千海水產海鮮火鍋放題

营业中

休息中

週六午市， 15分鐘前已見排隊人龍 等候入座 ，安排入座都十分順，各個職員都很殷勤服務 ，客人需用手機qr code落單， 每枱有一個鐵桶給客户去海鮮區自選海鮮， 海鮮區的海鮮 整體上都好新鮮 ，種類有蟹蝦蠔蜆 ，新鲜自然可口，其餘種類的放在自助區，食物質素沒有驚喜 ，但還失望的是火鍋牛肉片，完全沒有肉味鮮味，不過，鵝肝多士和木瓜甜品算得上可口。 整體而言，三百幾蚊食一餐有海鮮嘅火鍋， 算係咁啦 ， 一試無妨。

如果自問係海鮮+火鍋控既您呢間「千海水產海鮮火鍋放題」就啱哂了🥳餐廳位於九龍灣地鐵隔離淘大商場😊都幾方便☺️餐廳中間L型海鮮位放滿季節海鮮任撈任食☺️ 當中有蝦、蟹🦀鮑魚及貝類等等😊餐廳仲會不停補貨無限量任撈任煮👍‼️全部非常新鮮生猛😊我就最鍾意超甜三點蟹🦀同冬風螺😋鍋底方面我地揀咗龍蝦湯底用嚟烚海鮮就最正😍火鍋配料有M5和牛及味道濃郁牛肩胛、豬梅肉、羊肉😋田雞、花膠、菇菜類🥬自取區就有中式點心、多款熟食😊甜品除左有蛋糕、雪條、Häagen-Dazs雪糕任食✌️仲有烤榴槤都好好食😋每客一位既木瓜燉雪蛤夠滋潤😊當然唔少得食返個榴槤炸彈啦飲品除左冇酒精飲品.亦有自家製茶飲及酒鬼最愛既生啤機😍真正無限暢飲暢食火鍋放題😋食到我地捧住個肚走呀😂

喜歡撈海鮮嘅朋友可以試一試，可以玩吓，但海鮮級數就唔會高得去邊，晚市2小時食唔到好多嘢，拆殼嘅時間可能仲多過你食😂地方幾大，但攞一轉嘅時間都唔少，而且仲要排隊😅食都食得幾急！自助區同點餐嘅食物都不錯，幾新鮮同乾淨，不過注意力去咗海鮮就攞或點唔到好多😂撈海鮮可能好玩，但處理就一定唔係特別仔細🙃另外，個鍋不停煮海鮮，成鍋越煮越咸，要睇自己係唔係重口味😉甜品建議雪糕雪條👍🏻飲品種類同選擇都好多，一定有自己心水😁而且還有生啤區😮整體覺得性價比唔算好高，不過可以嘗試一次

依間新開張冇幾耐，已經人潮洶湧😝好難book位了～皆因人均只需三百幾👉🏻就可以嘆到自撈任吃新鮮海鮮🦐🦀仲要無限量供應，不停補貨，想食幾多都得～兩小時晚市任吃火鍋💗7:30前離座👉🏻星期一至四只需$278/位😝超豐富！仲好高質添～🦀海鮮令人最興奮嘅梗係自助撈海鮮區～海鮮款式都多！當日就有大頭蝦丶鮑魚丶蟹丶東風螺丶沙白丶蜆．．供應源源不絕，無限量任撈任吃。撈完仲可以放低，有職員幫忙清洗～轉個頭再攞返💗本身有得自己撈已經好開心，仲要見到啲海鮮不停郁好新鮮，要小心用蓋蓋好啲蝦，超生猛四圍跳😝特別鍾意鮑魚💗肉質鮮甜超軟腍～大頭蝦超爆蝦膏～蜆好鮮甜，海鮮控真係可以喪吃😝 自助區仲有火鍋用新鮮蠔，大隻又肥美，配埋龍蝦頭鍋湯底💗鮮上加鮮！😋其他配料仲有好多其他配料，肉肉有澳洲M5和牛丶美國牛肩胛片丶澳洲羊肉片．．都唔錯。花膠丶海參丶丸類丶蔬菜都有豐富選擇。💛炸物丶熟食私心推介仲有好多㗎，鵝肝多士熱辣辣上枱～甘香超正！燒乳鴿丶燒羊鞍丶鹽燒牛舌都係我嘅心水💗海燕窩椰汁燉木瓜太正食咗兩客添自助區仲有中式點心丶麻辣小龍蝦丶烤榴槤丶楊枝甘露．．任吃雪糕仲有Häagen-Dazs多款口味．．兩小時晚市火鍋放題真係

