南小館 (已結業)

星期六晚和朋友相約吃飯，大家討論一輪後決定去吃上海菜，所以選定了南小館，我是第一次吃，朋友們都吃過，說是不錯！因為我們太餓，忘了拍照才吃，結果是這樣這是後上的😂😂😂上菜速度果然是快，可能真係太多人等我覺得水平是合格，因為上海粗炒有點太甜，而且年糕不夠彈牙，可惜！紅海抄手也是一般，雖然我朋友很喜歡吃🙈🙈我比較欣賞小籠包，果真是皮薄，而且能鎖實肉汁，一口咬下去，太有滿足感了！我一個人就吃了4隻，我會因為小龍包再去吃的！哈哈環境有點急速，可能太多人等，感覺時被趕著吃，不能和朋友好好聊天！

同好姊妹慶祝生日，有朋友話不如試下上海野，唔貴又好食咁話。但係明明南小館就係德福商場，於是我地就抱住半信半疑既心態，去試下啦！雖然係上海菜，餐廳裝修得似西餐廳咁，以為係食fusion 菜添，坐得幾舒服。（不過留意返，入座起計算90分鐘用餐時間）第一道黎既係：綠色炒年糕由於係壽星女發板，所以都唔知佢叫咩名😅味道方面就好出色！綠色既應該係⋯菠菜？伴住小小肉絲，年糕唔會硬到㧸死人，又唔會淋到冇口感，最重要係，佢好入味！唔會好似出面啲上海菜館咁，顏色濃濃而冇味！呢個認真出色👍🏼佢其實仲有好多款年糕，老乾媽年糕都好想試下！四小拼（醉雞、口水雞、木耳、冰肴肉）呢個係自己揀4樣小食，所以我地就揀左呢四款口水雞既麻香👍🏼醉雞就不過不失，木耳有啲wasabi味伴住，香得黎又唔嗆喉，開胃👍🏼冰肴肉就第一次試😌口感好得意，咸香咸香咁。蟹粉小籠包：👏🏼👏🏼👏🏼挾既時候，需要運用一啲內功，令到皮薄既小籠包唔好穿，唔好蝕左好味既湯汁😋豆漿勝瓜：好新穎既配搭，聽到個名就知道健康啦！勝瓜食落口好多汁，配埋豆漿😋😋😋😋👍🏼👍🏼👍🏼太讚喇！唔知咩名既大餅🙆🏼Er …由於我唔食香口野/有芝麻既野，所以不予置評啦😝抄手：如圖

平日夜晚去小南國，七點左右去到唔使排隊用餐時間只有九十分鐘，真係有D趕我地四個人，叫左十樣野因為一碟唔大碟，每人食少少就冇食物整體ok. 推介生煎包。叫左個排骨菜飯，但黎錯雞排菜飯，好在味道好

相約舊朋友吃晚飯，其中一朋友從外國回流，吃厭了西餐，所以我們選了中式上海餐廳。地方頗大，座位很多，但入座時店員會說明如若有其他客人等候，我們需要90分鐘後結帳，這個商場晚飯時間的確人流很多。餐牌上選擇很多，但我們很快便有決定，而食物上桌速度也很快，雖然很有效率但感覺很急促，如果是想慢慢聊天，這裡可能不適合了。香脆芝麻蝦多士（$38 4件）沒想到蝦能配多士，味道不錯，蝦的分量不多，多士面還放了一片葉，應該只作裝飾，因為沒有什麼味道，配合芝麻很香脆。雞絲粉皮（$38）粉皮雖然比較闊身但薄薄一片，能吸收麻醬的精華，加上我很喜愛青瓜絲，是很棒的小吃。老上海酸辣湯（$38）亦是吃上海菜必點的，酸酸的十分開胃，小小一碗但配料一點也不馬虎，有很多蝦仁和木耳。鮮肉小籠包（$38 5隻）皮不算很薄但也能接受，只包著很少湯汁，而且不夠熱，味道一般。風味麻醬拌麵（$30）整個麵都粘在一起，完全不能每條分開，而且麵不冷也不熱，口感很不好。大白菜肉絲炒年糕（$58）年糕很煙韌，醬汁沾滿了每片年糕，很香濃入味。招牌生煎包（$38 4件）熱騰騰軟綿綿的生煎包，底部是脆脆的，很有煎香的味道，加上黑白芝麻和香蔥，十分美

這個星期去德福的攝影班，又再去南小館! 敏敏因要回公司見客，所以我們盡快要找一間餐廳吃一吃，就要回公司工作! 這就是做生意的難處，客户永遠是對的!南小館這間是老字號，我們点了四小点，今次的醉雞很入味，是四小点最好味的!但今次不得不讚雪菜黃魚麵，黃魚的味道很鮮甜，也很軟滑，而且份量也很多，令我胃口大開! 相反排骨麵不太脆也不太熱，遜色很多!這間南小館還有熱辣辣的玄米茶，真的很入味!可借外賣48元祇有5個茶包，對我來說比較貴!最後也放棄了購買!

