協盛大排檔 (已結業)

每晚都有好多人幫襯，如果唔7時前來，都好難搵到位。冬天就賣煲仔飯同火鍋，夏天就賣打冷同小菜。食物水準就要睇吓你叫啲乜，海鮮一般都唔錯，而且都係好新鮮。但有時人多，叫小菜就要等得耐啲。至於火鍋，火鍋料都有好多選擇，湯底就得清湯同satay。大排檔格局就一定唔係咁乾淨，尤其係大部份既枱都係喺條巷(不過唔係後巷)，不過風味真係一流囉!價錢亦唔係貴，食小菜既話可以唔使100蚊一個人，不過當然要睇吓你食啲乜。經過既話真係要去一試!

平時都有黎呢度食晏,今日一個人用15蚊食左個貢丸云吞面, 可以話有dd驚喜..個師傅煮左d貢丸好耐, 因為佢驚唔熱,15蚊個雙并面,有菜兩大條,貢丸三粒,云吞三粒,最驚喜係d云吞,入口好好爽,有蝦味又有豬肉味,好正...