影片
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
突然好想食上海菜饭，就谂起北京水饺店，成日叫猪扒菜饭同煎韮菜饺，好香好足料，$20/4只好抵食好多人买外卖，都有叫水饺，仲有担担面，下次试价钱实惠，性价比高元朗人有口福喔
继续阅读
叫左个面外卖，返到屋企食食下发现成张手写单融入喺个面到，攞返上嚟啲字化晒。。。最后都系唔敢再食，放弃。希望舖头下次注意下卫生。唔好放啲手写单入个外卖盒入边。原子笔应该系有毒。。。
继续阅读
叫酸辣云吞面，佢听唔明，重复咗几次， 态度好揸差，即刻起身去隔离食， 帮衬咗好耐老板娘个妈妈时代已经帮衬，自从现任老板娘结咗婚之后有一 几个男士帮手就觉得同以前 已经唔同咗 有几次见佢哋闹过啲客 今次轮到自己 决定以后唔帮衬，完。
继续阅读
每次嚟食都只会叫酸辣汤水饺呢个餐 🤩$55 仲送埋豆浆好钟意呢度个酸辣汤！好多料劲丰富 🤤🤤 又唔会太酸太辣。个水饺就系韭菜馅，入面应该系落咗豉油有小小咸，不过夹埋个有小小厚嘅皮一齐食就岩岩好 👍🏻
继续阅读
近年喺元朗返工，有时会买外卖返公司食。最近喺元朗广场对出巴士站附近揾到一间几有风味的京菜小馆，menu都有好多选择，佢有云吞同水饺，问咗老板，原来云吞系白菜加猪肉馅，而水饺系韮菜加猪肉馅。我今次就试吓酸辣汤水饺面先。外卖自取送盒装柠檬茶或冻豆浆，我要咗冻豆浆。我唔太食得辣但又想试吓酸辣汤，有冻豆浆中和辣味就啱晒喇😆酸辣汤水饺面 —份量超多！无论是酸辣汤的配料或面底面有好多，而水饺都系好大只，总共有3大只。.水饺有好多馅，韮菜及猪肉的比例好平均。水饺皮唔算薄但好滑溜，好好味。.而酸辣汤配料非常丰富，有豆腐、猪红、肉丝、木耳、荀、红萝卜。汤底酸辣浓度啱啱好，唔会太酸或太辣。就算我唔太食得辣都可以食到，觉得几刺激几惹味。.今次呢碗酸辣汤水饺面我好满意，下次再嚟试吓其他菜式先😋
继续阅读