南小館 (青衣城2) (已結業)

小編食嘢要求已經唔係特別高架啦！但都唔可以太過份！首先服務都尚算ok既！唔係話太過差嘅！反應速度都唔係特別快，但仍然可以接受。不過野食方面，係小編眼中就完全唔可以同無可能合格！首先前菜賣想已經唔係話太好㗎啦！食落去仲更加失望，皮蛋黃已經好實，冇晒流心。仲要唔夠入味！夾硬hi d汁先叫勉強有啲味！主角就係擔擔面，表現真係更差，麵條一大舊，好難散開，質地都唔理想！完全係一舊野咁，冇咗個口感！個湯底得㗎辣字，冇其他味道，冇花生味都無，重點個湯底都好油！最後到薏米水，得個甜字！完全薏米無味，好似飲糖水飲

我們於21/9（三）下午約三點到餐廳，人流不多。下午茶係點心+主食；飲品係紅豆薏米水；甜品額外加$15。我們叫了前菜：❶鮮肉小籠包 （3件）：內餡一般，外皮好痴住住筷子🥢❷上海風味春卷 （2件）：內是蔬菜🥬餡主菜：❶菜肉餛飩湯麵（$55）：湯底好清，4個小小的菜肉餛飩，面好吃❷大白菜肉絲年糕（$68）：整碟都好深色，但味道不夠甜品：❶茉莉花茶凍（$15）：好香茶味🍵，意外之喜，好滑好creamy以下午茶來吃，算抵吃

成日話青衣係美食的沙漠，呢個係冇錯的！係呢間舖頭食過兩三次左右，頭嗰兩次都係堂食，服務真心一般般，食物知道佢份量已經唔係多㗎啦，比完一次又一次機會，而家永久唔使再去啦！因為我都幾鍾意食酸菜魚，所以特登入去係為咗食酸菜魚，不過體驗一次比一次差，有次仲要俾咗燶嘅乳鴿我😡最後一次係外賣老上海酸辣湯麵，啲麵黐埋一齊，一撥開啲麵就即刻斷晒，酸辣湯俾得勁寒酸囉，酸辣湯已經勁少，仲要無乜料好稀甘，應該叫酸辣湯撈麵，外賣仲要收我兩個外賣盒錢同一個膠袋錢，唔知係咩玩法😢都未見過啲鋪頭甘收法

同朋友去大嶼山後經過青衣，周圍揾野食，港鐵鐵都有好多食肆，又唔知去邊間，行咗幾轉最終揀咗呢間京川浥菜，睇到之前食評都覺得幾冒險，又驚卑朋友鬧，當我哋幾個去到餐廳門口店員就好熱情同我哋打招呼，好專業咁教我哋掃針卡，然後就安排半梳髮位俾我哋，店員即時同我哋倒茶，同時仲介紹呢個叫蕎麥茶好香，有清熱解毒功效，好啱呢個時期飲，我哋點咗醉鴨舌，水煮牛肉，酸菜魚，呢幾款菜式值得推薦，味道幾正宗，辣度剛剛好適合香港人口味，個人覺得真心唔錯，整個用餐過程都比我想象中好😋😋😋😋

平時幾差既野食都唔會寫食評但今次真係服務都差到爆 麻煩大集團你地自己反省下本身一開始叫左個豬扒擔擔麵個陣啱啱好6點就已經就無都算諗住轉番普通擔擔麵囉 結果話都未講完就走鬼左去 番黎一句唔好意思都無 就咁講 點想食咩語氣好似係我麻煩到要轉野食咁 明明係你地自己無貨比人 仲要澳牛態度仲未完既係轉野食都漏單 等左我20min....仲要一句sorry都無 歉意都無咩加上野食都唔好食 蟹粉都無蟹味 擔擔麵無花生味 炒飯油超多下次請我都唔食

到左就自助攞左飛，見到舖頭入面50%客人都無，但係佢都唔主動叫飛🤔🤔企係門口10分鐘完全冇人理，唔該再一聲就得到「我見到，你等陣」😤要等幾耐呀大佬？小籠包要耐啲我都知道，等咗半個鐘我都冇出聲。之後見佢放喺枱面都有5分鐘左右，就麻煩佢拎過嚟，佢都係回應嗰一句「我見到，你等陣」之後仲要黑口黑面，我心諗不如我拎，你返屋企先？！個個侍應都好似唔想做咁😡🤬😡🤬😡侍應態度十級差野食就中下真係唔會再嚟

叫左一個賽螃蟹，一啲味道都冇，又唔喊又甜，啲蛋白過哂火位，一啲都唔滑！另外叫咗個酒釀丸子，冇桂花味冇酒糟味小丸子淋到呢….兩個字形容難食….又叫左個鍋貼, 一啲都唔夠熱，好似番熱食物咁！非常失望！

