南苑海鮮酒家

营业中

休息中

▶️炭燒乳豬新鮮出爐嘅炭燒乳豬一上枱就炭香味十足，外皮薄薄一層好香脆，肉質細嫩，油而不膩，每一啖都滿嘴留香，令人回味無窮。▶️元朗楊氏烏頭烏頭魚嘅魚肉鮮甜可口，而且呢道菜可以品嚐到唔同口味嘅烏頭魚，鹹檸檬同豉汁。鹹檸檬味道鹹鮮，新鮮檸檬味道清新，非常突出魚嘅鮮味。豉汁有住濃郁嘅鹹香味，味道充分咁滲入魚肉之中，完全冇腥味。▶️臘味炒芥蘭鑊氣十足嘅芥蘭冇苦澀嘅味道，反而更加鮮脆好食，加上臘味嘅鹹香味，令成道菜嘅味道清香可口。以上就係我哋喺南苑海鮮酒家鍾意食嘅特色粵菜，大家不妨可以嚟試吓。▶️芝士龍蝦伊麵龍蝦肉質雪白嘅顏色，鬆脆嘅口感，甘甜嘅味道，有住獨特新鮮同埋Q彈滑嫩嘅口感，配上濃郁嘅香濃芝士同埋好有咬口嘅伊麵，口感同味道簡直一流。

中午同朋友聚會，去咗呢間餐廳食午餐。服務員介紹咗幾道特色菜，最後我哋決定點咗幾道第一道炭燒乳豬一上桌就散發出濃郁嘅炭香。外皮烤得焦脆酥香，入面柔嫩多汁，肥瘦比例啱啱好，好香又好好食！鮮菠蘿拔絲咕嚕肉酸酸甜甜幾開胃。金黃色嘅咕嚕肉，外脆內嫩，酸甜味道平衡，菠蘿口感清爽，配埋豬肉一齊食，增添咗一份獨特嘅清新感。油浸筍殼魚都唔錯，外皮炸到金黃色，又薄又酥脆，魚肉鮮嫩細膩。佢哋處理得好好，唔會太焦。最後嘅燒肉同冰涼嘅啤酒簡直絕配😋燒肉外皮酥脆，肉質軟嫩又不失彈性，配埋啤酒冰爽嘅口感，中和咗油膩感。一啖肉一啖啤酒，過癮！今次嘅聚餐，大家都食得好開心，對今日嘅食物都好滿意。

同事話附近有間中餐廳味道唔錯，約我今日一齊去食好野，食完會想日日都黎食我叫左龍蝦伊麵有啲嚇親我，隻龍蝦好大隻，而且仲好新鮮彈牙，仲加埋芝士。芝士完全溶咗入伊麵度，香濃無比，伊麵又煮到好有嚼勁，啖啖都係裹滿曬芝士既伊麵，超濃郁芥蘭煲炒得好靚，菜葉唔會太腍，根部又唔會硬，食落去係好爽脆，加咗肉落去炒之後就變得更加鮮甜，好香口仲叫左必食既咕嚕肉，不過呢度係分開，吾係炒咪一盤，出面係炸到脆卜卜，入面係啖啖肉，呢個咕嚕肉唔會太甜，加上菠蘿既清甜，就咁食係好juicy,所以食多都唔會滯，超好送飯最值得一提既係呢度既海鮮煲、，海鮮滿到我唔知應該點樣食起，每一種海鮮都好新鮮，仲帶有淡淡嘅海洋既鮮甜，而且湯底仲伴有豬骨香味，一啖湯一啖海鮮

前幾晚去咗元朗探朋友，朋友帶我去左南苑海鮮酒家食晚餐，環境唔算豪華，但感覺幾舒服，燈光柔和，坐得好自在✨ 炭燒乳豬係一開場就上枱，皮脆又唔會太硬，肉質好嫩，夠晒香口，一啖一啖咁食落去真係滿足😋 鮮菠蘿拔絲咕嚕肉啲份量啱啱好，每粒肉都包住甜酸汁，加埋鮮菠蘿嗰陣酸香，味道平衡得嚟唔會膩，朋友話正正👍 啫啫芥蘭煲熱辣辣咁上枱，啲芥蘭好脆口，加上煲底嘅醬汁香濃又惹味，撈飯真係一絕。 元朗楊氏烏頭係朋友嘅心水菜，魚肉鮮甜，火喉啱啱好，魚皮微脆又冇腥味，真係食得出用心煮🔥 最後就係海鮮豬骨煲，湯底夠濃郁，豬骨同海鮮味道融合得啱啱好，啲海鮮都好新鮮，尤其係蝦同青口，好鮮甜，一啖湯暖晒胃🦐🫕。 呢餐晚飯真係滿足感十足，價錢合理，性價比好高。如果下次再去元朗，應該會再嚟呢度試其他菜式！👍

