南島

营业中

休息中

🐥招牌無骨海南雞飯 $72 跟本應該叫海南雞飯套餐🤣 用成個盤有湯 有油飯 有醬汁 有雞🤤 超抵食！ 個例牌海南雞係雞髀肉！ 啖啖肉！ 個雞做得好好！ 雞皮下重有層膠質😍 雞肉又滑又嫩 ！ 正！ 係個油飯偏硬左少少🍲檳城炒貴刁 $72最愛食貴刁 粗過河粉少少 又好似炒粉皮咁🤤 真係好正！ 唔係度度都有！ 至於佢個檳城炒貴刁炒得好惹味！ 有芽菜蛋同埋少少魷魚 仲有臘腸！ 幾惹味而且足料 我哋唧晒成個青檸同加晒所有辣椒粉同花生碎一齊食 超正！ 🥬沙茶肥牛芥蘭 $58超推！ 勁高性價比！ 首先佢雖然係做過汁 但係超多沙茶肥牛！ 多到可以攞嚟送飯食😂 好特別！ 又有菜又有肉！ 提一提大家佢飲做半價 真係幾抵食

泰式炸蝦餅（四件）$68剛炸起熱辣辣咁上，香脆又好厚肉😋-大蝦米紙卷 $58特別在於芒果汁，感覺好清新，同埋好健康🤭-(午市)招牌海南雞飯 $78+ $3凍薏米水海南雞好滑～好重雞味🤤最鍾意中間嗰個醬撈飯好惹味！油飯粒粒分明☺️-服務態度好👍🏻斟水同收碟都快💯

喺區內空置咗N年嘅舖位，竟然開咗一間星馬泰餐廳，不得不好奇去試吓！午餐menu至14:30，14:30之後就係下午茶menu。招牌海南雞飯 $78無骨海南雞，有齊酸辣汁丶薑蓉丶黑醬油，油飯似乎偏硬，冬瓜湯幾好味星洲肉骨茶 $72三件一字骨丶枝竹丶冬菇丶蒜頭丶杞子，馬來西亞嗰種藥材味偏重，油條浸咗一陣湯都仲脆。桔仔話梅水 +$3夏天佳品，桔仔味濃，可以解膩咖也多士配半熟蛋 $42食完正餐，就想食啲甜嘢，咁啱到咗下午茶時間，順便叫多份咖也多士配半熟蛋。

今晚到西灣河上堂 一出地鐵站就找到間餐廳選擇有很多 有星馬泰的美食有提供飯粉面 也有小食 肉類 菜類 海鮮類入內有很多座位 不用等位空間感很大 很光猛 舒適軟殼蟹星洲喇沙 $78全隻軟殼蟹上碟 新鮮炸好 好香脆入味喇沙湯底濃郁 微辣有椰香 好開胃當軟殼蟹沾上喇沙湯底咁食 別有風味全碗喇沙米線有不少配料 有魚蛋 魚片 雞蛋 豆卜等 十分足料性價比非常高 推介XO醬炒貴妃苗$58不單只貴妃苗的份量充足 有好多XO醬料貴妃苗清新爽口 XO醬又香又惹味一個人都食左大半碟泰國椰青$48食緊D濃味菜式 配上一個凍的清甜椰青水 岩岩好總結南島的食品份量充足 性價比高座位舒適 地理位置方便很適合同朋友聚會去

南島係一間食星馬泰菜既餐廳。南島有兩層，坐落西灣河地面，餐廳門面突出，入面光猛寬敞。🫶🏻🫶🏻1.泰式肉碎生菜包 $68肉碎味道到位，用生菜包住食好滋味！😋2.泰式青木瓜沙律 $58 蝦同青木瓜都好新鮮爽口！辣辣地，非常開胃，岩哂喺夏天食！😋3.巴東牛腩配印度酥餅 $48，文冬薑茶(熱)(下午茶餐價，包飲品)牛腩夠冧易咬，好入味！印度酥餅夠熱，幾香脆，但不油膩，夾住巴東牛腩黎食，好味！☺️😋真係抵食又好味！

