影片
开饭介绍
利苑酒家提供大量套餐，当中有鲍鱼﹑响螺﹑燕窝等菜式。酒家不断创新以迎合客人的需求及时代的转变，保持现有菜式的水平，并因应客人的口味加以改良及钻研新菜，30年来创出上千款菜式。
继续阅读
奖项殊荣
米芝莲一星餐厅 (2015-2016)
特色
同客食饭
适合大伙人
营业时间
今日营业
11:30 - 15:00
17:30 - 23:00
星期一至四
11:30 - 15:00
18:00 - 23:00
星期五至日
11:30 - 15:00
17:30 - 23:00
公众假期
11:30 - 15:00
17:30 - 23:00
以上资料只供参考，请与餐厅确认详情
有关奖赏计划
相关文章
话时话，公司班高层真系对我哋唔错😉 呢晚专诚请我哋出嚟食饭，就系为咗答谢大家早排举手之劳嘅帮忙，认真唔话得！❤️为免嘈住其他食客，负责统筹嘅同事非常细心，特登喺「利苑」订咗间房，等大家可以畅所欲言！话晒系 #米芝莲推介，当然对食物质素系有啲期望！仲以为系简简单单食餐饭，点知菜单一早已经预备好... 有 #小秘书 至爱嘅 #龙虾 同 #鲍鱼 ... 哗！真系好期待呀😁呢晚菜单上嘅菜式都几多元化，不过味道就...✨有惊喜#鸿运乳猪全体 - 简单玮句「皮脆肉嫩」❤️#红烧蟹肉烩生翅 - 用料都几丰富，虽然我唔觉食到鱼翅，不过入口就啖啖蟹肉，我钟意❤️#蚝皇扣原只鲍鱼伴玉掌 - #糖心鲍鱼 配上充满骨胶原嘅 #鹅掌，系全晚最杰出嘅一道菜❤️#古法蒸老虎斑 - 身为中国人嘅我，都比较钟意蒸鱼全条上！点知师傅竟然将全条鱼起晒肉先上枱，失咗原有嘅风味😅 不过真心𠮶句，啲鱼肉都真系几滑嘅❤️#枣皇百合炖天山雪莲 - 虽然 #天山雪莲 嘅口感有啲奇怪，不过入口已经感觉到𠮶份清润，好想encore呀❤️#上汤韭皇云吞泡伊面 - 云吞馅料十足，好鲜味❤️#莲蓉蛋黄蟠桃包 - 虽然包仔细细，入口都几丰富❤️✨一般般之作#米网黄耳夏果炒带子 - #芦笋 新鲜冇喳，不过啲 #带子 就非常黐牙😅 连平时甚少撩牙嘅我，都要失礼一次🤪#上汤焗开边龙虾 - 虾身比较迷你，就算淋埋特制嘅龙虾汁上面，都系淡茂茂咁... 失望🤪#盐香脆皮鸡 - 鸡肉有啲柴，冇乜特别#浓汤鲜腐竹浸菜苗 - 只可以讲... 非常清淡🤪#保健生果盆 - ... 除咗个菜名有啲搞笑，其他都系正常发挥😅整体食物不过不失，不过服务员嘅殷勤程度真系值得赞赏❤️ 如果香港所有餐厅服务员都有呢个水准，我谂一定可以挽回唔少香港人心啫😉📍#利苑酒家 (九龙湾)伟业街33号德福广场1期1楼F2号舖
继续阅读
食物很不错，服务态度奇差。1）人座只能一小时15分，门口没有人等位也不允许我们多坐一会。2）男部长态度很不友善，未到时间已经不停眼钉著我们，很多询问时又黑口黑面，例如问例汤情况，又不想回答，只说没有，当时只是晩上6点几，没有得卖没问题，也不该黑面说卖晒，问多句也黑面，没有想过利苑会这样态度对客人，不只一天，来了二次他也是这样差的态度。3）其他利苑分店在时间上较弹性处理。而且其他分店职员也没有这等顽劣的工作态度。怪不得敢多人北上食嘢。
继续阅读
