利景酒家

营业中

休息中

雖然灣仔區內呢間價格算偏貴﹐但點心品質高所以過往偶爾會幫襯。前年加價後點心反而越嚟越縮水越嚟越唔掂﹐下午茶三點幾已經開始趕客﹐在食客旁邊推板間房﹐伙記又成日自言自語爆粗﹐本來呢D大部份茶樓都係咁我都唔會特登去講﹐但今日我叫左碗肥牛米線﹐中間成條頭髮突出嚟個伙記都睇唔到﹐夾出嚟長長一條湯汁飽滿(我頭髮極短非常肯定唔係我掉的)﹐大家都知呢種情況叫佢換都冇意義﹐拎走之後都係俾番同一碗你﹐所以無謂吹毛求疵焗住照食﹐但碗野得塊半肥牛真係少左D﹐肥牛有冇咁矜貴? D米線食落條條都有一截硬弸弸﹐係咪個煲唔夠大D麵突左出水面浸唔勻? 點解以往點心質素咁出色而家搞成咁仲點幫襯落去?另外對於初次光顧者我有個溫馨提示﹕呢間茶樓有個茶錢陷阱﹐拎電腦飛等位時千祈唔好揀“不搭檯”﹐茶錢會收貴好多。

這家酒樓位於灣仔至銅鑼灣中間的位置，需要上一條樓梯往一樓。星期六和家人來到這間酒樓飲下午茶，酒樓內已有很多顧客，可見人流也不少。我們3個人叫了一碟乾炒牛河及5個點心。星期六、日大中小點一律$25 ，點心我們選了百花釀魚肚、香蒜蝦春卷、千層馬拉糕、家鄉煎薄餅、雞蛋豬腳薑，另外我們還點了一碟乾炒牛肉河粉。全部點心上菜時都是熱騰騰的，材料新鮮，而且味道很好。而乾炒牛肉河粉的份量很大碟，牛肉嫩滑，河粉也炒得乾身、入味，很有火候。這間酒樓的點心和食物質素不錯，而且價錢合理，十分值得推介喜歡飲茶的朋友和家人來一盅兩件！🥟🍵🫖

以前呢度係大榮華,同公司同事經常黎,而家叫利景酒家都係第一次黎,格局都冇乜變,野食味道都唔錯而且仲好大份🙈最中意係椒鹽黃金豆腐粒,外脆內軟味道啱啱好☺️下次再黎一定再叫蝦餃又好大粒多肉,魚肚雞扎好滑好嫩,炸子雞亦都外脆內嫩入味,我地仲叫咗金沙炒飯同福建炒飯又係超大碟,好適合多人一齊食😌P.S.上菜速度快,侍應收拾清理亦好快手

無預約即興walkin，雖然差唔多滿座，但都即時安排到大枱比我地一家八口入座，好快手～ 叫左半圍餸$1200 左左，另外叫多半隻燒鵝～ 套餐+$80 有6罐汽水加一枝啤酒，因為我地無人飲酒，所以比左8罐汽水我地～ 計落都算ok~ 價錢抵👍👍上菜速度快、食物大碟又好食，基本上無咩邊碟唔好食，食左一半已經飽到上心口，最尾仲有蕃薯糖水送，超級飽+滿足。侍應非常細心、有禮，服侍態度好好👍👍係一次非常好用餐體驗，屋企人都話下次值得再幫襯👍👍

我地1/6 book 枱食晚飯，意外地餸菜出手色，服務態度好，冰鎮咕嚕肉，窩燒手鮑魚飯，燉湯，沙嗲肥牛金菇煲，乳豬全隻，燒鵝，上湯龍蝦+鍋巴底超正～～長沙奶黃壽包，好流沙👍🏻👍🏻🤔

午餐時段，呢度都好多人飲茶，附近都好多辦公室，好多人中午食飯時間黎。我哋就嗌外賣，食佢哋嘅燒味飯。喺樓下外賣嗰度買完上樓上度攞。我哋都好鍾意食佢嘅叉燒同埋燒肉，有雞都唔錯。仲加條菜同蔥油。不過有時中午佢哋多堂食，外賣可能要等一陣。不過佢啲燒味飯真係抵食，先$36雙拼。抵食過明閣好多，而且好似仲好食過佢。如果喺附近返工都可以試吓。我哋已經成為咗常客，唔使行到咁遠買兩餸飯。#hkfoodsuggest

我今日約左好友在香港灣仔史釗域道1號D的利景酒家食午膳。環境可算舒適，交通便利。我點左义燒三寶飯（碟）$55，日式炒烏冬$88，白灼時蔬（碟）；點心是爽滑牛肉腸$32，焗雪山义燒包$32，安蝦鹹水角$22及蒜香鮮蝦春卷$32；小食是咖哩魚蛋豬皮蘿蔔$28，茗茶每位$12。日式炒烏冬值得推介，材料豐富，醬汁不多👍👍；焗雪山义燒包好有特色，好味又好食；蒜香鮮蝦春卷炸得香口，材料好味；咖哩魚蛋豬皮籮蔔好入味。整體表現不錯，值得再來光顧。

