十二味 (青衣城2)

营业中

休息中

今晚同朋友嚟咗青衣城十二味，價錢唔算貴，朋友係四川人，佢都話正！環境ok，坐得舒服！呢間嘅酸菜魚正到爆！魚肉滑嫩無骨，酸菜酸爽開胃，湯底濃郁夠味，辣度適中。份量唔細，性價比好高，食過返尋味！呢間水煮牛肉好夠鑊氣！牛肉嫩滑入味，麻辣鮮香層層衝擊味蕾，配菜吸滿湯汁超惹味，送飯一流，食完好過癮！呢道豉油雞雞皮油亮，肉質嫩滑多汁，豉油香滲透每絲雞肉，鹹甜適中，雞味濃郁，食落齒頰留香，真心抵讚！下次會再嚟！

酸菜魚🐟湯底酸辣開胃，魚肉鮮嫩滑口，搭配酸菜的爽脆，層次豐富，酸味與辣味完美融合，令人食慾大增😝魚片處理得恰到好處，無腥味，個人十分喜歡。整體口感平衡，既開胃又暖身。搭配米飯🍚，更是讓人回味無窮，是一道令人滿足的美食👍。水煮牛肉色香味俱全，辣椒油與翠綠的芫茜互相輝映，牛肉肉質嫩滑，麻辣🥵鮮香味十足，帶來豐富的口感。花椒的麻與辣椒的辣交織，刺激味蕾卻不掩牛肉的鮮美。麻辣過癮🥵，適合嗜辣者，是一道讓人欲罷不能的佳餚😋。香辣田雞乾鍋香辣味濃，鍋氣十足。食材豐富多樣，有田雞、蓮藕、薯仔等食材，每一樣都吸飽了麻辣醬汁，口感鮮香入味。乾鍋的食材經過爆炒後外焦裡嫩，香氣撲鼻。整體滿意，衝擊味蕾好選擇，下次一定再幫襯！

點了一份258蚊酸菜魚，只見酸菜不見魚，魚腥味鹹，魚片份量只夠一個四年級小朋友食，份量多酸菜少魚片，258蚊嘅價錢非常不合理，還有收加一服務費。非常失望，慎點，非常不合理。

今日去咗青衣分店，員工服務很好，特別是副店長笑容很好 而且態度10分 好 仲推介新品俾我哋嘗試 ，味道还不错 而且辣到啱啱好適合我哋呢啲唔食得辣的人，我哋下次仲會再光顾。

依三四年大家都好似鐘意咗食辣咁，去過好多間川菜餐廳特別鍾意食辣的朋友都表示在太滿意，成日都話邊樣差啲啲，果樣差啲啲。今次我地選擇左十二味，真係估唔倒姊妹表示滿意，我地有帶埋bb去同時亦有bb車。真係最令人滿意嘅係，店員一睇到姊妹推住bb車時，已熱心安排一個適當嘅位置俾佢 (bb唔係車度), 唔會影響到其他食客同時亦bb車都無阻到食客。最令姊妹滿意係食物上菜後我地享用後，細心問我地辣度啱啱👍🏻大家表示好滿意嘅一餐

之前不嬲都係去十二味食晚餐，今日去食lunch都覺得幾抵，一個香鍋68，一個酸菜魚套餐78，有一個飯加埋一支檸檬茶，都可以食得幾飽。其實十二味嘅香鍋係好好味嘅，但係唔知點解，成日食完微辣都會第二日肚唔係咁舒服😢可能佢啲辣椒有啲特製啲嘢，唔係咁啱我。但係酸菜魚就冇事，總之我都係會再嚟食個。

喜歡辣嘅你一定要試吓呢間川菜今日約埋有小辣椒之稱嘅好友一齊嚟試我哋叫咗一個酸菜魚配埋水晶粉一個水煮牛全部小辣再加一個麻辣鍋一邊滴汗一邊繼續食辣度啱啱好超好餸飯又唔會辣到入唔到口令人一試難忘

我地2個人拎左張飛冇其他人等緊見到個4人卡位執緊枱之後仲未有安排入座問呀姐係咪仲未入得佢話係 你地得2個人唔坐得4人座真係好恨食你咩 之後我地都走左 去隔離坐仲舒服啦

