千賀水產の鮮鍋道場 (已結業)

一頓飯想吃火鍋又想吃刺生壽司和熟食料理？觀塘這餐廳可以滿足所有願望。我們選的是4小時放題，點了溫野菜蕃茄湯底。很快待應就為我們送上刺身盛盒、海鮮拼盤和牛格斯牛小排。除此之外，其他肥牛、黑豚肉、羊肉、海蝦、牛柏葉等是無限添食的。刺身盛盒有三文魚、希靈魚、馬刀貝、北寄貝和赤蝦，新鮮甜美，最愛大大隻赤蝦。海鮮拼盤有蝦、大扇貝、沙白、蜆和脆肉鯇。其中，蝦上枱時仍非常生猛，鮮甜爽口；扇貝很厚肉，大大隻，淥的時間剛好，很鮮嫩。安格斯牛小排有牛味，肉嫩有油香，正合牛魔王口味。無限添加的肥牛、黑豚肉和羊肉亦很不錯，我們都多吃了一轉，食肉獸可盡情食到飽。吃完肉類我們已經飽了八成，就出去看看熟食區。原來款式亦相當多，有串燒、春卷、蒜蓉包、薯角、中式點心、魚、雞、炒烏冬、炒飯、餃子等。我們拿了幾款香口小吃試，蒜蓉包香脆，餃子炸得脆卜卜，加上燒汁很滋味。最後，我們去蔬菜區拿了點苦瓜、菠菜和皇帝菜烚一烚消消膩。然後，吃了frozen yogurt 、豆腐花和啫喱，就滿足地買單。

老死生日，幾個人去食火鍋放題同佢慶生。今次嚟咗呢間係觀塘廣場入邊嘅千賀水產大擦一餐！今日係平日，但呢間放題都座無虛席，好受歡迎咁除咗餐牌上嘅食物餐廳，仲有一個open area俾人出去自己拎嘢食，有熟食、沙律、飲品、甜品，仲有火鍋料例如蔬菜及面等等，十分豐富！點完湯底之後，餐廳會先送上一個海鮮拼盤、刺身拼盤、極上安格斯牛小排等等，呢啲都係按人數供應，不能無限添食。海鮮食材新鮮，選料不錯！大量蔬菜嘅選擇可以自己到外面自取

今日同朋友慶祝生日，依家想搵一間食店可以坐耐啲唔會俾人趕既都唔係咁容易，點知俾我發現呢間日式火鍋店在觀塘，仲要近地鐵，仲要係放題，還有每枱有新鮮海產，刺身，仲要係可以坐六小時，嘩！！不得了！！梗係要去會一會去啦！入到去地方都真係幾大，可以容納好多張枱，唔使怕冇位，侍應安排左我地坐窗口卡位，正！因為我地未人齊，所以侍應叫我們出去攞一點熟食食住先，等一會人齊就可以開爐。我們就梗係急不及待出去睇下有咩野食啦，其實都真係幾多種類，有沙律吧，壽司吧，火鍋料區，熟食區，飲品區，甜品區等等..飲品都有好多種類，總有一款啱你心水，我見到一杯叫做青檸薄荷水，聽個名好似幾FLASH咁，就揀佢啦！跟著再拎左一些熟食返埋位慢慢嘆！沙律既配料都有好多款，啲蔬菜同其他配料都好新鮮，開餐第一樣食佢就最啱！青檸薄荷水真係好清新，佢真係水黎，但有青檸同薄荷味道，啱我呢啲唔想飲甜野，但又唔想齋飲水既麻煩人。熱盤都好多種類，基本既熱盤都有，有雞，鴨，魚，魚旦，魚皮，蔗蝦..數之不盡，啲食物種類仲會不停換，令你唔會覺得食黎食去都係果幾款，真係值得一讚！我地人齊，就開爐，我地加錢揀選了鴛鴦湯底，仲揀左佢最新既冬瓜雞白湯和黑蒜油