#無得去旅行🧳 #只好搵食代替.話說前嗰排成日都要返PTA幫手我哋通常都會約埋食早餐先一齊返學校🏫點知果次誤打誤撞去咗呢度個早餐真係好好味😋.南島📌西灣河筲箕灣道143-145號大來大廈地下B號舖及地庫.呢度前身我都唔知係咩嚟因為都比較唔起眼👀但轉咗 #南島 後，我開頭都無去食架～點知原先我哋約咗嘅餐廳🍴好Full我哋只好轉陣見到又新又好似唔錯嘅南島我哋就決定去試吓 .‌早餐佢哋斬有好多唔同款式選擇我就試咗♦️ 碎腩出前一丁配煎蛋丹麥🇩🇰多士碎腩其喺我覺得都唔係好下似啲邊邊嘅牛腩啲牛腩切到大細啱啱好又夠哂入味而且件數都唔少架出前一丁唔太淋👍🏻👍🏻只係煎蛋就失色咗少少🤏🏻煎得老咗少少但係個丹麥🇩🇰多士好鬆化好好食.♦️ 凍鴛鴦.整體評分：最高為🟣🟣🟣🟣🟣味道：🟣🟣🟣🟣🟣服務：🟣🟣🟣🟣環境：🟣🟣🟣🟣🟣地點：🟣🟣🟣🟣.總括嚟講，南島食物出品都幾好食！坐位寬敞又舒服，裝修好靚可以打卡！不過下次可以試吓午餐同下午茶等等～早餐款式咁多，下次都可以試其他呀！.••••••••••••••••••••••••••••••#攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29pro

星期二繼續同舊同事上急救堂放飯時間去食lunch，今次去左食東南亞菜。餐廳提供午市套餐，而且唔駛加一。我地叫左兩個午市套餐，再加一個小食。椰香咖央多士配半熟蛋我地都鍾意呢個，咖央充滿椰香，加上一塊牛油，唔駛配半熟蛋都已經好好食。軟殼蝦星洲喇沙米線材料好豐富，有三隻蝦、豆卜、魚蛋、魚片、豆芽、通菜、半隻蛋。喇沙幾惹味，我唔食辣都食到，魚蛋好食，所有野索晒喇沙汁，特別係豆卜，甘大碗一定夠飽。砂煲老鼠粉呢個香港比較少地方有得食，估唔到賣相好colourful，材料有肉碎、蝦乾、魚乾、花生，撈勻晒食變得香口，幾好食。餐飲都加左$3要凍薏米水同凍桔仔話梅水。

南島離西灣河地鐵站只係一分鐘路程，加上喺大馬路轉角位，好顯眼同方便。餐廳主打星馬泰菜，小食、冷盤、肉類、海鮮類、主食，樣樣野食都幾齊全我比餐牌上嘅香茅炸鱸魚配青木瓜沙律張相吸引左，亦證實左實物真係冇照騙🤩一個人食成條炸魚真係第一次試，但$138呢個價有咁大條都幾值呀！提醒一下炸魚要小心啲慢慢食，因為鱸魚本身啲骨都大舊架。魚炸得好香脆，帶微微咸味，感覺冇蓋過本身魚嘅鮮味，又唔會成口油咁。點醬微微酸辣又另一番味道🤤青木瓜沙律味道同個醬相近，但酸味會更出，超開胃😚炸魚同沙律間住咁食，都有幫助去熱氣嘅感覺👍🏻👍🏻至於野飲就嗌左熱桔仔話梅水，酸味調得剛剛好呀

呢間新餐廳係西灣河都開左一段時間，因為正正係我屋企附近，我索性黎個長期測試，好老實講佢呢個價錢係西灣河一個飯賣成70幾80蚊絕對偏貴，不過見佢新鋪又就腳。南島既肉骨茶我前前後後食左十次左右，每一次d水準都唔係好平均，初頭食個湯好濃，油炸鬼都好脆，之後第三四次開始，由個湯既色已經好明顯淡左，油炸鬼都冇一開頭食咁脆，其中有一次個油飯有一忽勁鹹，不過我雖然講左咁多唔好既野，但我覺得香港黎講呢兜肉骨茶都算係中上。

