶冰露（單點$48），表面鋪有抹茶粉、忌廉，即使係正常甜度，但飲落甜度4分，抹茶味道濃香，內有抹茶啫喱，令到杯嘢飲昇華。甘露仙草冰露（單點$48），表面鋪有芒果，芒果沙冰味道天然，配以奶蓋飲用，味道更佳，內有仙草。

2022年11月30日晚上21:52叫左兩個外賣  1）A（三色圓）+B3  (楊枝甘露）+C6（荔枝果凍，仙草，桃膠，椰果）2）A（三色圓）+B1（黑糖）+C4（仙草，椰果，紅豆，椰子布丁）+  $8(白桃果凍）  最後返到屋企發現1唔係楊枝甘露🥺，再發現2無比另+$8  白桃果凍，但又無電話可以打番去鋪頭投訴同比意見喔，仲要唔好食，芋圓咬落去淋到有d爛唔彈牙，唔係出名芋圓咩？😡😡😡😡😡😡😡😡😡😡😡😡

👩🏻‍🍳 初芋👨🏻‍🍳👣值得科勞指數：🏃🏻‍♂️🏃🏻🏃🏻‍♀️食完飯，第二個胃覺醒了，佢引導我向呢間紫色舖頭出發。🍽初芋ABC Set。三色芋圓。楊枝甘露底。椰子布丁、桃膠、寒天珠、仙草作為芋圓愛好者，見到真係心心眼，揀嗰陣都猶豫緊應唔應該要楊枝甘露底，覺得兩者究竟夾唔夾，結果……係唔夾嘅🫣C part 嘅材料好似各自冇乜關係嘅存在，大家面阻阻，只係分別食緊各樣材料😀📍地點：旺角西洋菜街

見圖  火🔥滾 第一次食甜品盲盒🤮🤮。落單跟menu叫芒果雪糕 俾士多啤梨，叫雲呢拿雪糕比嘅係抹茶雪糕 自己改配料唔需要通知個客？sell 40蚊甜品就唔需要做好個服務態度？睇下個樣就覺得嘔心 點樣夠膽係個廚房端出黎🤢on撚9。。。🤮店員仲話係隨機比雪糕  而menu根本冇寫隨機 個短頭髮店員仲話解釋權係歸公司 我地唔需要明白 menu有冇寫 隨機 根本唔重要 問曬號😡。。 跟住又話我地落單果陣應該講明唔要其他味道既雪糕 我地既錯導致區地比錯嘢我 咩區買嘢要同個店員講自己唔要食d咩？仲叫我唔好激動 pk我比人老點唔比人激動 你真係好修行🖕🏻仲話呢個錯係雙向 diu你係唔係賴地硬🤬🤬🤬 根本就係亂黎。最尾問點解係隨機 終於話因為冇芒果味。。。🤬🤬🤬冇就求其幫人轉。 完全冇通知👍🏻見識到。建議你望下商品說明條例 362章 咁大個仔真係多謝你教識我睇虛假商品說明條例💩最尾講句，如果你地咁樣對客 唔該你地ig唔好寫100%香港品牌 你唔覺得丟架咩？香港品牌真係多l謝曬你🖕🏻

今日見工作唔太忙，所以早少少收工，即刻同兩個同事仔去試下旺角嘅初芋，係網上見評價都唔錯，所以都抱有幾大嘅期望，希望可以係旺角揾到一間好食嘅芋圓甜品店。我地叫左《台式芋圓x港式糖水》系列，賣相同食物份量都屬於正常範圍，不過食完之後覺得味道未算好出色。幸好餐廳裝修新淨光猛，坐得都算舒服，所以短期內都可能會再幫襯。個人覺得如果初芋想係旺角甜品店度突圍而出，要再落力啲去提升食物質素，因為呢個先係令客人再幫襯嘅原因。

今次黎試呢間其實聽人講唔係幾好味因為話芋圓唔係好真實既味道等等今次真係好偶然咁入左去食但係要講翻其實真係比想像中OK🫡入到去其實座位唔算好多但係Menu都設計得非常有特色而且舖頭都幾多靚仔嚟食🤣🤣有艷福嘅大家喺度食完會見到未來男朋友٩(´ε｀ ٩و～～～～～～～～～～～～～～～～～～～～♪ 冰極芋圓鍋 $128 (8.5/10) 我地就揀左楊枝甘露底既～本身見到啲人話楊枝甘露有啲伏但係我自己試又覺得還可以喎🫡上到嚟煙霧離漫勁有仙氣🤗配料真係勁豐富～有我最鍾意芋圓同埋椰果我同另外三個friend真心覺得唔伏🥺呢個份量四個人share都好夠喎♪ 睡火山 $128 (8.5/10) 因為我個friend鍾意食朱古力所以就叫呢個啦本身食第一層覺得真係冇乜特別但係食到後尾越食越有驚喜～入邊仲有好多嘅朱古力醬同埋Oreo碎❤️而且份量都係好大份～不過冰就略嫌淡味咗啲♪ 鹵水拼盤 $128 (8/10)成個滷水拼盤都好有滷水味道有鴨血啦蓮藕墨魚丸等等～配料豐富既如果大家食唔夠飽都可以叫黎食㗎😋♪ 冬日浪漫 $48 (8/10)其實就係蝶豆花益力多蘇打啦❣️杯嘢唔係好甜呢個我幾鍾意不過益力多味唔算好濃～打