南小館 (已結業)

同朋友黎到南小館食下午茶。。一黎到可能因為係下午茶時段所以唔洗排隊。睇洛去間鋪好似新開張無內咁。。環境都ok。可能因為新開。d服務都好好點解咁好?因為我自已都覺得我自已好煩。我係咁問d侍應邊樣好食呀邊樣好食呀因為我樣樣都好想食。咁果個侍應真係逐個逐個同我話咩黎既。最後佢推介左呢4樣比我。 讚不過個南瓜團就真係認真麻麻啦。其他都好好味。我朋友話個蕎麥茶好香好好飲。我就冇飲到所以講唔到比你地聽好唔好飲！！係埋單既時後佢地仲比左張20蚊現金卷我呢間南小館我下次一定會黎食中午or晚餐。因為佢其他野都好吸引我有機會可以黎試下

平日晏晝三點幾，可能呢間分店無提供下午茶，所以成間鋪連一枱客都無。作為唯一一枱既客人，以為喺倘大的店面內，可以自己揀個舒適既位子坐。但侍應們可能太得閒，要匿埋入面hea。結果侍應堅持入面唔坐得，要我地坐喺近門口最曬既位置。服務態度已經不值一談。落單唔夠三分鐘，侍應極速送上生煎包。相信用金屬器皿盛戴生煎包，只係掩耳盜鈴既技倆。就算剛剛送到，金屬邊完全唔熱。切開個包，只有三字形容︰乾﹑硬﹑凍。比起名不經傳既小店，佢地既質素真係差到無語倫比。可憐既南小館，希望葵芳既分店唔好拖累其他分店﹑甚至自家公司既招牌啦﹗

之前mk有間南小館已經想試，而家葵芳開左，好近我返學地方，今日就同fd 2個去食外婆紅燒肉燒賣 真係經典，唔知係我地聽錯定waiter講錯啦，開頭問入面有啲咩，話有粒外婆紅燒肉燒賣係入面，用糯米皮包住。結果首先入面既係糯米，唔係糯米皮，外婆紅燒肉就唔係粒粒燒賣都有，個肉size係比起一毫子都大小小，成粒就係食蒸糯米。八寶菜飯 唔明點解要咁擺，味道正常但係餸就真係好少好少。小籠包反而幾好食既，做到皮薄有好多湯汁，個肉質都係幾好既，仲要又唔貴。糯米漿 諗住屁股癢叫一杯試下飲，喊出黎，淡到水咁，我都有飲過米漿類飲品，真係唔會係咁既淡味埋單接近200，找返2蚊但真係唔想當tips，結果我拎返，waiter態度即變，真心無嘢好講......

還係小南國好。集團想行親民路線 可惜 食物質素太差 雪菜黃魚米麵 就是醬油麵 魚腥味好重 小籠包D皮好厚 痴牙！ 侍應服務唔夠專業 成日傾計。。等開張等左好耐 原來係咁既質素 有d失望 唔會推介比朋友

食過咁多間南小館，呢間應該係全港最難食，服務最差的一間。之前最欣賞南小館就係會有杯熱騰騰的茶，好配食上海野。但呢間無得供應。由茶變水……茶要另外叫，18蚊……招牌喬麥茶……好失望。待應講野好似鬼食泥一樣，無一個字聽到。共叫左4樣野食……鮮肉小籠包（冇肉味，吾睇菜單都吾知佢係鮮肉）、招牌生煎包（包皮太結實，一D口感都冇）、炸銀絲卷（韌過食糯米卷）和蔥油拌麵（說得過去，不太差）！