十大碗粥麵專家

营业中

休息中

星期日下晝唸住五點幾去唔會多人，點知都要排隊。環境比較狹窄，門口收銀果個哥哥仔比較cool估計係老闆，其它員工服務態度唔錯。食物水準好！價錢合理！有機會會試埋個鯪魚球（想點2粒可惜賣晒）

第一次見食呢間，食之前都睇過食評，評價都幾高，估唔到呢間野真係咁跨張，老闆竟然七點幾就大聲同自已啲同事講，唔好再入客喇，無食材啦，然後又走到門口，對外面等緊位既人講：「大家可以離開，今日所有野賣晒，唔好意思各位，明天請早。」講返野食先，因為今晚只想食粥，所以無試招牌麵。味道很好食，價錢又唔貴，不論粥、油條、腸粉或其他都係即叫即做，我地都好鍾意，大家可以一試。本來想試埋個「炸鯪魚球」，但可惜買哂，無得食。如果大家有興趣的話，建議大家盡量早啲到。或者改食下午茶，咁應該會容易入坐。

琴日夜晚經過見到難得有位就諗住入去試, 估嗰到會撞到一位大台前演員顏國梁, 咁我坐低咗就睇Menu, 有唔少嘢食, 我就叫咗個招牌雲吞麵, 如果叫得招牌都唔掂, 咁其他嘢食應該都唔使食啦🤨, 所以我就叫咗碗招牌雲吞麵加一杯凍檸茶少甜。咁呢個舖頭特別在有提供免費用嚟開胃嘅酸蘿蔔, 我覺得食2-3粒就好夠, 貪心嘅我食咗5粒, 開胃開個櫳啦, 麵口感上唔會太韌唔會太腍, 算係啱啱好, 雲吞皮薄, 餡料嘅蝦肉都有咬口, 一啖一個啱啱好, 但係量唔多, 所以唔係幾夠飽, 招牌確實招牌水準。凍檸茶紅茶底係靚嘅, 紅茶茶香幾夠比平時喺茶餐廳飲嘅好飲, 唔會有苦澀味, 我覺得幾難得。

今日去太子拎野比朋友，朋友就話請我食飯，問我有無idea，我就諗吾到，行下行下見到尼間餐廳，朋友問尼間o吾ok🤔我覺得可以就入左去坐，我地岩岩坐低，再入多1個客，間餐廳就滿座，好彩快人一步入左去坐🤣入到去佢有個細碟比你食小食，睇餐牌有好多食物揀，最後我揀左牛腩河，不過吾記得左走青，唯有自己慢慢夾番出尼，牛腩好淋，完全唔會痴牙，湯都有牛腩汁，所以食河粉都吾會有重食清湯河粉既感覺，食既速度快過河粉吸湯既速度，所以唔會覺得食極都咁大碗🤣

夏天嚟喇～超級熱啊！32度～興致勃勃好想食粥梗係食呢間啦😜一入去就有個卡位時間係晚上7:30😙乾淨環境一直冇變加上疫情上冷氣充足坐定定梗係食少少酸蘿蔔啦正到呢❤️（最緊要係保持乾淨衛生）佢嘅酸蘿蔔真係粒粒容易入口又唔會太酸味道剛剛好😋😋😋😋我立即叫咗個 《及底粥》《炸鯪魚球四粒》兩樣嘢都唔使講超好食冇變過～保持水準💯朋友就叫 《皮蛋瘦肉粥》最後見到隔離枱叫咗支汽水好可愛我都叫支雪碧先超冰凍🥶爽爆😝

下午茶時段行過太子搵間茶記食個TEA，開個OPENRICE 睇下，睇最多好評既係間雲吞麵舖就入去試睇到餐牌雲吞麵加凍O茶 43蚊都算可以見個雲吞面幾多人好評雲吞有4粒，蝦同豬肉新鮮彈牙，皮薄滑麵爽口湯底好味清甜比一般雲吞麵舖好食好多囉好平好抵

污糟！碟油菜裏面送你隻烏蠅🪰🤢，並加送發泡膠粒🖕門口擺咗用嚟墊湯底嘅柴魚，引咗好多烏蠅過嚟奶奶供，雖然佢話係米豬連，我就一啲都唔覺得喇，淨係覺得佢越嚟越污糟，碗筷用外判公司洗，載住乾淨碗筷嘅膠箱望落去好污糟！要立即black list佢✍️

之前聽朋友講，呢間嘢好出名，咁啱經過所以就試吓，叫咗雲吞麵炸兩艇仔粥同埋炸雲吞雲吞麵係正常發揮，鹼水味唔算濃，雲吞餡料都算爽口彈牙炸雲吞同我想像中有少少唔同，比較似錦鹵雲吞，我都係鍾意食炸廣東雲吞炸兩係比較令人失望嘅一樣，佢哋嘅油炸鬼唔夠脆，腸粉皮都有少少撻口艇仔粥都係正常，粥底夠綿同埋料都夠多佢哋亦都有醃蘿蔔提供整體上來講，質素只係普通，唔值得專登排隊嚟試值得一讚係佢比同類型嘅餐廳算係乾淨企理。

