北京拉麵店

营业中

休息中

今日同老公嘗試發掘深水埗美食，呢間係西九龍中心開咗十幾年嘅鋪頭我哋竟然一次都冇幫襯過，唔知係因為裝修定係乜嘢，每次經過都冇入去食嘢嘅想法，今日終於鼓起勇氣試一試，心想既然可以係原鋪開咗咁多年，應該有咁上下水準嘅，所以都應該俾次機會。 我哋點咗兩個下午茶拉麵，一個四川擔擔麵，一個南京牛肉麵。食物一上檯就覺得個賣相好靚，感覺應該會好食。結果令我哋好有驚喜，湯底唔糊，又好味，麵Q彈，特別中意個四川擔擔麵，辣得惹味啱啱好。下次會再幫襯！

早上叫了一擔擔麵、來了後嚐了第一口便覺得好似五香肉丁味，便問店員是否出錯，但他們好堅決表示我地無五香肉丁。大佬啊！你咪人地未食過擔擔麵啦！五香肉丁味勁重、色水又唔似，唔好搵人笨啦！

放假同男友行街，唔知食咩好，想清淡啲行行吓，見到北京拉麵店，感覺好似唔錯，一於入去試吓啦叫咗個回鍋肉炒拉麵感覺唔錯，拉麵好掛汁，回鍋肉其實都唔係好肥既肉我鍾意食呢啲上海炒拉麵嘅原因係因為，佢入邊都會加好多大白菜，感覺唔會好肥膩。試左個瑤柱小籠包感覺都唔錯，都係好大路，正正常常有湯汁酸辣湯雲吞我酸辣湯好大碗，雲吞都好大粒，以上嘅份量兩個人係有食剩的，酸辣湯多飲對身體好促進新陳代謝。所有食物味道都OK。算不上超級美食，但都正正常常，想轉下口味可以一試，唔係一個伏嘅餐廳

呢度嘅主打就係拉麵，所以我點都要試下佢哋嘅拉麵架啦，我就叫咗個豬軟骨拉麵，仲叫咗一份花雕醉雞配菜飯同小籠包。呢度嘅拉麵都OK嘅，不過啲豬軟骨就有啲硬，我本身期望啲肉能再冧啲。不過花雕醉雞就幾正，配埋菜飯就仲正，鍾意食菜飯嘅朋友一定唔可以錯過。而小籠包嘅皮都幾好，湯汁都多嘅，不過豬肉可能有啲肥，油左啲，不過點翻啲醋就平衡翻啲。呢間店嘅裝潢都幾有特式，牆上都貼住啲面譜同假嘅竹子，營造咗一個好有中國餐館嘅氣氛環境。

有日經過深水埗西九龍中心，都好耐無光顧啲老店。話時話呢間北京拉面店由我細個讀書個陣已經在營業，突然間心血來潮就決定左係佢喇~店舖咁多年都係維持住呢個風格，牆身有好多京劇小面譜，每個面譜都唔一樣細細個都幾有趣。餐廳會有個待應幫你倒茶，茶杯都好中國風格個種藍邊白杯。茶係茉莉花茶黎，茉莉花散發出淡淡的香味幾合適慢慢茗茶。午市套餐選擇唔算多，有啲菜式只有呢間餐廳獨有，價錢尚算合理。低糖紫米豆漿味道一般般，唔算難飲。熱奶茶啱啱上枱個陣比較多泡泡，茶底算濃，質素尚可。花雕醉鷄呢道小食餐廳俾左鷄脾位我地，肉質都幾滑淡淡肉，鷄肉有陣微微的酒香唔會喧賓奪主。但鷄肉份量唔算太多，有啲到喉唔到肺感覺。套餐的鱔糊飯應該是呢間餐廳的招牌菜，膳糊醬汁的味道甜甜鹹鹹好味幾下飯。餐廳用啲比較嫩的芽菜，口感柔軟無乜渣，碟餸都幾多舊鱔魚無乜魚刺啖啖都係肉，鱔皮都爽口。菜飯要加3元，不過個人覺得一般般，因為飯裡面的草青味比較重，要點叫白飯比較好。另一半叫左另一個套餐，拉面湯底都比較清淡，拉面質地唔會太淋都有少少彈性。反而配菜的豬扒有驚喜，炸得好脆味道唔會太鹹，豬扒醬汁甜甜酸酸非常搭。套餐仲有個套餐小籠包跟，小籠包面皮厚度一

