功夫點心

营业中

休息中

食物：4/5環境：4/5服務：4/5性價比：4/5 市面上點心店開到林林種種，又話工廠來貨又剩，點揀都係一個學問。但食到間正常既已經好收貨了。食物：除左大路點心款都有d特別野。鮮竹卷用湯上，幾鮮味。冇諗過係點心店食到桂花糖味燉蛋白，做甜品一流。籠仔豬肉蒸飯，飯蒸得夠乾身，加甜豉油食好食。棉花雞夠滑，頂有舊大冬菇，連埋雞一齊食相得益彰。環境：正常點心餐廳格局，冇咩好講服務：正常點心餐廳服務，冇咩好講性價比：正常點心餐廳價錢同食物份量，冇咩好講。市面上點心店開到林林種種，又話工廠來貨又剩，點揀都係一個學問。但食到間正常既已經好收貨了。

好少人會外賣點心 不過今日就試吓好耐冇飲茶🫖佢有超級多選擇每款叫吓 同人分享1️⃣功夫蝦餃皇 ($24)一客有兩個 size比一般大隻 一隻等於正常嘅兩個入面個蝦都好大舊 佢仲落咗冬荀絲 然後味道好夠👍🏻個皮煙韌有咬口難怪咁多人推薦 真係好食2️⃣北菇綿花雞 ($33)呢個啲雞超大片 仲要全部肉 雞肉好嫰 然後啲皮唔知點解可以好黏 另雞更滑之後旁邊有香菇同芋頭 芋頭炆到好熟 食落好粉 又好香 好食😋3️⃣濃湯杞子浸時疏 ($33)有菜感覺健康啲 不過就冇乜特別 同埋都少少油 食唔出杞子味4️⃣鮑螺片滑雞粥 ($36)呢個好大碗 如果自己一個食一定飽估唔到又幾好味 同我諗嘅粥好唔同因為食落已經唔似飯 反而好綿 好似糊仔咁 之後又唔會好水味道比較鹹啲 雖然見唔到有鮑螺 但係啲味入咗粥 幾香個底有啲雞件 多數骨 不過證明係真材實料煲出嚟🥣整體點心味道質素高全部比起外面一般點心大份足料外賣都放得好 冇倒瀉 賣相ok價錢正常 可能貴少少 不過同人分就大概$100一個人

食過已經無數次功夫點心 平日飲茶指定時間仲有8折 有優惠又想飲茶時非佢莫屬🌟平日人流真係唔多 1430入座唔需要排隊 最鍾意既係點心即叫即蒸 茶叫左香片 茶味同香氣相當足夠 飲左3壺都尚算濃 今次7款點心都有高低 一如既往 流沙黃金包always be my No. 1💫no bargain 🤤🤤入面熱騰騰既流沙內涵✨真流沙形態 而有時仲食到大大粒蛋黃 真材實料 雖然本人唔好甘多蛋黃😛又甜又鹹又香又熱 連包體本身都好軟糯好味😋😋😙😙wowo 試過一次食2個 I’m tooo crazy 😂😂牛肉球😍食過幾多次 水準都係甘好 最緊要夠嫩滑又大粒 yumyum 😚😋 蝦餃燒賣都相當足料又大粒 滿足感爆登😆再配上自家辣椒油 不會偏鹹而帶點辣勁辣香味 更有一番風味🥰排骨同坊間一樣味道 正常水準 但偏滑嫩可口 讚👍🏻魚肚腐皮卷 腐皮卷內滿滿蔬菜料 新鮮又健康既感覺😀 魚肚就薄薄一片且好似豬皮 冇乜特別😳小籠包 超級失望!!!!!😟😟😟皮好厚 雖然內涵好大粒 但味道唔出色 食左一啖就已經覺得唔想再食啦….😢😢

今日，我哋去飲早茶，茶位$10/個，我哋叫咗蒸點、煎炸、生滾粥，茶就叫咗香片。🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽鮮龍蝦湯小龍包：皮有啲厚，湯汁太少，麻麻哋鮮蝦腐皮卷：皮炸到好脆，好味脆皮順德魚餅：正正常常，但吸油紙吸到好多油魚肚好市雙丸粥：有兩粒丸，但搵唔到魚肚。食完碗粥飽咗，好彩唔係叫好多嘢。香片：正常🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽員工會主動問客人茶壼需唔需要加水CP值🌟中

