包販子 (已結業)

牛油果紫菜軟殼蟹包 🥑🦀食炸軟殼蟹除咗要夠香脆之外，上枱嘅時候一定要夠熱，唔夠熱會大扣分，由於呢個菜式係餐廳其中一個招牌菜，所以我對佢好大期望。一上枱即刻試吓隻軟殼蟹熱唔熱，好開心佢仲係熱辣辣仲好香脆添 ☺️ 另外一個重點係夠晒大隻呀 🦀餐廳嘅地理位置都幾方便，喺太子地鐵站行過去只需要幾分鐘，不過門口就唔係太明顯，行咗幾次Miss咗個門口，同埋要齊人先入得，上次我早咗嚟大熱天時喺門口都等咗陣，不過都值得嘅 ☺️

同朋友係網上見到呢間環境幾靚、食物款式又幾特別✨就嚟咗食嘢～ 餐廳位置唔多 坐到20人左右🤩 12點幾到唔洗等位 但1點幾就見有人要等一張枱 整體好快有位!! 食緊嘅時候見到麵包皮搽咗牛油準備拎去烘😍 即刻勁期待啲包～🥑🦀🍔 牛油果紫菜軟殼蟹包牛油果同軟殼蟹呢個個醬同個包好夾 食完都算有飽足感🐥🍔 咕嚕雞包燒過嘅菠蘿甜甜地 啲醬汁酸酸地 幾特別🥔🍟幼薯條炸得幾香口 但醬汁覺得一般般 (唔點汁已經夠味!!!!

講唔停成日都見到呢間嗰陀地西多好吸引🤩 所以就揾咗個平日去試吓啦😝我哋平日大概3:00去到都基本上每枱都有人 所以估計如果食飯時間都應該要排隊🤔牛油果紫菜軟殻蟹包 $88呢個係餐廳嘅招牌菜💫 麵包有烘過 軟殼蟹都好大隻 炸得幾香脆🥰 佢係配紫菜醫 個人覺得味道就一般🙈麻辣牛𦟌包 Lunch Set $108講唔停覺得呢個反而好食過上面嗰個🤤牛𦟌好淋 麻辣味好香不過放心唔係好辣🌶配埋酸蘿蔔同青瓜🥒 口感同味道都加分😚薯條份量亦都多🍟幾推薦陀地西多 $66呢個有啲失望 有可能本身太期待啦😣 黎到比相細份😭而且西多唔係好熱 做唔到想像中冰火交融嘅效果🥺勝在加埋啲花生醬雪糕同花生粒之後味道好濃好足👍🏻咖啡可樂 (跟餐)呢個講唔停覺得好難飲😔飲落似有氣同埋甜啲嘅咖啡 個人唔係好接受到🤢整體黎講 講唔停覺得呢間餐廳啲招牌菜普通😢唔係signature嗰啲反而幾好食😚如果唔洗排隊嘅話都不妨一試嘅❤️

我哋下晝一點幾就到，所以唔使點等就入到去朝聖😋 呢間Burger款式好創新，而且仲好黃💛，大家經過不妨去支持下👍🏻-🥪北京填鴨包好有Fusion風味，自家製麵包用牛油烤過，好香而且鬆軟🍞🌟鴨肉亦都好脆，連埋甜酸醬、大蔥、青瓜絲包住一啖食，好似食緊中餐，但又有西餐嘅感覺🤣一句講晒，要試！-🥪咕嚕雞包好厚身，有大大塊脆炸雞🍗，質地嫩滑夠Juicy，上面仲有幾塊酸酸甜甜嘅菠蘿🍍，好開胃😋不過大家要小心，食嘅時候都幾狼狽，要拎定幾張紙巾🧻🤣

讚1.點左煙肉雞蛋包，味道係幾好，包炸得唔油膩，煙肉，雞蛋同醬汁既組合好，有煙肉既油香，太陽蛋既蛋汁同醬汁溝埋一齊，好開胃，望落好似好大嚿，但食食下就食晒2.唔使填表，呢間18:00後唔做堂食彈1.煙肉真係要切一切，因為係包入面，好難睇到係味位置，未必可以一次咬得開，切細舊啲就好

今次試咗北京填鴨漢堡包同埋all day baofast， 賣相很好。 北京填鴨味道正宗， 但配埋西式嘅包又好新奇。鴨肉好足料， 好嫩口，但醬汁有點唔夠多， 味道有點似燒鴨。All day baofast 有得揀配包或者三文治， 建議可以同牛油果一齊食。 最重要係有大大塊超厚嘅煙肉同爆汁嘅黑椒腸！個蛋炒得好滑，可以自己落鹽同胡椒配濃淡。 沙律菜非常新鮮，加咗黑醋唔會苦。 個茄汁焗豆用真茄肉整。 另外嗌咗杯凍綠茶鮮奶， 綠茶味比奶味濃，細細杯剛好夠飲。呢間包販子地點雖然離地鐵站有點遠，但整體算易搵。 餐廳環境裝修簡約文青，非常適合打卡。 餐牌設計用心，菜名盞鬼。價錢又唔貴， 絕對對得上個環境，食物質素，同良好嘅服務態度。期待再番黎試埋個陀地西多！

