利寶閣 (已結業)

埋單前45分鐘已經唔出蟹！蟹約3-3.3両重。蟹細、肉霉！明明嗌蒸蟹，D蟹凍的。連加一$554/位。後悔！碗碟有污漬。服務態度差，追咗好多次，D蟹都冇黎到。片皮鴨排長龍。明明我哋3位，埋單收4位，幸好朋友心水清，講明只有3位。蟹細到都唔想影相🤦🏻‍♀️

每年最期待一年一次嘅大閘蟹季節，以往我會買返屋企慢慢食，但係又要自己蒸，如果約埋一大班朋友食，又蒸唔切，又食到成地蟹殼真係唔想煩。直到上年遇到利寶閣呢個任食大閘蟹及片皮鴨套餐，食過兩次都覺得性價比非常高，決定今年要再同朋友來挑戰一番，最後我地一行8人消滅咗總共72隻大閘蟹！大閘蟹都有4款口味，個人還是比較喜歡清蒸，食到原汁原味嘅感覺！放題質素黎講嘅大閘蟹，真係幾高分，每隻蟹估計約有3-4兩，隻隻新鮮爆膏，仲要幾香，呢個價錢黎講絕對滿意，而且咁細隻黎講都算幾多肉，仲要係實肉。我自己一個食咗9隻，輕鬆每人都會有一隻鮑魚，花菇，一碗螺頭花膠湯。食完呢幾樣野都開始有飽肚感，細食嘅朋友要自行留意！片皮鴨要出去排隊拎，隻隻都係新鮮焗完出黎，即場分，每人每次只有4片，需要遇早去排隊等，因為每次一出爐，好快就被秒清！全餐飯最唔滿意甜品呢個環節，雖然寫到有好多款甜品任食，但唔知係咪廚房部太忙，多次落單都無人受理，最後好難得先分到幾碗楊枝甘露，不過係我鐘意食嘅味道，花奶味重。

服務安排十分差劣。朋友幾日前已預先訂了兩張枱晚上8:00，到場等了半小時也安排不到。等候期間還提醒片皮鴨只供應至9:30！終於要走人，臨急找過另一間。不會再幫襯！

我真係好少會寫食評。真心覺得食物嘅質素真係唔差。只係大部份嘅工作人員嘅服務態度一次又一次又再次嘅失望😞。好的只有兩三個。 希望你們能夠好好改善，唔好嘥咗對你們有希望的顧客

週日來和朋友一起飲茶，提前預訂的位置，因為店家有寫提前預訂打八折，提前一週打電話預定，預定時還有問工作人員，我們去時是星期天又是父親節依然有八折嗎？工作人員很肯定的回答有。但是用餐後買單時並未有八折，服務人員告訴我們因為是週日所以沒有八折，我們說訂位時有問，得到的是肯定答覆，而且點餐時餐單上面也有寫，但得到的回覆就是週日無論如何都沒有八折。因不想影響心情或者發生爭執所以付了全款，但這種感覺確實不是很好。 上餐非常慢，周圍有很多客人都在催，因為等候時間實在過長，最開始點的鳳爪和豬肚在用餐1個半小時後才上，而且是在已經起身準備買單並告知他們不需要上了之後。蛋白杏仁茶表面一層是溫的，下面是冷的，可能因為太忙所以只匆匆溫了一下便端上來。其他食物味道還不錯，食材也算新鮮。

家人成日都話嚟呢間試，朋友話好味好抵食！終於上星期訂咗晚飯，一入去第一感覺熱，向服務員查詢話係中央冷氣開唔到。噤冇計，訂位訂左晚上6:30時訂左個套餐，未到6點3已經人齊就叫起菜，唔洗10分鐘就上左四餸一湯，等到7點都未下一碟，見樓面得三幾個人就唔吹佢上菜，見到手忙腳亂噤，等到隔離左右都見到同款菜式就忍不住叫服務員問，又再等7點9再問先見到條魚出現，再等八點三，四再問左幾次先一一上炸子雞同荷葉飯，同糖水。一餐飯由6點半食到成9點，找數時向收銀查詢有沒有負責人在場，回應行開左，反應左意見，收銀只回應：係呀！我幫你講番比負責人知！

