利豐園韓國料理

营业中

休息中

我平时会系尖沙咀或旺角返Part time，工作时不可外出食饭，所以都必须叫外卖，而在旺角我最常叫的就系呢间利丰园。原因好简单抵食又好味，而且一个餐就会送外卖，唔会强迫叫到某价钱先肯送外卖个种。真系好适合我呢D兼职打工仔一个午市套餐竟然由11am-5:30pm，呢D时间简直就系为我呢D 售货员而设。而且外卖仲唔洗加钱，赞赞赞一个套餐不同主菜不同价钱，$38-$58，但每个餐都奉送3款韩式配菜（泡菜系必有架！）、热饮一杯、米饭及例汤。有热饮又有例汤，真系抵食到不得了！我通常都叫$4x个d菜式，今次就叫左「辣炒五花腩肉饭」，而且我好麻烦要走葱走洋葱，而店舖都好好，唔用洋葱炒转椰菜炒，唔会走左就变到乜都无。左手边就系个3款韩式配菜。店舖仲要系即叫即炒，今日我3点order，大约3点4、5就送到，算好快，而且炒五花腩仲系热的辣中带甜，肉质都仲好有口感之余，仲真系将汁同肉、配菜炒得好均匀，唔会感觉肉同汁系分开，而且饭同主菜既分量我都觉得足够，每次我都食晒，而且饮埋碗汤就好满足了。仲有碗例汤，一点都唔hea，好多料架，有瓜、有菜、有萝卜。今次$42蚊食到韩式菜式，真系好抵又好味！