利豐園韓國料理

营业中

休息中

利豐園韓國料理。正宗又平又好食嘅韓國料理。🌝有頹飯供應🌝。平日都算清靜 而且店員態度好好。上主菜前會先上韓式配菜同例湯：泡菜 莧菜 豆芽。泡菜薑汁辣味偏濃 不過怕辣嘅朋友都可以一試 莧菜有好濃麻油味。一碗湯有半碗餸 係紅蘿蔔薯仔洋蔥湯來 清甜少味精《石頭鍋鰻魚飯》HKD42。整體非常豐富 唔少得芽菜 紅蘿蔔 冬菇 生菜 紫菜 撈埋一齊食yoho。不過就咁食真係好頹又冇乜味😑。後來落埋支辣醬落左之後直頭好似upgrade左成個飯咁 唔單止賣相仲有味道😛。辣醬係帶少少腐乳同偏甜 極推薦要落辣椒醬。鰻魚好似少左d🌚《韓式拌冷麵》(辣)HKD42。紅薯幼麵有d難咬 酸辣辣好開胃 不過幾辣下 所以畀左男朋友食。個賣相好靚 份量好足 好多泡菜青瓜 大碗又好味。 有時d麵食食下太乾 好難夾 我會加啲湯落去撈一撈

同日本魚生、壽司分手後，改為戀上韓國飯卷、泡菜湯、石鍋拌飯。但近年韓國料理價錢不斷上升，簡簡單單一個拌飯動輒都五、六十蚊，所以自從發現抵食既韓國料理之後，總會心思思去食。今日我就食咗石鍋拌飯。好多人都覺得拌飯將啲材料放晒上啲飯度咁簡單唔會好好食，但就係簡單材料要新鮮，飯要煮得靚先至好食。食過咁多間，呢間算高水準。我唔鍾意啲飯太濕太爛，一定要見到一粒粒飯粒，如果唔係好難「拌」到。呢個拌飯就做得到。除咗靚飯，仲有其他材料包括牛肉(也有豬肉、雞肉可以揀)、芽菜、生菜絲、紅蘿蔔絲、菠菜、冬菇、紫菜；上面仲加埋一隻生雞蛋添。牛肉上枱既時候係切絲同埋係生既，不過唔洗擔心，因為石鍋夠熱。拌勻之後石鍋既熱度會令牛肉絲完全熟透而又唔會過韌。由於相機先食既緣故，白飯係石鍋裡變成脆脆既飯焦。吱埋苦椒醬落啲飯度，然後將所有材料撈埋，就變成好好食既拌飯喇。我好鍾意食辣，所以我會吱多少少醬。食開拌飯既人都知道一般舖頭都會放成支醬係度，就係等客人一邊食一邊加醬。不過，除咗材料要新鮮之外，食物既溫度都係決定好唔好食既重要因素，所以拌飯我一定食石鍋。呢個午餐仲會送三款前菜，當然唔少得泡菜啦！仲有一碗例湯同一杯飲品。雖然

今日係旺角同個friend行行下街肚餓就決定是旦入一間韓國鋪頭食野結果意外搵到寶本身覺得係旺角食野會好貴 郁少少個lunch都要成80蚊袋樓但點知係通菜街呢邊既小店全部都好抵食呢間韓國野真係一見到個餐牌 40幾50蚊一個set包飲品包前菜就狗衝入左去因為我好鍾意飲豆腐湯所以就嗌左個海鮮豆腐湯完全足料 勁多豆腐又有蜆 辣得黎又帶點鮮甜諗起都好想再食我個朋友就嗌左碗芝士面食 佢都覺得呢間野唔錯幾抵食我地加埋都只不過係100蚊（唔洗加一）真係好抵夾好食以後黎旺角都唔會再去d大街搵野食識食一定去其他街仔

韓國野出名貴，久唔久都會想食，所以多數都會去D小店食，價錢會平D，又唔洗成日等位。今日黎到旺角食利豐園，食韓國野不外乎炸雞同米酒，呢到炸雞甜甜辣辣，雖然唔係好辣但味道都唔錯，配埋米酒，一班人吹水都幾正，炸雞好大份。另一定要食燒雞肉同燒牛肋骨，佢幫你燒埋，咁就唔會成陣味，好香好好食，洋蔥都好香，雞肉好滑，牛肋骨大家爭住食， 覺得份量唔夠，連洋蔥都要食埋！另叫左水冷面唔太夠味，要自己加醋。老闆服務好好，又推介食乜，又主動幫我地加水同加小食，食得開心

