千式麵包屋 (裝修中)

今日下午2點鐘左右，心血來潮想話食兩件曲奇皮蛋撻，於是食完午餐在返屋企途中行過新北江商場一樓，去到呢間千式麵包屋見佢賣緊 $5 一件，$14 有三件。 由於只有我自己食，所以就只買兩件走。 拎返屋企都只係幾分鐘路程，開開心心咁拎出來咬一啖，酸的！ 好再拎第二件咬一啖，又係酸的！  以後唔再幫襯！！蛋撻皮唔脆，又鬆散。 蛋黃太糊，沒有質感。 而且竟然係酸的，好似加咗大量檸檬汁的味道！或者呢種係佢地新研發的檸檬蛋撻，而又唔記得話我知係新口味。 之但係我唔識欣賞，直接掉咗就算。

$15一個藍莓雪菓子大大粒眼卜卜唔鍾意食芒果嘅我竟然覺得朋友帶給我很好（吃）的體驗～～～～～～ 芒果很好吃😋買嘢食要小心，啲夾餅嘅阿婆係亂夾比你，第2次買雪菓子至成功，佢夾錯比你食唔到慘

原味泡芺佢嘅外皮好脆，而且味道有啲似蝴蝶餅嘅味，外皮唔會好乾，佢入面啲cream來多，啲cream都唔會話好甜感，個皮同啲cream好夾而且都好大個，仲要凍凍地而朱古力味，佢上面嘅朱古力個味有啲怪怪地，而且超甜，朱古力味泡芺入面啲cream係比原味嘅少啲，所以都唔係話太好味，而且真係好甜，所以我認為原味個個好味啲

The special food here I believe would be cream puff, extremely worth with plenty of cream inside. I love this.

由細到大，屋企人都係話病就要小心飲食，所以病左既我就好乖咁去買白麵包其實我都不想食架，好似好DRY，但又覺得選擇其他既話又不似病人食所以就買左白麵包。好彩，買既時候剛出爐，仲有少少水氣，所以好軟軟返到屋企就咁拎來食，嗯。。。。。。。係好軟，但好似食來食去都不會飽咁手指按下去，可以變成一片好簿既野，食左4片完全無飽既感覺，要食6片病人食6片，無病時要幾多呢？我估係有一D原料令佢脹起同鬆軟，但麵粉成份不多，所以不會飽口感不錯的，但想食飽就要考慮一下

雪果子❄️ ($13)行過麵包店見到雪櫃到放左一粒一粒白雪雪☁️既野，覺得好cutecute即刻買返粒試下。 皮做到好薄，拎既時候要好小心，咬開糯米皮，入面係有大大舊芒果、忌廉同海棉蛋糕，感覺好似芒果蛋糕糯米糍😻，幾特別喎。

因出席朋友聚會，故來到天水圍區。難得山長水遠來到，當然要四圍逛逛。去到小商場，見這小小的麵包店，食物價錢不貴，於是買了較少見的藍莓蛋卷試試。由於剛吃了下午茶，於是當作第二天早餐。藍莓蛋白卷 ($5)：蛋糕質地實淨，不算十分鬆軟，但吃吃來反而覺得較為「實在」，不會像吃空氣，而且蛋糕的甜度適中，亦不油膩，算是不錯。藍莓醬不少，甜度適中，不會十分膩。整體味道沒什麼特別，但算是不錯。$5大大件，亦算抵吃。

話說個日放學同d同學去新北江行街行到lee間西餅鋪個時見到佢個雪櫃入面寫住五蚊個泡芙個樣好特別特別在係個包面好似波羅包咁個大細呢就有大約10cm大基於好奇心之下加上我又幾鍾意食泡芙咁計之下比5蚊作為機會成本我又覺得幾合理不過入到去見入面d職員都幾忙等左陣先有人同我夾到舊野同比錢口感方面個包包面幾硬身咬落煙煙unun但無咩味~d忌廉唔算多但幾滑同個包包面有好大對比因為個包包面硬身所以好易食到個咀同個袋都痴滿忌廉但我都仲係覺得如果可以再多d忌廉的話會更好