十和田總本店

营业中

休息中

[ #caloriefoodie尖沙咀 ]• 十 和 田 總 本 店 •🐿-​位於尖沙咀金馬倫道嘅日式料理餐廳採用日式木系裝潢 俾食客一種舒適嘅感覺十和田喺尖沙咀都開咗一段時間 成日見到人食😳有時喺嗰邊行街 又想食日本野 就會諗起佢-🍣 火炙魚生丼💰$138火炙過後嘅魚生油脂味好香 呈半熟狀態魚生丼有三文魚、三文魚子、赤身、油甘魚、穴子、帆立貝、生蝦、左口魚等等 有齊晒唔同種類嘅魚生!!壽司醋飯混合醬油 味道更滋味~-​🍣 火炙左口魚邊丼 💰$148火炙左口魚邊係咁多款魚生火炙過後油脂最重嘅一款!!口感滑溜 油脂感滿滿 餸飯一流再配上海膽 味道唔腥 尚算鮮甜 有驚喜!!-📍 尖沙咀金馬倫道42號華懋金馬倫中心地舖-#caloriefoodie

前幾日就見到有個火炙魚生飯(秋季限定) 搵埋朋友今晚嚟食我自己都幾鍾意嚟十和田食,因為十和田嘅茶係可以自己落綠茶粉,可以自己決定茶嘅濃籌程度今日係想快快脆脆食完飯就返屋企休息，所以今日淨係叫咗 1.火炙魚生飯（秋季限定）2.火炙牛肉湯烏冬3.日本蕃茄沙律日本蕃茄沙律真係有一整隻日本蕃茄,食落清甜， 比較特別火炙牛肉湯烏冬牛肉入口即刻感受到有牛香味， 一開始食就食唔停口今日嘅主菜火炙魚生飯(秋季限定)其實都幾抵食因為有好多款唔同嘅魚生我自己都幾鍾意食火炙的魚生，因為冇咗嗰種凍冰冰嘅感覺火炙咗嘅三文魚仍然油香滿滿另外值得推介佢嗰個火炙蝦，唔單止好大隻而且蝦殼有燒焦所以有一點焦香味另外 非常推介十和田嘅飯底，已經調味，所以就算將所有魚生都食曬都唔怕淨返啲飯整體今日食咗三樣之前未食過嘅食物，覺得好滿意，應該會趁秋季限定期間再嚟食多次

🇭🇰 #香港 #九龍 🇭🇰十和田 Towada Sushi (尖沙咀)🍣 壽司套餐 Sushi Set🦀🍚 帆立貝松葉蟹丼 Scallop & Snow Crab Bowl🐟🍚 香蔥吞拿魚腩丼 Tuna Bowl with Spring Onion♡ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ🚕 地址주소 : 尖沙咀金馬倫道 42號華懋金馬倫中心地下(침사추이 캐머런 로드 42호 차이나캠 캐머런 센터)ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ💰價錢 가격 : (午市套餐 런치 메뉴)🍣HKD$98 • 🦀🍚HKD$138 • 🐟🍚HKD$108ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ♡🇭🇰 #홍콩 #카우룽 🇭🇰토와다 스시(침사추이)🍣 스시 세트🦀🍚 조개 & 스노우 크랩 덮밥🐟🍚 파 & 참치 덮밥

嚟食過幾次，一次係食三文魚，三次係食左口魚丼飯。兩者都好高質，三文魚夠肥美。第一次試左口魚就覺得好好食，會再返嚟食。第二次就唔好食，舊舊都好難咬開，後來問咗店員話因為師傅切得唔夠薄。第三次再來試，又食到美味左口魚丼飯。食物質素好，而衛生就。。。有一次水壺有隻小強係度爬，嚇一跳，叫店員同我換個壺，她拿走後幾分鐘再拿回來給我，相信她是去沖洗再拿給我，那次就不敢喝茶了，可惜。

好耐冇食日本嘢 同屋企人嚟咗食午餐😆餐廳算幾易搵 係地鐵站行過嚟只需幾分鐘入座後 係用手機scan qr code落單 幾方便📱我哋就叫咗兩個午市套餐 唐揚炸雞湯烏冬(配壽司) $88想食壽司 但又想食熱嘢 叫呢個就啱🤣🤣烏冬熱辣辣食落幾彈牙 而炸雞幾就香脆 另外仲有兩件三文魚壽司🍣食完好飽😝午市壽司套餐(配湯) $108有唔同款式嘅壽司 🍣🍙例如吞拿魚 三文魚 蟹籽 蝦等等之後再跟咗一碗味噌湯枱面有綠茶粉 可以沖綠茶嚟飲😆

