包點料理

营业中

休息中

蒸飯同點心質素都係一般，只係因為價錢平還可以一食！但當包點鉅人一走咗就即刻坐地起價！以前一個蒸飯加一個點心係三十蚊。鉅人一走咗已經加到37蚊！咁大家仲洗乜食佢呢？呢個價錢喺週邊啲舖頭都可以買到一個豐富嘅早餐！可以唔需要再考慮喇！仲有，老實講，佢啲蒸飯大家真係要小心睇清楚究竟蒸熟未，如果唔係就千其唔好放入口呀！咁持平嚟講，佢啲叉燒包都算幾好食嘅！個皮拍得住啲酒樓嘅！可能佢哋都係同酒樓一樣嘅供應商攞貨啦！賣$6蚊，不過唔知有冇加到價喇！我家不妨去證實一下！

呢間包點料理，正正就係開喺包點鉅人嘅隔離舖，呢度嘅各式點心、盅頭飯、炸物同各式小菜嘅兩餸飯都好有水準，其實呢間包點料理一開張係未有兩餸飯供應，只係後點心、炸物同盅頭飯之類嘅食物，後來才增設兩餸飯供應。兩餸飯嘅食材好新鮮，紅燒豆腐斑腩食得出魚肉未有沾上太多粉，入口軟嫩滑，而且都幾大件(呈長條形)，同區真係好難揾到相同嘅兩餸飯店係咁嘅做法。雖然～呢度嘅兩餸飯款式並唔算多，但每款小菜都煮得相當精美，而且味道十足，真正做到貴精不貴多，而且索價合理，一個兩餸飯盒只係賣$29蚊，認真超值無比！