位於太子尼間自家發酵烘焙的麵包+可愛既插畫，令人留下深刻印象。餐廳食物以包為主打，有分包/多士、全日早餐和小食，一望佢地既麵包就知道同其他餐廳既唔一樣，係自家製自家發酵的非常很有誠意！✨牛油果紫菜軟殼蟹包麵包經過烘過食落十分香脆鬆軟，麵包食落陣陣牛油香味，麵包質感又夠軟熟，淨係個包已經覺得好食，夠哂誠意一定要幫襯！！軟殼蟹好大隻仲大過個包😍炸份唔算太厚咬香脆可口而且好多肉👍🏻配埋牛油果一流✨抺茶牛奶飲落唔太重抺茶味，反而牛奶味更突出😂

北京填鴨 $66w/ confit duck leg、cucumber、welsh onion、hoisin sauce 自家製既麵包 烘過之後呈金黃色 食落非常鬆軟 外層就脆卜卜 而中間夾住中層既片皮鴨配青瓜、洋蔥同醬汁 材料十分豐富 難以一啖食哂咁多層 建議切開黎食會比較方便😆 而鴨肉都好軟綿易咬 唔會太乾 加上鹹味較重既甜醬(?!) 整體黎講都好有層次 而且非常特別 值得一試😋評分: 9/10🌟抹茶牛奶(C) $40個排好想飲matcha latte 日思夜想咗好耐終於飲到 點知就...🥲 呢杯latte係用抹茶醬沖成 要自己搞勻沉底既醬 加上凍飲既關係就更加難溶 所以飲落抹茶味好淡 而奶味好重 感覺一般 相信熱飲會比較好飲🤧評分: 6/10🌟——————————————————————包販子 (太子)太子通菜街254號地舖

☕️ 食品：👍🏻👍🏻👍🏻👍🏻 🤵🏻 服務：👍🏻👍🏻👍🏻🛋 環境：👍🏻👍🏻👍🏻我電話入面經常都有個餐廳To-eat-list，有時去開邊區又要醫肚的話，就可以即刻睇吓附近有咩好嘢食～ 😋 為食並唔係浪得虛明㗎！😝呢間餐廳係我To-eat-list裡面嘅原因，除咗地理位置方面之外，亦因為佢啲菜式好似幾特別，有別於一般坊間cafe什麼all-day-breakfast之類，早幾日趁有時間即刻坐言起行去試吓先～ 😎P.S. 佢哋嘅漢堡包/三文治包全部都係新鮮自家製，淨係呢樣嘢都要一讚啦！👍🏻💋 北京填鴨漢堡 ($66)配搭新穎嘅北京填鴨配漢堡包🍔，麵包係自家制大孔鬆軟麥包，同平時普通漢堡包用白麵包嘅口感好吾同，至於夾住嘅填鴨肉質真係出奇地滑溜喎！個醬汁好濃郁惹味，連埋青瓜片京蔥絲一齊食，好有feel啊！😋💋 陀地西多 ($66)西多一向係我至愛，而呢個西多除咗一般個炸麵包底之外，仲有一大舊雪糕喺面，食落去先知原來係濃濃嘅純素花生醬味道！🥜 有驚喜喎！👍🏻 劃龍點睛係加埋花生糖碎、朱古力醬同焦糖醬，成個組合的確好味又特別～ 🤗💋 熱朱古力 ($40)濃郁朱古力一杯，好味道～☕️

呢度既burger內饀款式好特別 枱與枱之間空間充裕 坐得好舒服😚我地去個時岩岩好有最後一張枱 走個時就見到出面大排長龍了😧🦆北京填鴨包🍔 $66鴨肉好多 而且嫩滑🤤醬汁係exactly北京填鴨既甜醬 仲有幾塊薄薄既青瓜片(我會想再多d🤪) 可能我太耐冇食北京填鴨 覺得呢個包好正🤣麵包鬆軟好香牛油味✨🐔咕嚕雞包🍔 $66雞肉外皮炸得好香脆而唔會太油 雞肉好嫩同juicy 仲要熱辣辣👍🏻我幾滿意😚仲有塊厚厚既菠蘿酸酸甜甜😋麵包同樣鬆軟有牛油香味~🥜陀地西多🍨 $66之前睇相已經比佢吸引住😍果然好好食(花生控一定中意✨)下面係港式西多士 上面係偏硬身既冰凍花生味雪糕(要用少少力先切到🤣)仲有好多鹹鹹地既花生碎同焦糖脆脆 口感同味道都一流😍