今日book 咗13人大枱飲茶，去到只安排得12人，叫個女侍應開多個位佢叫我哋自己過隔離攞張凳！個轉盤上面有殘留食物同埋冇抹枱！碗碟筷子匙羹全部污糟邋遢！同個女侍應講換咗幾次都仲係有跡，佢換既時候仲要掉隻碗落枱發脾氣！！叫碟炒米隻碟又係污糟又有跡！服務態度超級差，衛生程度非常惡劣！真係貼錢買難受！

星期六一收工衝住去食午餐，去到門囗等在十零分鐘就可以入座，當時比左張黃色點心紙我們話有幾款已售罄，坐低左有侍應說原來放題係用粉紅色點心紙先啱，立刻狂剔！等多十幾分鐘仲係得兩碟鮑汁鳳爪，大家心想唔通中左伏，跟住衝住一輪點心上檯，心肝仔定番哂，腸粉皮薄蝦肉爽脆，，正！大路點心排骨，牛肉，蝦餃等中規中舉，質數不錯，鮑汁鳳爪肉淋入味，炸物香脆不油膩，每人一只嘅灌湯餃和鮑魚撻好好食，撻皮騷香，楊州炒飯粒粒分明，全餐至愛，杏仁茶略淡，埋單每位佰伍，個人覺得好抵食

星期天訂了枱飲茶，見到任食點心放題。傻瓜瓜的以為只得放題，點知原來有分放題和 a la carte ! 我認為散叫和任食是兩套食物。品質差距很大🤷🏽食了兩籠點心已經想走🏃🏿‍♂️🏃🏿‍♂️🏃🏿‍♂️可以說是沒有人招呼，斟茶的，收枱的全部是自己一手一腳。我相信我以後都不會光顧🙅🏻‍♀️🙅🏻‍♀️

我係第一次嚟利寶閣飲茶嘅，集團其他分店我未試過，但今次嘅體驗足以令我以後唔會再光顧利寶閣。當日係母親節，住附近嘅我發現所有酒樓都訂唔到枱（係我衰嘅幾日前先嚟訂枱），但唯獨係呢間酒樓，電話一接通就爽快答我：有位呀！於是我就訂一點。去到見到門口人山人海，心諗好彩訂咗枱啫！點知發現，原來全部等候嘅人群都係訂咗枱（因為接待員話唔接受walk in)，我哋被告知等多三張枱就有得入，點知一等就等咗五十分鐘。我企無所謂呀，可憐兩個老人家入到去發現原來有好多吉枱，但係咁大間酒樓得幾個侍應，佢哋根本就做唔切。有架車上面推滿點心泊咗喺酒樓中間，啲點心擺咗喺度好耐都無人serve... 我哋嗌咗燒鵝，佢無酸梅醬，嗌煎蘿蔔糕又無甜醬麻醬，總之平時有嘅醬汁佢都唔會俾你，到你開口問，無論係個傳菜阿姐定係個樓面侍應都係好似夾定咁唔答你，佢唔會拒絕你嗰喎因為佢唔係無丫嘛，但佢係點都唔會俾你囉成間酒樓咁大佢請得嗰幾個樓面，人手嚴重不足，真係好離譜⋯⋯最令我接受唔到嘅係佢環境衛生極之惡劣，周地都係廚餘雞骨無人執，連張枱布都有陣酸噏味，真係屋村酒樓都無咁衰啦大佬...講返食物質素，佢個荔芋帶子入面竟然係無帶子，煎蘿蔔糕入面