今日約咗好耐無見嘅朋友出來飯聚，ㄧ定要找間可讓我們詳談嘅食市先得~ 剛好在 Openrice 見到這間「千賀水產の鮮鍋道場」佢地可提供6小時酒店自助餐式放題海鮮火鍋，真係正合我意!! 我地六點到達不用等，待應很快便安排好坐位給我們。由門口走進室內，途徑見到ㄧ區區的不同食物放著，有沙律、壽司、炸物、點心、熱盤、火鍋配料、甜品、飲料……真係好有去酒店食自助餐感覺，好興奮~ 室內裝潢都好有特式，色彩繽紛的坐椅和貨櫃型的卡坐特顯年輕化。除了上述的食物，還有刺生併盤、海鮮盛合和任食火鍋給我們…… 食6小時真係ㄧ點都冇難度。😁刺生併盤份量雖然是按人數來分配，但肉眼見到都知好新鮮，五款刺生包括有比較少見嘅希靈魚，大大塊嘅北寄貝，爽脆嘅象拔蚌，肥美嘅三文魚，還有手掌般大的牡丹蝦，又甜又爽，款款刺生都鮮度十足，正!!海鮮盛盒亦都新鮮到唔講得笑，份量都係跟人數來分配，海鮮有六款，包括有蝦、扇貝、鮑魚、沙白、大蜆、脆肉鯇魚。除了扇貝和鮑魚外，其他海鮮都可無限添食㗎! 將D海鮮逐ㄧ放進我地預先揀嘅冬瓜雞白鍋和黑蒜油豬骨鍋內，馬上釋放其鮮味，令人回味無窮~ 食完海鮮緊係要食返碟極上安格斯牛小排啦！肉味濃郁又腍滑

今晚同呀媽補祝返母親節，之前聽朋友介紹呢間放題火鍋除咗食火鍋之外，仲有好多唔同嘅熟食，好似幾吸引！今日就決定嚟試吓！湯底嘅選擇好多，而套餐亦都包左一個海鮮拼盤及刺身拼盤，其他嘅食物就可以無限任食。除咗任食嘅火鍋之外，餐廳仲設有一大個空位俾人做自助餐，沙律吧嘅選擇都幾多。熟食嘅區域十足十酒店自助餐咁自助甜品區有水果、豆腐花及各種蛋糕，當然仲有唔少得雪糕雪條啦。呢個燒火腿扒幾好食！ 點左湯底冇幾耐，店員就會送來一個火鍋拼盤，呢個係四人份量，份量都不少。四人份量嘅刺身拼盤。牛肉肉味香濃、肉質嫩滑。蔬菜係自助區到自己夾嘅，種類非常之多！

一開始買了團購劵打電話去訂位 講到明用團購劵，之後問我有冇人生日，講埋有人生日結果到現場話冇登記到我用團購劵，怪罪我，話算啦今次比我地食，下次請我地注意奇怪了，唔係應該佢地注意管理問題而係將問題怪罪客人，只比一個半小時的用餐時間，算了自己快快手落單叫野食，員工完全唔覺得自己有問題，送餐速度慢服務態度又差，我們準時食完一個半小時，走之前都要俾侍應話，叫我地下次訂6個鐘，就可以慢慢食，呢間野唔會想食第2次第一次食到咁差既餐廳食物味道比起出面放題餐廳又差，真係失望😞

你有冇試過同朋友堅持己見? 各有想吃的東西? 又不想互相遷就呢? 今晚我就遇到這難題，我超想吃火鍋，但友人話要吃魚生, 吃清淡d。。。哈哈 幸好有這開飯軟件，呢間高據名氣榜的餐廳，除了食物款式多元化，價錢合理，地理位置超近地鐵，乎合哂我倆的要求!喜歡火鍋烚烚下，一口氣放很多食材，很爽的感覺，什麽怨氣憂愁也一下子放入鍋內，神奇，氣全消，莫生氣慢慢烚，慢慢吃，傾傾計，實在一流! 試了＂韓國人參雞鍋"，嗅到濃郁人参味 能補氣活血，女人滋補聖物! 火鍋包括以下幾款，食完就可以追加其他，請支持政府忠告 :＂別做浪費鬼，惜食為香港＂呀!象拔蚌五品刺身盛你看圖片，顏色多鮮亮 表示食材很新鮮，有鮑魚，大蝦、蜆、蚌貝和魚，4個字講哂: 甜美爽口！極上安格斯牛小排 和 韓國珍寶餃子 ~ 滿意又好吃醬爆手打薑汁貢丸 ~ 店員很窩心，上菜時已叮囑我們小心＂醬爆"的威力 呵呵，果然非同凡響，差一點中招! 很濃薑汁味，可以encore, 真開心再加上日式擺設漂亮的~ 旬之海鮮盛合，無敵的1餐 放題種類真可謂包羅萬有，熱葷有茄子豬扒、炆牛腩、炒四季豆、沙嗲串等等 仲有不同點心， 如果喜歡煎炸物的，可嚐嚐薯片、炸