係尖沙咀區見到十和田ranking都頗高, 同朋友又想食日本野, 所以晚餐決定入去食呢間, 鋪面好闊落, 設計簡約舒適, 乾淨企理, 座位都算多，每張櫈嘅極底都有個藤籃可放手袋，外套，一鑽👍雜錦魚生丼$128有三文魚，吞拿魚，帆立貝，墨魚，蟹籽，青瓜，玉子，件件都厚切大大粒，超級足料，口感非常豐富，壽司薑片亦值得一提，甜辣度岩岩好，好適合搭配魚生飯一齊食，份量亦超多，呢個雜錦丼如果係兩個女仔食，建議可share一齊享用👯唐揚炸雞湯烏冬$88雞件外皮香脆，內裡肉嫩多汁，咸香味道令人胃口大開，配埋沙律醬，滋味更上一層樓，烏冬彈牙有口感，湯底唔錯🤡蔥吞拿魚細卷$48蔥吞拿魚壽司一口壽司細細件, 但每一件都實的的, 啖啖肉, 充滿魚油香味，絕不欺場☺️

朋友請食生日飯，晚上6:00前去到，可能早到唔算太多人。裝潢舒服日式，可看倒師傅整理食材。見好多人都叫海鮮丼飯。朋友為我點選了超特選壽司拼盤，海鮮丼，蒸蛋，生蝦壽司和海鹽雪糕。海鮮好新鮮，加醬油醃製飯好好吃較少見。不輪丼飯或拼盤海鮮都鮮味十足，海鮮份量亦好多，非常滿足。拼盤一次過可以試咁多款海鮮，而且賣相吸引。食丼飯亦好開心，刺身堆滿碗。最喜歡食醬油飯，比平時白飯好味得多。蒸蛋滑滑，有白果係裏面。海鹽雪糕好好味，有海鹽味道，雪糕軟滑，淺藍色好吸引為美味晚餐劃上句號。

今日係海港城辦完事，即刻上網搵下有咩日本好野食，趁福射仲未殺到埋身。呢間十和田既午市套餐感覺性價比好高，$100左右已經有壽司定食，於是拉埋朋友陪我去食。入到去服務員都好親切，落單係用QR code十分方便。朋友唔食刺身，就叫左個生姜豚肉飯，配蛋同湯，佢話個蒸蛋好好味，超級滑，個豚肉又唔錯。另外，壽司定食都好好食，壽司飯細細件似係日本食到既咁，而且佢係用左赤紅，所以啲壽司飯係紅紅地，啲生野都食落好新鮮，下次要再食。

想食好味既海膽壽司,於是黎左十和田。呢間野有幾間分店,但最近我最方便都係呢個位置。呢間性價比算唔錯,叫左一個SET,有海膽、蟹肉、蟹子,呢3款係我最愛。樣樣都好鮮味,同埋海膽份量大,抵食。另外散叫左牛油果壽司,好CREAMY! CALIFORNIA ROLLS有滿滿既蟹子,每一個都大大件,好好味!裡面全部都係熟既材料,好岩唔太食生野既我。不過都叫左個鮑魚刺身壽司,師傅片薄左個鮑魚,唔錯唔錯!呢度坐得舒服,有得放袋添!

位於金馬倫中心地舖的大馬路旁，門面夠大同非常容易搵到，距離地鐵站都只係5分鐘步程！木製嘅裝修圍繞整間餐廳，餐廳四四方方夠晒闊落，入口靠左邊嘅位置設立咗酒吧位置，而有一面玻璃透光入嚟，日頭保持光度適中、燈光柔和舒服。雖然只係平日嘅晏晝過嚟，都已經有幾張大枱爆咗，事關佢哋選擇都幾多，而且選用新鮮刺身，另外最低百幾蚊就已經有碗丼飯，尖沙咀價位都算幾抵食架！⭐️火炙壽司拼盤有五件不同的壽司做成的拼盤，盤出來的時候已聞到陣陣香味，這也是我最喜歡火炙壽司的原因，帶來不一樣的魚香層次，鮮甜的肉質加上表面微微烤出焦香，入口外酥內軟，加上有味米飯一口大小剛剛好，沒有多餘的碳水感。⭐️香蔥吞拿魚腩丼非常大碗的丼飯，底層裝滿了有味米飯，面鋪滿了厚厚一層的吞拿魚腩，上面撒上了蔥花，入口滑溜軟熟，鮮香的吞拿魚腩加上微微醬油更加豐富滋味！⭐️蒸蛋每一次吃日本料理也會點茶碗蒸，喜歡蒸蛋出來滑溜的鮮味，裏面有白果、冬菇、蟹柳、鳴門卷等等的材料，暖暖的滑雞蛋🥚讓用餐更完美地演繹飽腹之感。