終於都可以一試新餐廳位於西灣河食肆競爭激烈的地方。首先不看食評，點了海南雞🐓喇沙和巴東牛🐂肉飯作小試，鷄尚做得不錯，有雞味爽皮不硬；但喇沙麵過煮，湯與麵比例可以專業小小。置於巴東牛肉做得出色，肉霖與汁恰到好處，棘味似乎相就了本地食客，未能發揮印尼🇮🇩出名的特色棘，但係仍然可口，整體來講少味精，比較其他是做得不錯。價錢方面在現今通漲比下去，收費是合理的；自煮是不能夠做這個$。服務態度可以反映人工薪酬待遇；希望老細思考下，提升員工士氣禮貌，可作更好的招來，其實服務態度好是一種專業，有禮是一種修養；在用廳時候總會聽到顧客說吾該，服務員反應是不專業亦是負面個人的修養，希望看到這食評能為自己提升，到最好的互相尊重；食得開心、做工也愉快😚

落雨唔想煮飯，和媽媽去筲箕灣道新開的南島吃星馬泰午餐。午餐時段店生意好，多街坊和附近的辦工人士幫襯。午市套餐選擇多，有20款，由$72至$78，包主食和飲品，凍飲加$3，不用加一。我們選了海南雞飯和香茅豬扒牛骨湯河，還加多一碟沙茶肥牛芥蘭。午市套餐質量俱佳，算抵食。海南雞飯不錯。冬瓜湯甜。黃油雞去了骨方便食，雞肉淋滑，雞皮與雞肉中間有層jelly, 正! 點埋醬油薑蓉辣醬更好味。油飯大大碗夾味，食落香香地不油膩。如飯量少可叫少飯免浪費。香茅豬扒牛骨湯河大大碗，河粉滑，牛骨湯和白蘿蔔清甜，還有可口的洋葱和青葱。香茅豬扒厚身，炸得香，調味適中不咸。沙茶肥牛芥蘭好食，芥蘭甜，肥牛惹味，愛濃味者首選。餐飲有十多種選擇。檳城白咖啡和文冬薑茶都不錯。吃飽飽兩個人共$208，抵食。店環境整潔光猛，店員有禮，服務有效率。

一句到尾唔做偶像派，實力派，我係行動派，記住你既心態，決定境界。由柴灣角街食到新界，唔洗出深水埗，唔洗出離島，係南島一樣照嘆平靚正東南菜式，呢d咪rockstar囉！👇📌主 食 -▪️ 海 南 雞 星 洲 喇 沙 - $72 ▫️ 必食呢個「海南雞·星洲喇沙」，麵底有油麵同米粉兩種，口感煙韌有咬口，加上湯底濃香得黎，調味岩岩好，唔會太鹹，加上海南雞幼滑入味，整體唔錯。▪️ 新 加 坡 肉 骨 茶 配 油 飯 - $72▫️ 第二道「新加坡肉骨茶配油飯」一入口藥材味夠重，係好舒服，感覺好滋補，加上排骨煮到非常腍滑，一咬就離骨，配搭油飯一流，旁邊仲有油炸鬼一齊上，幾特別。📌菜 類 -▪️ 蒜 蓉 炒 貴 妃 苗 - $58 ▫️ 最後整埋個「蒜蓉炒·貴妃苗」就最正啦，賣相睇落非常翠綠，有少少似豆苗咁，不過口感再嫩滑，火侯亦岩岩好，加埋蒜香清爽又惹味！

真係唔係一般，係一般以下，喇沙係淡到黃色水咁，好少地方咁難食，米線質感都唔好。 海南雞飯無咩特別，不過貴囉有個態度極差既呀姐，餐牌都無寫係米線，我咪問佢係咩面，極度不耐煩咁樣完全唔想答。比錢果時，又係同一個呀姐，正常唔係講一聲多謝架咩，唔講都算，唔緊要，都唔洗咁西面，都係三張銀紙姐，唔洗續張數到咁專心既。總之又貴又難食又態度差，裝修洗咁多錢，不如搞到d野食好過啦，差差差差差差差！仲有個餐牌，整番好小小啦

經過前幾日食完海南雞,今日 專登過嚟試過香葉肉碎蛋飯,肉碎蛋飯飯賣相ok接受,如果可以落多少少辣,重好味,但我覺得ok啦味道算唔錯。服務衛生都ok,新開算係甘。員工都親切。

今日去到西灣河搵朋友,經過西灣河地鐵站附近,有間新開嘅南島東南亞餐廳,由於好肚餓行入去試下先,咁我坐低叫左個下午茶餐海南雞飯,跟一杯凍咖啡,雞嚟到肉質ok可以接受飯就唔夠香,再香少少就好,如果以價錢61蚊嚟講絕對合理可以一試。