我們在 1:00 之前入單: 兩人蒸飯套餐, 三個點心 和  一碟叉燒。我們 1:30 收到電腦印單，但沒有提供任何食物，單上不見 "一碟叉燒"。1:32 馬尾侍應說，其中一個一點心已經賣完了，如果您現在不等，她會立即取消所有食物。1:35 蒸飯套餐中的菜到。1:40~1:50 蒸飯 和 兩個點心 : 蒸飯很硬，排骨有骨頭和脂肪，但是沒有肉，點心還可以。非所有選擇的食物都完全來了，吃了飯後還是餓，而且沒人加水。1:55~2:00 排隊結帳。前排的一些人還抱怨一些食物沒有來，需要檢查單據。

今日執相先記得原來唔係第一次食點心放題，搞錯左🥴🥴呢間都唔係！食呢間都係2019年啦！點心放題呢間算係先鋒，早一星期已經電話訂位！首先會送每位原隻鮑魚酥、花膠灌湯餃！鮑魚真係幾大隻唔似某d得手指尾一節，讚👍🏻。灌湯餃冇花膠味，正常灌湯餃😌共有50幾款點心，酒樓基本款蝦餃、燒賣、腸粉都唔錯，賣相仲要幾靚添，特別係脆皮蝦餃、上素粉果榴槤絲酥餅好脆好榴槤味，酥皮焗叉燒包酒樓比較少見，如果外層白返d觀賞值會高好多甜品亦好好味！十勝紅豆雪糕脆麻花上枱時靚返d就好比出面甜品店，暖暖的麻花配冰凍雪糕簡直一絕啊！🥰🥰

因為覺得中式放題同埋片皮鴨好吸引，一個月內打左2次嚟呢間book枱 (唔同日子)， 接電話嘅啊姐完全係唔想做生意。問佢幾點關門，佢話:你想點先? 我打得嚟就緊係想食飯啦，佢話十點幾關門，但叫我7點鍾要到唔係就無得食，但當時已經7點10分。 2次都係開d無理要求令人地book唔到枱，咁唔想做生意，不如直接唔好開門啦

我一家四人一心想愉快享受下午茶，到達門前等候了10分鐘，但店內只得5至6枱客。入座後劃好点心紙交給職員，等了45分鐘仍未見有嘢上枱，追問下原來食物已放上運送車已久無人推出來，黑西裝經理已盡力配合，但在多枱客投訴無人冲水追食物情況，得不將情況反映一吓。今餐共点了10款，但最終只吃了7款，追問時侍應未知追甚麼食物？已說無啦、賣晒，這態度簡直嬲爆，唯有埋單找另一間再吃，最後結賬時，打印了四次才銀碼正確，真係好勞氣

最近經過奧海城二期，才發現 <利寶閣> 不設晚市！ 好街坊在早前的星期日，走到奧海城 <利寶閣> 飲茶，才得知店方推出小菜放題，他建議到這裡慶祝我生日！由於，一來我早到了奧海城，二來他由九龍灣揸車過來塞車又要泊車，他已訂枱晚上 7:00，叫我先入座！這裏比預期少人及預期細， 平日當晚只有四至五成食客！ 本身寬敞的酒樓，顯得更冷清之餘，冷氣亦覺得大！ 勝在空間感充裕！當等埋他入座後， 我便走出去酒樓我的洗手間， 去完洗手間回來， 只見到一桌送滿食物， 令我好驚喜！高級粵菜放題小菜放題認真包羅萬有！ 對於當時皮膚敏感的我要戒口，也有不少選擇呢！ 細心體貼的他覺得啱我胃口！每位食客均可享用 鮑魚扣冬菇、響螺燉雞湯及三款煮法的奄仔蟹響螺燉雞湯：落足料鮮甜味美！鮑魚扣冬菇：醬汁惹味又夠入味，鮑魚富有嚼勁冬菇則軟滑！ 鮑魚扣冬菇：醬汁惹味又夠入味，鮑魚富有嚼勁冬菇則軟滑！瑤池貴妃雞：看似淡而無味的確食落好淡味！脆皮燒腩仔：脂肪與肉質相間，加上香脆的豬皮 內外兼備！蜜汁豚肉叉燒：肉質鬆化帶有脂肪，味道甜美，蜜味香濃！片皮鴨：富水準之件作！更加不容錯過呢！玻璃咕嚕肉：醬