十大碗麵家

营业中

休息中

在元朗區揾過幾間雲吞麵食，都算不錯。今日誤打誤撞揾到呢間雲吞麵舖。水餃麵好食(麵上灑了些蝦子)，湯底好甜(用大地魚淆湯底)，仲有酸蘿蔔(之前在深水埗那間麵舖都有食過，好喜歡)，一個不錯的選擇。

星期四中午時段，需要等位，店內座位不多，枱與枱之間比較狹窄，一個人等位約5分鐘，兩個人需要耐少少。星期一至五 11:00-2:30，午市有皇牌套餐$53和撈麵套餐$55，比較經濟，套餐包括飲品，所以很多人點這兩款套餐。因為想食鯪魚球，所以單點了一碗鯪魚球撈粗麵$45。鯪魚球有五粒，大大粒，鯪魚球入面有淡淡的陳皮香味，蝦米碎和蔥粒，口感偏淋身，不夠結實彈牙，但食得出材料新鮮。鯪魚球配上大地魚湯，魚湯底有驚喜，十分鮮甜甘香。店內的海報有介紹湯底的材料：🐟大地魚、🦐蝦籽、羅漢果、🐖🦴豬骨、🦐蝦角、果皮和🦐蝦乾，細火熬製5小時而製成。粗麵爽身，少少淡淡鹼水味，蠔油唔太鹹，味道剛好。見到其他乘客都點了雲吞，雲吞好似都幾好食，下次有機會再試～

從旺角搬來的店，元朗千色𣿬附近地點很方便，試過新店水平，可以。放在桌上的醃蘿蔔很點睛，美味開胃，唉呀不由得念起灣仔永華了，這年頭有這個也買少見少了。說回這店不大，冷氣足，比傳統雲吞略大有尾好吃，吃過2次，麵走鹼也做到，爽實有質，最正是蝦子給得很足，把湯喝到底仍剩不少蝦子。上次點過的豬肝麵也出色，不見𦍑但爽而粉又不腥。每次必點比乒乓還大的鯪魚球2個，即炸的，外脆內軟熱呼呼，滿足。下次吃豬手撈面看看。

嚟過兩次，第一次嚟試了雲吞麵同水餃麵，雲吞同水餃屬高質，幼麵冇梘水味👍🏻 酸蘿蔔味道佳，但成餐飯嘅敗筆係店員用抹枱布抹完枱之後，枱上遺留下嘅臭味，嚴重影響用餐體驗，唯有快快食完走人。隔咗一個月再次幫襯，因上次聽到隔離枱食客盛讚豬潤好食，於是叫了豬潤麵，一坐低又係聞到抹布留下嘅臭味，亦見店員每次都用同樣兩條抹布抹店內嘅枱而每次抹完都冇見到有清洗，只見兩條抹布放埋一堆，今次再食酸蘿蔔，覺得味道差了，蘿蔔有苦味，咁啱見到店員為每張枱添加蘿蔔，職員係戴住手套用手隔住樽口倒去部分樽內嘅醋，再加添蘿蔔，但佢事前係戴住手套去落單、抹枱、送餐，而並沒有洗手再去接觸蘿蔔樽，OMG, 見到之後即刻唔敢再食，另外豬潤多筋，並唔係我杯茶，如果下次再食都只會叫外賣，因為佢啲枱布臭味令人作嘔🤮

喺太子好出名嘅大地魚雲吞麵，終於喺元朗落戶啦！以前喺太子總店嘅時候，我最鍾意食佢哋嘅及第粥同埋雲吞麵！因為雲吞麵除咗雲吞好食，面夠晒彈牙硬身，冇鹼水味，而且湯底非常香濃大地魚味！加上及第粥嘅豬潤，大大塊之餘仲唔會太熟，生熟到啱啱好！而且一碗成功嘅雲吞麵，要落韭黃！雖然好多人都鍾意食佢哋嘅酸蘿蔔，我就已經食到厭咗啦！而家元朗分店新章期間叫任何嘢食都會送汽水！不過分店嘅位置比較偏僻，而且附近嘅環境亦都比較多問，喺出面等位嘅時候，就比較難受啦！