北京拉麵店 (已結業)

前日同左女友去左吒間店到食晏,一入到去見到d裝潢好似北京故宮咁,唔知北京d鋪頭係唔係都係咁呢,但佢呢度o既野食只係一般,我地叫左個牛肉麵同鍋貼,d麵煮得剛好,但d湯淡得滯,d鍋貼好多汁,但d皮實在好厚,埋單一人都係$38,呢區來講算偏貴,但可能一試.

中秋節夜晚去維園會友人前同男友黎o左呢間裡面無乜人o既北京拉麵店食晚飯見到人影都唔多隻所以都唔抱期望男友點o左燻魚菜飯我點o左個蔥爆羊肉拉麵外加一份小籠包小籠包好多汁真係要小心奕奕咁夾先得係就係無咩特別不過幾好食男友個燻魚就比較多骨我自己就唔太好多骨o既魚而我個蔥爆羊肉就比較油不過正宗o既都好似係偏油所以唔算係敗筆反之我好欣賞個麵o既湯底仲要一滴不漏咁清哂總而言之因為無乜期望所以亦都無失望如果要快打開個平飯o既話不失為一個選擇

今晚去完旺角買野, 搵地方食DINNER, 見呢間未試過咪試一次囉, 點知好失望, 以後都唔會去我地兩個人, 叫左一客小籠包, 同埋兩個客飯, 分別係蔥爆牛肉同醬爆雞丁, 跟菜飯. 個小籠包都重可以接受, 兩個客飯真係唔掂.間鋪又唔係人多, 兩個客飯竟然要等成25分鐘, 上菜時兩款餸味道一模一樣, 只係勉強分出邊碟係雞邊碟係牛....碟醬爆雞丁鞋到死, 而碟蔥爆牛肉D蔥少到飛起, 只係放D草菇就算, 最離譜係D牛肉, 用肉眼都睇得出用左大量生粉去拿!!!!!!連菜飯咁簡單既野, 都用D唔新鮮既菜去煮, 食得出有怪味.最後要自己出去埋單, 都收加一......呢間鋪真係冇下次

這間店子的水準真的只能用JUST OK來形容，因為實在難食又未稱得上，但又絕對唔係好食，水準真係一般到非常一般，所以就係OK啦。大概 8 點幾走到，店舖半滿，人不算係太多，不過位置有點迫狹，不是坐得很舒服。由於實在唔係太肚餓，所以我地都唔係叫左太多野食。我們叫了一個嫩雞燴麵同埋蝦仁炒蛋菜飯。嫩雞燴麵真係麻麻地，做法完全唔正宗。佢個湯底都唔係雞湯黎既，只係鹽水，所以得個鹹字。另外d麵一d都唔彈牙，感覺好淋，no gd no gd! 佢雖然好多料好多雞肉，不過D雞肉勁粗糙，一D都唔滑，似食緊瘦肉咁，無咩味! 整碗野味道唔係難食，但真係無好食既感覺。蝦仁炒蛋菜飯其實係ok既，不過呢味餸其實真係屋企都整到，如果佢咁都整得難食都真係有d問題。蛋既份量好多，不過蝦仁就好少，但d蝦都算係爽口的，無咩問題。蛋都好食，雖然未至於好滑，但都係唔錯既。埋單佢竟然要收加一，真係完全睇唔出佢地有咩服務可言，真係未必會再黎囉。

我見今日凍凍地，就懷念起讀書時響珠海某店食左4年既水餃，真系暖粒粒好正。於是就去呢間鋪睇下有無餃子食咯，因為好歹個店名都號稱“北京”，點都有餃子食掛。見到個餐牌真系無限失望，大佬啊，點解得一種餡噶？我響內地既大學飯堂都有三四種餡我揀啦！於是無奈之下我叫左個餃子拉麵。我循例就倒檯面上D瓶瓶罐罐料落個碗度，準備開飯啦。咦？點解得一樽黑色液體，仲5知道系醋定系豉油添。算啦，無論醋定系豉油我都好，但系一般來講5系應該豉油筘醋筘辣椒油噶咩？上菜啦，四隻餃子+素面，好啦，23蚊系甘上下咯。於是我就DUM只餃子落碗料度，然後一咬，媽呀！呢個真系豬肉餡來噶？點解“鞋”到成個羊肉餡噶？最攞命系D調味料，即系我頭先調個D。大佬啊，我真系5確定個樽黑色野究竟系陳醋定系發酸既豉油啊！吃餃子最重要就系醋同餡，兩樣都死直，5好意思，我呢個甘好既好人都要比個“超級難吃”既評價你咯！我翻來上網，D FREIND叫我睇開D，人地系做拉麵既，就5好強求人地D餃子啦。但系，一般來講，麵食一詞系包埋餃子個渦！於是FRIEND問我覺得D麵點，我就話OK啦。甘區地就覺得總算間鋪無自拆招牌。我就覺得其實我系比D餃子嚇親，覺得D麵