今天晚上，和幾位朋友來到這間集酒店式自助餐、日式料理、火鍋於一身的千賀水產。安座後，待應叫我們先選湯底。這裡的火鍋湯底種類繁多，而我們點了胡椒豬肚湯。在等火鍋湯煮熱期間，待應先為我們端上一盤刺身，包括三文魚、甜蝦、希靈魚、北寄貝等。刺身非常新鮮，肉質鮮美。熟食的種類也很多，以中式料理為主，輔以少量西式食物，而且款式不斷轉換。其中以燒牛肉、石斑魚最令我驚喜。石斑魚肉烹調的剛剛好，魚肉鮮嫩。燒牛肉由廚師即埸切，仿如酒店式招待方法，配上燒汁，相當美味。另外，又有日式corner，提供各種壽司、日式料理，也有茶碗蒸。除火鍋也附送了一海鮮拼盤，有大蝦、蟶子、鮑魚、花甲、脆肉鯇魚、帶子等，食材每款都非常新鮮。其他火鍋食材也是隨意任食，選擇繁多。飯後甜品應有盡有，蛋糕、雪糕、雪條、豆腐花等，而我就試了這個蜜瓜味軟雪糕，味道香濃軟滑，很不錯。

今日同朋友食飯，朋友帶左我去觀塘食火鍋，我心諗吾通大商場有新鋪。原來係喺觀塘廣場上面，吾係朋友帶我去都吾知啊，有火鍋兼放題既餐廳。入到去見到好多款自助餐式既美食，又有壽司，點心，超多熟食，沙律。有點估唔到！我朋友唔好火鍋既話，都有好多選擇！蒸炒煎炸好多不同口味，太好了！我就留肚食火鍋！我地就點左一個火鍋，又有新鮮海鮮食，有蝦，帶子、聖子（肉厚肥美），扇貝，蜆、仲有鮑魚。全部都好新鮮，尢其鮑魚肉質彈而鮮味。原來仲包埋刺身拼盤，我覺得食左海鮮餐加刺身拼盤都抵番哂啊。本身包埋牛小排、巨型餃子、薑味貢丸，新鮮味道清新！呢度其他食品係任食既，我點左好多肥牛，黑豚肉片、羊肉、墨魚滑（超好味）、海蝦、脆肉鯇魚片、牛柏葉等等。真係好飽！至於飲品都算幾多款式，韓式日式既飲品都有。仲可以有雪條揀，又可以自裝雪糕，topping 任加，正！又有甜品，好多款任取，好味！

食火鍋最重要當然是個鍋底，但對我來說，用餐時間都是其中一個考慮因素，平時返工已經咁辛苦，絕對唔會想比個用餐時間局限住。平時常見既係兩個小時用餐時間，這間千賀水產直接比個triple你， 六個小時，慢慢食住傾，這個都是我喜歡的原因。講返食物，湯底多選擇，我揀了胡椒豬肚湯和黑蒜油豬骨湯來試試，豬肚數量亦不小，岩晒鐘意豬肚既人。點完湯底，店員直接送來了安格斯牛小排和醬爆手打薑汁貢丸，這兩份都充分表現出用料既質素。餐牌仲有大量火鍋食物可以任叫，海鮮都可以任食，而同場亦有自助熟食食物供挑選，岩晒唔同人士既口味啊！