今日同個fd去食呢間餐廳，我地兩個女仔都好耐冇食韓國野，特登揀左呢間試下。一開始我地唸住一人叫一個石鍋飯再加四隻炸雞翼，點知最後噶waiter聽錯左幫我地噶order幫我地落左一大碟炸雞 😵😵 跟住我地同佢講我地冇落到炸雞，點知佢話明明聽到我地落炸雞，又話冇得再換，已經炸左出來😩😩 我同個fd都好無奈，一黎我地冇落錯，我清楚聽到我fd講係炸雞翼，二黎我同佢講有冇得換翻我地噶炸雞翼，點知噶態度就好唔友善。最後就逼我地要左碟炸雞，問題係我地兩個女仔食唔曬咁大碟炸雞囉😤😤 真係有種上當噶感覺。。。最後我同fd食左兩個鐘先食得完

辛苦搵黎志在食，一個人收工當然要搵嘢食啦呢間隱藏係橫街，真係會好容易搵唔到。比一排檔口遮住。今次食左個烤牛肉，雖然係宵夜，但係都放縱一次啦點套餐會有個前菜，佢個泡菜，係我食過咁多間韓國餐廳好食之一，唔會好辣，有少少酸但唔會嗆喉睇落普通既餐湯，無諗過會咁足料，唔只有牛肉碎，什菜，仲有一般人會掉左但其實好好食既冬菇腳烤牛肉一上枱，好香既韓式醬油味衝上黎，鐵板亦夠熱，到我食完成個餐都仲係熱，牛肉一啲都唔老，食落無渣就算我成10點半先到，但成個餐用料都好足，唔會有偷工減料既感覺

我平時會係尖沙咀或旺角返Part time，工作時不可外出食飯，所以都必須叫外賣，而在旺角我最常叫的就係呢間利豐園。原因好簡單抵食又好味，而且一個餐就會送外賣，唔會強迫叫到某價錢先肯送外賣個種。真係好適合我呢D兼職打工仔一個午市套餐竟然由11am-5:30pm，呢D時間簡直就係為我呢D 售貨員而設。而且外賣仲唔洗加錢，讚讚讚一個套餐不同主菜不同價錢，$38-$58，但每個餐都奉送3款韓式配菜（泡菜係必有架！）、熱飲一杯、米飯及例湯。有熱飲又有例湯，真係抵食到不得了！我通常都叫$4x個d菜式，今次就叫左「辣炒五花腩肉飯」，而且我好麻煩要走蔥走洋蔥，而店舖都好好，唔用洋蔥炒轉椰菜炒，唔會走左就變到乜都無。左手邊就係個3款韓式配菜。店舖仲要係即叫即炒，今日我3點order，大約3點4、5就送到，算好快，而且炒五花腩仲係熱的辣中帶甜，肉質都仲好有口感之餘，仲真係將汁同肉、配菜炒得好均勻，唔會感覺肉同汁係分開，而且飯同主菜既分量我都覺得足夠，每次我都食晒，而且飲埋碗湯就好滿足了。仲有碗例湯，一點都唔hea，好多料架，有瓜、有菜、有蘿蔔。今次$42蚊食到韓式菜式，真係好抵又好味！

第一次摸到來呢間店，平均每樣都係$70度韓式拌冷面，又大碗又好味，係好有風味個種酸酸辣辣咁好開胃海鮮大醬湯醬湯入味，海鮮都算新鮮，中規中矩牛肋骨湯面，薯粉煙煙靱靱，湯底清甜最估唔到係蛋包牛肉，一咬落去係Juicy，無錯，係Juicy，去韓國個份風味即刻番曬來(利申：非打手)

今日同事話好想食韓國野, 咁就去左女人街搵下食邊間好. 我地點左泡菜豆腐湯及辣牛肉粉絲湯, 每個餐都會跟前菜, 飲品及一大碗飯. 前菜都幾好味, 泡菜酸辣平均, 兩個湯就頗辣, 其實好野味, 喜歡辣的朋友都會喜歡.辣牛肉粉絲湯, 雖然牛肉得幾粒, 但有好多配菜及粉絲, 而且粉絲好爽滑泡菜豆腐湯, 雖然份量比較細, 但煮完湯的泡菜仲好好味, 有濃郁的泡菜味, 酸辣適中, 豆腐幾滑

