包點料理

营业中

休息中

果個做左好多年好高好瘦成日企係賣包位既阿姐，服務態度非常差，好鐘意大聲罵客人，希望你哋老板留意下你地既員工！客人問多兩句就俾人罵，所以以後唔會再去你哋店買點心，買東西俾你地罵，永遠唔會再買！隔離唐記服務態度好你地一萬倍！貪平去你哋店買，結果蝦蛟皮厚過唐記好多，好難食

店員說13元3件馬拉糕，本人給20元，店員卻找5元給本人，本人跟店員說找錯錢，店員卻說今天馬拉糕沒特價，難道是我剛才聽錯13元3件馬拉糕嗎？當時只有我一個顧客，店員才有恃無恐，不想為2元把事情鬧大，當給乞丐。

下午茶時段肚餓 經過見到好多人買 佢都有好多款式 基本上所有中式包點 點心 蒸飯 都有 蒸或煎炸又有連西式／港式麵包都有買咗個雙菇雞包 ($6)都幾新鮮 見入面好多師父起到整麵包一盤盤熱辣辣嘅包點攞出黎我嗰個就起蒸爐攞出黎勁大個！啱啱好一隻手咁大而且摸落超軟身😍又暖暖哋 當然襯熱食麵包質感的確十分軟熟 軟綿綿 可惜底部已經被蒸氣搞到濕晒 冇咁好食 佢已經有層底紙餡料雖然相對少咗少少 不過味道唔錯 好香蔥味 亦食到啲好淋嘅雞肉蓉 仲好有肉汁 好juicy夠味得黎 唔會太鹹👍🏻-幾好食嘅中式包服務唔錯價錢抵食 普遍啲包都係$6 全部大大隻其他野食都唔貴 好平民嘅價錢

今天经过黄大仙第一次帮襯包点料理，买二碟肠粉，付了款，因为肠粉要拉，在隔离买虾饺(同一间铺头)，买完虾饺，去取肠粉，阿姐忘记拉，大聲及恶死，还恶人先告状，服务态度十分十分恶，永不再帮襯。

今日同屋企路過見到都好平蒸飯，所以外賣幾個蒸飯回家食，因為剛剛食完午飯，不過店舖員工完全無禮貌，問好多次都唔理我，如果唔係屋企想試下我估我都走左，回家晚飯蒸番來食等媽媽唔洗太攰，啲飯質地都幾好，但是有點都不平均值有點就剛剛好，有點就淋左點，因為都是同一時間同一碟一齊番蒸熱，現在好少會有啲平蒸飯食，由其依加社會情況咁再加上有疫情，可惜我家完全唔近，但下次路過都可能會再買回家食，希望下次店員態度會好點點啦。

平時都會喺呢一間鋪頭買第二日嘅早餐同埋下午茶食，一次過買4、5個，因為通常佢都會有優惠買多幾個會平啲。🤣🤣.喺呢度好多包點嘅選擇，平時唔多見嘅包呢到都有，例如臘腸包、糯米卷等等。嗰個包都好大個㗎.除咗包之外，呢度仲有點心同埋蒸飯，我好鍾意食佢哋嘅沙律卷，$14有4條，做下午茶一流。可以睇吓去嘅餐牌，有好多選擇，通常過咗晏晝三點就會有多啲優惠，平時都見到好多街坊幫襯，佢仲可以有唔同嘅搭配，每一個份量都好足，推薦

我去左9龍城果間，我諗開左一個月啦但係哩度冇update，好嬲，所以就喺度回今日行過見三個肉包15蚊咁平，就去買啦排隊到我果陣，個阿姐唔知咩事跳過我問後面個先生要咩，完全當我透明我即刻講左句 我排緊隊架喎個阿姐回一句 係~排緊隊態度極之敷衍，好冇禮貌請阿姐可唔可以請啲態度好少少嘅？講返食物質素，三個包，菜肉，榨菜，叉燒，其實都係唐記同埋包點先生會賣果啲包啦包身比較薄同寬，餡料冇上面兩間咁實的的，食落會有一種handmade feel，菜肉包啲菜偏苦，榨菜似茶記同埋唔辣，叉燒包完全係醬料冇咩肉，味道亦都唔似樣

開張多年來， 幫襯過不少次， 以前儲錢，返工前會買定十蚊三個中式包， 早餐吃一個，留兩個午餐下午茶再食。早上人流多，阿姐都分身不暇。今朝三大一小，就點左牛肉腸粉，鮮蝦腸粉 $15@ ，$28/2.同茶樓一樣每款有三條，粉皮白白滑滑，我鐘意厚身，夠飽肚，自己加豉油， 雖不是原隻鮮蝦， 但蝦肉保持鮮甜，爽口。一條腸粉都有兩隻蝦仔。燒賣- 有四大粒, Size像一個乒乓波大， 蝦粒放頂，肥豬肉不多，出包都是豬肉。雞扎- 有兩件，腐皮包著的是粟米心， 雞肉，豬皮，芋頭。用料及質素不錯吧！腐皮吸左汁，係汁唔係油，芋頭都蒸成粉狀，好味。鮮蝦波菜餃 - 皮薄，波菜切碎與蝦肉切粒，每粒 分佈平均。點心一款$14, $26/2個點心，第三個都係$13@.

