千樂燒味餐室

营业中

休息中

講真心，簡直不知所謂既燒味店！仲要開係太興對面，人地咁大招牌，好唔好食先唔講，起碼唔會好似呢間咁大牌！呢間咁既餐廳食物質素已經一般般，價錢仲要又唔係平。仲要服務態度惡劣，自己做錯仲可以講到好似係食客錯咁「食唔食無所謂啦」，咁好生意啊？係呢區午市間間餐廳都係咁好生意架啦，唔好講到自己咁忙啦咁爆啦，真係唔好意思，可能我地呢細食客人地睇唔上眼， 打攪晒，以後都唔會再黎阻你地做生意。自己好自為之，認真，呢間嘢邊個幫襯邊個後悔。

北角最近開左呢一間新嘅茶餐廳，諗住入去試吓，點知食到一肚氣。食物幾好食，但待應態度惡劣！一入到去12:00，都算多吉位，但店員叫我哋2個人坐埋一邊。我明白12:30放飯時間會多人，但多人我地自然會讓位，何必成日要有位但迫埋一堆呢？自問食嘢已經算快，請當我食完啲野準備飲杯奶茶之際，個待應叫我要埋單走，我都未飲完杯野埋咩單走呀？所以我無理佢。之後店員望實我，心諗咩事？由入座到離座都好激氣，好唔好食都無下次。