呢度啲燒賣難食到一個點，係講唔到出口。我試過好多點心店嘅外賣，呢一間簡直係要嘔出嚟。個鹹水角好多油，啲餡好少。糯米飯剩係得一個字好油叉燒包正常少少唔會再返轉頭幫襯

功夫點心之前係元朗堂食過覺得唔錯，但今次油麻地呢一間買外賣好失望，服務態度又麻麻......依家外賣有8折功夫蝦餃皇$9/隻（二隻起）鳳凰煎糯米雞$24豉汁排骨飯$26（普通，豉油無俾）酥皮焗叉燒包$20鮑汁鳳爪$30（無咩味道）埋單總數$98（已8折了）攞到返屋企只得酥皮焗叉燒係熱......評分：上癮程度：⭐️（應該唔會再食油麻地呢一間了）美味程度：⭐️外貌程度：⭐️⭐️價錢低食：⭐️⭐️⭐️

點心質素幾好，而且選擇好多，基本上喺茶樓食嘅點心，呢度都有提供，而且價錢比酒樓平，簡簡單單飲餐茶，你呢啲點心餐廳，其實比起去酒樓好。餐廳嘅環境都算乾淨，餐牌設計幾有心思，好進食而且特別，點菜之後，應該都係即叫即正嘅點心，因為都要等10至15分鐘先上菜，所以新鮮熱辣都非常好食。同時，唔會因為點心整得太耐而味道變差。今次食生煎包，個皮好好食，真係濺到脆，包嘅內涵亦都做得唔錯，有肉有菜，味道不會太鹹剛剛好。好食令一個叉燒包整得唔錯，應該真係即叫即正，所以啲包好新鮮好好食，而且熱辣辣，比起酒樓食嘅真係好好多。

我自己一向都喜歡功夫點心，點心等用料新鮮而且合理價錢。 我今天見完客戶在油麻地地鐵站附近，又想起功夫點心都在附近的，便二話不說走去了！下午茶時間到有八折優惠兼免茶位的費用呢，難怪閒日一樣多人， 老人家都輕鬆在這店嘆茶，例如我愛吃小籠包、金錢肚、鮮蝦腸粉燒賣、菜苗包、流心蛋包、鳯爪入味又腍，連湯水都冇其水準的。 油麻地砵蘭街10-16號宜發大廈地下B&C鋪2413 9100星期一至日: 08:00 - 21:00

昨天來到位於油麻地的功夫點心分店吃下午茶，其實一直都會行經都去幫襯一下，因為佢屬於平民價但又食物質素不錯的點心店， 而佢哋一向在早市和下午茶時間都做八拆，沒有加一服務費，只計茶錢，確實值得幫襯支持呢！ 而當中我自己比較喜歡的點心包括有： 生煎菜肉包、金錢肚、菜苗餃、韮黃鮮蝦腸粉，而今次叫多了一樣特別的是佢哋皇牌燒乳鴿！ 原來一樣好好食啊！ 不過這款乳鴿不歸列八折優惠的折扣範圍的，但我食咗覺得都抵食呀，$38 一隻！正正！

Was in the area so popped in for lunch. Managed to get a table pretty quickly. Offers quite a good selection of dim sum which was served in good time.The good thing about this place is that for popular dim sum such as 'siu mai' and 'har gow' these can be ordered individually.Individual portions of soups can be ordered, tried the watercress one and was piping hot.Size of the dim sum in general is decent so can consider this place if in need of a dim sum 'fix'.