💛海鮮豬骨煲呢個海鮮煲端上嚟我哋全部都嘩咗一聲，簡直太足料喇！！唔止有蝦，蜆，蟹，扇貝仲有沙巴龍躉同其他配料一大煲滿滿嘅份量💯 湯底係豬骨熬出嚟嘅精華湯底，超級鮮甜，飲兩碗都唔夠喉🤩💛芝士龍蝦伊麵鍾意芝士嘅必點！！龍蝦個頭超大，蝦肉肥厚鮮嫩🤤 伊麵都好勁道，喺芝士醬汁入面耐咗都唔會過於軟爛，十分入味🤩 一啖麵再配上醇厚嘅芝士醬汁同新鮮嘅龍蝦肉，濃郁嘅口感真係好正❤️💛鮮菠蘿拔絲咕嚕肉呢間餐廳好特別嘅係，仲有半分菠蘿畀客人解膩添😳 咕嚕肉皮咬落去脆脆嘅，入面嘅肉軟嫩多汁，喺酸同甜味之間平衡得啱啱好！食得多都唔會滯，反而好開胃😄💛叉燒肥瘦相間嘅叉燒，食落去香甜軟糯嘅，配上餐廳嘅蜜汁，甜甜鹹鹹嘅令人回味無窮🤩

前幾日約咗幾個朋友去【南苑海鮮酒家】食晚餐，呢間酒樓喺附近都算幾出名，特別係海鮮同燒味，啱啱好啲朋友都想試吓，咁就揀咗呢度！首先嚟咗招牌元朗楊氏烏頭，魚肉滑嫩，配埋個清淡嘅豉油蒜蓉汁，入口鮮甜，完全冇腥味，好啱啱啲唔太鍾意重口味嘅人。跟住上咗炭燒乳豬，皮燒到脆卜卜，帶有一陣陣炭香，肉又唔會太肥，好啱配啤酒食🍺🥬 青菜我哋揀咗臘味炒芥蘭，呢個簡單又出色，臘味帶出咗陣陣鹹香，仲有少少油潤感，炒芥蘭又夠火喉，食落有啲爽口。最後當然唔少得叉燒，肉質嫩滑，甜甜地但又唔會太膩，係嗰種你食幾塊都唔會嫌多嘅感覺！呢餐食得幾滿足，味道實在，價錢又合理，難怪咁多人推薦！遲啲都想帶屋企人再嚟試吓其他餸菜～ 😊

喺香港講起食正宗小炒實會諗起南苑酒家呢個地方，佢係以獨特烹調方法聞名。餐廳位於元朗八鄉上村﹐裝修行傳統酒家格局，用膳舒適，係啱一大班人用膳嘅環境。雖然我係第一次嚟，但由於同行有常客，喺佢點菜之下就食到唔少招牌菜式。朋友話係佢心目中第一嘅港式小炒🔥有冷氣又闊落😍菜式都超高質有啲仲係原創同朋友聚會慶生係超級推介⸜( ´ ꒳ ` )⸝♡︎元朗楊氏烏頭一端上枱就被呢道菜治癒咗，檸檬豉汁烏頭🐟大嚿魚肉一啖鮮嫩酸香味美！！！唔好俾表面平平無奇迷惑！！！尊嘟好好食！一啖就愛上咗！炭燒乳豬由呢幅無filter嘅相片已經睇到, 佢塊外皮極香脆之餘唔會太油膩, 肉同皮嘅比例相當好, 令你會有一嚿接一嚿咁食嘅衝動臘味炒芥蘭炒芥蘭，用臘腸炒，好香臘味個d味，應該每枱都會叫嘅炒菜。

一個週末晚上，我喺網上發現呢間海鮮酒家，感覺幾唔錯，就帶埋我家人一齊嚟呢度食晚餐。當時點咗幾樣嘢食，第一個就係羊腩煲。呢個係放喺砂鍋煮嘅，端上嚟時，香味撲鼻而來，睇落就好有食慾。羊腩燉得軟腍，非常入味。呢邊嘅炭燒乳豬睇落好正，擺盤又靚。乳豬烤得好脆，肉又嫩。我家人食嘅時候，仲聽到脆皮喺嘴度被咬嘅聲音。之後我哋仲點咗一盤伊面，呢個伊面係配芝士龍蝦。龍蝦肉配埋佢哋調嘅芝士醬汁，配埋伊面一齊食，食完仲想再食，好滿足。服務員端上一盤青菜，臘味炒芥蘭。新鮮嘅芥蘭配埋咸香嘅臘味，係我哋之前未試過嘅味道，非常特別又好食。最後，我哋仲點咗幾瓶啤酒配埋。呢餐真係食得太滿足，太過癮啦。無論係羊腩煲定係乳豬，配埋啤酒真係太滿足啦。呢間舖頭嘅嘢食都令我哋回味無窮，期待下次聚餐可以再嚟試多啲菜餚。