今日下午冇乜胃口，想食d有味的tea，想hea下就去樓下這店坐，叫左tea set, 加一個雞絲粉皮。。。。。。。tea set 是最叫簡單的蛋蛋面。雞絲粉皮是另叫的，根本不彈牙，軟軟的，不太新鮮的粉皮。算，以為蛋蛋面會冇死，😡😡😨😨😨😨😨難食，又辣，得個辣字，少少肉碎。。。。成碗辣油，放棄！最後係等到頸都長晒的薏米水，原來是賣晒又唔煮。。小二話賣晒，快煮，我心裡想罵人。。唉！冇下次。38元加38元.，加一！大佬，早知去金滿庭好過！不要懶，行遠少少好過！

下午四時四十五分同友人來到德福，立即入坐，不用等， 在人多的時間用餐時限為90分鐘。生煎包-包底煎過焦，上次不是如此，喜歡香脆的朋友會愛吃無錫小籠包-水準有保證，葱油拌麪-麪份量略嫌太少，但好吃糖醋排骨-入味，每粒肉都有很濃的汁，不過吃到最後幾粒就有點太酸苿莉綠茶奶凍-有日本抺茶味，又有奶香，好吃

我同家人共5人上星期六去「南小館」食lunch，食物點了年糕紅豆脆卷、蒜蓉芥蘭、外婆紅燒肉燒賣、招牌生煎包、無錫小籠包、蝦肉麻醬抄手、腌篤鮮燒賣、涼拌木耳及花雕白雞，而飲品就叫左繽紛西柚同五穀薏米水。年糕紅豆脆卷 - 紅豆份量未免過少，而年糕更是硬哽的，不建議。蒜蓉芥蘭 - 味道一般，份量一般。外婆紅燒肉燒賣 - 放涼了，皮也硬了，沒有興趣食。招牌生煎包 - 最好味又熱熱的上枱，包同汁比例恰到好處。無錫小籠包 - 凍的，除此以外都幾好味。蝦肉麻醬抄手 - 只有重重的蝦醬味，蓋過食物的鮮味。腌篤鮮燒賣 - 同樣放涼了，而且餡料十分咸。涼拌木耳 - 好味，爽口。花雕白雞 - 有隻雞件好似畀人食左一半咁，很嘔心。繽紛西柚 - 中伏，沒有西柚味，只有添加劑的甜味。五穀薏米水(只有熱) - 好飲，薏米都食曬。另外，開始用餐途中發現鄰座的一位女食客開始剪指甲，本人及家人感到不安於是要求餐廳職員代為通知該食客停止剪指甲。店員得悉後未有進一步處理，而該食客亦繼續剪指甲，整個剪指甲過程持續約五分鐘，其指甲更飛彈到本人的位置，由店員再沒有進一步行動，本人及家人也被迫忍受。大約10分鐘後，媽媽因餐廳通風不足

星期一至五都要限時90分鐘上海菜其實都幾趕，好彩我地只有大人，如果有小朋友未必趕得切。如果加到120分鐘會好D，不過上菜速度算快，茶亦都好飲唔好平時既紅茶。我覺得係一人份量既雞絲粉皮，$40幾蚊貴左D，不過味道唔錯麻醬撈麵好普通點解個酸辣湯得胡椒粉味皮薄既小籠包四季豆普普通通全晚最出色既生煎包，底脆多汁

一個人的晚餐，唔想花太多時間！加上已經晚上9點幾，所以去呢度食上海菜！去到唔使等位，要坐大枱搭枱，地方大，簡約淺木傢私，乾淨企理！坐得舒服！店員會放低個點餐紙，不過只有名稱無圖片，估估下爭啲！唔吸引食慾，點好菜食物好快上！黃瓜海蜇（$58）：以為係黃瓜絲，點知係一碌碌的，黃瓜爽口，海蜇比較有咬口，我就鍾意呢個硬度！醬汁望落好似麻醬，其實係酸汁，好開胃！老干媽年榚（$58）：店員有提過係辣，老干媽辣椒唔搶喉，香辣惹味，年榚片好薄煙韌，舞菇肉絲配合埋一齊增加口感！不過食緊時夾雜啲辣椒殻同籽就要吐出！麻煩啲！食物好味！服務都好勤快，因為食完都已經到收舖時間，店員逐枱提醒last order,再逐枱結賬，所以好順暢！食得舒服嘅一餐！