如果夜晚想食點心，香港一定不太多選擇，所以就嚟咗功夫點心。其實功夫點心的點心味道不錯，價錢不算太貴。因為你要諗下夜晚想食點心嘅選擇不多，所以可以接受的。蝦餃和燒賣都大大粒，非常好吃。

突然之間好想食點心，又咁岩搵到呢一間餐廳一於去試吓價錢唔算貴選擇對我來講都算多，而且仲有一啲比較特別啲嘅款式。鍾意食菜嘅我就叫咗個濃湯杞子浸時蔬面頭睇落去係完全冇杞子但係原來啲杞子喺晒底嗰度，份量亦都非常十足個菜就叫做不過不失咁啦。之後就叫多一個濃湯紫菜墨魚滑，個湯底做得幾出色仲有個墨魚滑係有啲驚喜嘅，夠彈牙爽口，唔錯嘅隔離就係豬膶魚腩粥，呢個粥就非常一般 。粥底唔夠綿而且啲豬潤好鞋。而啲魚腩嘅份量亦都唔係好夠同豬潤比嘅話係小好多。呢一個唔叫都冇乜所謂。之後我哋就叫咗個馬拉糕，味道唔算太甜，質感幾好，又唔會整得過火，岩岩好，我覺得幾好食。跟住亦都有叫叉燒包同埋菜苗餃，菜苗餃做得非常之出色，皮薄餡靚，而且裏面係用咗新鮮嘅豆苗整，非常好食叉燒包亦都係一個唔錯。再睇睇個排骨飯，呢個價錢叫搵到咁上下質素嘅飯真係唔容易。雖然佢嘅份量唔多但係佢嘅排骨好入味，唔會好似出邊酒樓咁咁多肥膏，一大浸油脂，呢度嘅排骨做得相當唔錯。另一味值得推介嘅就係魚翅餃。當然佢唔係用真嘅魚翅來做啦但係佢係整得幾好食嘅。我哋仲叫咗一個陳村粉鳳爪排骨，依家好多酒樓同埋點心鋪頭都冇陳村粉所以我哋就叫左一客試下。點知係有啲失望嘅

之前外國既exchange 朋友話食過幾次點心 覺得好正 今次咁岩同佢地行過油麻地呢邊就又繼續食點心啦 入到去就明明地點解佢地鍾意去呢間啦呢間餐廳對比其他既茶樓好既就係menu 有埋英文 唔怪得佢地指定話黎呢到同佢地去飲茶叫jasmine tea 就一定冇死 因為驚其他既茶佢地會覺得太濃多人黎飲茶所以都叫左好多款點心試呢到仲有野值得一讚既就係可以簡要幾多隻蝦餃蝦餃控表示成日去飲茶都因為去飲茶既人數而有時食唔到 但叫多一籠又好似太多係呢度飲茶就唔會有呢個問題啦功夫蝦餃皇既蝦肉彈牙 所以我地之後仲有encore有朋友指定話要食粉果 因為佢話個皮煙煙unun咁食落去都好足料，有齊菜，肉同花生，唔錯唔錯！

放工去油麻地搵食，夜晚想食點心，於是去「功夫點心」。排骨飯$26，呢個價好難出面搵到！雖然份量不多，但有菜點綴，排骨調味剛剛好，不會太多脂肪，很均勻的組合，很喜歡。另外這裡有野菌雙蔬，清湯煮，很健康。如能切走根部更好，方便分來吃。另外點了叉燒腸粉，不加醬油會太乾身，加醬油後才好食。欣賞叉燒的份量很足，很抵食！最後我們也點小籠包，但不太好食外皮很粉，豬肉的味道怪怪，不太新鮮，加了醋食只有苦的味道，小籠包有待改善。這裡地上較多丟棄的紙巾，影響衛生觀感，但同侍應講，他們都會掃走，服務態度補救。

夜晚突然想食點心，同老公行完街街就入去食。它叫「功夫點心」，食物果然有功夫有心機的！首先，蝦餃真的皮薄餡靚，蝦好大隻好鮮甜多汁，每人一隻其實唔夠食！粉果入面超足料，好香的韮菜、花生、荀⋯水晶皮很滑很好咬囗，味道亦可囗！牛肉腸粉又是超多牛肉，皮很滑，配甜豉油很好吃！這個煎糯米雞真的無得輸，別的點心也吃不到。味道剛好，皮脆但內裡不會太乾，因為雞肉餡也是頗多的。鳳爪排骨陳村粉，一見到即點！私心喜歡陳村粉，吃下也不負所望！值得一讚的是排骨很滑很入味，連骨的筋很香！最後以桂花糖燉奶作結。又滑又香甜，似食緊牛奶味的豆腐花！總結：平！靚！正！功夫點心！😋