上一次訂不到枱，今次終於訂到了，滿懷希望地去試新嘢......... 一進餐廳， 地方寬敞，招呼週到 ，我們二人坐一張四人枱，非常舒適。飲品櫃不下十數款罐裝和盒裝飲品，還有餐廳自調的 冷飲 ，極度豐富。外面是一個很大的熟食場，各式中西熟食，非常吸引，味道亦可口。跟著是一張大枱，有很多火鍋配料，各式丸，菜，鮫子。另一邊廂還有燒豬髀，炸響鈴 ，炸魚皮和一些日式炸物壽司區還有幾款漬物和冷盆。甜品區有軟雪糕，雪條和迷你杯裝雪糕，還有一些如麻雀大小的蛋糕。主菜來了，一盆刺身，一盆海鮮，一盆牛肉，兩隻珍寶鮫，兩粒醬爆牛丸。選擇是豐富的 ，但就因為太豐富，覺得有點不倫不類， 沒有主題，以日式放題來說，刺身不多款式， 壽司亦不多選擇，但以火般來說，他的主打食物又不是太多。埋單每人三百一十個大洋，不算平，亦不算抵食，可能都沒下次了

從阿媽口中得知此店，今日心血來潮過來試一試。由於食友一定要火鍋，所以叫了火煱歺，而我又想要隔鍋，所以又加了$28。叫了湯底後火速攞嘢食，真心其實齋食放題都夠，唔駛煱！有壽司，沙律，熱葷有蒸魚，炒飯麵，甜酸豬扒，點心有齋腸，粉果，甜品有林明頓，雪糕等....點會唔飽？基本上我覺得食熟食重好，唔駛花時間煮。當中鼓油雞好好食，串燒都係，蒸包細細個，可以食多幾款呢！乳酪雪糕就一般，加送的燕窩都一般。整體而言性價比好高！推薦。

可以任食放題之餘還可以吃火鍋嘅食店選擇唔算多，所以今日特意帶媽媽來滿足佢所有食慾。一來到已經眼花撩亂，非常多食物，熟食、沙律吧、壽司、火鍋料、水果、甜品、飲料；真係多食物到你唔知由邊樣食起好，食物種類真係好豐富！一坐低冇耐，待應就好快奉上火鍋海鮮盛盒同象拔蚌五品刺身，海鮮成盒非常吸晴，眼看已見海鮮非常新鮮，所以真係急不及待要即刻吃。鮑魚真的非常非常好吃，既鮮甜又爽口而且扇貝，蠔都好大隻！喜歡吃海鮮嘅我地真的大飽足！（海鮮成盒同刺身會根據人數分配份量，其後火鍋配料還可以無限添加，雖然之後無得再添加鮑魚同蠔，不過可以任添的食材都好有質素）整餐飯媽媽都讚不絕口，大讚食物新鮮，樣樣都好吃，而且還可以吃足六小時，真係慢慢嘆都冇問題👍🏻！

朋友介紹，約左今晚係觀塘千賀水產食放題，平時都好抗拒食放題，時間太短，急急腳食完就要交枱，抱着試試的心態，去到發覺食物品種多，刺身同海鮮好新鮮，地方好大，好像去左酒店，吾錯，D侍應都好nice,惟一係冷氣好像吾夠，有的焗，整體吾錯，會再去😋

一行8大2小 平均每人300蚊左右 食6.5個中 但當天我地食左3個中左右 我地8:30到達 因為吾知夜晚只有一個選擇 中午選擇套餐多d入到去已經全場爆滿 好在訂咗位 我哋10人有個小房間 吾錯 有私人空間 攞嘢食位置都好闊落 就算多人都唔覺得好迫 嘢食種類都算多 但好多都空左無人refill refill嘅速度都幾慢 另外有壽司區 炸物區 點心區 每個區域都有幾款小食 其他熟悉味道麻麻地 以呢個價錢來講質素可以再好啲 牛小排吾錯 海鮮拼盤超新鮮 但蟶子有沙 影響咗少少 刺身拼盤超正 鮮甜唔會有雪味 但可惜呢三樣都係只可以免費提供一次 另外order要收費 飲品方面種類好多 但冇啤酒可以選擇 要另外收費 如果可以免費飲就好啦 當日係星期四晚 但人手已經不足 好多時需要其他服務都要等 呢方面可以改善下就好