今日公眾假期，冇工人所以嗌外送平台外賣送餐。有人想食雲吞，我又想食辣嘢，結果search到呢間。見個餐牌好多選擇，我哋樣樣都想試，所以叫咗好多嘢食（食唔晒，聽日可以pack lunch)。落咗單之後唔夠1分鐘，我就去OpenRice睇食評，點知見到超級多負評，心諗大鑊，中伏？ 想去cancel張單，但係外送平台話餐廳唔俾cancel。心諗，算啦試吓啦！結果食物嚟到，一啲都唔伏！味道仲好OK！（當然唔會話好食到wow，但係不過不失！）1. 砂鍋雲吞雞（有2粒豬肉雲吞）：👌雲吞有啲浸耐咗，啲皮開始想散，但係味道OK。啲雞湯唔覺有味精（因為我會味精過敏，如果有味精，我會即刻瞓着覺）2. 淨豬肉雲吞6隻 ：👌OK3. 鴨胸夾膜4件：👌鴨胸應該係現成，似西式鴨胸。個飽皮（夾膜）好食，似饅頭嘅味道，鬆軟4. 水煮牛肉 ：👍意外地唔係四川餐館都煮得幾好，佢加腐竹（硬身個隻）掛湯好食，不過如果啲腐竹再淋啲好啲。啲牛係滑牛，幾好。5. 蜜糖豬扒炒拉麵：👎呢個有啲失望。如果個豬扒嘅蜜糖係脆邊,好似欖角生炒骨咁嘅做法會好啲（唔係咁樣樣太saucy)。啲面太淋，如果彈牙嘅話會好好多。6. 京蔥炒羊肉：👌係打邊

上菜慢，店員做嘢懶懶閒，入坐叫完起碼等咗20分鐘。啲嘢食普普通通，未至於難食，但有排都未好到會想令你食第二次，亦冇話好有特色，小籠包個餡係熱但個皮係涼嘅，係咪微波爐叮就自己諗。同埋最低食肆要求都達唔到，因為有曱甴陪你食。

人生中食過最難食既炒飯，排名第一，真係未試過食到咁難食既炒飯。炒飯咁難食都真係有D難度。我以為炒飯已經係所有菜式入面最穩陣既一款，無諗過咁都可以出事。請問知道炒飯要用冷飯炒嗎？ 呢間野竟然同我用岩岩煲好既飯炒，炒到爛哂仲要濕，食左一啖已經想嘔，個口感真係好嘔心，好似人地咀嚼完嘔翻出黎既飯咁，仲要調味都好差。同我講蝦仁雞粒炒飯，D蝦極細粒，雞粒勁少，而且仲要無味，三色豆多到我以為自己食緊三色豆炒飯，簡直精彩

食咗鮮肉雲吞面，豆沙鍋貼，凍奶茶，收加一食咗100蚊，雲吞好小得4粒，已經係全餐最好食，超市急凍？。。。其次已經係奶茶，普通茶餐廳味，偏甜，都算。加一點好意思收啊，好唔抵食

幾年黎一次，每次都有唔同經歷，今次所有野食到枱即食，毋須待暖(本身就涷），趕時間首選，大量座位，今非昔比，以前品質好，宜家真係當快餐或者外賣自行加熱食就最好，晚餐就唔會再考慮

點了個小龍包，水煮牛肉面。酸菜鱼小龍包皮薄肉多。水煮牛肉够香够辣。酸菜鱼很入味。食材很新鲜。噢😯還有珍珠奶茶，跟奶茶店味道一樣。装修比较舊，服務一般，上菜比較久但我覺得這些不重要，重要是味道很不錯很值得去等待

中午食午餐，指住同服務員講要口水雞午餐，凍檬茶，再跟手問可唔可以加錢轉雞腿，佢話加$10之後佢話係例牌，咁我覺得好合理，午餐當然細份d之後雞到左，飯未到。咁我就問下飯未到，跟著佢話係單叫，無飯原來，佢自己心中既意思係，午餐無得轉雞腿要轉雞腿就要散叫。所以佢最後替我將所有食物都散叫，我第一次黎食，當然唔知你規矩，我指住餐牌叫，心中價錢梗係預左食午餐你同我講午餐唔可以轉腿，你話午餐唔可以轉腿，要轉就要散叫，咁咪清晰嬲

冇人理你 凈係掛住做的 網上外賣完全唔埋堂食客人 什至有客人要求退單食物質素：差人生唔會再黎 冇下次..............................

晚餐時段因為冇人排隊就挑戰一下, 入面裝修行中國風, 水杯碗同餐具都唔太乾淨, 都有啲油。茶杯太小又不能添水…服務態度就正正常常…唔係好理你但又會叫你等下咁..上菜速度都算快，應該係微波食品兩個人叫咗一碗酸辣湯麵、一碗唔知咩牛肉菜飯、豆沙鍋餅同一杯凍檸茶。酸辣湯麵好大碗好多麵, 味道就係普通重口味重味精, 食完會好口乾個種。而麵既口感好淋爛..入口即溶..應該是加熱好耐了酸辣湯好水，唔似其他餐廳傑傑地個種湯底。而個碗唔知咩牛肉菜飯就不過不失，不過因為我碗飯差啲跌，所以會比差評。豆沙鍋餅冇咩特別..係太有鍋氣..個皮太硬同豆沙太少。總而之..呢個份量同價錢又唔算太伏既..但冇下次

等完又等 成間鋪啲枱都係空 亦無人落單 無人serve咁忙 不如執柒左佢咪輕鬆啲囉野好唔好食已經係其次仲好意思加一服務費 完全都唔知個醜字點寫態度傲慢服務欠奉質素參次嬲都嬲飽