華記茶餐廳 (已結業)

聽同事說，《華記》曾經是石門區一間很有名的工廠飯堂。當我說對呀，成日去食架，就有公司樓下。同事已經立即說不，這並不是他要說的《華記》。因為，原本的《華記》早已經搬了去京瑞廣場。我被他的那一言驚醒了，原來，又是此華記不同彼華記啊。也明白為何兩者的差距會那麼的大。當日，我是來找早餐的。點了一份公仔麵餐，感覺尚算豐富。伴麵的煎蛋、腸仔同牛角包算是不錯。如果這些東西有味道上都可以出錯的話，這餐廳就大錯特錯了。煎蛋、腸仔同牛角包雖好，但主角的公仔麵就不行了。是大光麵的味道公仔麵，幸有五香肉丁吊一吊味，不然，我覺得成個麵應該係沒有味道的。而且，麵煮到脹晒，變白晒，又是什麼味都沒有，令我非常不滿。就算是事後再加出前一丁的湯粉都絛補於事。因為湯粉係要同麵一齊煮先好食架。奶茶反而是該早上最OK的出品，濃香滑齊全，令本來已經食到冇癮的我拾回笑面。早餐已經失望了!! 我要回來試午餐麼? 這店長期沒有人去食的啊，仲值得我回頭嗎? 

叫咗一碗魚蛋粉加一杯凍檸茶 碗魚蛋粉啲湯根本就冇味 啲魚蛋同麵都係淋bat bat 凍檸茶就成杯都係冰 又係冇味 大佬 幾十蚊食碗魚蛋粉同凍檸茶 俾啲啲誠意得唔得呀 華記是整個石門區最難食的一間食肆 啲阿姐落單西口西面 我係佢殺父仇人咁

想簡簡單單食一個早餐，一坐低只見座位污糟不堪而知瀬野，但另幾間去開嘅都要等位冇辦法唯有諗住將就下，好又一餐唔好又一餐。好不容易落咗張單（記住講英文啊！）跟住一手拿起餐具，嘩刀义好似去完沙灘搽咗太陽油咁油淋淋，然後早餐十五分鐘後到，D麵包似百潔布，炒疍一陣油隘味，奶茶如廁所水，再加埋D侍應西口西面十問十唔應，我全程廿五分鐘（包等餐果十五分鐘）真係活受罪，呢間D衰野真係馨竹難書。如果你係一個被虐狂，你一地徹底愛上呢間野，完！

近期華記老闆甘大熱， 所以才留意到此鋪。 順路入去試食下。 叫個海南雞飯， 雞肉質素麻麻地， 有點霉， 肉質無彈性， 雞味一般。0茶， 茶味不夠。 重點， 味精太重手， 吃後需飲大量水。 建議味精減一點會較好， 雞肉真的差， 願有所改善。

下午茶時間 叫左個好大路既茶餐 個湯麵完全淡而冇味 ！杯凍飲係飲到生鐵水味 好似冇過瀘過既水喉水味！ 仲要一入到去冇招呼好正常 但都唔完全無視 叫幾聲先應機！咁既價錢 咁既質數 唔會再有下次

見冇乜人打算坐得舒服啲就揀咗呢間，點知就伏左！嗌咗個早餐，沙嗲牛肉面，勁難食，只係食咗一啖已經唔想再食！餐飲凍華田，飲咗第一啖就中伏！！吐返出嚟見到隻曱甴，真係好噁心！！！同啲職員投訴，啲職員淨係話唔好意思呢排天氣多昆蟲，咁既藉口都講得出，啲食物唔好食都算，餐廳最基本最重要係衛生啦！最後個侍應將我個餐求其減咗$5當減杯嘢飲錢就算！嬲到成個餐我都冇食就走， 亦都唔敢再食！好後悔冇睇吓comment就揀咗呢間，見到其他人講話有烏蠅都好恐怖囉！依間餐廳真係不知所謂、明明見有好多侍應，又冇乜客人，都可以做得咁差！衛生、食物味道、服務質素都非常差！

今日呢個早餐，好難食啊！我叫咗個榨菜肉絲米。唔知點解食到好多渣，應該係榨菜渣。湯底完全冇調味，米粉煮得太淋。餐飲要左杯熱奶茶，一嚟到成杯茶係好苦，我覺得個茶膽有問題。之後要求俾多啲奶，加咗奶之後更差，成杯野變酸。最後轉左杯凍檸水。環境衛生一般，餐枱唔乾淨，座位有污跡。一定不會再來。

今日係石門和朋友食午飯既時候，冇乜時間到處找食店慢慢享受既時候行到京瑞廣場外就見到呢間茶餐廳唔再作選擇即刻入去坐低，見餐廳都有好多選擇，不過冇乜時間，餐牌都冇乜點睇，所以冇乜影到相，只係影左幾張就算，即刻叫左一個牛雜飯和一個午餐咖喱海鮮炒飯。等左一陣兩個飯就送到，睇賣相和份量都值得讚，但唔知食落又得唔得咖喱海鮮炒飯：海鮮有魷魚和蝦，囗感都爽囗彈牙，整碟飯配料都唔錯，祗係味道就差少少，祗得咖喱味而欠左少少鹽味，唔夠惹味牛雜飯：牛雜份量幾多，味道幾好，樣樣好腍而且好入味，呢個值得推介呢間店係石門算係可以再次光顧既食店。