星期日尖沙咀周街都係人，好彩約咗朋友早啲去到餐廳，唔使等位之餘，仲食到一餐性價比甚高嘅日本餐廳。香蔥吞拿魚魚腩丼：香蔥吞拿魚魚腩丼的口感豐富多樣，吞拿魚腩肉質鮮嫩帶彈性，魚腩部分油膩，香蔥的添加增添嚼勁。味道美味，吞拿魚帶海洋風味、魚腩油脂濃郁，香蔥提供獨特香氣，整體味覺非常棒。三文魚親子丼：三文魚親子丼口感豐富柔滑，三文魚肉質鮮嫩，脂肪含量適中，三文魚子更提升當中的味道，兩者相互融合，令人食過返尋味。 兩碗丼飯的份量非常多，建議如果下次兩個人再嚟，可以share，然後再叫其他壽司或者小食。

The weather is very hot. We want some good and cool food. Therefore, we choose Japanese food for our lunch. We order two sushi sets with soup. Wow, the sushi set contains eleven pieces of sushi, including three Shrimp Tempura Rolls, Crab Roe, Minced Tuna, Surf Clam, Roasted Salmon, Shrimp with crab cream, Yellow Tail and Tuna. All the sushi is fresh and delicious. Highly recommend it for lunch!

今日喺尖沙咀附近做完嘢，想搵間舒服嘅店舖食個lunch，就嚟咗十和田，以往都食過佢嘅晚市， lunch time反而係第一次！其實呢間舖頭比我嘅感覺係好舒服同乾淨，位置唔會太擠迫。今日早食，未去到午餐嘅peak hour，所以坐得好舒服👍🏻👍🏻佢掃電話QR CODE點餐，基本上個餐單價錢都好合理，唔會偏貴，我揀返佢哋最拿手嘅壽司套餐 $108/1 ，套餐有11件壽司，入邊仲有我最鍾意嘅炸吉列蝦卷，佢嘅壽司係用醬油飯整，特別香，除咗刺身壽司，仲有卷物，啲紫菜仲好脆，仲有麵豉湯配餸，咁啱想飲啲熱湯，咁就啱晒！送餐時間唔算太耐，過咗半個鐘之後，開始見到人流越來越多，侍應都好快手，整體來講都好滿意，店舖入邊嘅洗手間都好乾淨。

當好想食日本嘢，又唔想洗咁多錢嘅時候，食丼係好好既選擇。十和田喺尖沙咀既排名咁高，今日見早早地未有人排隊，就趁機會試吓先。舖頭門面以木為主，簡潔清新。入到去，貫徹門面嘅風格，都係以木為主，簡單以綠色做配搭。好有日式嘅感覺。叫咗一個雜錦魚生丼同一個火炙左口魚邊丼。等咗大概10分鐘左右，兩個丼就嚟到。雜錦魚生丼：魚生份量非常多，仲多過赤醋飯。有蟹籽，甜蛋粒，青瓜粒，鯛魚粒，八爪魚粒，三文魚粒同埋鮑魚粒。好豐富。呢個係抵食之選！火炙左口魚邊丼：估佢唔到，呢款丼包左啲海膽！海膽好新鮮！好幸福啊！左口魚邊好肥美，好有油香同埋都大大塊。絕無欺場！兩個人食到好飽咁離開，先至$304。下次會再嚟。

呢碗鰻魚飯真係一流嘅美食！鰻魚係咁嫩滑，一啖啖入口即化。佢嘅味道香濃，啲醬汁同埋鰻魚嘅滋味真係夾埋得恰到好處。飯粒都煮得剛剛好，軟糯而唔會太硬。啲鰻魚肉係微煎過，加強咗佢嘅香氣同口感。啲燒鰻片擺放喺飯上，令飯嘅每一口都有鰻魚嘅風味。壽司拼叉燒湯烏 - 呢碗湯烏真係驚喜之作！湯底清甜而鮮美，唔似一般嘅湯烏咁重口味。啲麵條煮得恰到好處，有嚼勁但唔會太硬。而叉燒肉嘅香氣充滿整個湯烏，啲肉質軟嫩多汁，一啖啖都令人回味無窮。湯烏上面仲有啲蔬菜同埋一個溫泉蛋，增加咗湯烏嘅營養同層次感。啲蛋黃濃稠，打開後流出嘅滑蛋汁令湯底更加美味。呢碗叉燒湯烏絕對係暖胃又令人滿足嘅一道美食！