偶然一次同老婆喺元朗搵到呢間南苑，啱啱好未食飯，就索性直接喺呢度解決午餐。 隨便叫咗幾樣菜色同家人食，結果出乎意料咁特別好食。 我哋叫咗佢哋嘅筍殼魚，油浸嘅煮法令魚嘅鮮味更加突出，食住特別脆口，美味無窮。 然後就係芥蘭煲，入面嘅芥蘭分量好足，食材都非常新鮮，啲芥蘭特別清新，搭配咗特別調料，微微帶一啲鹹，非常開胃。 咕嚕肉就好香甜可口，肉質非常鮮嫩，搭住菠蘿食味道都幾特別，特別下飯。 燒肉味道亦都幾咸嘅，外皮好脆，然後肥瘦相間，每一口都係極致嘅享受。 呢一餐最重要嘅主角就係海鮮豬骨煲，真係好大鍋，然後滿滿都係料，有各類海鮮，湯底非常鮮美，特別入味，上菜嘅時候睇住都已經流口水。 呢一餐食得非常愉快，體驗上感覺真係好抵食！

南苑海鮮酒家係我暫時食過最好味既中餐，差唔多所有菜式我都試過，份量大，價錢唔貴，仲好味，真係非常難得。以下呢幾道係我比較中意既。🐖望落普普通通嘅叉燒味道最令我驚喜。叉燒既外皮非常香脆，咬落仲有脆聲，加埋佢特製既醬汁，叉燒既味道更加香甜，我一個人可以食兩碟！😍🐟油浸魚，啲魚肉滑到不得了，入口即溶，而且仲有陣油香，非常吸引🐷乳豬嘅份量好大，我每次都食唔晒，但係一定會叫一份，因為真係太好味啦！乳豬燒得好香，啲豬肉又唔會嚡，外脆內軟，無得頂阿‼️食中餐一定唔可以錯過嘅就係呢道菠蘿咕嚕肉。菠蘿酸酸甜甜。黎呢度食中餐真係享受，下次可以帶埋同事屋企人黎食燒乳豬！🤤

同老豆一齊嚟食我哋成日嚟嘅南苑海鮮酒家，呢度嘅環境寬闊又舒適，食物好味又有水準。餐牌上嘅選擇都好多，但係我哋最鍾意食嘅係以下呢三樣美食。最鍾意就係呢度嘅羊腩煲，仲配埋腐乳醬同埋一份生菜，一上檯就已經係香味四溢。羊肉經過燜煮之後口感非常之嫩滑，入口即化。而濃郁嘅湯底味道好鮮甜，甜中仲帶微鹹，完全冇羊嘅騷味，羊肉配埋生菜一齊食，簡直係一流。新鮮嘅元朗楊氏烏頭真係肉鮮甜可口，仲有兩種唔同嘅味道，一邊係鹹檸檬，一邊係半豉汁。鹹檸檬帶有酸甘嘅味道，而且仲有鹹嘅滋味，味道非常豐富。而豉汁嘅味道唔會太鹹，反而仲鹹香味道十足，比起鹹檸檬更加凸顯咗成個菜式嘅味道。叉燒更加唔使講，係大多數人都鍾意食嘅美食。叉燒切得唔厚唔薄，味道甜鹹適中，口感更加係非常之嫩滑。

「海鮮豬骨煲」海鮮煲份量超級大！入面有蝦、蟹、扇貝同沙巴龍躉等，用料新鮮豐富非常足料！用豬骨熬出嚟嘅湯底簡直鮮甜無比，我一下就飲咗三碗湯😂「油浸筍殼魚」金黃油亮嘅油浸筍殼魚望落去就好食～金黃色嘅外皮包住嫩滑嘅魚肉，最鍾意就係呢種魚比較少魚骨，魚肉每一啖都好嫩滑，簡直入口即化🤤「叉燒」叉燒都幾多塊，每件都肥瘦均勻，而且仲切得薄厚適中👍🏼 甜甜鹹鹹嘅肉質都好緊實鮮嫩，有細個嘅味道🤩「芝士龍蝦伊麵」龍蝦肉質新鮮，食落去好爽彈啊！食落啖啖肉好滿足，每一條伊麵都撈滿晒芝士醬汁，超掛汁😋 芝士奶香味非常濃郁，好邪惡👿「啫啫芥蘭煲」邊個同我一樣鍾意食芥蘭？！呢個芥蘭煲正中我心啊！鹹香味十足，但又唔會死鹹，非常送飯😳 芥蘭食落去新鮮爽脆，食落好爽口～