昨天11月9日，同屋企人一行三人去饮茶，我去取票先，因为家人其中一人需用拐杖，大概11:37am 到，取票入坐时，当时门口侍应同我讲，系我哋可以饮到12:45pm, 本打算可以啦，一入坐，已经听见一个侍应sell 隔两张枱客人，蟹粉小龙包，接著系糖水，初期觉得好平常，我家人到，我哋自己点点心，我哋点了小龙包，虾饺，干蒸牛肉，义烧肠，煎堆，凤爪，一碟HKD140.- 嘅干炒牛河，比侍应，例牌sell 你要唔要糖水，我哋不要，当时也不以为以，食嘢中，听见啲侍应不停推介其他客人，蟹粉小龙包，做埋呢几日，烧煵仔，杏仁茶，好似赶quota 咁，我们饮到差不多12:30pm, 我家人去了洗手间，一位侍应上前问我，要不要糖水，我推说不要，又问我食剩牛河需不需要打包，我话不需要，因为剩下红葱，一两块牛肉，牛肉又干，好似买叮叮那款咁，亁炒牛河用红洋葱炒我第一次见，完全唔似刚炒完，味精又重，跟著侍应问我，同你埋咗张单先好唔好？我望一望只表，佢话系12:45pm 前离坐，我怕家人去了厕所都一段时间仍未回来，心中以为他们有不舒服，也不想跟那侍应纠纒下去，埋了单算，家人回来也觉奇怪咁快埋了单？咁我们离开算了，已经决定不再光顾这间，食物质素已经差了，服务又不知所谓，饮餐茶，不停听到推销食物，隔离枱有两个小朋友，一位四岁，一位五岁，呢间酒楼连提供小朋友坐嘅凳都冇，只用两张凳叠在一起，用餐巾绑住枱脚以防翻侧，但坐位两侧系冇扶手，德福花园系一个大型住宅屋苑，咩家庭类型都有，咁大间集团式经营酒楼都冇呢啲设备，太令人失望。
继续阅读
好耐冇去利苑，对上一次系疫情时去的，印象中食物都唔错，上个礼拜又去，但系非常失望😫首先加咗好多价，宜家一个点心平均5、6十蚊，但我最接受唔到嘅系加完价仲仲要劲cut份量，cut到好离谱个种！大家睇下我影嘅图，$52嘅北菇烧卖系差唔多公仔点心嘅大细！$50嘅煎萝卜糕嘅厚度只比筷子厚少少，比人地卖嘅薄一半！$52嘅红枣膏又系别家的一半size! 仲要系味道方面都差咗好多，最差嘅系鲜竹卷，个皮硬到唔系老人家嘅我都觉得好难咬，烧卖比较多肥膏，本来应该充满蛋香嘅扬州炒饭唔系黄色、系啡色嘅，只见到少少蛋丝，同埋炒到太干。萝卜糕如果唔系太薄，都够萝卜嘅，肠粉牛肉球正常。成日听饮食业怪哂港人北上消费令佢哋生意好差，但作为消费者我见到嘅系本地饮食业普遍都贵咗又差咗。我都明白铺租贵咗饮食业人工都贵咗，但起码要keep住食物质素令人都觉得值得去吖！同埋老实讲，我见到嘅系中产同有钱人收入都下降，所以中高端普遍消费少了（我算系中低产都被冻薪cut bonus😭），本地始终系多数港人的主场，我地多数时间系度生活，如果有钱又有好嘅选择边个想去gum 远北上消费？（北区居民除外）唔该佢哋怨天怨地嘅同时都检讨下自己的质素系咪差咗！
继续阅读
香港著名粤菜食府利苑酒家自1973年创立至今，一直凭著饮食及服务质素，在业界拥有「饮食少林寺」及「名人饭堂」等美誉。发展至今已成为获奖无数的跨国饮食集团，集团目前于大中华地区包括中国内地、香港、澳门及新加坡合共营运了23间分店，并于香港大埔区设有自家中央厨房，总员工数目共多达2,500名。自2009年推出亚太区米芝莲美食指南以来，集团已累计荣获96颗授星，多年来亦荣获无数奖项及殊荣，可谓实至名归。今天光顾这家利苑德福分店最近更获港铁颁发的「优质顾客服务大奖2023」，酒家位于港铁九龙湾站上盖交通方便外，用餐环境亦十分舒适宽敞，餐牌提供大量套餐，当中有不少鲍鱼﹑响螺﹑燕窝等名贵菜式，是家庭聚餐及商务宴客的首选
继续阅读