食物同平時酒樓任食差不多，服務就超差執碗飛黎飛去，仲踩污糟我隻鞋大大個黑印，搵經理反映又當無左件事，無比較無傷害，荃灣果間好過呢間，呢度廁所又遠，服務又唔好👎唔會再黎

千海水產海鮮放鍋火題，位於淘大商場，餐廳佔地過萬尺，以無限量即撈即洗即煮作為主打。餐廳基本上大部分時間都全場滿座。一入餐廳門口就見到門口海鮮區，有蟹，有鮑魚，有蝦，青口，蜆，沙白等等。將自選海鮮撈起再交給店員清洗劏好，拎返埋枱就可以開餐。餐廳仲會不停補貨。推介必食三點蟹，蟹肉鮮甜結實，即劏即煮即食真係無敵。紅蝦，蝦肉結實多膏。火鍋湯底選擇相當多，有辣有唔辣。除咗海鮮之外，當然仲有大量食物甜品飲品放題。千海確實抵食。

讀書嘅時候總系會有一啲人叻到超曬班。將個成績拉到天花板咁高，搞到人地好難追。今日嚟到火鍋放題界別嘅天花板，睇吓佢點解會比人優勝。 🍖門口嘅水族館，唔係，喺魚缸，就已經令佢贏在起跑線。又蟹，又蝦，有貝類，又鮑魚，仲要每樣都有唔同品種，自己揀自己撈，又有專人幫你清洗，咁你就會知道一陣無論你叫咩湯底，佢都會充滿住豐富嘅海鮮味！特別建議唔好叫咁濃味嘅湯底，咁樣熬完一輪嘅海鮮湯攞嚟直接飲，就顯得更加鮮甜。留意呢一個魚缸佢會不停補貨，而且系任你撈，真係好堅！ 🍖煲緊個湯嘅時候，你可以叫或者自己拎唔同嘅前菜同小食，品種多到都唔知從何寫起，鵝肝同乳鴿係我嘅推介。 🍖至於打邊爐配菜，品種又係多到都唔知從何寫起，有啲仲係非常新奇，比如花生苗，紫色嘅羽衣甘藍，仲有唔係人人都可以接受到嘅田雞，等等。 🍖肉類嘅質素亦都相當高，我哋單單淨係叫咗M5和牛肉同美國肩胛肉，肉質非常柔軟，而且香濃。 仲有嘢飲同甜品數不勝數，品種多...你知我想講咩啦！睇嚟其他嘅同行都要出多啲計仔，睇吓點樣追翻個差距啦！

這家千海水產火鍋放題無疑是海鮮愛好者的天堂!一走進店裡,就被滿室飄香的海鮮味所環繞,令人垂涎欲滴。鮮活的海鮮種類應有盡有,從肥美的鮑魚、鮮甜的蝦子到生猛的蟹,無不新鮮直送，令人食指大動。食幾多撈幾多，撈完有專人負責清洗，放心放心～另有大量火鍋配料，生蠔、田雞、鵝腸；熟食放題燒蠔、鵝肝多士；精美點心，小籠包燒賣蝦餃牛肉球；雪糕甜品，各式生果榴槤，木瓜燕窩，燉奶等數之不盡～因為而家新開張午餐僅有四個小時食，夠晒抵～咩事呀？而家做會員，仲有$20迎新優惠～