⽺腩煲⽺腩⾁經過⻑時間燉煮已經好軟腍，⾁質煙韌有咬⼝，鹹⾹味⼗⾜嘅醬汁更加係送飯⼀流
⽺腩⾁⾁厚嫩滑，⽛⿒⼀咬就散開，鮮嫩⼊味！⽺⾁羶味⼀點都唔重，⾁質無⽐鮮嫩，⽽且醬汁超級濃郁，⼀啖⽺腩⼀啖飯再淋上醬汁，簡直係⼈間美味元朗楊⽒烏頭烏頭好⼤條！⽽且⾁質肥嫩，⼀點泥味都無
呢碟⿂有兩種味道，⼀半鹹檸檬⼀半豉汁，好清⾹〜⾁質結實唔韌，腩位軟滑油⾹，味酸酸鹹鹹嘅令⼈胃⼝⼤增，好送飯燒⾁燒⾁都好好味啊
肥厚的⾁質但係肥⽽不膩，淨係咁⾷已經可以享受得到極致嘅⾁多汁！呢度特別嘅係畀咗⼀碟⿈芥末醬，點少少鹹酸嘅滋味係好有層次感嘅味道

前幾日同同事嚟到南苑海鮮酒家食午餐，呢間酒家一向都有好口碑，特別係海鮮同燒肉都好有特色，今次就嚟試下佢哋啲招牌菜式。首先試咗羊腩煲，呢道菜嘅羊腩肉煮得幾嫩，湯底清淡又夠味，唔會好油，飲落都幾開胃。羊腩嘅肉質唔會太硬，啱晒我哋呢啲唔鍾意食過於油膩嘅人。整體煲湯有暖笠笠嘅感覺，食咗一啖好舒服 😌跟住試咗芝士龍蝦伊麵，呢道真係好特別 🧀🦞。龍蝦肉夠鮮甜，伊麵煮到啱啱好，唔會太軟，配上濃郁嘅芝士醬，味道豐富但唔會過重，食落真係唔膩，好有層次感。芝士嘅香氣好突出，配埋龍蝦肉嘅鮮味，真係一個完美嘅組合。元朗楊氏烏頭就係必點菜之一，魚肉好細緻柔軟，湯底味道清甜，唔會太鹹。湯清澈又有深度，食到最後都仲有回甘，呢道菜簡單但好有味道 🐟。最後嚟到燒肉，呢道就係南苑嘅經典之一。燒得啱啱好，表面香脆，入面嘅肉質仲好嫩滑，唔會乾巴巴 。燒肉嘅香味真係吸引，食咗一啖即刻覺得好滿足。呢次嚟南苑海鮮酒家真係開心，唔止係食物咁簡單，仲可以同同事慢慢傾吓計，氣氛又輕鬆，食得又唔急。如果鍾意食海鮮或者想試下傳統燒味，呢間真係值得推薦，肯定會再回頭！👍🏻

前幾日同朋友喺元朗行街, 行完我地就一齊去南苑海鮮酒家食晚餐。佢話食過相當唔錯!呢間餐廳非常大，環境優美舒服，非常適合聚會用餐。姊妹話呢度嘅羊腩煲味道好，完全冇羊騷味。羊肉亦都煮得好香軟，湯汁入味，一人食一鍋都冇問題。而且仲放咗一份生菜，同羊肉一齊食，略帶清新。服務員推薦嘅龍蝦伊麵真係驚艷到我。龍蝦非常大隻，仲有住飽滿嘅蝦肉，非常鮮甜。加上濃郁嘅芝士味，滲透咗麵條，每一口都奶香四溢。印象最深刻嘅就係佢哋嘅特色元朗楊氏烏頭，魚味非常香甜，加上特配嘅醬汁，微微帶一啲酸，好開胃，成道菜就係鮮香無比。拔絲咕嚕肉嘅品質亦都一流，菠蘿唔會太重，但係為咕嚕肉增添咗前所未有嘅香氣，清甜之餘仲會回甘，真係好好味。姊妹非常推薦佢哋嘅臘味炒芥蘭，有肉有菜，臘味獨有嘅香氣亦都炒進咗芥蘭入面，食住好香。從此我哋就非常鍾意呢度，亦都好推薦呢度！