約了友人在旺角聚舊，沿西洋菜街信步而行，看見這家有點似京川滬的食店，愛上海菜的我們毫不猶豫便進了去。叫了以下三款：(1)鷄絲粉皮粉皮薄薄透明，青瓜絲、鷄絲分量很足。麻醬有濃濃的花生芝麻味，不錯不錯。(2)招牌小籠包這個一上枱有點怪怪的，皮的顏色比正常還要暗啞了一點。皮不算很薄，亦未至於過厚。不過點嫌少了湯汁。給它一個OK。(3)招牌特色冷麵這個是三道菜之中最棒的。麵很彈牙，麻醬夠味，配料分量十足，沒有欺場。這個很大碗，建議二至三人一起分享較佳。這一餐每人大概四十多元左右，以上海菜來說價錢不貴，而且此店食物水準不錯，值得推介。

今日早放工同朋友落左太子行街兼搵食。在旺角西洋菜街一帶食肆林立,最後進入了<北京拉麵店>，麵店內部裝修陳舊, 牆上以舖了塵的古老臉譜作為裝飾。翻閱一張油淋淋的餐牌，最終點了兩款....(以為)最穩陣的菜。1.雞絲粉皮；2.上海粗炒。談不上味道，因為﹕雞絲粉皮...沒雞絲，上海粗炒...簡直係無肉！橫望四周，老店、老員工、一貫老管理方式。最後很不願意地在櫃台前放下70大元。而這間小店亦成功令我留下深刻的印象！

約好一班朋友上山頂影夜景, 上去之前黎左呢度開餐....我叫左個排骨菜飯, d排骨炸得比較乾身, 唔太好味!!男友叫左個醬爆雞丁, 好好味, 餸飯真係一流!!!味道夠晒濃~仲叫左個醉雞....我就覺得麻麻, d酒味好濃, 好難聞...食落凍冰冰, 冇雞味, 得d酒既苦味!!朋友們仲叫左小籠包, 鍋貼等等....六個人$300埋單, 算係OK!!

因為這兒看似很多人說好吃, 於是帶了幾個同事1起來,,,我們12時多來到, 只有寥寥幾檯客。午市套餐: 1款小菜 + 1碗白飯/菜飯 + 1碗湯 + 1碟油菜(+$2 有豆漿)另收+1服務費我們4人各點1款小菜, 再多加2籠小籠包。店送我們1碟豆沙窩餅。湯味道較淡, 同事說沒有加味精的哇。油菜是小白菜, 配上豉油, 沒有蠔油那樣重味道。上菜需時...終於等齊4款小菜~銀芽炒鱔糊: 深啡色的茨上蓋滿銀芽, 鱔肉不多, 茨汁頗鹹咕嚕肉: 只有6塊肉... 咕嚕汁味道不突出, 而且肉是極級雪藏貨, 炸過後肉更霉...蔥爆牛肉: 妹妹沒吃, 牛肉看起來很老...蝦仁炒滑蛋: 樣子看來已經炒得很熟, 跟"滑"拉不上關係, 但吃入口卻出奇的滑, 像心境青春的熟女= P只有妹妹吃菜飯, 菜飯的菜粒份量ok, 不夠香味 (比"唯一麵家"的遜色!)小籠包 ($20/4隻), 手工不夠好!4隻當中3隻都"痴底", 小籠包跟籠底紙依依不捨, 於是1夾就穿了, 湯都滾滾向東流走啦...肉的味道都不是太特別, 整個小籠包很普通。豆沙窩餅, 有驚喜呢~豆沙餡甜味適中, 而且外皮不油膩, 作為餐後店品又不會加重胃的

