功夫點心 (已結業)

今日又去黃埔jumping gym放電，一出地鐵站就見到呢間功夫點心。點心紙嘅封面好有心思，好似一本秘笈咁😂佢星期一至五有早茶及下午茶優惠，有八折。呢度嘅蝦餃王同燒賣王係可以逐粒計嘅，每粒係$9，好似我哋人少少咁，就可以按人頭點，食多啲款式，非常好。全部啲點心有晒價錢一目了然，唔洗對住個價目表，睇返大中小點究竟幾多錢。點心即叫即蒸，要等十五至二十分鐘，所以唸清楚有咩想食，如果唔係再加單，又要再等。功夫蝦餃皇$18👍🏻👍🏻👍🏻1/2 平時嘅蝦餃個皮係半透明，晶瑩剔透。呢度個皮唔夠薄滑比較厚，同埋入邊啲蝦切碎晒，相對無咁彈牙爽口。麻麻地。蟹籽香菇燒賣皇 $18👍🏻👍🏻👍🏻1/2 一般般黑椒金錢肚$28👍🏻👍🏻👍🏻👍🏻👍🏻好濃又入味，整得夠諗。不過份量較少，得5舊唔係好夠喉。翡翠叉燒腸$27👍🏻👍🏻👍🏻👍🏻可以鮮蝦腐皮卷$25👍🏻👍🏻👍🏻👍🏻👍🏻呢個係大爺至愛，煎得夠脆，加埋喼汁開胃可口。鳳凰煎糯米雞$26 👍🏻👍🏻👍🏻👍🏻呢個比較特別，將糯米雞兩邊沾啲蛋攞去煎，都好食，幾得意。鹽燒酥炸魷魚鬚$34 👎🏻👎🏻👎🏻炸到過晒龍，啲魷魚好幼身，炸粉好厚，賣相同味道都唔得。呢度都要計茶錢，每位$7，

有個收銀阿姐好垃圾，落單嗰時已經好似欠咗佢咁，講到自己好忙但又唔覺有咩做，最後仲發脾氣叫我唔好落單。嘢食ok, 糯米雞、餃類真心幾好食，拎到返屋企仲熱辣辣。但阿姐真係超趕客，好心兜q走佢啦。

今日放工冇嘢做，趕住返屋企打機，就去咗呢間點心度買個點心食，諗住邊打邊食。去到嘅時候雖然唔係好多客，但係都等咗好耐。幫我將啲點心拎到返屋企嘅時候，路程其實只係10分鐘，但係啲點心已經凍哂。我諗本身啲點心已經唔係好夠熱，我叫咗嗰幾個點心都冇一樣係比較吸引，唯獨係個燒賣OK，下次應該唔會再嚟呢間事啦。人哋買外賣就為咗方便，我就買完外賣仲要返屋企用個微波爐叮先食得。

尋日假期去開紅磡果頭，揀咗呢間連鎖點心店幫襯，之前間中有去深水埗店，今次係第一次黎呢間分店，黑椒金錢肚太淋、最底果兩舊牛肚酸既，北菇棉花雞d 雞飛水太勁，成碟無味既，包括雞、豬肚、芋頭同冬菇，見到隔離枱埋單時，原來食咗一舊就成碟無再食，鳳凰煎糯米雞d 糯米太淋、無口感，鮮蝦腐皮卷同蝦腸還可以，保持水準既就係蝦餃。因為一路食一路出汗 (其實未開始食都已經好熱)，出面33度，所以無心機影相，問侍應點解會無乜冷氣既？開到最大架喇？佢回答 “係！係咁架喇！”見到鋪內有幾把風扇既，但係只係吹住員工包括收銀同廚房出點心個櫃面總結：唔會再幫襯

夜晚嚟到位於黃埔站嘅功夫點心食點心， 兩個人點咗四個點心分別係蘿蔔糕 ，生菜鯪魚滑炸兩 ，鳳爪排骨腸粉煲 ，同埋瑤柱鮮蝦菜苗餃 。蘿蔔糕好厚粉， 啲油滲曬出嚟。食到一兩絲蘿蔔絲同埋少少香口嘅蝦米臘味， 尚可接受。生菜鯪魚滑蛋炸兩唔太食得到鯪魚滑。 不過炸兩勝在夠脆， 包裹係炸兩外嘅粉皮幾薄下，唔錯。鳳爪排骨腸粉煲有兩隻鳳爪 ，4，5粒排骨同埋四條腸粉。 腸粉吸收咗排骨同埋鳳爪嘅湯汁，配埋辣椒豉油，好食。菜苗餃外皮煙韌結實，咬落唔會散開曬， 都唔錯。 埋單120蚊，價格算係幾親聞。