開舖以來，黃大仙鳳凰新村居民從來沒有排隊意識，行埋門市買嘢永遠唔排隊，門市員工永遠唔会叫大叔大嬸排隊，員工有礼貌又如何，我超級唔鍾意此店員工及附近買嘢食大叔大嬸，永不再幫襯。

同姊妹整完頭髮，時間已經唔早，但仲未食晚餐，已經夜又唔想食得太heavy於是諗到去包點料理買點心食快步趕到去，好彩未收舖$24可以任揀2份點心我就要咗最愛嘅燒賣&比較大份嘅雞札燒賣一如茶樓做法，一份4粒，粒粒足料飽滿，咬落啖啖紮實豬肉而且size都幾大，一啲都唔hea1份2件嘅雞札亦同樣足料，最外層腐皮索晒食材嘅味道好入味，冬菇夠軟身，芋頭大大塊，雞塊大件無骨滑溜調味適中，豬皮相對細塊但爽口，啱我 (我唔太鍾意食豬皮)食完點心，醫肚又唔會好飽，份量啱啱好，GOOD！下次再食其他點心~

夜晚唔太餓，又諗唔到食乜，就平平地去買咗個蒸飯返屋企食一直覺得盅頭蒸飯好神奇，睇落好似好細盅，以為份量唔多，但倒出嚟之後，隨時多到食唔晒！好似今次買嘅傳統蒸飯——鳳爪排骨飯，飯多不特止，仲會加菜，餸嘅份量亦唔輸蝕，足足成個標準飯盒蓋咁多！個人本身唔多鍾意食雞腳，不過佢煮得好入味，我照食不誤排骨肉多骨少，而且肉不會太癡骨，食起嚟方便又啖啖肉，正！加埋淋咗豉油，吸咗肉汁嘅飯，變得更香更惹味有菜有肉有飯，已經係平凡又豐富嘅一餐~滿足！

屋企附近有一間專賣中式包點蒸飯嘅外賣店，幾乎每日都KEEP住有人一路買野食，而我雖然唔係成日幫襯，不過有時諗唔到食乜，就會去揀點心食，志在佢平之餘味道又唔錯又多選擇今次買咗凍包，第二日做早餐都好方便，隔水蒸八分鐘左右就食得，三個包分別係奶皇餡、麻茸餡同埋榨菜豬肉餡麻茸好有驚喜，超香，食起嚟又有啲「沙」，好有口感榨菜豬肉幾豐富，味道唔錯，榨菜有咬口奶皇唔會太甜又幾滑咁嘅質素，真係好抵食，原本$14有3大個包已經算抵，臨收工買，仲送多個，更抵！不過俾媽咪食咗，係香芋包，我媽咪嘅至愛，佢都話好好食下次再食其他點心蒸飯~

老公每日必買嘅早餐佢話抵食不過都還算可以 粉果大大隻 皮唔會太厚 啲餡都可以 腸粉 即叫即拉新鮮滾熱辣 每日都有一款 唔同款式嘅特價 點心 特價 款式都好多 馬拉糕好鬆軟 又唔會太甜 菜肉包呀 双菇雞包 叉燒包餡都好多皮又好鬆軟呀唔會硬實實; 下晝仲有特賣大平買 益街坊

呢間買點心嘅鋪頭第一次食係喺牛池灣街市入邊見到，因為佢有我最鍾意食既糯米飯同埋椰汁千層糕，所以就有留意佢。佢亦都有我都好鍾意食嘅點心，如鹹水角。價錢公道所以就漸漸留意佢，嗰陣時就覺得屋企附近冇，好難食到，但係之後估唔到佢開咗喺就近點。如果鍾意食中式點心糕點或者包類的朋友就岩，熱辣辣嘅點心源源不絕供應，不斷推陳出新，種類多又大件。佢比我嘅第一印象就係佢嘅點心$24有兩盒，價錢公道，選擇真係好多款式好多，等我揀兩盒都唔知要邊兩盒，不過其實佢都可以有$36三盒選擇，揀唔到㗎嘅朋友都可以揀多幾盒咖，價錢都係一樣。我自己就好鍾意食佢嘅茶果，有紅豆味啦又有鹹嘅眉豆味，兩種都好食。不過我鍾意嘅椰汁千層糕就比較細件，對比上的冇咁抵食。佢嘅腐皮卷、鯪魚肉釀茄子、韭菜餅、鹹水角同炸芋角等我都好鍾意食。早排仲出咗新鮮出爐嘅叉燒酥同埋奶黃酥，款式日漸繁多。而其中中式煎炸嘅點心或糕點每份有四件咁多，買兩盒又平啲，每日都有唔同款式揀，其實店內仲有即製嘅拉腸粉，非常之新鮮熱辣，不過份量略少。佢嘅中式包點亦都係我最常食嘅早餐之一。價錢又係一樣：公道。而佢嘅中式包點，現場亦都有蒸熱嘅，你可以即買即食夠晒新鮮。不過依家啲

今日一早上咗去慈雲山搵朋友攞啲野，攞完之後，又唔想一個人坐係啲茶餐廳度食早餐。如是者，我打算買個麵包食，行返屋企嘅途中，見到呢間鋪頭，d包大大個，價錢非常實惠，10元四個，仲可以任君選擇，於是買咗兩個蓮蓉包兩個豆沙包。啲餡都足夠，不過佢個蓮蓉包就真係麻麻啦，好明顯佢應該係冇差過啲蓮蓉，而直接放落個包度，啲蓮蓉一啲都唔滑又唔香個豆沙包，冇影相，不過就好好多，豆沙包就物超所值啦。不過,價錢咁平,都唔會有太大期望,所以質素同價錢係成正比嘅XD