利興燒鴨專門店 (已結業)

我大伯今日用3月23日天后寶誕$85代用券換燒鴨同埋叉燒，呢間鋪的一肥一瘦男職員對我大伯態度極差。肥的唔采我大伯，瘦的那位職員同我大伯講咗8次係咩、係咩呀﹗扮唔知我大伯想換燒味。我大伯用代用券消費啫，唔使咁對佢嘛……消費者有權用代用券喎，最後我大伯唔買啦，怕呢兩位職員斬咗唔知乜比我地食。我一家應該唔再幫襯，唔比機會佢地。管理好有問題，價錢平抵食都唔使服務態度咁差嘛。勁嬲

今日佛誕，全家人不在家，得返自己就求奇食啲野，又係涯飯盒嘅日子，其實呢，燒味飯幾好食，都唔可以用涯黎形容嘅。去左利興買雙併飯，無非係貪平，加上佢周圍都係分店好方便，做到梗有一間係左近咁。真心，廿蚊一個雙併飯盒仲想點呀，今日要左叉肉飯薑蓉多色，仲有條菜送下添，個樣都幾靚仔呀。叉燒偏瘦同硬，今日失準啲喎。燒肉就幾好，層肥層瘦個皮又脆。飯夠多，軟硬適中，飯味就無乜啦，所以要撈薑蓉同叉燒汁食囉。好似好幾年無加價啦？抵食！！

燒味雙併飯盒，小時候十元，現在平極都十五十六元，這家雖然十八元，但質素相當好。叉燒，看似非常瘦，然而咬落鬆化，薄薄的，又不痴牙。不是誇張，可能比某些名牌燒臘店更佳。燒鴨，更出眾。乍看大大件鴨肉，皮薄脆。咬一下，幾乎爆汁。有兩件是肥膏的汁，不吃得。但其大件鴨肉亦蘊藏不少肉汁，肉大而多汁，美味！香而不膩！排隊時，店員沒有因本人後面那男子先高呼“燒肉雞”而先弄他的飯盒。取而代之，店員有禮的問我要甚麼，並因飯盒內已有薑荵而問問我會否介意。十八元的飯盒店，在關門前仍然保持禮貌服務，值得表彰！(友人表示俊賢坊也有一家相同名字的燒臘店)

今日中午晏左食飯，差唔多二點半途經上述地方，諗住平時經過咁旺，就走入去嘗試第一次。我最初諗住咁平民格局，可以講係地踎式食店，應該係燒味食物好平啦! 尤其好多燒味鋪生意爭到頭崩額裂，仲以為一碟雙併飯 + 飲品，應該唔過 30 蚊添! 因為平時深水埗食堂食燒味飯，雙併連埋凍飲都唔過 27 蚊。入到去爭啲跣低左我，地下勁油膩及濕滑，之後小心翼翼踩住紅色膠地氈行先安全。我坐低卡位，卡位尚算寬敞。 叫左【叉燒切雞飯 + 凍奶茶 = HK$33元】。大約幾分鐘碟飯到，切雞碎濕濕、都唔知係雞脾定雞翼?因為實在太細件及切得太細小，我自己有煮開鮮雞，及親自斬開雞o既自己都分唔出!!! 雞肉都幾嫩 ok ，雞骨仲有血紅色，證明都幾新鮮。飯上有一匙羹蔥茸，白飯底有幾梳唐生菜，唔錯幾健康丫! 叉燒就最差，色水唔夠好淺、又乾又冇蜜餞味，好似街市平價貨咁，唔掂。 【凍奶茶】幾大杯唔錯， 10 分滿分值 7 分，比好多茶記好。我開始食左好多啖飯，突然有一位男客人搭枱坐我卡位對面，佢叫左飯之後有例湯送，我望勻全場都有。以我一向鍾意飲湯o既我o黎講，突然覺得有冇搞錯呀? 個個有係得我冇??? 正當我想出聲查問時，阿姐

利興都算係我在元朗的飯堂之一, 無他, 價格便宜, 出品亦算ok不論午市 / 晚市, 單拚燒味飯 + 湯 + 飲品, 都係HKD25, 雙拚HKD28, 係元朗, 已經好少地方的晚餐可以在30蚊樓下了 (食麵除外)雖然價格便宜, 但出品都算唔錯的, 尋晚八點去到, 層皮還算係脆的,,再配以 燒鴨, 就成為美味的燒味雙拚飯了如果入座時間尚早, 送的例湯內還有大大舊豬骨的, 好似尋晚甘遲去的話 ,只能係得到一碗無乜料的例水了.環境 : 一般燒味舖的格局, 地下比較滑, 出入要小心收費 : 我認為非常便宜招呼 : 算係唔錯了

1) Always line up during lunch or dinner time. 2) $9 per rice box, $10 with drinks or extra scope of rice.BBQ pork is always tender and soft. 燒肉 is very tasty, like the fact that it is not too salty. Crispy skin.Chicken duck are all good as well.Overall, $10 per rice box is extremely good bargain. Rice quality is not bad, very very good portion and enough to fill up your stomach. Food quality is always good and able to maintain the standard. (I have been buying from this place for 2 strai