一諗到食外賣，唔少人都會去食飯盒嗰啲選擇，不過我自己今次就特別少少，去咗食點心嘅外賣！一諗到食點心，就梗係要食蝦餃啦，呢一度嘅功夫蝦餃王真係好大隻，比起正常嘅蝦餃大隻好多，而且入面嘅蝦肉亦都係好彈牙好大件！外皮好煙銀有口感！另外仲叫咗北菇棉花雞，呢一度嘅棉花雞真係好足料，全部都係好滑嘅雞肉！

聽一位街坊講，話哩間點心店服務好差，叫D待應係無反應唔理人無服務可言！但直覺話我知係流料，當然，最好就緊係自己親自幫襯，去睇吓係咪真係咁差啦！打開份 menu 最吸引係煎糯米雞，第二就係酥皮焗叉燒包，原因咪就係少見囉！先講講其他點心先，每一粒蝦餃外皮無穿，皮唔算厚，蝦肉彈牙，對我嚟講，已經合格過關，而餡料加上筍絲，即時加分！滿分！牛仔骨肉嫩，但每一件都比較大，切細件D更易入口.煎糯米雞嘅 size 比一般糯米雞細，外套煎得唔夠脆，失望.酥皮焗叉燒包原來外表整到好似菠蘿包，所以叫酥皮，入口外皮酥脆餡料足，滿意！最後，D待應姐姐有服務喎，叫佢地係有反應喎，重問我個位夠唔夠涼㖭！又一証明咪人講你就信！世上抹黑何其多！

好開心🥳去左食呢間功夫點心，款式相當多，家家相當便宜！今日時間好早就去到呢間餐廳，人客唔算好多，啱啱好錯門晒，員工都尚算可以，會不停幫我們加水。叫咗好多食物，蝦餃和燒賣是必定要叫的。叉燒包比較差，唔知係咪整得太耐，軟林林，爛蓉蓉。叉燒腸粉的皮比較厚，不過都可以！佢哋嘅米線相當便宜，好大碗，金錢肚相當好食，口感很好👍🏻！推薦！個人不太喜歡他們的棉花雞，雞肉都算好滑，不過好油膩，芋頭都可以，魚肚都可以，純粹個人覺得有啲油膩

✨豉汁花枝釀茄子花枝彈牙 茄子外脆內軟 豉汁帶微甜✨功夫蝦餃皇蝦餃 幾大隻 皮厚薄適中 蝦爽脆 有唔少筍絲✨蟹籽香菇燒賣皇燒賣 大大粒 比例幾好 豬肉鮮 蝦爽 帶少少冬菇香 口感結實彈牙✨古法潮州粉果粉果 皮薄煙韌 餡料足 味道正常✨雞髀菇豉蒜蒸排骨排骨份量唔少 唔會肉少骨多但切得求其 排骨仲係連住蒜味濃 但食到有少少雪味雞髀菇爽脆✨黑椒金錢肚金錢肚 有咬口唔會過腍 黑椒味濃但有兩件唔太新鮮 有怪味✨酥皮焗叉燒包上枱雖熱 但似番叮 頗油膩酥皮易甩 包乾硬 叉燒餡略少 叉燒偏乾總結：食物不過不失 蝦餃燒賣茄子唔錯但其他非常普通 酥皮焗叉燒包好差環境麻麻 擺枱都幾密 冷氣欠奉好似冇開咁服務正常 店員都有主動加水 價錢可以 冇加一服務費

大熱天時去功夫點心食下點心歎個包，原本都相安無事，點知阿姐嚟錯咗點心，屋企人以為碟腸粉係我地點倒咗啲時候落去打算食嘅時候原來碟腸粉係隔離枱點，自己唔怪自己送錯點心反而將責任全部推晒比個客，依家咁嘅服務態度真係非常之好呀除咗有咁嘅服務質素之外，呢間舖頭嘅最大賣點就係餐廳冇冷氣唔夠冷氣，搞到我哋一路食，一路流汗，一路用手提風扇自己吹，希望管理層可以正視呢啲問題啦，其實嘢食都唔錯嘅最估唔到就係原來呢間鋪頭係愛回家嘅王俊棠棠哥都有份，棠哥俾人哋嘅感覺係非常之有禮貌同親切，但係原來旗下嘅公司員工對客人嘅服務態度係非常之惡劣，真係非常大嘅諷刺

