影片
营业时间
今日营业
12:30 - 01:30
星期一至日
12:30 - 01:30
以上资料只供参考，请与餐厅确认详情
南山梳乎厘 @souffle_namshan 📍：深水埗元州街1F号地舖🚗：深水埗地铁B2出口 步行6分钟📞：+852 6849-1428💲：~HKD50-60/head for dessertsFood quality✔️：焦糖咖啡、鲜打香蕉奶昔、焦糖花生👌🏼：开心果、鲜打芒果沙冰总结：😋南山比其他地区多好多小店 呢间南山梳乎厘就系其中一间 但佢实际不在南山🤣搬咗去深水埗𠮶边😋店舖细细 专做梳乎厘/甜品 但都好多款式 今次试咗焦糖咖啡☕️即叫即整 所以要等一阵😋店主叫我周围行先再返嚟 但由于附近实在无嘢行 所以行完一圈都系留喺舖头外等 得外卖🥡嘅原故 但外面都放咗几张凳可以堂食 不过夏日嚟食有点狼狈😋梳乎厘有两层 好澎派 空气感足食落好似食空气感 奶香味唔太浓 主要因为佢落嘅焦糖咖啡/焦糖花生太重 好食 但个人觉得再熟啲会更完美😎🤔近期开心果类甜品大热 呢度嘅开心果就试一次就够 唔够香都唔够浓 阵开心果味较淡😣🤔+$15有得换香蕉奶昔同芒果沙冰抵饮 前者出色好香好稠香蕉味 芒果🥭沙冰都唔错嘅🤔个人觉得小店员工比较亲切啲 见我哋犹豫紧叫咩都同我哋介绍 不过如果有得入舖堂食会更开心🥳😨要打卡嘅朋友可能会失望 因为冇环境可言 摆盘都只系外卖盒 但食物本身够靓仔😍😨冇咩耐性嘅朋友都唔太啱 因为要啲等待时间 但唔算太耐
继续阅读
真系顶唔顺！今日专登去呢间「南山疏乎厘」朝圣，点知食到一肚火！ 叫咗个招牌疏乎厘，一啖队落去——黐线㗎！入面流到好似疍花汤咁，一pat pat湿漉漉嘅粉浆涌出嚟，腥腥哋嘅生疍味攻鼻，我即刻打冷震！大佬，你同我讲呢啲叫「熟」？街市买生鸡蛋都无咁流质呀！最激气系个老板面皮厚过城墙！我拎住碟「生疍糊」客气问：「老板，好似未熟㖞？」佢眼尾都唔扫下，仲要懒专业咁 「死鸡撑饭盖」：「系咁㗎！我哋特色系流心㗎！」 流你个心啊流！流心系朱古力熔啊，唔系生粉浆啰！仲要串串贡补多句：「你唔识食遮！」听到真系火都嚟🔥我食疏乎厘多过你食米啦！ 💣 致命三宗罪：1️⃣ 食物安全零分：生疍高危啊！沙门氏菌中咗点算？睇见碟「水汪汪」都知大镬，食两啖直接放弃，惊肚疴到脱肛！ 2️⃣ 态度差过差人查牌：明明失手仲要 「死狗唔认输」，当客系白痴？收50蚊俾堆生粉浆人，仲够胆教人食嘢？ 3️⃣ 价钱抢劫级：一旧水食个「实验失败品」，不如我去超市买盒鸡蛋自己撞墙仲实际！ 💥 总结：伏已中！呢间嘢绝对系「疍散人亡」代言人！唔单止味蕾受虐，仲要受气。老板坚持「生疍糊」系艺术，建议挂去艺术馆展览，唔好开餐厅害人！ 温馨提示：想挑战肠胃抵抗力／享受被当水鱼㓥嘅快感？欢迎去试！正常人请速逃！👋
继续阅读
已帮衬过好多次, 款式多，价钱合理，味道一流! 营业时间到深夜，邻近马路，可以电话叫定, 驾驶人士购买非常方便!外卖自取包装很好，职员非常亲切有礼。个人推荐海盐芝士，开心果两种味道!
继续阅读
每次经过都好多人排队，虽然街边小店没有打卡门面，但好好食平民价钱比好多好食。大概等10分钟即整即食，Q弹上台今日试两款原味梳乎厘、焦糖咖啡梳乎厘空气感 不饱腹，但系系甜品的第二个胃啱啱好原味的脆脆搭配滑cream会继续试唔同口味！ #香港美食 #香港甜品 #香港探店
继续阅读
前日（15-3-2025 Sat）晏昼，同老公喺家后2.0食完芝士蛋糕后，就行埋过嚟食梳乎厘，我哋揾到喇，见到有两组客喺喥食𡁵，我哋睇完menu，由于食唔到两个，但见到可以一个梳乎厘有两只味，就决定要$60.00嘅双重滋味（两味）梳乎厘，老公俾我拣味道，我哋唔要开心果味喇，就要士多啤梨同焦糖咖啡，店员问我要唔要嘢饮，我答唔要。咁佢哋就整喇，但谂谂吓，好似买杯嚟饮都好㖞，于是睇睇，就要以$20.00加购嘅手打香水柠檬茶。梳乎厘整好喇，我就等埋嘢饮先，影好相食得。两种味道都对版嘅，食到咖啡嘅甘，而梳乎厘系有两件，软绵绵，老公话有蛋香。4分而手打香水柠檬茶，味道唔系好浓亦唔涩，但竟然唔够饮，好快饮晒，返到屋企睇，原来有5片柠檬咁多。2.5分
继续阅读