呢間野門口放左個牌寫住海南雞飯$38 只限外賣我仲加左杯熱奶茶咁照計就應該係$44蚊啦但佢收左$47 咁我都冇多諗等左15分鐘終於拎到外賣喇明明舖入面得幾枱客又冇其他人等外賣都已經等得有點唔耐煩好啦咁行到返公司準備食喇__! 我杯奶茶呢 冇俾到🤬又行返10分鐘落去 順便問收銀點解收$47佢串串貢咁話 你加左杯野飲嘛我： 咁熱飲加6蚊 個餐$38 點解收$47？佢：你外賣杯加$1 外賣盒要再加+2嘩哈哈真係有趣 野飲外賣加$1唔係問題但寫明只限外賣既餐 外賣要再加$2係咩玩法 係咩邏輯？我真係睇唔透囉咁擺到明你個餐外賣自取就係$40啦你寫$38就係取巧 誤導消費者囉講真$2 跌都跌左啦但你地理虧在先仲聲大夾惡個收銀（頭髮長度及肩既中年女人）態度差到啤一聲我呢世都唔會再黎食野要受氣就去幫襯佢啦☺️附上外賣照片搞左40分鐘先有飯食呢☺️

今日一朝早就到石門，想揾間餐廳食個早餐再去玩。咁呢間華記既地理位置相當好，一岀地鐵站行一分鐘就到。咁佢既早餐可以免費轉做岀前一丁既，呢個都幾好，因為大部分餐廳都要加錢先可以轉。咁我就叫左個雪菜肉絲米配腸仔煎蛋，味道都唔錯，食飽先有力開展新的一天💪

叫兩個早餐，等左半個鐘先等到第一份早餐，問d阿姐第二份幾時有，剰係識答煮緊就有，唔會幫你睇下係唔係漏左單。等多10分鐘終於俾個唔熱既麵黎，味精粉另上，試問唔熱既麵點溶到d味精呢？其實全部早餐都唔熱，呢間真係無下次！

其實石門選擇好多，但因為周圍都好多人，我地又貪求坐得舒適點，唔希望一食完就要盡快離開，希望可以坐多陣，所以就揀左呢間.....但當周圍都多人，而呢間有咁多位，的確係有原因🙄價錢也不算特別平，但味道、質素卻.....油麥菜牛肉飯$48完全沒想過這麼多汁的餸也會直接淋在飯上！用多一個碟分開有這麼困難嗎 變成了湯飯般，唔係，應該係爛飯，完全吃不下口！麻辣口水雞飯$48沒有麻味亦沒有辣味，只有紅油味唯一欣賞個白飯煲得幾靚，但唔會再幫襯

坐低左叫咗嘢食，想叫兩杯水洗下嘢。叫咗5次都冇人理。最慘就係，個老闆顧住數大銀，個女侍應就講電話，個男夥計態度極差，只是話轉頭先啦，但轉頭又唔記得咗。到月海南雞飯送上，發現配菜上有烏蠅仔，同店員講，佢竟然話實有㗎啦，吾食果條咪得囉。果下真係忍唔到，決定報食環。以後都唔會幫襯呢間鋪頭。Xxxxxxxxxxxxxxxxxxxxxxxxxxxxxxxcxxxxxxxxxxxxxxxcccc

星期六，急急腳食個快lunch，於是去了食茶餐午餐。見呢間有位便坐底食，阿姐推介午餐，於是我便隨便點了個生炒骨飯，友人點了海南雞飯。生炒骨味道還可以，但係唔知點解個飯d味怪怪地，(米既問題🤔？？) 海南雞試食了一件，個醬同出面食有d不同，只能説各花入各眼😅。最正常，都係港式奶茶☕️。餐廳環境乾淨，卡位比窗口位好坐。

29-1-2018 (Mon)因公司開會會遲放lunch,所以唔帶飯,同女同事CY出街食,呢日氣溫得8度同有啲風,同CY行到o黎呢o度唔再行,就食呢間新開o既華記,都幾多人,但都好彩有人走而有位.坐低後睇到牆上$48.00o既特價午餐,CY就要咖哩牛腩飯,飲茶走.我要香茅豬扒飯,飲熱檸水.冇耐,兩杯o野飲到o黎,之後食物都好快到,我o既香茅豬扒飯有兩件豬扒,不過面上o個啲係咩o黎?又有啲好似豉油o既汁.食落,甜甜地,香茅味冇乜,薄豬扒口感正常o既,不過啲o野食都凍晒.而CY o既咖哩牛腩飯呢?一樣係凍,而且有兩蕭係韌到咬唔到.最後只有飲品夠熱.環境:唔係跟懷舊風,用色sharp醒,座位好坐,但佢兩道門都打開o左(正門未較後,後門就唔知),攪到客人要凍住o黎食.