諗住呢度唔使排隊，而且行到隻腳好攰，所以入咗嚟呢度食點心，不過呢間嘅運作好似都幾混亂，所有分店都比較混亂，可能因為太多客人啦功夫點心嘅裝修同落單只設計都好特別，覺得好友香港特色，好唔錯，價格OK，生活質素唔錯，既然都唔算好貴，都唔可以要求太多！一句講晒CP值都算高唯獨是有一味，叫蝦膠炸兩，呢樣野真係接受唔到，裏面個油炸鬼好林，好難食，而且佢寫有蝦膠，我就真係完全食唔到，亦都見唔到，咁算唔算係呃人呢？

從來未見過一間餐廳咁樣，我係叫外賣既，門口等左超過45分鐘都未有餐點，得閒到可以等待途中打食評，係咪正先本身我地因為餐廳多人所以叫外賣，叫得六道點心，但發現佢淨係不斷接單收錢，除左有本身坐底既客人既單外，又有foodpanda單，又有普通外賣單，收銀淨係識收錢， 收完就有得你喺出邊等然後催單方面就淨係叫你等等等，連你張單係咩號碼都唔聽就走左去，然後一直無人出黎，好似玩你咁，d顧客就好似苦主留守餐廳外如果餐廳做唔切既話就唔好為錢而亂接單啦，分分鐘我幫襯第間餐廳外賣，返屋企食完都快過佢出外賣打到此刻剛剛滿1小時，我左超過一個鐘終於有外賣可以山長水遠行返屋企希望大家唔好去做水魚，去d服務態度差當客係狗咁玩既餐廳，白白浪費你既金錢同人生咁多時間罰企等佢一個咁既外賣

-功夫點心🍽-有時2個人去飲茶食2,3樣就飽因為通常一籠都有4件🤔功夫點心雖然款式冇酒樓咁多但叫應有則有😉-燒賣蝦餃 $9/粒(2件起)呢度燒賣蝦餃係可以逐粒叫但最少2粒其實真係岩哂2個人🤣燒賣比較好食因為蝦餃冇乜蝦鮮味🧐-煎糯米雞/炸紫菜墨魚卷/北菇棉花雞/海鮮卷💁🏽‍♂️💁🏾‍♀️呢4款都推介😋糯米雞蒸就食得多煎就第一次幾香口但餡可以多d🤣紫菜墨魚卷個人認為必食好有街邊小食feel😂棉花雞雖然好似冇乜特別但佢個雞好滑真係軟綿綿咁🤣海鮮卷湯有驚喜入面包左蝦🦐仿蟹柳🦀魚肚仲有冬菇加上用南瓜上湯浸住個湯好鮮甜😋-蜜糖蛋散🙅🏽‍♂️🙅🏾‍♀️唔推介一滴蜜糖都冇唔通蜜糖好貴？🤣食蛋散最重要係個蜜糖但竟然冇好似食緊一舊冇味既炸皮🤨-⚠️衛生方面要注意下因為防疫措施唔算做得好🤨因為人多佢位少要搭枱但又冇用屏風隔隔住食客🤔

等待入座半小時 交菜單後等了一個小時都沒上菜 中間詢問了好幾次 都說快了快了 結果連單都沒下 態度也非常差 不推薦去！這家餐廳沒必要再開了 排隊按號碼 點餐也不下單 態度差得要命 希望以後想去吃吃看的人三思而後行！

//< 功夫點心 >小編其實都好鍾意食點心，今次喺黃埔見到呢一間功夫點心～下午茶仲要有八折，即使係孤身一人都走左入去😆————————————————- 鮮蝦腐皮卷 $22 -小編超級鍾意食腐皮卷，呢一間嘅腐皮卷蝦非常之多而且大粒～食落好爽口！腐皮雖然有少少淋油，但係食落口依然香脆可口😊————————————————- 蟹子香菇燒賣王 $9/1（兩粒起）超級鍾意呢度嘅燒賣同蝦餃都可以逐粒逐粒叫！尤其適合自己一個人去食🤤呢度嘅燒賣好大粒結實彈牙，都幾好食🥰————————————————- 瑤柱鮮蝦菜苗餃 $24 -呢個菜苗餃同樣係大大粒！小編就食唔到瑤柱味亦都見唔到瑤柱，不過蝦一樣係大大粒好爽口～ 皮都算晶瑩唔算太厚🤪————————————————- 桂花糖燉鮮奶 $16 -燉鮮奶同桂花堂小編都好鍾意食，但係加埋一齊好似麻麻地加埋一齊好似唔係好夾🧐燉鮮奶熱食都幾滑幾有奶味，下次可能小編會想走桂花糖🤣————————————————整體點心都幾好食，全部即叫即蒸，熱辣辣😇店舖企理，店員態度都幾好～————————————————評分：7/10地址：紅磡黃埔民兆街12號