吃過數次，包括晚市跟夜市，Menu一樣。今次終於記得拍照寫食評了。而且發現新菜式會印於墊枱紙上。有茶水每位6元及加1服務費。首先喜歡這裡的裝潢，田園風令人舒服，但坐位有點迫的。這裡食物水準不錯，上菜亦很快。尤其生煎包令人滿意。排骨菜飯是每次都點的菜式。今次的新菜式是孜然豬棒腿，真是一流。豬肉很淋，juicy, 孜然粉很香。

去完diamond hill 睇鹿晗，順道去德褔食晚飯最招牌的生煎，好油，底脆但個包同啲科有種融合唔到既感覺入面送埋空氣蟹粉小籠包，蟹粉是看不到的，但食到少少腥味應該係有落到。紅燒肉，下面墊底既疑似雞脾菇幾好食，但肉就太難唔係靚腩肉。睇得出幾難趙。擔擔麵，麻辣但有花生醬唔香濃附帶既炸雞扒，油，冇肉汁，干干地。甜品s 紅棗糕清甜足料香芒布甸 同 濃味抺茶

又到一年一度情人節，當然要安排好節目，唔想食情人節既西式套餐，就決定去九龍灣度行下食下嘢，亦方便睇埋場戲。起德福度又想食上海菜，好自然就諗起依度，座底後感覺舒服，侍應亦服務唔錯。點左五樣嘢，冷盤有四小併（口水雞，冰宮肴肉，馬蘭頭豆腐，涼拌木耳），四小併中最好食係口水雞，個醬汁調教得好香，辣辣地又有少許麻，加上舖起面既芝麻，又香又好食。蔥油拌麵，蔥油夠香麵夠煙韌，不錯。見到menu入面推介緊依個孜然豬棒腿，叫左2隻試下，孜然味濃豬棒肉依然夠滑，夠晒香口。因為想食辣既關係所以叫左個麻辣石班魚，估唔到又做得幾好食，夠辣夠麻，石班魚食落依然嫩滑，底下有薯粉吸晒啲味，令人食落滋味非常，值得推薦。最後係蟹粉小籠包，皮薄適中，夠湯汁而肉夠鮮，蟹粉味亦濃，好好食。

看完jupiter ascending,即刻走去醫肚南小館夠光猛，食上海野但個裝修都好modern下生煎包，一客4個 ，比小籠包正，個肉餡根本同小籠包同一樣，但份量更多，一咬開包皮就流湯汁爆曬出來，接都接唔住 再倒d醋入豬肉餡可去一去油，而個包鬆軟，個底又煎到脆，食落又唔油，賣相用了鐵pan 上又幾潮。加個擔擔面，湯幾辣下，有肉碎未，不過湯花生未食唔出，可能偏重左辣味關係 ，食到嘴麻麻地。太辣叫份甜中和， 8寶飯好暖，個糯米飯就濕身d,不過中間紅豆泥唔太甜，好化亦都乾身balance返d糯米飯，上面舖了桃片同鹹鹹地架紅腰豆，仲有好腍架蓮子，估佢唔到咁好食！

知道這天是假期，人流一定很大，然而雖然已提早於七點到餐廳取位，仍要等差不多十分鐘才可進內。到離時，更發覺等候的人十分多，真是旺場。坐下來先被吸引的是這杯茶，清清的，在杯底有細小的粒子，喝下去時便知道是玄米茶。覺得有趣的是一間上海食店提供日式飲品，其實沒有很大的沖突，也算是不錯的飲品提供吧。先來的食物是招牌生煎包，外型上比較特別的是外表的上層是白白的，而底層卻金黃中帶點黑，形成了一定的對比。而質感上也形成了對比，上層軟軟的，而下層則是脆脆的。點上黑醋，味道都算不錯。而這個擔擔麵則要小心一點，因為原來是較辣的，而且是麻辣的那種，如果不喜歡吃辣的朋友就不要選了。因為在點選的時候不知道是這味道，因此也來了一點驚喜。這次擔擔麵是與炸豬扒作配搭的，與一般的滬式炸豬扒一樣，肉質軟軟的，有肉汁，不錯。