南山谷韓國居食屋 (已結業)

今日同朋友兩個人撐檯腳, 佢介紹黎食韓國菜. 很久沒有食韓國菜, 除了石頭飯及韓燒外, 根本不慬點菜, 唯有讓女孩子發版. 點了兩個菜, 加一個石頭窩飯.首先來圖一的燒牛肉, 牛肉是不是上等牛肉不知, 但看得出是雪花肥牛, 而且好滑, 就算燒到過熟, 都好淋, 好易入口. 個燒牛肉, Waiter 點了爐仔, 佢話要等5至10分鐘, 等個爐熱. 之後, 端來的, 是牛舌.牛舌切得薄一薄, 用肉眼睇, 以為只是肉片, 口感一流.我們最喜愛石頭窩飯來了, 是雞肉石頭飯. 伙記比較忙, 在女仔面前, 當然要Show Show 炒功...覺得自己都拈...但最後都由Waiter加工. 飯夠哂熱, 食到最後, 牛舌已經凍哂, 但個飯依然熱烘烘. 叫了小姐加了少少茶落個飯度, 自創一個韓式泡飯焦. 味道很好.如同樓下某一位食家所說, 個烤爐果真有用, 牛舌凍了, 因利而便, 我地倒落去炒一炒, 回熱.見到Promotion緊Movenpivk 雪糕, 點了兩球一人一個做Dessert. 二人渡過一個完美的晚餐.

29/2 第一次黎南山谷食, 有小小寄望啦, 因為之前有朋友提過ok 好味, 食評都算ok,咁去試下啦, 因為沙田區無幾間食韓國菜我地6個人, 叫1) 正宗全州石頭窩飯2) 辣豚肉石頭窩飯3) 人參雞4) 炒粉絲5) 炸醬麵6) 炆牛肋骨7) 辣炒年糕7樣野當中, 炸醬麵比較淡口, 唔以我係韓國食過既味另我諗只有炒年糕係比較似正宗韓味, 其他都已經本地化,不過味道唔會話唔好味, 只係唔似韓國菜而已但係要彈既係價錢, 我地埋單要$720, 我覺得呢個價錢已經差不多係TST 韓國街小館食到D 好正宗味道既韓國菜, 唔洗係新界俾咁既價錢囉!差D 唔記得添, 仲有.. 唔該佢改善下D 座位空間啦我地6個人座卡座,座到好似茶餐廳咁迫, 如果多2個男人就一定座唔落

今日小天使帶左我去南山谷食,好好食呀,我地叫左正宗全州石頭窩飯,辣味芝士雞(唔知有冇記錯),霜降牛肉卷同芝麻木康布丁 正宗全州石頭窩飯:好好食,一黎到就聞到好香,佢中有碗辣醬俾你落,好香又有飯焦,你想落幾辣都得,不過建議落晒,因為唔多辣落晒剛剛好 霜降牛肉卷:好唔得,一夾就散,不過味道OK而且點佢俾的汁會好好食,可惜太易散,我唔會再食(唔好以為得2件,其實係4件不過我又唔記得影) 辣味芝士雞:勁正,佢係把辣醬,芝士同雞扒一齊煮,勁濃味,但係小天使覺得太辣 芝麻木康布丁:好好味,唔會太甜,但係芝麻味好少,唔太食到 另外我地仲叫左2杯野飲,唔知係咩因為圖片幾靚先叫,幾好飲,不過酒精太多,小天使飲完之後面紅波波好可愛呀 服飾好好,我地唔小心掉左筷子時未叫已經有人拿左對新的俾我地,抵讚

有驚喜。對沙田食肆失望透頂O既我今期嚮南山谷食左一餐唔錯O既晚餐。1. 牛肉火鍋- 牛肉好滑，湯底加左d酒，同胡椒，好好飲，其他配菜，如茹、娃娃菜加玻璃麵令成個火鍋正斗無比。2. 牛舌- 大塊左少少，細塊會更好嚼頭。味道ok。3. 鰻魚石頭鍋飯- 有焦底，配菜如芽菜，正。鰻魚塊好滑，加埋少少秘製辣醬。好。4. 麵醬腸粉- 好特別，腸粉都ok滑。加埋d芋頭粒，一個腸粉新食法。最後加返杯Mango Colada，一餐半perfect的晚飯。整體服務都唔錯，上菜落單收碟埋單都好快手。Good。