一坐低同事就話叫一餸一飯餐再share; 不過立即被我ban了, 既然這間是拉麵店,第一次來梗要試拉麵啦...由於無拉麵餐,所以叫一碗拉麵就算, 揀了最簡單的紅燒牛肉拉麵.首先,拉麵質地唔錯,幾有咬口,不過食到都幾強烈的麵粉味. 湯底算濃郁,幾好; 至於牛肉/腩,味道OK,份量都足夠,無特別.最唔抵係又要搭檯又無乜服務的情況下竟然要加一... 我碗麵廿五再加一, 廿七個半得一碗麵無飲品,lunch來講其實算貴.返屋企睇網上食評先知原來這間舖的rating都幾高,而且馳名大大碗冷麵,下次再試啦; 不過唔知點解人o地食評碗南京牛肉麵賣相靚過我o個碗好多喎...

因為工作關係, 全日都冇食過野去到mk做完工事後, 便跟友人一同找食隨便入了一間, 我都餓到冇意見, 食咩都得了入到來, 覺得坐得麻麻地舒服佢個tea set $17, 有加一的我地叫了一個紅燒牛肉面和一杯豆漿 (杯野係送ge)個面條好厚身, 好粗, 好正, 亦好足料, 很夠味但豆漿只得凍, 冇熱飲, 我就唔係咁鐘意, 因為我唔飲得~食完覺得很不錯, 回家再看openrice, 發現原來呢間係好野來的!!

今天睇完樓又心思思想食擔擔面, 所以來到北京拉面. 佢地既下午茶好平, $17包豆漿. 我地叫左1. 云吞(有8粒) - 皮幾厚, 有肉汁既云吞. 本人覺得OK, 朋友麻麻地喜歡2. 擔擔麵 - 大大碗, 湯底好好味, 麵就麻麻地., 不過17元仲包飲品我覺得佢地已經唔錯.3. 小龍包 ($20/4個) - 黎個小龍包真係滿分, 肉汁好多, 加埋附上既姜汁醋, 好好食. 真係水準依舊-正.

今日又落雨,,同友人到旺角試lee間..之前都想試好耐la.好彩唔係好多人..店子雖小,,但係裝修幾有北店既味道..!!點左1碗四川担担麵and排骨担担麵..麵條好爽..唔腍..好好味..食得出係新鮮野..而家個湯好杰..好濃..無味精..lee樣值得頻加上真係熱辣辣..俾佢熱親添=.=''但真係好好味,,!!!之後再order左個蒜泥白肉..講真個粉皮唔錯架,,好滑..不過d白肉1般般..加上唔夠辣,,無聯記咁好味..如果愛辣既朋友唔好叫啦,,廢事失望^^個人覺 得接受到既..另外亦order左杯柑桔檸檬..(類似)..好原味,,好正..比起道地果d好好多..無咁甜,,正^^''以為無原來既小籠包..點知原來係menu既cover,,!!見到即叫..小籠包新鮮熱辣..而且d汁超甜囉,,^^20蚊4隻好抵!!

嘩...呢個星期六終於都吾駛上堂, 放左工就去旺角太子行街.....行街之前當然要食個lunch先啦...因我係openrice既super 粉絲......一大早就找到呢間北京拉麵館.....見到個冷麵好吸引.....所以就決定去試試..........水餃~~不錯...有豐富既肉汁..加上豆瓣醬....(yummy)雜錦冷麵~~~~正....超級正......真係好大碗......料又多麵又多....加上賣相色彩繽紛... 睇見就想食....加埋佢個醬汁撈埋一齊....香濃既花生味......真係冇得頂.......爆好食...紅燒斑煵豆腐 + 菜飯~~~~不過不失...豆腐都算幾滑...不過個汁就salty左d....總括而言...........我好鍾意呢個北京拉麵館...........價錢平...又有水準......我一定會再來

一個人吃晚飯, 真是想不到要吃什麼經過門口, 想起之前看Openrice有人點了這裏的冷麵還說很大碗那我正好來試試看吧麵端來時真是給嚇一跳真的是超大超大份的配料也很足夠冷麵汁也有一碗量在我來說加1/3碗就夠了麵條很粗身 咬起來口感很『有肉』和冷麵汁很配合全部拌勻來吃很不錯蕃茄夠凍很清甜但個人不太喜愛雞絲的口感很『實』和火煺青瓜絲冷麵的清爽口感不配若下次再來不知能否要求走雞絲多青瓜絲和火煺絲呢?