加拿大餐廳 (已結業)

食set dinner最好味係個蒜蓉多士，每人都有2件，好好味，好香主菜都ok, $40幾蚊算係咁囉

一入去就比個肥女人指住叫唔好坐果張台。d食物同一般茶餐廳分別唔大。人又唔夠，叫極都無人落單!!!叫左幾個晚餐....等好鬼耐...埋單又係個無禮貌肥婆..應該係老闆之類..黑口黑面。收完錢又唔講聲多謝。服務完全差

第1d 服務真係好差下我第一次去食, 食左個"老闆介推介"個甜品係火焰山, 我食晒主菜時已經係order 餐茶提佢個甜品火焰山可以出埋o黎, 佢都同我講得...點知我飲個餐茶又同另一個侍應提一次, 飲完又再問都係冇o黎, 坐我隔離2張檯都遲過我o黎都食完走, 我仲係到等.... 真係頂唔順, 叫坐係收銀個老闆娘追先幾分鐘後有, 仲要o黎到係凍凍地真整好既,好難食。我朋友叫左個羊架, d肉係好梅既, 我朋友見個幾十蚊既羊扒餐仲好過佢, 我朋友睇到好唔開心.. 點解叫個貴餐d野仲差d, 最後杯熱啡苦到落2包糖都覺苦既再講返d服務, 成班阿"姐"都唔係做開飲食既, d野係咁亂放/飛係檯到, 完全係唔掂, 我追果個火焰山叫阿姐問下等幾耐到, 佢去左就冇出返o黎, 又唔覆我,真係好慶呀, 呢間野d服務同食物都咁差都仲要加一, 真係好唔kur... 真係冇下次。

以前覺得呢間係好野, 早幾個月黎都仲叫okay, 依家真係唔掂!星期六黎食lunch set, 羅宋湯okay, keep 倒水準, 但之後就係噩夢開始...兩個人點係日式豬頸肉同西冷扒飯, 一黎兩個飯同菜已經係涷(熱食物係基本要求, 雖然有一個係日式, 但係我唔係冷盤喎!), 豬頸肉仲要幾舊燒, 西冷扒就非常多根, 完全不能接受. 結果叫個侍應黎, 佢好唔願意咁同我地入廚房返熱d 食物.食物固之然唔掂, 侍應態度同行為更令人驚訝...1) 一大排阿姐個個黑口黑面, 俾晒面色d 客睇, 勁! 要搵劉華教先得2) 上菜""一聲炸碟野上你面, 唔知佢想點3) 食食無啦啦"散"十幾枝牙籤係你面中心就走人, 佢expect d 客"幫佢" fill 落牙籤筒?4) 食食又再拋張tea set menu 面, 又要我幫佢插起佢?最後好飽, 因為一肚氣, 俾錢時同老闆娘投訴, 佢態度散漫咁回應兩句:"係呀!? um...", 我都廢時理佢, 睇佢做到幾耐.p.s. 同一時段, 我地隔離都有個男士食都火晒, 係咩事我就聽唔倒, 但咁質素, 就算多幾個客反, 我都唔會覺得出奇.

20060106下午搭電車的觀光之旅，之前與另一個朋友選擇在這裏午膳，貪其價錢如茶餐廳、品質如西餐廳的午市套餐。其實這裏的佈置是花了點心思的，老照片、帆船模型、羅盤，舊舊的顏色，微斜的陽光，總是擠滿人，決不安靜，像一名老船長開在美國西部小鎮的小餐館，不論一天之中的什麼時候進來，都是慵懶的黃昏，但又是熱鬧的，另有一種散漫的味道。如果在這裏吃88元以上的所謂大餐，你可能就會失望，覺得有點濫竽充數。本來嘛，這裏是小鎮上的小餐館，點那些做什麼呢：）我面前的這份是牛油餐包+羅宋湯+香煎龍利柳配西班牙汁飯+熱檸水，不過28元，每一樣都有板有眼的，大大件毫不欺場。所謂西班牙汁，有些像加了香草的茄汁，但沒有那麼“傑”，與煎過的魚柳很配。伴碟的菜蔬很多，心理上覺得很健康：）分量絕對是偏多的，只能無奈的浪費一些白飯。正待離開（有人等位啦），朋友急call要外賣油占多，心下暗暗嘀咕，不想這裏真的有……還以為一定要去茶餐廳呢：）其實美國人的小餐館，與香港人的茶餐廳，本來就是異曲同工的吧，似與不似之間，並不需追究，來得放心，去得滿意便是了：）

對我而言，呢個$13 早餐，大到嚇死人。要的是吞拿魚三文治，英式麵包，熱咖啡：吞拿魚三文治基本上是普通三文治的double-size，夾生菜、番茄等；吞拿魚混醬是千島醬加吞拿魚，醬少但酸瓜味濃郁，且吞拿魚乾身啖啖肉。伴食的有薯仔沙律球，中規中矩；反而熱啡驚喜在有茶餐廳水準。俾多三蚊有位坐有香港早晨睇，普通貨仔行街都要十蚊啦，想點。

上星期六,一行三人路經山道,見到一間門面好似好high的餐廳,就入去食lunch,黎招呼我地係一d講野都唔正既啊姐,我地就叫了三個午餐,食物未上檯前我地周圍望下,見到d環境陳陳舊舊,這裡一定有很多(小強+大強),到食物上檯了,d飯散收收一d賣相都冇仲差過茶記,唔知係咪心理作用,唔夠膽將d食物放入口,當時都有好多人係度食飯,唔知佢地有咩感覺,雖然價錢平,我唔想入廠,都係快快埋單走人.