本人太喜愛泡菜了,今天午餐又食韓餐!加泡菜要十蚊碟,真係唔采佢.叫了石頭飯,海鮮泡菜拉麵.壽司是熟的,無所謂;石頭飯好夠熱,冬天吃無得頂!海鮮泡菜拉麵幾多海鮮,兩人全都可以分倒一人一個

寒冷天氣，的確需要陣陣暖意。個腦總係戀戀不捨石頭鍋，諗來諗去淨記得這韓食有我想要的…一個人就叫了海鮮石頭鍋飯$63。飯望落比我預中多~因為比我食過和民的泡菜石頭鍋飯多。但昨日食下食下其實約家用飯碗一碗多少少，結果我都食得晒！飯質較為黐，由個飯上枱時已係附圖的相咁樣，像食剩咁…-_-所謂的海鮮其實我邊食邊研究，記憶中沒記錯就只有帆立貝x2、蠔豉x1和蝦x3，但咪住！全部都係微型版直徑只有一毫子咁大~返來過相落pc我就奇怪：相中的白色真的係蝦粒！？但我真係唔覺有食過呢！"""食後感：一直我的食評都深信平民食肆所謂的海鮮我唔會抱有期望…通常蟹柳是也。至於海鮮配料，對於我最近有幫趁過的新城巿食肆而言，例如菓一道、甘味手打烏冬和札幌拉麵，這幾間的配料就真係1:1。我唔理係咪雪藏貨，出面食飯我不嬲都預左，而係冇諗過咁袖珍型。特別係帆立貝個樣有點衰衰我唔會唔認得它，食時仲用筷子夾起諗：峰壽司那次tick錯了帆立貝大大隻我又見過，但又真的未見過各樣配料細到我女仔手指甲咁大…慶幸都還俾返冬菇條和芽菜等等俾我撈飯。俾ok係個石頭鍋而已。若然唔係凍，我係會去返食開那些，因為天氣凍+冷氣通常飯菜很快放涼。$7

依間餐廳都幾好ar.個泡菜石頭窩飯超正.仲有個燒牛肉都幾好la,比d生牛肉您,可以自己燒尼食,仲可以燒埋其他食物tim.其他個D野,例如:環境,服務,乾淨都總算OK la...

第一次跟朋友去覺得好好味,因為個人喜歡食熱騰騰的石頭飯~回味跟家人再去,家人都覺得一般.石頭飯依然回味,不過叫了另一些小菜,真的很一般.如一個叫醬咩雞翼,40元五隻,不好味...醬怪怪的,雞竟然係唔熱的.總括而言,都係好的食肆,服待員有禮.順帶一提,東亞卡有九折.

我之前去食就好味. 但係今次去食, 真係唔好味. D O野係凍O既. 我叫O左個介辣八爪魚. 嘩. 佢唔講都真係唔發覺佢係介辣哎. D八爪魚細到一粒仔夾都好難夾! 仲有叫O左碟菜, 凍O既, 真係菜都唔多條. 叫O左個軟殼蟹卷....只係一個形容詞"差". 下次真係唔會再去!

今晚,我同太太來這間多人評價好的韓國料理食野,果然不錯,野食味道幾好幾新鮮!環境幾好!服務態度幾好!不過,可惜"DBS"已經沒有折扣優惠了,現在祇有"東亞"有折扣,請大家唔好帶錯信用卡呀!哈哈....

