包點料理

营业中

休息中

是日因交通關係，係調景嶺站落車。 平時好少過來呢邊，所以便周圍行下睇下有咩野食，入到街市發現左呢間包點料理，望下價錢真係平到你唔信今時今日仲可以$16有一個飯豉汁蒸排骨排骨份量都算足料，味道正常唔難食，係排骨有點肥。燒賣賣相覺得唔錯，燒賣上亦有蟹籽，一籠四粒一點都不欺場，大大粒。 不過個人覺得係比唔上x記的燒賣好食，但價錢平好多。性價比黎講覺得幾好。生煎包一份有3個，包唔係細細隻的，有一隻手掌大。但賣果時已經凍晒，所以如果想好味點，就要拎番屋企蒸熱/煎熱，如果唔係就咁凍食真係又乾又硬。整體以咁既價錢，味道和份量已是合理有餘，平到咁絕對係糧尾既應急之選。

去街市行過，見到呢度有好多點心，包點，蒸飯等等，全部都好似好正！而且都多人買的。我大概十點經過，都有幾個人響我前面買點心同飯。佢呢度四個半一個饅頭，平唐記五毫子，仲要大過隻手，勁抵😂😂😂！！！佢每日有特價食品添。不過今日係菜肉包 ，唔太岩食，所以都係買番饅頭。佢既饅頭超級熱辣辣，要拎一陣先放到落口。不過注意饅頭唔可以食太多，雖然養脾胃，不過對血糖唔係太好！加上呢舊咁大，食半個已經夠哂飽啦講真！

As I always say, eating good food is always luck and timing.Walked past this joint and the prawn hargau looked good so ordered some to try.It tasted good as expected as the texture of the prawn and dumpling skin was springy and the filling was delicious.(Sadly I ate it too fast and forgot to take a picture).Anyway, took a walk round the market and decided to get some more as it was delicious but after 30 minutes, the prawn dumplings tasted so different.The dumpling skin and filling was too soft

呢間包點料理啲蒸飯點心雖然無唐記咁好食，但勝在夠平，又唔洗排隊等好耐，款式唔多，有鳳爪排骨飯，鹹魚肉餅飯，北菇蒸雞飯，煎蛋牛肉飯，都係廿零蚊一個；點心有蝦餃，燒賣，鳳爪，排骨，鵪鶉蛋燒賣，豆苗餃，鮮竹卷，雞扎，粉果，有時臨收工會大減價促銷，至於啲包呢我就覺得麻麻地，好少會買。今日我買咗個北菇蒸雞飯，燒賣同雞扎，個蒸雞飯啲雞好滑，隻北姑好厚身，燒賣四粒好大粒，上面有啲橙色一粒粒嘅唔知係咪蟹子，雞扎裏面有栗米芯，芋頭，雞肉和豬皮，塊豬皮最好食，吸曬啲雞油。