匯工房

营业中

休息中

嗰日下午兩點度，同朋友由永安行入上海街，見呢間舖有即蒸腸粉，就坐低，原來都有幾款粥同小食，仲有蒸飯，叫咗雞粥，豬骨粥，葱花蝦米腸，煎蘿蔔糕同釀茄子，唔錯，粥滑，有個女顧客大讚第二度食唔到真正粥，睇佢又唔似做妹，食完走人，似熟客多D。小食平又掂，真係香煎,，仲有深水埗樹記豆漿(黑白都有)，坐咗50分鐘，見好多一個人入來食，全部都好安静，少有咁静焗小店，都唔少叫外賣。D伙頭，主要係一位靚姐，幾有禮貌幾nice,可以再幫襯。

雞粥正!清香滑漏，仲好抵食，另一樣係即蒸腸粉，煎亦香口，價$實惠，即蒸梗要等少少時間，我去過幾次，蒸飯都正，未有機會試D香口小食，想試下佢D香煎牛肉包同煎蘿蔔糕以及煎釀青椒，因為見到隔離枱叫D煎蘿蔔糕以及煎釀青椒好靚，好彩有聽侍應姐姐推介，叫咗杯豆漿，原來係樹記，幾蚊杯，唔怪之得，新開都有唔少街坊客幫襯。我friend揸車來，望住舖頭個Mon, 實有冇人來抄牌，食得開心，嘆得放心，成條街似乎係最佳之選。