食晏時間係旺角真係好難搵位, 見到利豐園有位就立即入去坐了. 落完order 先有d 擔心, 會唔會唔好食呢? 點解會無乜人? 但原來我的擔心是錯的, 後來亦已滿座了. 我地四人點了四個餐, 跟住老闆仲話會送一客蔥油餅, 抵食, 飽飽.牛肉粉絲湯 –湯底有牛肉味, 而且牛肉也算多泡菜豆腐湯 – 好有濃郁的泡菜味, 酸辣適中, 豆腐算滑, 但份量比較細辣牛肉粉絲湯 – 湯底十分香辣, 雖然牛肉得幾粒, 但配菜及粉絲都算多, 而且粉絲好煙韌炸醬面 – 炸醬甜甜地好味, 拉面夠彈牙蔥油餅 – 外脆內軟, 可惜無味, 有點失望

同朋友係旺角行街，心思思想食韓國菜，就選左呢間係附近的利豐園韓國料理。座位雖然係迫左啲，但尚算舒適。今餐點左3款料理，大家開心share黎食。 紫菜飯卷超好食，蔬菜新鮮爽口，肉香濃美味，紫菜好脆，點少少醬汁，好食到停不了口。 炸雞全翼有原味及甜酸辣味，我地梗係兩隻味都叫晒。上枱時服務員好細心咁幫我地剪開雞全翼，方便我們進食。雞肉好嫩滑，外皮脆口，而且熱騰騰。甜酸辣味，酸酸甜甜好滋味，而且有少少偏辣，味道重同濃，好正！但原味就咸香惹味，好香口，雞味重啲。 年糕芝士湯麵，味道有少少微辣。年糕煙煙韌韌好有咬口，麵好爽好彈牙，而湯就好濃芝士味，好滋味。如果多少少年糕就更好。

突然興起去旺角食韓國菜，行過見到呢間，見佢唔洗排隊就試下啦。結果就中左伏......一坐低就有杯水同三款開胃菜(芽菜、泡菜、翠玉瓜)，雖然翠玉瓜少少怪，但都算係幾好服務既。最後叫左 芝士年糕拉面 同埋 辣牛肉粉絲湯(配飯)芝士年糕拉面，韓國菜裡面拉面等於公仔面。所以我食左兩個759芝士公仔面加幾條年糕幾條菜，咁就用左七十幾蚊辣牛肉粉絲湯呢，唔辣無咩牛肉加味精味。隻蛋好似用膠整咁。p.s.本來以為店員係韓國人，聽真D好似係講緊客家話。跟手見到隔離檯上左碟豬手......好一間特色韓國菜

今日放工同老婆行過,見到價錢ok,入去試試,食左個石頭鍋拌飯同雞肉蓋飯,個餐有湯,飯,小食同飲品,飲左個柚子蜜,個雞肉飯黎到同個menu真係爭好遠囉- -"乾爭爭無汁?!後來個侍應拎左支辣椒醬黎,於是就落黎試下,會唔會同張menu一樣。落左之後,支辣椒醬少少似腐乳味+甜醬+少少辣。成個飯啲色水有返,好好味。推薦要落辣椒醬!!

利豐園韓國菜位於旺角通菜街入面地鋪， 好容易就搵到。 因為天氣凍凍地， 我同我老公好想食火鍋， 於是經過利豐園時， 被利豐園既部隊鍋吸引了。 佢地每款菜式價格都便宜， 就可以食到正宗韓國菜。 短短1個月內， 我和我老公已經光顧了兩次。 加上老闆親切又健談， 每次都會問菜式如何、喜唔喜歡等， 每次都會親自送上熱熱的湯， 我們吃完了前菜， 老闆又再添送前菜， 而且員工服務周到， 絕對要光顧的韓國菜， 有如家的感覺。光顧了兩次都必定要食部隊鍋， 材料足， 份量多， 最緊要真係好好味。 無論我和我老公兩人去食， 或同埋朋友四人一起去食， 個份量十份充足，加上材料多， 有茄汁焗豆、火腿、午餐肉、韓國年糕、腸仔、煙肉、豆腐、芝士、 麵， 仲有其他材料....因為多到忘記了， 最後仲有最重要既泡菜。 湯底好有濃郁既泡菜味， 鐘意食泡菜既我， 就最鐘意個湯底， 味道辣辣地， 辣度剛好適中， 再配上麵一齊食， 非常惹味， 值得一試必定要食部隊火鍋。 最後老闆仲加碼送多我地一個麵食， 正呀海鮮煎餅一上枱就快d趁熱食， 因為剛剛煎好的煎餅， 皮薄脆口十足， 十分香口， 口感十足， 而且一點都不油膩。老闆仲親

之前已試過一次，食的牛肋骨湯和炆牛骨都好好味。今次同2個朋友黎食，服務幾好，食得好飽，配菜好食，聽老闆講現全部都係自家製的，泡菜個d都好味，跟附近的韓國餐廳比，更有家的感覺和正宗。地點方便，下次會再黎：）