華記茶餐廳 (已結業)

见冇乜人打算坐得舒服啲就拣咗呢间，点知就伏左！嗌咗个早餐，沙嗲牛肉面，劲难食，只系食咗一啖已经唔想再食！餐饮冻华田，饮咗第一啖就中伏！！吐返出嚟见到只曱甴，真系好恶心！！！同啲职员投诉，啲职员净系话唔好意思呢排天气多昆虫，咁既藉口都讲得出，啲食物唔好食都算，餐厅最基本最重要系卫生啦！最后个侍应将我个餐求其减咗$5当减杯嘢饮钱就算！嬲到成个餐我都冇食就走， 亦都唔敢再食！好后悔冇睇吓comment就拣咗呢间，见到其他人讲话有乌蝇都好恐怖啰！依间餐厅真系不知所谓、明明见有好多侍应，又冇乜客人，都可以做得咁差！卫生、食物味道、服务质素都非常差！