包點達人 (華貴坊)

营业中

休息中

這間點心店我其實之前未試過，因為分店唔多，大多數在屋村內，今日有幸到這村工作，所以有機會試一試。開首以為這條村無野食，因為聽同事講之前商場裝修，所以店都關門，大部分村民都去香港仔搵食。今次剛剛好，我到來工作的時候，已經完成九成，很多新店都開了。包括這間包店。我今次點了糯米飯。因為今日很凍，想吃點暖胃的東西。很驚喜，價錢$20但大大盒，花生和蔥可以自由選擇落唔落，我勁喜歡，所以叫姐姐落多點。這個分量一個人剛剛好。希望這個價錢和分量可以保持更久。

見到中式包又好。西式包都好！每次唔買都要望多幾眼！見到款款包都大大個。好吸引！一個$5.5熱嘅就$14/3個唔熱嘅$15/4個買左4個榨菜肉包。香菇雞包。有手掌咁大個。糯米卷。馬拉糕。返到屋企即刻叮嚟食下。用張濕左水嘅抺手紙叮左兩次10秒。夠哂熱辣辣。中式包多數都唔會係空氣包。夠實在。糯米卷都算多糯米仲有啲花生。兩款肉包。餡唔算多但都ok嘅。而且食落都有肉汁。唔會乾爭爭。馬拉糕就無食啦我。唔知味道如何。但見前面位客人買左兩個。應該都唔差掛。佢仲有香芋包。蓮蓉包。壽包。生煎包。點心等等。下次有機會再買其他試下先！