聖誕節放假瞓到自然醒同媽咪去飲茶，上次同屋企人嚟過見到有炸魷魚鬚已經雙眼發光想點㗎啦！點知我哋太早啦直至食飽都未夠11:00冇緣一試。聖誕節機會嚟啦！🤭去到已經11:00攞咗飛等一陣已經可以入座，我洗餐具時，叫媽咪睇吓想食乜，我想食魷魚鬚🔊媽咪話冇魷魚鬚喎！吓😱唔係呀嘛等我睇吓先好彩係有㗎椒鹽酥炸魷魚鬚炸皮好薄，魷魚鬚新鮮。好耐冇食過咁好食嘅魷魚鬚啦！好正呀香煎蝦米蔥花腸粉煎到焦香，好食😋鮮竹牛肉球安蝦鹹水角外皮唔油咬落軟糯，餡料豐富唔咸水晶潮洲粉果粉果同牛肉正常發揮見到人哋點嘅燒味同咖喱魚蛋豬皮蘿蔔賣相都好吸引，下次又試吓先

喺中環做完物理治療之後，見冇嘢做就約屋企人嚟呢度飲下午茶。估唔到平日下午茶人流咁旺，全場爆滿。起初望住佢張下午茶紙，真係唔知點揀好。但係後來侍應話餐單上大、中、小點一律$20，咁就唔同叫法啦。呢間酒樓，感覺上走老派路線。淨係個錦鹵雲吞已經相當有驚喜，跟返傳統，個汁裏便係有唔同嘅肉類同埋蝦肉，相當足料，唯獨是有點失色就係個雲吞皮裏面中間冇包一隻蝦，如果有包埋嘅話就真係錦上添花。下午茶都有個福建炒飯，雖然唔算大碟，但係相當足料，就算係急凍蝦都好，佢啲蝦都比出邊大三倍，蛋漿包住啲白飯炒得粒粒分明。又見佢個炸子雞半隻都係$68仲要配埋一鍋麵，難得山長水遠過港島區，就順便試埋佢。隻炸子雞皮脆肉嫩，超Juice。$68半隻簡直係冇得輸。平時飲茶除咗叫粉麵同埋點心之外都會嗌一兩個小食，就試佢個欖角骨，個味做得幾好，但係就炸得唔夠乾身。另外個韭菜餃個皮炸得好鬆脆，餡料包得滿滿的。個燒腩卷食得出d肉用玫瑰露醃過，亦唔會太多肥膏，感覺上冇咁邪惡，咬落去嗰一下，啖啖酒香相當回味，實在值得推介。比較遜色少少就係個金錢肚，唔係唔好食，但係其他真係太過出色，即刻比下去。個尖椒都好夠辣，相當搶喉，辣得過癮。實在太飽

有時要找地方吃家庭聚餐都幾困難，自助餐多數價位高又吃不多。利景酒家 提供了半席 (6位) 的晚飯套餐。✨御品東星斑宴 (HKD 1280) & 茗茶 (HKD 24)茗茶不知是不是已每壺計?! 因為帳單見只計算了2。🐖大紅脆皮乳豬件皮真的很香脆，肉的部份不會都是很肥。✨碧綠珊瑚鮮帶子西芹吃落不會很多渣，帶子肉都厚實。🦐上湯鳳尾大虎蝦球 這個的底是煎米粉來，外脆內軟很香口。蝦都算幾大隻，口感都彈牙，調味亦不會太淡或太鹹。🥣銀湖白雪花膠生翅配料都幾多，口感來說超豐富。味道的話建議加點醋會好點。🐟清蒸東星斑蒸的時間剛好，但新鮮度來說一般。✨蠔皇原隻鮑魚扣鵝掌鮑魚幾有咬口，相對鵝掌很軟腍。這道菜的調味會是整餐最濃的。🥬濃湯雜菌浸時蔬有磨菇、木耳等，配菜心。🐔瑤柱貴妃雞雞肉嫩滑，但那個皮下脂肪有點太肥美 (笑)最後還有很鬆軟的懷舊馬拉糕和紅豆沙。我們八個成人吃這半席都夠飽。

今日12:15我同先生兩個人上去食晏(我先到) (之前一直有幫襯,1個月幾次吧),2樓目測無晒2人枱,知客小姐問搭枱得唔得,我唔係咁想,就叫我上3樓,但跟住背後有位男士要1位,知客指住旁邊4人圓枱稱要佢搭枱(都正常),我馬上反應,咁如果係搭1個嘅話,咁我就搭枱啦,通常酒樓4人抬搭枱2＋1或2＋2都屬正常,但果張4人圓枱擺左5張櫈5個位,我地坐第1,2個位,好明顯知客小姐要求該男士坐第3個位,就直接坐在我們旁邊,喺香港非高級酒樓早午市時段要搭枱都好正常,只要說明而客人又接受都可以的,但基本上客人之間都會相隔1個位,諗都無諗過直接就坐旁邊,好喇,已經不高興都算喇,誰料第4,5個位還會放1個洗碗兜,我就問知客小姐,呢張枱你地仲會加人？她回,搭枱嘛,搭枱就係咁㗎啦,仲連續講兩次,我無回應,但真氣上心頭,再坐左一陣還是下不了氣,取背囊就走！我同先生匯合後就在附近北海中心3樓見到"鍾菜館",廣告板見午市時段大中小點一律7折,即管一試,呵,簡直意外發現,酒樓樓底非常高,佈置大氣環境非常舒服,以為好貴,最後食到飽飽連折扣係$247,更重要係食物好好味。非常感謝利景酒家給我機會發現灣仔"鍾菜館"這間咁正

