影片
电话号码
29979196
营业时间
今日营业
11:00 - 23:00
星期一至六
11:00 - 23:00
星期日
10:00 - 23:00
以上资料只供参考，请与餐厅确认详情
每年做冬，冬至大過年，過咗冬至屋企人食飯，去咗南華體育會，嘅中菜廳，叫做（南華閣中菜廳），今次食飯，頭盤有個我唔記得咗叫乜嘢名，所以我用花生脆脆菜去形容，因為食落去，有花生粒，個蔬菜都係最脆口的，味道唔錯，感覺有燒汁味，都幾特別，跟住呢兩個餸，我每次都會叫的，第一個就係即燒BB豬仔，超好食，皮脆肉嫩，啲皮真係脆波波，提提大家，記得訂位嘅時候，要預早叫定，因為佢真係即刻燒㗎，我第一次嚟嘅時候，由於沒有訂，所以足足等咗45分鐘，但係都值得，因為真係好好食，第二個就係花雕蛋白雞油蒸花甲海蟹，超鮮甜，呢個都係要預早訂定，嗰啲經理講，因為都係每日新鮮入貨，務求個效果整出嚟新鮮，所以又係要訂嘅，叫咗個九肚魚，依個九肚魚嘅做法，實在太好食，外脆內軟，師傅嘅手藝真的不錯，最後個經理介紹咗我哋食生煎韭菜餃，原來係冇得叫㗎，因為有個熟客訂左，師傅整多咗，所以叫我哋試吓，真係好好食，下次試吓我都訂先，呢度泊車都好方便，因為銅鑼灣每次我去食飯，搵車位都好難，這裏每次來即刻有車位，所以值得介紹俾大家，同埋呢間中菜廳，成日都有新菜式，所以我每次定位，幫我問吓有冇啲新嘅介紹俾我，咁有心機嘅中菜廳師傅，所以真的想介紹多啲俾大家人試吓，另外我都叫咗呢度，我成日叫嘅蜜糖脆燒鱔，同埋脆皮素鵝，不過唔記得影相，但都好好味，保持到上次嘅水準！
继续阅读
今日去銅鑼灣行街街，跟住走去大球場參觀一下比賽氣氛去，睇睇網上開飯，見到南華體育中心，有一間中菜廳，俾評語唔錯，走去試下，食左幾度菜，真係幾好味，所以我都在這裡介紹俾朋友，首先食咗一個炭燒鹿兒島叉燒，一碟有八件，食完之後，喺好好味，大個女都未試過咁好嘅叉燒，跟住部長介紹左我食琵琶蝦，清蒸做法好鮮甜，跟住食咗啲點心，心質素都唔錯，下次一定都會再嚟，跟住仲食左兩個小菜，一個叫做鹵水鴨舌春蛋，同埋一個蒜香猪手
继续阅读
南華閣 South China Restaurant✨✨銅鑼灣南華會係朋友聚會的好地方，😝發覺原來有間南華閣中菜廳，估唔到點心水準不錯！酒樓地方大，食物質素好，第一次嘗試菠蘿焗叉燒包，新奇好食，外脆內軟，值得一試。😍😍😍食物：菠蘿焗叉燒包（必試）+蝦餃+燒賣+冰燒三層肉+蝦仁炒飯推薦指數: 8/10南華閣 South China Restaurant地址： 南華體育會 中心(高座)UB及B樓, Caroline Hill Rd, Causeway Bay價錢：$400以上#銅鑼灣美食 #hkfoodie #hkfood #food #美食推薦 #美食推介 #香港美食 #銅鑼灣 #hkig ＃南華會 ＃南華會美食
继续阅读
在南華體育會的茶樓：南華閣1️⃣ 合桃包，一種未曾在別的酒樓見過的點心，有合桃味，小甜，個餡係有合桃醬加啲碎合桃，感覺很好又養生2️⃣ 炸奶又亦做得出色3️⃣ 麵醬茄子蝦乾蒸陳村粉另外乾炒福建飯真的值得一試，未見過福建炒飯是乾炒的，鹹甜適中，連平時唔食飯的細路也食了幾碗，仲要追加😋大家都是第一次來食，個個都話啲嘢好食，要再來。個場夠大，枱與枱中間亦多空位。小點$30， 中點$35，大點$42，特點$48， 頂點$52炒粉、麵、飯～$188
继续阅读
一行多人，預訂了這家酒樓品茗。它地方寛闊，餐桌之間距離遠而環境不嘈雜。 點心種類不算少，價錢分別是小點$30、中點$35、大點$42、特點$48及頂點$52。 我們點了多款不同種類的食物，重點介紹如下: 南華蝦餃皇 (頂點) 飲茶必吃的，表皮薄而通透，蝦肉爽口彈牙，質素不俗。 大蝦燒賣皇 (特點) 表面一隻大蝦，有如其名，底下豬肉肥瘦適中。 潮州粉果 (中點) 內裡菜粒、白蘿蔔和花生粒爽脆，有嚼勁而味道亦有層次。 灌湯小籠包 (大點) 表皮滑溜，內裡湯汁豐富而味道甜美，豬肉鬆化。 翡翠鮮蝦腸粉 (頂點) 一整條長長的腸粉，切開六件，腸粉充滿米香，每一件均填滿蝦肉，很有飽肚感。 蜜汁叉燒皇 ($128) 叉燒色澤紅潤，泛起油光，入口鬆軟，蜜汁味甜美。 冰燒三層腩仔 ($108) 每一件都是表皮、油脂和瘦肉分明，外皮香脆，瘦肉不帶太多脂肪。 乾炒福建飯 ($188) 有別傳統的福建炒飯，它是沒有那濃稠的蠔油醬汁，而是把醬汁和飯粒炒乾了，口感變得有如揚州炒飯，十分特別，但配料仍有福建炒飯所包含的菜粒、雞肉粒和蝦仁。 賽螃蟹海皇燴伊麵 ($188) 這是另一道我們首次嚐到的炒粉麵，把賽螃蟹的蛋白汁再撈上伊麵，濕潤可口，配料有大量蝦仁以及嫰綠的西蘭花。 整體食物質素不俗，價廉物美，人均消費約$170，以這裡的食物質素及寛闊的環境，性價比算高。店內有充足的人手，服務員有效率及親切。
继续阅读
您可能会有兴趣的...