喺網上見到呢一間好特別嘅新式fusion漢堡包店，佢哋每一款漢堡包都各具特色，吸引咗我今日過嚟試吓佢！見到佢哋嘅門面已經感覺到好年輕好青春，非常之有台灣嘅小店感覺😍而且佢地嘅裝修都偏向簡單，入邊嘅坐枱都唔算太多。若果喺假日嘅時間過嚟嘅話就早少少啦！今次就叫咗佢哋北京填鴨包同咕嚕雞，另外在配個薯條🍔首先講吓佢哋嘅北京田鴨包，聽個名就知同片皮鴨有關，味道同片皮鴨相同，非常之多嘅甜醬，鴨肉嘅份量都還可以，同其他漢堡包不同之處就係呢個係甜嘅！個薯條係連皮幼薯條，另外佢亦都會配有番茄醬同埋蒜茸沙律醬。而佢哋嘅咕嚕包就偏向簡單，主要有炸雞同菠蘿，個人唔覺得有咕嚕肉嘅味道，但味道都的確唔錯，雞肉好大塊，而且唔會好油，而雞肉都好嫩滑。而佢改呢個名的確令人有少少懷疑🤨

呢間餐廳係我嘅朋友bookmark咗好耐所以今次特登同佢黎試叫咗一個漢堡，一個Benedict，一個小食同埋一個甜品咕嚕雞漢堡其實見到網上Menu，已經覺得呢個好想試因為本身我係勁鍾意食咕嚕肉個包都好軟熟，切嘅時候好易切開覺得舊雞扒嘅皮炸得好脆菠蘿就酸酸甜甜，唔係罐頭菠蘿死甜嗰種特製蕃茄醬，雞扒，菠蘿，三樣嘢雖然夾得好好但係我就覺得冇乜咕嚕肉嘅元素喺度不過以一個特色漢堡來講絕對係中上煙三文魚賓利迪蛋雖然知道三文魚唔係佢哋自己整，不過我覺得有少少偏鹹但係我想講佢個包係真係非常之好食好似有豬仔包咁嘅感覺，而唔係我哋平時食開嘅muffin呢個包係仲可以吸汁吸得仲好仲有個Hollandaise sauce!真係超級好食，好Creamy加埋個麵包同埋三文魚食，真係可以中和返三文魚嘅鹹而沙律菜上面嗰個黑醋汁本身我怕酸所以10萬個唔願意食但基於我朋友係咁叫我試之後我就食咗一條菜個黑醋汁甜甜地!! 覺得其他地方冇呢一度咁好食陀地西多呢個甜品都好好食雖然我哋嗰陣時已經好飽好飽但係一啲都冇後悔又到嗌，仲要食到一滴不留嗰個好似牛油花生味嘅雪糕再加埋應該有焦糖處理過嘅唔同果仁同花生碎你唔需要專登去忽，你食嘅每

朋友極力推介呢間餐廳，我見到大家嘅評論都唔錯，於是就嚟試下。我哋三人行👩‍👧‍👧總共叫咗一個套餐，額外仲叫多一個意粉。套餐set 任選兩款包🍔及小食🍟一款跟兩杯飲品🥂 $240牛油果紫菜軟殼蟹包 牛油果🥑配軟殼蟹🦀呢個組合絕對係冇得輸。餐牌寫個醬汁係紫菜mayo，但就唔係好食得出紫菜味，不過醬汁都幾夾。麵包皮搽左牛油🧈烘過，食落都幾鬆軟。咕嚕雞雞肉🐔非常厚身，上邊有菠蘿同類似咕嚕肉嘅醬汁，酸酸甜甜幾特別，有少少中式影子。不過就略嫌醬汁💦唔夠多，如果多返少少就更好。鹽酥菇炸漿薄薄地，炸到夠晒香脆🍄，令我諗起有啲台灣嘅味道，加埋沙律醬食十分正。香蒜辣炒大蝦意粉 $138 包一杯飲品蒜味就幾澎湃，除咗有濕蒜🧄仲有乾蒜。但辣味🌶就只有少少，唔夠香辣。魷魚圈🦑同蝦肉🦀都正正常常，唔算特別出色。蜜糖牛奶我揀左哩杯蜜糖牛奶🍯🥛幾特別，真係有蜜糖味喺入邊，熱飲暖暖地，好適合而家咁凍天氣❄️飲。抹茶牛奶西柚檸檬🍋梳打我覺得餐廳都坐得幾舒服，原本想試埋佢嘅甜品🍮，但由於太飽已經食唔落，唯有留返下次啦☺️。

來到包販子但冇食到主打嘅包😂 反而叫左egg benedict ($98) 💛 又估唔到佢個egg benedict 都幾好食🤤 而且有lunch set 都幾抵食😍 +$10 就可以叫到杯green tea latte😙 另外呢間cafe 地點都幾方便近住太子地鐵站😛 而且都算闊落 坐得幾舒服 可以同朋友慢慢傾下計🤣

到訪N次既咖啡店，所有麵包都係自家製，開放式廚房都見到一團團麵團發酵.個人比較鐘意佢既三文治，豬手治一定係必點，調味剛好、啖啖肉、分量慷慨，多士塗上牛油烘到外脆內軟，夾埋豬手食一流，仲有酸蘿蔔片解滯；洋蔥芝士菇包不過不失，自家製漢堡麵包口感偏酥脆，好唔好食見仁見智.重點係陀地西多真係必試！超厚西多炸至金黃色，配上花生醬奶油雪糕，一冰一熱比起傳統西多士好食得多，拌碟topping有奶粉脆粒及花生脆糖，口感層次豐富，配埋一齊食超級match