樓下有外賣點心, 但收費每次唔同平時因方便就腳會用八達通買點心, 食物一般, 但樓下兩位姐姐一老一嫩就煩D, 鍾意同熟客傾計, 平時都忍慣佢哋, 等佢哋傾完先買,唔過份都算😰昨日同今日買同樣點心, 時間差不多,但價錢唔同, 昨天有特價$48,今天收$56, 因自己快手拍咗八達通, 都唔諗住要退錢, 照要啦,但想知道點解？ 順口問呀姐, 老嗰位呀姐好惡話我冇講要特價就係收正價, 但越鬧越起勁,當時12：00左右, 開始多人買嘢, 但佢唔理, 繼續鬧我😰 我叫佢唔好勞氣, 只想清楚知收費, 下次會講明, 但另一位又插嘴, 我轉身走開, 佢哋都未停口, 惡到想殺人咁就算係我錯都無需態度咁差, 想再幫襯都難, 驚佢加料呀😱

灣仔咩舖都四正。此店門面非上游新鮮熱辣幾個月。老細監場佢帶頭半圍六位千零蚊。平價之選上二樓冰鎮鮑魚打頭陣。水準一貫貨要收擺盤心機有眼睇。仙氣氤氳魂都勾乳豬全體規模細。我對此味有要求皮脆肉嫰本唔錯。愈食愈咸搵對謀虎蝦大隻米粉底。全場最好獻新猷個底好食到飛起。人人鼓掌第一流諸君記住海鮮卷。成餐包尾排骨憂酸甜燒汁無肉食。早知預埋阿麥兜跟住上碗西施翅。環保戒吃好理由一啖一淚說好味。不見魚翅羹面浮唔驚唔覺到東星。肉質嫰滑是藍籌可惜少少over done。食完條魚萬事休跟住花膠浸時菜。嚼著蔬菜無咁油花膠一向我免疫。口感不對情不投燒雞唔錯啱胃口。吃了雞腿當報仇其實已經肚飽飽。有雞何必吃和牛櫻花炒飯份量小。遇見飽肚難銷售甜品糖水綠豆沙。輪流供應不綿稠呢餐真係大滿足。約定老友聚中秋服務周到常換碟。絕對唔會把懶偷不得不提個廁所。乾淨企理常整修

尋日8號風球落波，夜晚同個朋友去咗灣仔搵嘢食，本來附近茶餐廳，後尾朋友入到去，大媽又唔想招呼。後尾喺附近行吓行吓就見到呢間酒樓有開。就上咗去試吓同朋友一行二人，叫咗兩個餸，一個椒鹽鮮魷好似130幾蚊，另一個雞煲，好似都一舊水多啲。個鮮油多還可以，不過外層炸得不夠鬆脆，份量唔係好多。另外個雞煲都幾多油，啲雞煮得有點太熟，好多都係雞翼位，關節無用位，份量不算太多兩個人勉強夠食。加咗白飯同埋一支啤酒買單一人$180幾朋友話都算幾貴不過就任坐可以傾吓偈。佢話下次都係搵其他地方😆😆😆咁嘅價錢應該可以食啲更好嘅。

家裡老人家喜歡來的餐廳，尤其早茶同下午茶，抵食，樣樣20文，大中小點。下午茶是兩點開始，對老人家來說吃個午茶當午餐，還有桃膠也是$20，真的不錯。服務態度也不錯，上菜快，收嘢執台都快手。吃完又唔會即刻趕客走，都算係咁。我地人唔多，所以叫左個求其一餐的4人套餐，5個餸加糖水，然後我地加多左個花膠蔬菜粉絲煲，夠食有凸。八寶海皇炖冬瓜環：吃到的有冬菇粒、帶子、蝦米、蓮子同冬瓜。冬瓜好多不過湯都算鮮甜，不過不失。招牌脆皮蒜香雞半隻：皮真是少少脆，肉睇落干身但吃落軟唔鞋，仲有少少油，一個好的驚喜！秘制冰梅骨：ok, 一個幾甜的菜，唔啱老人家吃，肉有少少遲住啲骨。XO彩鳳蝦仁：普通的一個西蘭花炒瘦肉蝦仁。不過蝦仁都幾大隻。清蒸富貴海班仔：魚無腥味又無蒸老，ok!花膠蔬菜粉絲煲：菜心同白菜都霖，啱老人家吃。花膠就細細塊，唔係貴的桶膠。滋潤糖水：其實就是酒樓送的陳皮紅豆沙，非常唔特別。咁樣吃落900幾連加一。算係一餐好普通的「求其一餐」。