匠工房秀吉

营业中

休息中

今日屋企無飯開，早上同媽媽傾左不如食樓下食紅薯粉， 近放工時間同同事行去Sogo,我諗起不如買大阪燒返屋企食。佢就係之前沙田一田嗰間， 佢有炸物，大板燒，章魚燒，拉麵同紅豆吉士大判燒等食物，又有套餐左睇右睇唔知點拼好。最後選左大板燒拼蛋麵。 大板燒有很多粉，裏面有椰菜絲同肉片同蛋，重點係個燒汁，個燒汁濃郁，自己響屋企揾到啲鰹魚絲放上去，增添魚味。煎蛋包住啲炒麵， 炒麵油得來都算乾，配料唔算多而且唔夠味，麻麻地，下次唔會點。仲買左牛肉薯餅ʕ•ٹ•ʔ，唔大油益味，外面好夠脆， 裏面軟綿綿，牛肉粒份量少， 但都唔失色， 所有食物返到屋企都係熱的，下次都可以選依間食(•ө•)♡。

立食體驗 匠工房秀吉 章魚燒銅鑼灣崇光百貨B2層，裝修後，多了幾間食店，今次試了較長人龍的匠工房秀吉，因為晚飯前小吃，所以我只係點咗章魚燒六粒，熱騰騰香噴噴，醬汁偏鹹，章魚細粒，紫菜粉，鰹魚粉份量適中，粉漿較淋，蔬菜也較少，但整體味道沒有問題的，如有提供Wasabi醬，效果會更佳，店內只有少量空間可供兩人立食，因此好多顧客在超市範圍內邊行邊食。

上回講到，端午節「無嘢做」，同老友仔走咗出銅鑼灣崇光百貨超市𥚃面開下午茶餐，初嚐新鮮出爐、味道超班嘅紅豆鯛魚燒......其實，山長水遠嚟到，點只淨係食塊燒餅就算數吖！買完罐日本限定蜜瓜梳打，左穿右插一輪之後，見離面前不遠處嘅匠工房秀吉外，排咗條頗長嘅人龍，兩人出於好奇，就行埋去望個究竟。舖面玻璃櫃內擺放咗各式各樣嘅炸物，而廚房師傅亦正忙於炮製兩盆日式章魚燒......為表支持，行動最實際！八粒裝章魚燒，熱辣辣香噴噴，外皮麫漿軟稔適中，章魚粒大小幾乎一樣，淋上面嘅燒汁、沙律醬、木魚絲、紫菜粉份量十足！食小食可以食到由個心度笑出嚟，哈哈，認真係唔嘢少呀！🤗💕

行街行到好肚餓又未到時間食正餐，見到秀吉就正合我意，32蚊8粒熱辣辣嘅正宗章魚燒邊個能夠抗拒，外脆內軟，鮮味章魚粒，惹味燒汁沙津汁加紫菜粉，黎多8粒都仲得呀～！

行sogo見到依間日本小食店，有好多款小食，例如燒餅、奄列炒麵、炒麵、八爪魚球，可以以套餐嘅形式買，仲有炸物同埋特式甜品，例如大判燒，而且價錢平民。燒餅+奄列炒麵套餐，燒餅外脆內軟，入面有好多椰菜，上面灑咗木魚碎同沙律醬，好正。奄列炒麵好大份，不過炒麵嘅餸都係椰菜，如果有其他肉就更加喇。牛肉薯餅，好脆，薯仔同牛肉比例恰當，可以同時食到兩種味。炸熱狗條，麵包包住香腸，再炸，都係好好味。，不過係細鋪頭，所以要企係度食或者外賣。總括黎講係抵食嘅！