千海水產 - 自助撈海鮮任食火鍋放題今日介紹一間位於九龍灣嘅火鍋專門店，放題任食嘅形式，限時兩個鐘頭，最特別嘅就係任食海鮮，仲要係自助撈海鮮添，玩得、睇得、又食得，就係喺YouTube上面非常人氣嘅千海水產！兩小時任食海鮮火鍋放題 $268-$308/位首先當然要介紹吓魚缸啦，平時喺超市、街市見到嘅魚缸，今日就喺正餐廳入邊，無論係鮑魚、貝類、蝦類同埋蟹類都一應俱全，新鮮即撈即洗即劏，餐廳自助撈海鮮區域會不停補貨無限量任撈任煮。唔好以為淨係得海鮮，火鍋配料都一應俱全，有好多唔同種類嘅丸類、菜類；火鍋肥牛仲要係M5澳洲和牛同埋美國牛肩胛。熟食亦都唔惹少，竟然有乳鴿同埋點心添。最後就係任食嘅Häagen-Dazs ！結論嘅係真係要好好規劃下嗰兩個鐘頭點樣分配，一入去就係作戰模式！

最近全城熱話梗係講緊自己撈海鮮放題就係千海水產海鮮火鍋放題(九龍灣店)圖片有價目表:連我身邊嘅媽咪朋友群組都一直講緊既然心思思，不如揀個好平嘅宵夜時間我梗係約我媽咪去試下，連午餐都唔食難得大家都係海鮮控，而家街市海鮮價真貴$128斤蝦，蟹仔更貴，過節更獅子開大口 今次就解答大家食放題同我有嘅疑問:❓生猛海鮮款式多唔多？夠新鮮嗎？ 現場有鮑魚、2款海蝦及蟹及多款蜆類亦可以俾人剪開隻大蟹，時間唔算等太耐，我係好鍾意食海蝦，好有蝦味又彈牙鮑魚大細剛剛好，如太大隻好容易有黑邊，而我媽就最鍾意食好鮮甜嘅三點蟹。我強烈要求要帶埋個鐵蓋住，因爲我同附近嘅客人都發生跳蝦事件，呢度海鮮相當新鮮! ❓攞完海鮮第一次有，第二三次就冇？ 我一入場衝咗去海鮮部問點解人人攞住個鐵桶原來個桶喺喺每個人嘅枱面度🤣一枱一個即使攞完第一次、第二三次，海鮮都好多 ❓除咗海鮮外貪心 D 仲有冇其他嘢食？ 🥩講得出嘅火鍋配菜都有肉方面有澳洲M5和牛、美國牛肩胛片、美國豬梅肉片及澳洲羊肉片，外出必取一兜兜嘅大牡犡、鵝腸、花雕雞翼、黑毛肚及脆肉鯇片，蠔肉好多汁，而脆肉鯇又唔腥又彈牙! 🦪電話下單可以叫熟食，我最唔鍾意就係嗰啲放題係

今晚和媽媽去九龍灣<千海水產海鮮火鍋放題> ！ 大家都期待左好耐，畢竟餐廳人氣極高，深受歡迎。之前看過很多YouTuber介紹過，確實非常吸引人！ 餐廳環境寬敞明亮舒適。自助區食物陳列乾淨整潔，每次補貨都迅速且有序。餐廳的整體氛圍輕鬆熱鬧愉快，大家都食得好滿足！難怪那麼受歡迎，一位難求-🔸自助海鮮區餐廳以其豐富的海鮮選擇而著稱。自助撈海鮮區域會不停補貨，無限量任撈任煮，確保每位顧客都能享受到最新鮮的海鮮。從海蝦、鮑魚、海螺、花蟹、沙白等選擇豐富且新鮮！ 撈完海鮮後，交給職員清洗，服務一流😁 -🔸湯底選擇了清甜椰子雞湯，有原隻雞髀🍗，正！-🔸肉類及小食用QR code 下單可點選和牛及燒物❗️💯❗️必試招牌乳鴿王及芝麻雞翼！ 皮脆肉嫩！ 還有鵝肝多士、燒鰻魚、鱈魚西京燒、燒蠔！ 樣樣都好高水準-🔸自助區自助區整齊又整潔。食物總類超級多！連煙三文魚都有😍 手打丸、粉麵、海鮮、各式蔬菜、（有我最愛的豆苗、 羽衣甘藍🥬） 樣樣都好新鮮！ 甜品及飲品櫃好有驚喜！ 有多款靚雪糕、軟雪糕機、自家製甜品（推介楊枝甘露！好足料！好好飲） ！ 有多款酒類🍹，好開心好滿足！