第一次黎:個湯好味又夠份量!蒜蓉包脆得黎不會硬!芝士焗龍蝦拼紐西蘭牛柳法式焗田螺拼美國牛扒敬送甜品(o者哩/雪糕)凍飲+$2好滿意,好抵食.

因為住o係西環, 所以成日都o係附近試唔同o既餐廳, 要數好食o既, 加拿大餐廳會係我o既首選. 一來價錢便宜, 好食, 裝修都尚可. 食過佢o既鴨胸鮮果沙律, 鴨胸唔太喊, 夠多juice, 又大份, 好味呀! 仲有個T 骨牛扒配蒜蓉汁, 成個set 都係38蚊, 而且仲好好味. 其實仲有好多其他sets 都好食, 但係未能盡錄. 有湯, 有麵包, 有main course, 仲有甜品, 係雪糕加蛋糕, 加埋嘢飲, 都係50蚊, 好抵!

打完波十點幾黎食早餐。早餐平均$20，幾抵。想食特別ｄo既包類，但英式、意式、特色葡國包全部sold out …（特色包睇落好似delifrance o個ｄ咁）所以只係叫左個普通餐。通常餐包唔會有咩特別，但呢度就甜甜地同埋烘過，我同fd都話唔錯。雪菜肉絲米都ｏｋ，大碗過大家樂o個ｄ好多，食完真係飽死。熱奶茶都可以啦…我覺得。不滿：1) 呢度太多客太少waiters 喇，野食上得慢。2) 仲有早餐menu 非常混亂，早餐o既menu 已經有幾張，售罄就唔好再show出黎啦，落左order後先發覺有第二張menu，仲有lunch menu咁快放出黎做咩？3) 整體感覺唔係咁乾淨

一向都有幫襯呢間餐廳,假期成日爆場,價錢方面係呢區黎講貴少少,不過就幾有水準,黎親多數都係食鐵板餐,有湯,有包,有主菜,重有甜品同飲品,要讚下d包幾好食,好香牛油味,扒類唔會有太多化學野醃過,口感唔錯,不過凍飲要加$2,係呢度好似唔多應該有呢d收費.....

試左下午茶美式熱狗同豬扒包.之前以為都係d例牌野,點知勁好食!個熱狗包好新鮮,包入面有tomato+cucumber slices. d沙律醬唔會太多太濃,包入面搽左d mustard好香. 條腸既味道好好,吾太鹹又唔會勁厚腸衣.個豬扒包都夾左tomato+cucumber slices. 個包外脆內軟又唔會太乾或者"un".豬扒包個豬扒好厚但係一d都唔"un",仲好爽口.$19一個餐連飲品好抵食!

大蝦拼羊扒特餐，有牛油法包、忌廉湯香滑，最出色，羊扒只得2小支，肉很少，並得也乾了些，失肉汁、蝦有3隻，但只可算街巿買之中蝦(草蝦)吧，失望。

同朋友仔同埋團友們影完畢業相，大夥兒走落西環搵食～大家又話要食好ｄ又話要平，我地搵左好耐，見到呢度價錢合理，大家又已經行到腳都斷，就膽粗粗走入去試下。嘩！的確唔錯～我同朋友仔share左一個原個菠蘿焗海鮮薯菜($68)同埋一份set dinner（米蘭汁龍脷菠菜麵）($48)。先講餐湯+餐包，羅宋湯味濃、湯底幾「杰」，餐包係蒜蓉包，略嫌太油。焗海鮮薯菜除左半隻龍蝦有ｄ睇頭，其餘全部都係魚柳，有ｄ失望，不過整體味道不俗。值得一講係米蘭汁龍脷菠菜麵。個米蘭汁同個龍脷柳非常配合，襯埋菠菜麵真係好好味！甜品係choco chips雪糕with brownie，個brownie唔係太好食，不過作為一個跟餐o既甜品已經算係好唔錯！＊團友仔叫左一個田螺餐，個田螺入面o既薯蓉好香好滑，抵讚！

20050919 1pm公眾假期午餐, 本來想去明星飲茶, 爆得好緊要, 男友suggest 不如行過黎西環食加拿大餐廳.2人order 的lunch set (其實呢度乜都係set)-* 我食- 焗西班牙牛利意粉($28), 勁大碟. 西班牙, 即係鮮茄. 茄味香濃. 牛利有成3大塊!!! 味道也不賴, 唔會有臊味. * 男友食- 免治牛肉焗海鮮飯($38), 男友勁喜任何做法的免治牛肉, 見到menu, 諗都無諗, 即叫. 等足20 mins. 我差唔多食晒個意粉先上桌. 飯炒o左底, 味道唔錯. 海鮮方面有3數隻中蝦.兩個餐都包括有餐湯要了羅送湯, 讚. 餐包, 很讚, 係有o的白色粉響面果的軟身包. 同埋餐飲. (凍飲+$2)服務極差, 首先所有waitress 阿姐都係黑口面, and then serve 我地果個新移民十下十下, 我落order 要D 餐, 佢落錯C. 上錯o野我就叫另外一個幫我換, 佢竟然走埋黎check 我張單! 大佬我換得就梗係你落錯order 啦! 走埋o黎做咩? 仲一副好似係我玩o野o既嘴臉!!total 只$70, 平靚正. 如果service