今日lunch 同事話想試哩間🌶️野. 一齊去做個真。辣妹子👯‍♀️我地叫左3個lunch set🍚酸菜魚🐟金湯味道啱啱好， 夠酸， 唔太辣🌶️ 魚肉無骨, 好滑. 同其他餐廳唔同, 你個魚片比較大同厚.雞翼肥腸麻辣香鍋哩個一定要試, 香鍋係哩間餐廳既signature🥘最正係d 肥腸, 炸到好乾身, 脆卜卜唔油利. 雞翼係開邊雞翼黎, 好入味. 另外配料有蓮藕, 薯條, 萵筍....🎋 非常惹味， 可以送晒成碗白飯🍚麻婆豆腐哩度既麻婆豆腐跟同出面有d 唔同， 唔係就咁用豆板醬煮. 裡面仲有少少肉碎. 相比其他菜式較為清淡🌿

外賣買酸菜魚，特登加咗$30配粉條，食嗰陣發覺根本冇俾到🤬非常失望！！加上電話打極都冇人聽，根本投訴無門，以後都唔會再幫襯！！（酸菜魚大半碗都係酸菜，魚肉得個幾塊😓😓）

開左咁耐，都係第一次食十二味！ 鍾意食辣食香口嘢就真係好啱食，唔鍾意食辣嘅人都可以揀唔辣！ 1. 🌶雞翼麻辣香鍋 $66 雞翼入口微脆同埋好夠辣，而且係單骨雞翼，對於平時我唔鐘意食骨嘅人算係好方便！ 同埋配菜有（薯條），應該係新鮮薯條切條，真係食落好似食緊M記薯條咁，但比M記薯條超有口感同埋勁好味！ 2. 🌶酸菜魚 $73不得不叫最出名嘅酸菜魚，湯底足料夠辣（我揀左小辣）夠酸，魚肉薄切而且算好多，唔係得幾塊！魚肉口感滑溜，最正係冇魚骨🤭 配菜有萵筍，有口感唔會煮得太淋 ！ Lunch黎講好抵食，而且碟碟都好大碟，好夠份量！

依間出名食酸菜魚晏晝經過試一試🤭晏晝有午市套餐，包一個主菜，一份餐前小食，加一包餐前檸檬茶我叫了一入酸菜魚唔辣，小油$73酸菜魚啲魚份量好多，入面有萵筍做配菜，味道而且不錯😊另一份水煮牛肉小辣，再加$8轉大杯熱情果梳打 $79依舊牛肉份量好多，而且好淋，辣度偏辣，入面仲有好多大豆芽配料，最抵飲係加$8就有好多杯飲品🤭

午市餐單蠻多選擇，酸菜魚和水煮牛肉糾結好久，最後選擇了牛肉。不過看隔離檯的酸菜魚分量和賣相都唔錯意外的服務員先拿來一小份涼拌青瓜墊下肚子！吃完涼菜，大約再等了五六分鐘，水煮牛肉就上來了，牛肉的味道和分量都很不錯！配菜有爽脆的豆芽和兩條清甜的青瓜服務人員全程的態度都很不錯，對所有人都是輕鬆有禮貌的。店家更加加分的是，添多碗飯是免費的，免費的，真是太nice了，超級優秀！吃得太滿足了，下次帶朋友們一起來

至今都覺得十二味去食過麻辣香鍋最好食嘅地方，尤其係加咗椰菜花同埋豬腩肉，啲材料吸收晒成個鍋的香味，十分之惹味，令人食慾大增。份量來講，都相當滿足，除咗麻辣香鍋之外，我哋仲嗌咗一個乾煸肥腸。雖然都非常之香口，味道亦都唔差，但比起上嚟自己會更加鍾意加入麻辣香鍋嘅肥腸，因為乾煸肥腸係炸過嘅，所以會比較乾身同埋脆少少，咬落冇咁有滿足感。加入乾鍋嗰啲肥腸會彈牙好多。唯一覺得可以改進嘅係白飯嘅份量可以多番少少，因為啲菜式都真係好好送飯，所以每一次都會食好多飯。

嚟到青衣城唔知食咩好，就入咗呢間十二味，兩個人嚟食點咗一份招牌酸菜鱼，諗住其實唔系好大份，最后叫多咗个招牌香鍋因為呢度員工姐姐講好好味好出名。个招牌香鍋最少要五个餸。我覺得餸嘅款式唔算太多，我就選咗萵筍，五花肉，雞軟骨，豬大腸，午餐肉。個招牌香鍋好香，食材都好入味，叫咗小辣。但係其實除咗偏鹹同辣之外，呢個香鍋其實麻麻，建議叫多個麵或者飯一齊食。至於個酸菜魚，本身對佢期望不大反而有驚喜。酸味適中，帶少少辣，啲魚偏切嘅大細好一致，每塊魚嘅口感都好好，配料又多。麵條嘅軟硬度都啱啱好，非常推介！店員都幾頻密幫手斟水，呢間我下次應該會再嚟，但係會叫多幾個人食唔同嘅嘢。😂