食火鍋同食放題食到悶悶地發現咗九龍灣同荃灣都開咗呢間新嘅火鍋店🍲上網book都book唔到！等咗好幾日先book到平日嘅晚市梗係要帶媽媽試一試佢啦！呢間千海喺淘大附近招牌同廣告都夠晒搶眼👀唔驚搵唔到！撈撈海鮮嘅位置喺正大門口位好多職員ready幫手同做refill而放題任攞嘅食物都係晒附近好闊落又好方便👍🏻食物方面質素都幾高任食牛肉係靚嘅，以放題嚟講質素唔錯！海鮮好新鮮！撈返嚟嘅都好生猛特別係大頭蝦🦐配冬陰公湯底超正！生蠔大大隻好鮮味🦪鴨肝亦都好juicy，任食嚟講真係好高質！父母食得好開心🥰🥰🥰啱晒一家大細嚟邊食邊撈！

❣️最近新開熱門嘅千海水產🦐 海鮮火鍋放題🦀主打自助即撈海鮮🦪有多款貝類，蝦蟹花螺即撈即食🥄仲有專人幫手洗乾淨同處理海鮮👍🏻海鮮超生猛，貝類無沙鮮甜😋仲有幾款惹味熟食，必試燒羊架燒蠔🦪🐏牛肉相對之下就比較普通🥩人均$350就食到新鮮海鮮火鍋放題，味道唔錯值得再嚟！😆

最近一間非常火嘅即撈海鮮放題，一位難求，竟然俾我book到，海鮮控嘅我非常興奮其實呢個價錢真係好抵食除咗平時放題任食嘅食材飲品之外嚟呢度嘅目的梗係撈海鮮一入門口就見到個魚缸超過10款時令海鮮有我最鍾意嘅蟹，花蟹、三點蟹、鮑魚、東風螺、花甲、白蜆，灰蜆、草蝦、基圍蝦、大頭蝦等……自己撈完海鮮，就可以交俾店員清洗時間非常緊湊，再用QR code揀湯底同肉類其他配料，例如丸類，蔬菜，冷盤小食，炸物，水果、甜品、飲品，都可以喺外邊自取啲海鮮實在太新，即刻要嚟打邊爐記得一定要食埋廣島蠔，大隻又鮮甜煮完之後都唔會縮到好細，好厚實所有海鮮都非常新鮮彈牙，肉質甜美，即刻將個湯底昇華川味燒鮮蠔，鵝肝多士都係必食，一定要點最後記得食榴槤炸彈同原粒榴槤肉，甜品櫃入邊仲有大量甜品，食埋Häagen-Dazs雪糕，真係大滿足

香港較少撈海鮮，好生意是好事，但這種服務態度真的太劣。話說當日下午5：50去到，因我們還有一位需6：30才能，問過服務員，該名服務員叫我地等夠人才入座，等到6：15，開始多客，服務員就叫我地取籌，取了籌入座已6：30，服務員跟我們說8：00要交枱，因為很多客人book左😡，如果一早係咁，6：00又唔放我地入座食左先？怕我地食多左蝕本呀？短短開業未夠一年立即加價，呢種服務態度點得！