因為以前大姐住在太子，有一次去探親行過入左去食，這店當時仍未出名，食過覺得正正常常，味道都算可以，後來出左名之後我又專登去過2次，但都因為太多人排隊而冇食，今日下午去九龍塘打疫苗第3針，突想起又走去食，叫左雲吞撈麵加腩汁，40元撈麵算平，但麵份量比較少，雲吞5粒正常，麵ok,雲吞細粒，虾多猪肉少，調味頗為傳統，麵湯比較淡，食唔到大地魚味，唔合格，整體這個麵價錢算合理，味道唔可以話出色，如果經過附近都會再食，要搭車去就唔會，香港比他好的有不少，另外腩汁就非常出色，好好味，牛腩相信會好好食，下次會牛腩，酸羅白夾左6粒，食左2粒都係苦苦地，酸味亦不足，另外4粒就放棄冇辰

十大碗粥麵專家 (English name: Ten Noodle Shop) serve wonton noodles in the Prince Edward area. They have another branch in Mong Kok. The place is tidy and a bit more modern in design with photos and artwork of the the noodles.  A bit different than the usual old school wonton noodles places.Menu is in Chinese only. There is no 10% service charge and no photos of their food.They have a jar of home made pickled daikon on each table. Quite good and a bit spicy from the chilli peppers added. A good palate

假期食得多好野🤭，搵間粉麵清清地食下。叫左碗雲吞米🥠🍜，菜心🥬同鯪魚球🧆一碗雲吞米有4粒雲吞，粒雲吞都唔算細，食落去都有唔少蝦肉蝦蓉🦐。最鍾意食粉麵就係碗上面啲蔥😆，覺得可以提升到碗麵既味道，減低膩既感覺😛。雖然食物安全角度知道蔥係唔太衛生既野🙈，因為基本上係最後落上去，冇經過淥既過程去高溫殺菌😅。聽聞粒鯪魚球係出名架‼️可以揀2️⃣粒，4️⃣粒，6️⃣粒咁叫。我地2人叫左2粒諗住試下。點知黎到枱係好大粒架，好彩叫左2粒渣。😂📢粒鯪魚球真係有驚喜呀🌟🌟🌟，食完碗麵先食佢，個皮仲係好脆架，入面啲鯪魚肉又多，仲要仲係好熱，加埋蜆芥食就夠哂風味。一定要試鯪魚球呀‼️

食雲吞麵唔只要求粒雲吞嘅餡料同大細，碗麵嘅湯底都好重要。喜歡吃這裡的雲吞麵，雲吞餡料正、足料，肉同蝦嘅比例剛剛好；大細適中，剛好一口吃得下；麵夠爽口，軟硬適中，最重要係無鹼水味。重要嘅係個大地魚湯底，有淡淡嘅鮮魚味，配上韮王，簡直係提升左成碗麵嘅味道。呢度仲有無限量供應嘅免費酸蘿蔔，甜酸味搭配得宜，開胃菜之首選。

豬膶麵好耐冇食，估唔到超水準，豬膶煮得啱啱好夠爽滑，不太生否則會見血水，不太熟否則會鞋，幼麵彈牙分量適中，薑蔥夠多，上湯好味不咸，價錢常算合理，下次去要試下其他菜式！

假期出來覓食 十大碗嘅粥麵出色 流傳已久 可惜港島無分店 今日去附近 酒店 Staycation 可嚟試到 馳名招牌雲吞麵 🥣🥣我們二人點了蠔皇花菇撈麵 🍄🍄花菇大隻肉厚 炆得軟嫩 有菇香味 撈麵也煮得恰到好處 沒有鹼水味 自助蠔油隨意 好吃 🍜🍜雲吞湯米粉雲吞大小適中 剛好一口吃 米粉份量很足 大地魚湯頭 清澈而鮮甜 滿分 👍👍炸蜆芥鯪魚球 超好吃 而且鯪魚球 沾上了碎米粉炸 讓口感變得 外皮酥脆 魚肉爽彈 沾上濃濃蜆芥醬吃 美味可口 😋😋😋😋😋炸小食拼盤 🥢🥢炸雲吞3件 炸水餃2件 炸魚片4件即叫即炸 入口熱燙 每款小吃 都達到水準 🤩🤩每張餐桌上面 都放了一樽 醃漬切粒蘿蔔 味道酸酸甜甜 開胃小吃 超正 隨便吃 多少也可以 🥕🥕老舊區通常 假日比較冷清 但有名氣嘅食店 假日依然暢旺 坐下吃了一小時 只見人客 來來往往 還好我們 到達時尚早 也沒等候多久 🥢🥢

屋企附近，想試好耐既十大碗！有蘿蔔仔自己夾做餐前小食，不過豆漿賣哂，無得試下係佢自製定買返黎。招牌雲吞麵，湯底濃香而清，食得出大地魚煲左好耐出哂味，加埋蝦子，連我從來唔飲湯頭既太座都飲左幾啖！麵質彈牙無梘水味，雲吞足料，鮮蝦爽口，太座食第一口雲吞，都話十分驚喜。另外炸兩皮薄又夠料，可以半透明睇到個油炸鬼，油炸鬼新鮮脆口，係上水東莞佬既質素🤤不過價錢貴左d🤭再叫鯪魚球，脆口彈牙，正👍🏻下次再試其他