🥟 新穎上海菜 傳統中顯創意白天遊玩過迪士尼後，晚上到青衣吃晚飯，選了一間不需要輪候太久的餐廳吃上海菜。🥟鮮肉小籠包 $48/5件小籠包皮薄餡靚，讓人充滿驚喜的是小籠包內充滿湯汁，鮮味好吃。🥟金網生煎鍋貼 $48/4件生煎鍋貼的底部呈金網狀態，賣相吸睛，個人會比較喜歡香口食物，所以如果鍋貼煎得再焦香金黃一點會更加好。🥟 菜肉餛飩湯麵 $55每客有四顆菜肉雲吞，菜肉均勻，上湯以一點蝦皮提升鮮味，味道不錯。上海麵的麵質則比較軟，不是筆者喜歡的質感，有點小失望。有機新鮮豆漿（凍）$15黑芝麻豆漿（凍）$15黑白凍豆漿味道都不錯，當然白色豆漿的口感會較順滑一點，是吃上海菜必點的飲品。🔸小總結：明白到晚市營業至22:00，餐廳要預早要求客人埋單，但時間才21:08，店員便要求客人自行步往收銀處埋單，正在咬爆汁小籠包的筆者滿是尷尬。鄰桌的食客對於時間尚早要迫顧客即時到收銀處埋單也相當無奈，此做法也似乎不太恰當，食物是不錯的，服務卻讓人大打折扣。👅味道：3.8/5💰CP值：4.6/5🕴🏻服務：2.5/5🔰餐廳環境：4/5🍽 餐廳：滿小館🌐地址：青衣城二期2樓225號舖

本來叫外賣都係諗住隨便食一餐嘅啫，但係見到個面之後真係不得不這兩句。呢張相係發現兩個面度變咗一個餅，反轉咗個面影即係而家好多都係做定先，等啲人六點之後我直接買返去食嘅，但係我喺OpenRice App嗰度點外賣自取，真係唔係好預期個面係咁嘅樣…呢個麵我相信都做咗好一段時間，根本係完全分唔開，嘅歌我真係唔知自己食緊啲乜嘢…講埋其他嘢食啦，唔係好差嘅，好似自己買點心放入微波爐咁上下啦，整體來講自己去買點心放喺微波爐再煮個公仔麵可能個感覺仲好啲，可能堂食好啲掛？

入到去坐仁食完先知中伏🥲🤣都食完咯 可以點🤯睇到呢間野甘多負評大部份都真😅仲要佢都多分店再次引證到資本社會中 資金 財團既強大🥱一定冇下次😷😷😷😷😷

原本睇食評嚇親但因為疫情下青衣城好多店舖無開又想食上海菜 所以照試點咗兩個餐價錢介乎48-56蚊擔擔麵 連小籠包 再加一杯豆漿/薏米水價錢來說很吸引小籠包有兩個 中規中矩（太餓一啖食咗忘記影相）擔擔麵就有驚喜 不是花生味濃的那種而是偏川麻的感覺送的薏米水好特別 真材實料有養生健康感至於服務方面 亦算不錯（可能態度差的員工辭職了吧？）整體而言算幾唔錯會再來的

下晝見呢間野無乜客, 於是走去幫襯下午茶,點知空城計, 門口無職員, 企左一陣都無人帶, 於是唯有自己行入去。 坐低之後點餐叫侍應: 唔該寫嘢, 點知侍應都未行埋黎就回應: 講吖! 之後到上菜, 侍應放低d餐就咁走人, 一句聲都無, 唔知真係以為呢間餐廳請左d啞人。到付款個陣, 收銀講完金額個數字, 對, 淨係得數字, 例如'六十' 、'七十', 俾完錢一句多謝都冇。今時今日呢間餐廳俾呢個服務, 只能夠講真係不得了, 成個青衣城咁多餐廳, 真係唸唔到有咩原因仲要幫襯佢。贈呢間餐廳三隻字: 無下次

食物不夠熱,大白菜肉絲炒年糕非常難食，嗰啲年糕軟綿綿，入口即溶，好似煮咗好耐咁，超多醬汁包圍着，食咗幾啖而放棄了下次唔會再去完全冇heart煮員工目露表情，唔想再幫襯

睇完戲又好似好耐冇食過上海嘢見到南小館記得荃灣嗰間好似唔錯青衣城呢間一般水平啦小籠包一籠有五隻包身嘅皮都算薄但個頂就真係唔得 好厚 好似有舊粉咁花雞醉雞正常啦不過啲雞皮都幾多黑色嘅雞毛其實可以處理得好啲菜肉雲吞係全餐最出色嘅夠熱而且雲吞皮超滑餡料嘅味道亦唔差呢個牛肉炒麵就比荃灣差好多基本上冇乜味 牛肉又好韌 啲麵又好林總之冇乜特別就唔好嗌呢個🤣另外叫咗個蓮藕紫淮山木耳炒窩筍冇影相 味道偏咸 同埋個汁有啲黐立立另外員工人手不足見到佢地好忙同埋冷氣太大 啲嘢食好快凍晒個人都越食越凍

環境潔淨，食物質素唔錯，樓面多年青人打理，有效率及主動！酸辣湯麵上海餃子，必叫炒飯人多會叫，方便share四小碟，選擇多，仲有最愛口水雞吃小籠包款項多，又喺必點好難太詳細形容，確實係要落單試菜。