朋友預訂午膳, 位置都唔錯, 與之間都隔得幾遠, 傾計唔錯, 侍應添茶都幾密!前菜有泡菜同青瓜....合格但好少! 每人各自叫了個午餐, 我要韓式冷麵加傳統壽司配芝麻汁, 一碗蘿蔔薄片湯, 蘆薈汁($52 + $5), 湯似水般, 冷麵黏在一起, 冷麵唔夠彈牙, 傳統壽司仲慘, 紫菜包住飯, 腸, 連芝士都有, 唉....避免核突, 成舊吞....原來韓式壽司係咁嫁...? 朋友既海鮮石頭飯, 凍奶茶, $56, 佢話好熱, 幾好食...不過..見佢不斷咁食都食完...佢話太多!

好耐好耐都無食過我最愛既韓式前菜, 本來諗住食韓國燒烤食番夠本, 點知原來以前嗰間韓國燒烤已經執左, 於是友人就介紹我黎呢間韓國餐廳.一入到去比我既感覺就係好和民feel... 知道應該都係食細細碟但賣相吸引既韓式fusion菜. 星期六既8點入座都唔駛等, 2個人坐4個人既卡位, 感覺好寬敞. 一坐底, 待應人就ling左兩杯茶同兩碟豉油碟都可能大個佢既前菜黎... 我未打開個餐牌都已經食晒, 問佢有無得refill佢話要加$10.... 嘩, 我未食過咁貴既前菜, 唔駛喇!一睇餐牌... 確實有d令我失望, 因為我望唔到有邊様野係我一見到就想點, anyway, 最後係友人既協助之下點咗:麵醬雞翼: 不過不失, 於我來說只係普通雞翼一碟辣味石頭鍋飯: 唔係好辣! 可能我食得辣嫁, 我要叫佢extra比碟辣醬我韓式炒麵: 好油囉!南山炆牛仔骨: 好入味, d牛仔骨炆到好"lam", 正!芝麻"登"蛋: 友人甜既甜品, 佢話芝麻味極重, 但都好味韓式"登"奶: 無特喇... 可以唔駛試!待應服務態度只屬一般, 味道一般, 菜式一般!

人生第一次full time 既出糧當然要慰勞下家人先啦^^我book左檯,早到左,個場都唔full~坐卡位都幾舒服~d茶都係korea~~唔錯唔錯~~~叫左:1)南山谷炆牛肋:本人冇興趣,不過屋企人話唔錯呀~~2)燒牛舌:都係熱d好d,佢好入味呀都!!同埋幾多個size!3)牛肉涮涮窩:得六塊都唔錯呀,不過好慢熱~4)辣豚肉泡菜石頭飯:好正呀,好辣,同埋真係好香口!ichiban呢!5)旦雞肉石頭飯:好似之前既網友話好似肉醬咁,食唔到辣既可以食呢個呀~~6)辣年糕,都係唔夠熱,佢應該係用鐵板會好d~~不過年糕唔多同埋唔夠入味~~差dd7)人參雞湯:老豆話好正呀,唔油同埋好食呀隻雞!8)海鮮石頭飯k啦,唔夠special,只係d seafood+芽菜仔...咁.....overall,唔錯架真係,同埋坐得幾舒服,石頭飯好食^^

上次同另外2個朋友黎食dinner~我order 咗個好似叫肉醬石頭飯, 朋友們叫咗個雞肉石頭飯同埋什麼粉絲試咗朋友小小嘅雞肉石頭飯我覺得雞肉石頭飯好味d wor~~個飯都好大, 我都食唔晒呢...不過男仔朋友食個個粉絲就話唔夠飽wor...我諗男仔食石頭飯會飽d la~~但係佢點解會冇set dinner ga...同埋貴咗d la...就咁一個飯都要6x la...睇食評好似食lunch 抵d wor...下次食吓lunch la~

一早已知在香港吃地道一點的韓國菜一定不便宜,但因在seoul嘗過正宗韓國菜,一試難忘,回到香港後都想再試。其實我去呢間的目的是試我上次在seoul錯過的韓食, 點了夏天吃了舒服的水冷面。對我來說是很好吃, 當然個人口味見仁見智。面有嚼頭，加次點介辣好味。二人去,另加一小食,一熱食